

Lajmet
51 të infektuar me COVID-19 në Shtëpinë e të Moshuarve
Published
5 years agoon
By
Betim Gashi51 të infektuar me COVID-19 në Shtëpinë e Personave të Moshuar në Prishtinë janë të evidentuar deri më tani. Kështu ka deklaruar në një intervistë për Ekonomia Online, drejtoresha Raze Aliçkaj, duke shtuar se të gjithë banorët rezidentë që jetojnë në këtë institucion janë në listë për të marrë vaksinën kundër Covid-19.
Aliçkaj tha se asnjë nga rastet e prekura me Covid-19 nuk ka përfunduar me fatalitet, si dhe gjendja e të moshuarve është stabile.
“Deri më tani gjithsej kanë qenë të infektuar 51 banorë rezidentë dhe një numër shumë i madh i stafit, por që fatmirësisht të gjithë e kanë kaluar mirë. Nuk kemi pasur raste të vdekjes nga COVID-19 as nga rezidentët dhe as nga stafi fatmirësisht, aktualisht është një gjendje shumë e mirë, nuk kemi të infektuar as nga rezidentët, por as nga stafi”, tha drejtoresha Aliçkaj.
Tutje, ajo thotë se nuk kanë pasur probleme me furnizim të barnave, duke shtuar se të gjitha kërkesat e këtij institucioni janë realizuar.
“Në kuadër të masave preventive, në fillim e kemi formuar Shtabin Emergjent i cili e ka kryer punën e vet, e cila i është caktuar brenda institucionit, furnizimi me medikamente ka qenë i mirë nuk kemi pasur probleme, për arsye se furnitori është i kontraktuar nga Ministria e Punës dhe Mirëqenies Sociale, me material mbështetës dhe mbrojtës jemi furnizuar nga Ministria e Shëndetësisë, dhe i kanë realizuar të gjitha kërkesat tona”, tha ajo për Ekonomia Online.
Nga gjithsej 65 banorë rezidentë sa janë, 38 gra dhe 27 burra, tashmë kanë hyrë në listën për t’u vaksinuar, kështu bëri të ditur Aliçkaj, e cila tha që banorët këtu po presin me padurim të vaksinohen.
“Ka qenë data 13 mars kur e kemi dërguar listën e banorëve të moshuar që presin për t’u vaksinuar, tash pas ardhjes së vaksinave ku aktualisht janë 65 rezidentë, prej tyre 38 femra e 27 meshkuj, dhe numri i punëtorëve është 52”, theksoi tutje ajo.
Tutje ajo theksoi se pandemia i ka shqetësuar mjaft shumë banorët në këtë Shtëpi.
“Shtëpia e Personave të Moshuar pa përkujdesje familjare, të gjithë e dimë që është një ndër institucionet më të ndjeshme në nivel vendi duke e pasur parasysh që banorët e saj janë në një moshë të shtyre dhe i shoqërojnë edhe sëmundjet e ndryshme kronike dhe kardiovaskulare. Në fillim neve pandemia na ka shqetësuar shumë, mirëpo jemi munduar që me një menaxhim të mirëfilltë bashkë me stafin të ia dalim, kemi dhënë shumë rekomandime, qe ta kuptojnë gjendjen serioze që është ende aktuale. Në fillim kemi pasur shumë vështirësi, sepse disa nuk e pranonin e disa e merrnin si jo shumë të rrezikshme, mirëpo kemi punuar për vetëdijesimin e tyre”, u shpreh drejtoresha.
Aliçkaj tregoi që gjatë pandemisë kanë kërkuar dhe staf vullnetar dhe praktikantë që të kenë më të lehtë punën dhe menaxhimin me të moshuarit sidomos gjatë përballjes me COVID-19.
“Kemi kërkuar vullnetarë dhe praktikantë, që të punojnë në një periudhë kohore për të na ndihmuar në kohë pandemie dhe mund të themi që kemi staf të mjaftueshëm. Por gjithmonë jemi munduar që ta zbusim situatën me pandeminë dhe ta ruajmë qetësinë, dhe besoj që kemi bërë një punë shumë të mirë”, përfundoi ajo.
You may like
Lajmet
Sot përfundon afati për regjistrimin dhe evidentimin e votuesve në hospitalizim dhe të burgosurit
Published
14 minutes agoon
October 2, 2025By
UBTnews
Komisioni Qendror i Zgjedhjeve (KQZ) njofton se është duke vazhduar periudha për regjistrimin dhe evidentimn e votuesve me nevoja të veçanta për votim në Zgjedhjet Lokale për Kryetarë të Komunave dhe për Kuvende Komunale, të cilët nuk mund të shkojnë në vendvotimin e tyre në ditën e zgjedhjeve.
Sipas KQZ-së, për të mundësuar votimin e personave me nevoja të veçanta, që do të regjistrohen gjatë kësaj periudhe, KQZ do të angazhojë ekipe mobile në çdo komunë të Republikës së Kosovës, në ditën e zgjedhjeve, më 12 tetor 2025, të cilët do të shkojnë në adresat e caktuara të votuesve të regjistruar.
“Votues në institucione konsiderohen votuesit me zotësi juridike, me lëvizje të kufizuar në ndonjë institucion: votuesit në hospitalizim, njerëzit e moshuar në shtëpitë e caktuara për të moshuarit, personat në trajtim në institucionet e shëndetit mendor, të burgosurit në burgje dhe të paraburgosurit në qendrat e paraburgimit”, thuhet në njoftim.
KQZ në bashkëpunim me institucione relevante bën evidentimin e këtyre votuesve.
“Votuesit me lëvizje të kufiziuar në institucione dhe të evidentuar prej tyre konsiderohen si votues të regjistruar, ndërkaq votuesit që ndodhen në institucione të hospitalizimit, shtëpitë e të moshuarëve dhe strehimoret për mbrojtjen e viktimave, mund të regjistrohen edhe individulisht përmes platformës elektornike”, thuhet në njoftim.
Sipas KQZ-së, votues me nevoja të veçanta, konsiderohen votuesit me zotësi juridike që nuk mund të dalin nga shtëpitë e tyre për të votuar personalisht në vendvotim, për shkak të paaftësisë fizike, shëndetësore ose çfarëdo paaftësie tjetër.
Regjistrimi i këtyre votuesve mund të bëhet përmes platformës elektronike ose fizikisht në Komisionin Komunal të Zgjedhjeve në komunën ku është votuesi.
Ndërkaq, votues në rrethana të veçanta konsiderohen votuesit që për shkaqe sigurie dhe votusit që janë në arrest shtëpiak nuk mund të votojnë në vendovitimin e tyre të caktuar.
“Regjistrimi i votuesve që për shkaqe sigurie nuk mund të votojnë në vendvotim bëhet përmes platfomës elektronike të KQZ-së si dhe duke kërkuar asistimin e Komisionit Komunal të Zgjedhjeve në komunën ku është votuesi, ndërkaq, KQZ në bashkëpunim me institucionet përkatëse bën evidentimin e qytetarëve me të drejtë vote që ndodhen nën masën e arrestit shtëpiak”, thuhet në njoftim.
Zgjedhjet lokale do të mbahen më 12 tetor./D.B/KP

Sot, reshjet e borës kanë mbuluar disa vende të Kosovës, veçanërisht bjeshkët e Sharrit, duke sjellë krijuar një peizazh të këndshëm për qytetarët dhe vizitorët e ndryshëm në këto vende.
Disa qytetarë kanë dërguar disa foto me borë në redaksinë tonë nga fshati Shajnë i Dragashit.
Në vendin tonë, sipas Institutit Hidrometeorologjik të Kosovës, temperaturat minimale sillen ndërmjet 1 dhe 3 gradë celsius, ndërsa ato maksimale ndërmjet 7 dhe 12 gradë celsius.
Në Prishtinë, moti po mban i vranët dhe me shi./D.B/KP
Lajmet
Mbyllet një rrugë në Hajvali deri më 24 dhjetor
Published
18 minutes agoon
October 2, 2025By
UBTnews
Rruga “Ulëzat” në Hajvali do të jetë e mbyllur deri më 24 dhjetor të këtij viti. Komuna e Prishtinës kanë njoftuar se mbyllje do të bëhet për shkak të punimeve ndërtimore nga Drejtoria e investimeve Kapitale dhe Menaxhimit të Kontratave.
Gjatë kohës sa do të jetë e mbyllur, nga komuna kanë thënë se do të sigurohet lëvizja e lirë e këmbësorëve dhe do të menaxhohet trafiku.
“Ju njoftojmë se për shkak të realizimit të punimeve ndërtimore nga Drejtoria e Investimeve Kapitale dhe Menaxhimit të Kontratave, rruga “Ulëzat” në Hajvali do të jetë e mbyllur përkohësisht dhe pjesërisht. Kjo masë do të zgjasë deri më 24.12.2025. Gjatë periudhës së mbylljes, do të sigurohet lëvizja e lirë e këmbësorëve dhe do të menaxhohet trafiku në mënyrë që të minimizohet pengesa për qarkullim. Faleminderit për mirëkuptimin tuaj!”, thuhet ne njoftimin e Komunës./D.B/EO
Lajmet
Osmani e thotë qartë për sulmin serb në Banjskë: Zero përgjegjësi, është koha që BE të veprojë
Published
21 minutes agoon
October 2, 2025By
UBTnews
Presidentja e Kosovës, Vjosa Osmani, nga Kopenhaga ka rikujtuar se u bënë dy vjet nga sulmi terrorist i Serbisë në veri të vendit, duke kritikuar Bashkimin Evropian se ende nuk ka ndërmarrë asnjë hap konkret për të kërkuar përgjegjësi.
“Posa shënuam 2-vjetorin e agresionit serb në shtetin tim, në veri të vendit tim. Bashkimi Evropian në vazhdimësi ka bërë thirrje për përgjegjësi, por deri tani kemi zero rezultate. Është koha për të vepruar në atë që thuhet – ‘walk the talk’,” deklaroi Osmani para mediave.
Më tutje, ajo theksoi se sot dy janë kërcënimet kryesore të sigurisë për vendet e kontinentit Rusia dhe, në rajonin e Ballkanit, Serbia.
“Ka nevojë për konsistencë nga BE-ja. Nuk mund ta trajtosh njërën si agresore e diktatore, e tjetrën si partnere për paqe,” tha Osmani, duke shtuar se Serbia po ndjek modelin rus në raport me fqinjët e saj.
E pyetur se cili përbën rrezikun më të madh për Kosovën, ajo u shpreh se është kombinimi i të dyjave. “Serbia i ka trajtuar fqinjët si shtete joekzistente, si shtete të përkohshme, ndaj të cilave vepron me agresion. Është kopje e lojës ruse, e për fat të keq, e mbështetur nga vetë Rusia. Rusia flet për ‘botën ruse’, Serbia për ‘botën serbe’ – duke përdorur të njëjtat metoda,” tha Osmani.
Presidentja paralajmëroi gjithashtu se Ballkani nuk njeh boshllëk ndikimi dhe se nëse mungon ai perëndimor, hapësira shfrytëzohet nga fuqitë me interesa të dëmshme.
“Në rajon gjithmonë ka ndikime. Nëse nuk është ai perëndimor, janë fuqitë e trekëndëshit të së keqes, Rusia, Kina dhe Irani. Ata nuk vijnë për bamirësi, por për interesa strategjike. Prandaj, është thelbësore që procesi i zgjerimit të BE-së të ecë përpara, duke marrë parasysh ato vende që përmbushin kriteret dhe që punojnë për vlerat mbi të cilat qëndron BE-ja,” përfundoi Osmani./D.B/EO

49 kg më pak në 9 muaj, pa operacione, pa injeksione

Sot përfundon afati për regjistrimin dhe evidentimin e votuesve në hospitalizim dhe të burgosurit

Bora mbulon bjeshkët e Sharrit

Mbyllet një rrugë në Hajvali deri më 24 dhjetor

Osmani e thotë qartë për sulmin serb në Banjskë: Zero përgjegjësi, është koha që BE të veprojë

Osmani në Kopenhagë për Samitin e Komunitetit Politik Evropian

Numri i të vdekurve nga tërmeti në Filipine rritet në 72

Shtëpia e Bardhë thotë se shkurtimet e vendeve të punës janë ‘të afërta’ pa asnjë fund të mbylljes së punës në horizont

Edhe një ditë kohë për të aplikuar subvencionim të teksteve shkollore
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet4 weeks ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën