Kulturë

5 teknika të agjentëve të CIA-s për të ndërtuar një raport të mirë me kolegët e punës

Gjeni mënyra për t’u bërë individë të plotësuar.

Published

4 years ago

on

Të pasurit e kolegëve që besojnë tek ju është themeli i suksesit në vendin e punës. Pa të, kolegët tuaj mund të hezitojnë t’ju mbështesin ju apo idetë tuaja. Besimi – ose mungesa e tij – mund të bëjë diferencën mes përmbushjes së qëllimeve tuaja dhe dështimit të tyre.

Në një raport të publikuar së fundmi në Harvard Business Review, një ish- analiste e Agjencisë Qendrore të Inteligjencës Amerikane (CIA), tregon disa nga rregullat kryesore të ndjekura nga agjentët e CIA-s për të pasur një marrëdhënie kuptimplotë dhe produktive me kolegët e tyre.

Gjeni mënyra për t’u bërë individë të plotësuar.

Në mënyrë që të keni mundësi të flisni për tema të ndryshme me të tjerët, fillimisht ju duhet të vendosni për interesat dhe cilësitë tuaja si individë. A ka diçka që keni dashur gjithnjë ta mësoni? Në botë, ka mënyra të pafundme për të mësuar një aftësi të re duke ndjekur klasa nga njerëz në të gjithë botën, pa qenë nevoja të dilni nga dera e shtëpisë. Nga një MasterClass për ekonominë, tek kurset e qepjes apo gatimit e deri tek klubet e librave virtual, lista vazhdon.

Fokusimi tek gjetja e kohës pas pune për t’iu dedikuar një interesi që e keni lënë pas dore, ju ndihmon të ndërtoni personalitetin tuaj. Edhe pse mund të jetë e vështirë të gjesh kohë kur mendon të gjithë streset e punës dhe preokupimet në shtëpi, vendosja e një rutine dhe mbajtja e një agjende, janë hapat e parë drejtë realizimit të çdo lloj projekti.

Mos u shtirni.

Ndërtimi i besimit është tejet i vështirë nëse nuk jeni autentik. Kur jeni në hapat e para të ndërtimit të një marrëdhënieje në punë, mundohuni të gjeni tema të përbashkëta për të cilat jeni vërtetë të interesuar, jo të shtireni. Nëse nuk gjeni dot mënyrën se si të kuptoheni me dikë – provoni të mësoni diçka rreth interesave të tyre. Vendosja e vetes në pozicionin e studentit, dhe e personit tjetër në rolin e mësuesit mund të jetë një taktikë mjaft e mirë për të ndërtuar besim në një mënyrë shumë më të vërtetë.

Dëgjoni.

Kur po ndërtoni një raport me dikë, kujtohuni se në përgjithësi, njerëzve u pëlqen të flasin për veten dhe interesat e tyre. Është OK të flasësh edhe për veten – dhe do t’ju duhet ta bëni këtë në mënyrë që të ndërtoni raporte, por bëjeni në një mënyrë që i jep edhe bashkëbiseduesit hapësirë për të ndarë mendime me ju.

Jep që të marrësh.

Në mënyrë që të fillojmë një bisedë, shpesh na duhet të ndajmë ndonjë informacion personal që t’ia bëjmë edhe të tjerëve më të lehtë të flasin për veten. Kjo është një teknikë që CIA i mëson agjentëve gjatë fazës së trajnimit, rreth ndërtimit të raporteve me objektivët e inteligjencës. Por kjo taktikë është po aq e rëndësishme në marrëdhëniet e biznesit. Nëse po shpresoni që një koleg t’ju hapet për diçka, ndërtojeni bisedën në një mënyrë që edhe ju ndani me ata një situatë të ngjashme. ‘Jep që të marrësh’ është një teori po aq e rëndësishme në aspektin e arritjes së kompromiseve gjatë negociatave siç është edhe një mënyrë e mirë për të thyer akullin me një koleg.

Mbani shënime.

Njësoj si agjentët e CIA-s mbajnë një ditar kur shkruajnë raportet pas takimeve të tyre, konsideroni edhe ju të mbani shënime rreth gjërave që mësoni rreth njerëzve apo që ju bëjnë përshtypje në përgjithësi. Të shkruarit, dhe mbajtja e një ditari apo blloku ku planet dhe dëshirat bëhen realitet me anë të një plani të detajuar pune, ka qenë gjithnjë, një prej karakteristikave të njerëzve më të suksesshëm në botë.

Bazuar në një artikull nga ish-analistja e inteligjencës në CIA dhe autorja, Kristina Hillsberg.

Related Topics:
Continue Reading

Kulturë

5 libra shqiptarë që nuk duhet t’i humbisni këtë pranverë

Published

10 hours ago

on

March 17, 2026

By

Pranvera ka ardhur me aromë të librave të rinj dhe klasikëve që nuk humbasin kurrë vlerën e tyre. Për lexuesit shqiptarë që duan të eksplorojnë histori, emocione dhe kulturë, këto pesë vepra janë zgjedhja perfekte për muajin e parë të pranverës.

“Gjenerali i Ushtrisë së Vdekur” -Ismail Kadare
Një kryevepër që përshkruan pushtetin dhe luftën në mënyrë alegorike dhe universale.

“Komisari Memo” – Dritëro Agolli

Një roman i mbushur me humor, ironik dhe reflektues mbi jetën në Shqipërinë e viteve të kaluara.

“Lulet e ftohta” – Fatos Kongoli

Një portret i thellë i izolimit dhe sfidave të individit në një shoqëri të shtypur.

“Netë shqiptare” – Mitrush Kuteli

Tregime të shkurtër që japin pamje autentike të zakoneve dhe jetës shqiptare.

“Hasta La Vista” – Petro Marko

Një roman aventurash dhe luftë që tregon shqiptarët në kontekste ndërkombëtare.

Këto pesë libra janë një mundësi e shkëlqyer për të rifreskuar bibliotekën tuaj dhe për të eksploruar kulturën shqiptare nga perspektiva e autorëve më të njohur. Mos i lini pa lexuar këtë pranverë!

Continue Reading

Kulturë

Kadare dhe kryevepra që përfaqëson Shqipërinë në botë

Published

10 hours ago

on

March 17, 2026

By

Në hartën e letërsisë shqiptare, disa emra dallojnë si drita udhërrëfyese për kulturën dhe historinë tonë. Ndër këta, Ismail Kadare është padyshim figura që ka vendosur standardin më të lartë. Vepra e tij “Gjenerali i Ushtrisë së Vdekur” nuk është thjesht një roman historik, është një pasqyrë e thellë e pushtetit, luftës dhe ekzistencës njerëzore. Ky libër i kapërceu kufijtë e kohës dhe vendit, duke sjellë zërin e Shqipërisë përtej maleve dhe lumenjve të saj, dhe duke e vendosur letërsinë shqiptare në skenën ndërkombëtare. Për çdo lexues që kërkon të kuptojë shpirtin e shqiptarëve dhe kompleksitetin e historisë së tyre, ky roman mbetet një pikënisje e domosdoshme.

Gjenerali i ushtrisë së vdekur është një roman, autori i të cilit është Ismail Kadare. Romani zhvillohet rreth një gjenerali italian, i cili është dërguar në Shqipëri për të gjetur eshtrat e ushtarëve të rënë italian gjatë kohës të pushtimit të Shqipërisë. Detyra kryesore e gjeneralit është kërkimi dhe gjetja e eshtrave të një koloneli, i cili u zhduk pa gjurmë në një fshat të vogël shqiptar.

Rrethanat e zhdukjes të kolonelit e ndërlikojnë shumë situatën. Pas shumë mundimeve të kota, eshtrat a kolonelit nuk u gjetën.Gjenerali hedh ato eshtra ne humnere dhe nga ai moment prish raportet me priftin. Si përfundim gjenerali është i mundur në detyrën e tij, dhe në një moment dobësie vendos të maskojë eshtrat e pagjetura të kolonelit me eshtrat e një të panjohuri.

Continue Reading

Kulturë

‘Butësia kontrollon fortësinë’, ekspozita që sjell në art disiplinën e vajzave të xhudos

Published

1 day ago

on

March 16, 2026

By

Të premtën, në ambientet e Bibliotekës Kombëtare e Kosovës, u hap ekspozita “Butësia kontrollon fortësinë”, një projekt artistik i realizuar nga artistet vizuale Anais Horn dhe Verena Walzl, nën kurimin e Blerta Hoçia. E vendosur në hollin e ekspozitave të bibliotekës, ekspozita ofron një reflektim të ndjeshëm mbi raportin mes butësisë dhe forcës, duke përdorur gjuhën e artit bashkëkohor për të eksploruar tema si identiteti, disiplinë dhe fuqia e brendshme.

Holli kryesor i bibliotekës është transformuar përmes një instalacioni vizual ku fotografi të mëdha, të printuara në materiale transparente, varen lirisht dhe shfaqin vajza të reja që praktikojnë xhudo, sport ky që është bërë një simbol i njohur i suksesit sportiv të Kosovës në vitet e fundit.

Instalacioni vazhdon në dyshemenë e sallës, ku disa monitorë shfaqin video të ushtrimeve të përditshme të vajzave gjatë stërvitjeve. Këto pamje dokumentojnë disiplinën, përkushtimin dhe ritmin e vazhdueshëm të përgatitjes fizike, duke afruar publikun me procesin e padukshëm pas forcës që shfaqet gjatë garës.

Një element i veçantë i ekspozitës është një pasqyrë e gdhendur me fjalët dhe shprehjet që vajzat përdorin gjatë stërvitjeve, duke krijuar një përvojë që ndërthuret me imazhin dhe energjinë e aktivitetit sportiv.

Përmes fotografisë, videos dhe instalacionit, ekspozita nxjerr në pah kontrastin dhe harmoninë mes butësisë dhe forcës, duke treguar se si këto vajza ndërtojnë një formë të veçantë fuqie -një forcë që buron nga disiplinë, kontroll i trupit dhe përkushtim i përditshëm – dhe sfidon stereotipet tradicionale mbi feminitetin dhe fuqinë fizike.

Foto:Flonja Haxhaj

Continue Reading

Kulturë

Reprizat e “Gërrdia” në Teatrin Kombëtar të Kosovës

Published

1 day ago

on

March 16, 2026

By

Shfaqja fituese e konkursit të dramës origjinale shqipe “Katarina Josipi” 2023, “Gërrdia”, rikthehet me reprizat e saj më 16 dhe 17 mars 2026, duke filluar në ora 20:00, në Teatrin Kombëtar të Kosovës.

Autori dhe regjisori është Astrit Kabashi, ndërsa rolet interpretohen nga Bujar Ahmeti, Maylinda Kosumovic dhe Rebeka Qena.

Vëmendje: Gjatë shfaqjes do të ketë krisma armësh.

Continue Reading

Të kërkuara