Lajmet

5 shenja nëse një vend i punës është i pasigurt

Tani është koha që ta kuptoni e të merrni masa.

Published

3 years ago

March 19, 2022

UBT news

Nëse je ndalur ndonjëherë për ta pyetur veten “Sa i sigurt është vendi im i punës”, por pas shumë “kalkulimeve” përsëri keni përfunduar në hamendje, është koha që ta kuptoni e të merrni masa.

“Teprica”, quhet kështu kur roli yt në atë kompani nuk është më i nevojshëm. Kjo mund të ndodhë për shkak të teknologjisë, partneritetit ose drejtimeve të reja në vendin e punës. Kur kjo të ndodhë, një ose disa anëtarë të një kompanie mund të mos jenë më aq të kërkuar.

Raste të tilla po rriten, sidomos në turbulencat ekonomike, por nuk është domosdoshmërisht negative. Në fakt mund të jetë diçka pozitive nëse mendoni për të dhe nëse ndërmerrni hapa për të ndryshuar. Por, nëse jeni të shqetësuar rreth kësaj është mirë që t’i shihni këto 5 shenja.

Shenja të rënies së punës pa asnjë paralajmërim

Mund ta dini që është koha që të largoheni kur ka rënie të punës. Kjo madje është njëra ndër shenjat më kryesore, por sigurisht që nuk është e vetmja. Mund të jetë e mundshme që ka më pak punë aktive, por për disa ndryshime afatshkurta shembull, klienti është larguar ose kompania dëshiron që të ruajë para, por sidoqoftë gjendja, duhet të jeni të njoftuar rreth kësaj.

Nganjëherë kjo shenjë mund të jetë e vështirë që të vërehet. Nëse punoni në ekip shembull, vëzhgoni me kujdes nëse secilit anëtar po i shtohen punët dhe juve po ju pakësohen! Kjo është shenjë që duhet të ndërmerrni diçka.

Jeni anashkaluar për promovim

Imagjinoni sikur ka kohë që jeni pjesë e një kompanie dhe i keni mbledhur të arriturat për një ditë të caktuar. Ndiheni sikur keni më shumë potencial, se që jua lejon pozita aktuale. Duhet të jeni të shpërblyer me promovim, por atë nuk e merrni asnjëherë.

Dikur e keni marrë atë pozitë, por kjo nuk do të thotë që duhet të qëndroni përgjithmonë aty. Gjatë rrugëtimit keni marrë aftësi të reja dhe jeni të gatshëm të merrni edhe përgjegjësi të reja, prandaj nëse nuk e merrni asnjëherë promovimin e kërkuar – merituar, atëherë është koha që ta kërkoni diku tjetër.

Kur ju mbajnë jashtë

Kompania nuk ju fton më në takime të rëndësishme. Emri juaj thjesht “zhduket” nga dokumentet e brendshme, që dikur e kanë bërë. Nuk merrni më emaile të rëndësishme. Nuk ftoheni më në ngjarje sociale të kompanisë. Kolegët ju shmangin në zyre dhe gjatë pushimeve të drekës. Nëse kjo po ju ndodhë edhe juve, është koha ta kërkoni punëdhënës tjetër.

Kur kompania po ristrukturohet dhe njerëzit mund të lirohen

Kur të dëgjoni që kompania juaj po përballet me vështirësi financiare, ose është duke e riorganizuar strukturën, kjo është një shenjë e tepricës. Nëse dëgjoni që menaxheri i vjetër po largohet dhe po vjen një i ri, është po ashtu një shenjë e tepricës.

“Feedback” te varfër

Punonjësit kanë të drejtë nëse presin reagim konstruktiv nga punëdhënësi i tyre. Nëse nuk e merrni asnjë, kjo mund të jetë një shenjë që kompania po e përgatitë terrenin. Por nëse keni marrë “feedback” dhe ai ka qenë negativ, bisedoni për arsyet me menaxherin. Pyesni nëse ka ndonjë gjë që mund të behtë për ta rritur performancën. Por, nëse nuk ka fare është koha të mendoni edhe sa kohë duhet të qëndroni në atë vend pune. /Akademi Pune

Bota

Dronët rus godasin Kharkivin, 4 viktima dhe dhjetëra të plagosur

Published

3 hours ago

August 18, 2025

UBT News

Katër persona humbën jetën dhe 17 të tjerë u plagosën nga sulmet ruse me dron në qytetin lindor të Ukrainës, në Kharkiv edhe pas takimit Trump-Putin.

Sulmi vjen disa orë para takimit të paralajmëruar mes presidentit të SHBA Donald Trump dhe presidentit Ukrainas Volodymir Zelenksy në Uashington.

Edhe më herët Kharkiv ishte goditur me raketa balistike duke lënë të plagosur 11 persona.

Aktualitet

Komuna e Prishtinës refuzon kërkesën ndaj autobusëve të Podujevës

Published

4 hours ago

August 18, 2025

UBT News

Komuna e Prishtinës, në bashkëpunim me Policinë e Kosovës, ka ndaluar kthimin e autobusëve të Podujevës nga Xhamia e Llapit, duke theksuar se kjo nuk do të lejohet si pikë kthimi. Drejtori i Mobilitetit në Komunën e Prishtinës, Donat Lushaku, tha se kërkesa e Shoqatës së autobusëve të Podujevës për ta bërë kthimin në këtë lokacion është e papranueshme për komunën.

Lushaku tha se Shoqata e autobusëve e kishte paralajmëruar grevën para dhjetë ditësh dhe se për këtë kishte pasur një takim të premten me policinë. Ai tha se policia e kishte konfirmuar se greva mund të mbahej si e drejtë ligjore dhe kushtetuese, por pa penguar qarkullimin.

“Shoqata e autobusëve të Podujevës e pat paralajmëruar para 10 ditësh këtë grevë. Ne kemi pasur një takim ditën e premte në polici bashkë me të njëjtit dhe ju kemi dhënë disa propozime për ta zgjidhur situatën. Ndërkohë, policia ju ka konfirmuar atyre madje edhe me vendim me shkrim, siç kemi marrë informacion sot se greva mund të zhvillohet, sepse është e drejtë kushtetuese dhe ligjore. Mirëpo, nuk mund të ketë pengesë në qarkullim të komunikacionit, që nënkupton se sikurse herën e kaluar autobusët nuk mund të qëndrojnë për ta bllokuar ndonjërin nga shiritët, siç ka qenë rasti i mëhershëm te Komuna apo edhe tash siç është bërë bllokimi tek lagja Top Hane”, tha ai.

Ai bëri të ditur se masat e marra nga komuna bashkë me policinë kanë qenë largimi i tabelave të autobusëve dhe shqiptimi i gjobave.

“Masat që i kemi marrë si komunë bashkë me policinë ka qenë largimi i tabelave të atyre autobusëve, pastaj shqiptimi i gjobave nga ana e policisë. Ne e kemi arritur një marrëveshje paraprake me ta që ata të hyjnë në qytet nga Kodra e Trimave, të vazhdojnë tek shkolla Model, tek rruga Zagrebi, të vazhdojnë tek stacioni i autobusëve, të kthehen në këtë rrugëtim, e të njëjtin ta përfundojnë duke shkuar në Podujevë. Por të njëjtit në disa raste nuk e kanë respektuar, madje edhe disa hyrje-dalje në Stacionin e autobusëve nuk i kanë bërë ashtu siç është paraparë, por ka më pak hyrje-dalje se sa që duhej të ishin. Andaj ne shpresojmë dhe jemi edhe për dialog, kuptohet në mirëkuptim me ta me idenë që të vazhdohet kjo formë e marrëveshjes e jo të hyhet në qytet dhe të ketë kthim nga i ashtuquajtura stacioni tek Xhamia e Llapit”, tha ai.

Lushaku tha se komuna është e hapur për dialog me Shoqatën e autobusëve, por vetëm në kuadër të marrëveshjes ekzistuese.

Ai shtoi se një tjetër kërkesë e Shoqatës ka qenë që dy nga linjat e kontraktuara të komunës të mos shkelin në territorin e Podujevës, çështje që duhet të diskutohet mes dy komunave.

Aktualitet

Publikohet aktgjykimi i plotë i Gjykatës Kushtetuese për Kuvendin

Published

4 hours ago

August 18, 2025

UBT News

Gjykata Kushtuese e Kosovës ka publikuar aktgjykimin e plotë lidhur me bllokadën në Kuvend. Masa e përkohshme është mbajtur në fuqi deri në publikimin e aktgjykimit dhe publikimit të tij në Gazetën Zyrtare.

Aktgjykimi i plotë:

“Gjykata vendosi: TË URDHËROJË, me 6 [gjashtë] vota për dhe 1 [një] kundër, Kryesuesin e Seancës Konstituive të Kuvendit të Republikës së Kosovës të vazhdojë me pikën 3 të rendit të ditës së Seancës Konstituive, të miratuar më 8 prill 2025, dhe në pajtim me paragrafin 2 të nenit 67 [Zgjedhja e Kryetarit dhe Nënkryetarëve] të Kushtetutë së Republikës së Kosovës, të ftojë përfaqësuesin e grupit më të madh parlamentar për të propozuar kandidatin/en për Kryetar/e të Kuvendit të Republikës së Kosovës, i/e cili/cila zgjedhet përmes votimit të hapur, votimi i cili mund të realizohet vetëm deri në 3 (tre) herë për kandidatin/en e njëjtë”, thuhet në aktgjykimin e Kushtetueses të publikuar sot.

Gjykata Kushtetuese tha se deputetët e zgjedhur të Kuvendit të Kosovës nuk e kanë zbatuar Aktgjykimin e 26 qershorit 2025 dhe rrjedhimisht të gjitha seancat e mbajtura nga data 27 qershor deri më 26 korrik 2025 shpallen të pavlefshme.

Gjithashtu, gjykata tha se Kryesuesi i Seancës Konstituive të Kuvendit të Republikës së Kosovës, nuk ka vepruar në pajtueshmëri me Aktgjykimin e Gjykatës Kushtetuese të Republikës së Kosovës në rastin KO124/25, të 26 qershorit 2025 dhe rrjedhimisht veprimet e tij janë në papajtueshmëri me paragrafin 1 të nenit 116 [Efekti Juridik i Vendimeve] të Kushtetutës së Republikës së Kosovës.

Aktualitet

Krasniqi: PDK do ta dërgojë në Kushtetuese vendimin e ZRRE-së për të mbrojtur bizneset

Published

4 hours ago

August 18, 2025

UBT News

Partia e Demokratike e Kosovës (PDK) paralajmëron se gjatë kësaj jave do të dërgon në Gjykatën Kushtetuese vendimin e Zyrës së Rregullatorit për Energji, vendim ky i cili detyron mbi rreth 1 mijë e 400 biznese të dalin në të ashtuquajturin treg të lirë të energjisë.

Kryetari i PDK-së, Memli Krasniqi ka shkruar në Facebook se në konsultim me avokatin Faton Fetahu dhe ekipin e juristëve të PDK-së, kemi konstatuar se tashmë janë përmbushur të gjitha kushtet ligjore që ky vendim i ZRRE-së të ankimohet në Gjykatën Kushtetuese, gjë që do ta bëjmë gjatë kësaj jave.

“Ne do të kërkojmë masë të përkohshme, në mënyrë që ky vendim i dëmshëm të mos zbatohet deri në shqyrtimin përfundimtar të çështjes”, ka shkruar Krasniqi.

Ai ka thënë se që nga fillimi PDK është angazhuar me vendosmëri për ta ndalur ZRRE-në nga zbatimi i vendimit të saj të padrejtë, i cili i detyron mbi 1,300 biznese të dalin në të ashtuquajturin “treg të lirë” të energjisë – në kohën kur vetë ZRRE-ja nuk ka krijuar as kushtet minimale për një gjë të tillë.

“Këtë betejë e nisëm në gjykatat e rregullta, duke përdorur çdo mjet juridik në dispozicion. Por, edhe pse provat ishin të qarta dhe pasojat për ekonominë e vendit evidente, Gjykata Themelore e refuzoi kërkesën tonë, ndërsa Gjykata e Apelit e legjitimoi këtë refuzim, duke i hapur rrugë zbatimit të vendimit të ZRRE-së”, shkruan ai.

Sipas tij, ky nuk është vetëm një proces gjyqësor, por si një betejë për të mbrojtur biznesete e vendit.

“Është një betejë për të mbrojtur bizneset tona, ekonominë e vendit, punëtorët tanë dhe familjet e tyre nga një abuzim i pashembullt i pushtetit, i cili i ka detyruar qytetarët dhe ndërmarrjet të blejnë energji me çmime 280% më të larta – vetëm për të mbushur xhepat e kompanive të licencuara nga qeveria”.

Ai po ashtu ka thënë se PDK do të jetë deri në fund në krah të ndërmarrësve dhe qytetarëve të Kosovës, për ta ndalur këtë padrejtësi të madhe dhe për të mbrojtur interesin publik.

Ndryshe, nëntëdhjetë për qind e bizneseve janë shkyçur më 16 gusht nga furnizimi me energji elektrike, ndërsa pjesa tjetër e mbetur do të shkyçen gjatë ditëve të ardhshme.

Dhoma e Tregtisë dhe Industrisë Kosovë përmes një reagimi ka thënë se procesi ka një mori shkeljesh ligjore dhe procedural, derisa ka apeluar Qeverinë e Kosovës dhe ZRRE-në që të pezullojnë menjëherë zbatimin e vendimit dhe të hapin një proces të rishqyrtimit transparent.