Herën tjetër kur blini rroba të reja, hidhni për pastrim, pasi nuk rekomandohet që t’i vishni ato menjëherë pasi t’i keni blerë.

Duhet të keni durim e vendosni në lavatriçe para se t’i vishni dhe arsyet janë të shumta.

Shumë njerëz e kanë veshur një gjë në dyqan dhe ndoshta ka pasur disa njerëz para jush e kanë provuar atë. Për shkak të kësaj, rrobat ndoten shumë shpejt, pasi ato mbulohen me djersën dhe bakteret e disa njerëzve të ndryshëm.

Përveç kësaj, ka persona të tillë që i hedhin rrobat nëpër dysheme edhe kur janë në dhomën e zhveshjes, që do të thotë se rrobat kanë qenë në dyshemenë e ndotur dhe me pluhur kur ju i vishni.

Kimikatet – Arsyeja më e madhe pse duhet të lani rrobat tuaja të reja është për shkak të substancave kimike me të cilat trajtohen rrobat.

Prodhuesit i përdorin kimikatet për t’u siguruar që rrobat të mos rrudhen aq shumë kur janë në rrugë nga fabrika për në dyqane dhe ndihmon për të zmbrapsur parazitët në bordin e anijes ose kamionit të përdorur për transportin e rrobave.

Këto kimikate mund të shkaktojnë acarim mjaft të keq për lëkurën tuaj!

Irritimi – Keni lëkurë të ndjeshme? Duhet të lani gjithmonë rrobat e reja, sepse ato mund të përmbajnë formaldehid, i cili mund të shkaktojë njolla të kuqe dhe skuqje. Rrobatu mund të kenë një erë kimike rreth tyre. /UBT News/

Thuhet se gjumi është gjysma e shëndetit, që të mbushemi me energji gjatë ditës na duhen të paktën 6 deri në 8 orë relaksim. Edhe lëkura merr shkëlqim kur jemi të pushueshëm.

E, kjo arrihet më së miri në një shtrat komod. Edhe pse mund të jetë e papritur, mënyra se si flini mund të rezultojë në rrudha.

Të njohura edhe si linjat e gjumit, ato zhvillohen për shkak se fytyra juaj ndrydhet në një jastëk për orë të tëra çdo natë. Kjo jo vetëm që mund të shkaktojë ënjtje dhe fryrje, por mund të përforcojë linjat e imëta rreth syve, buzëve dhe madje edhe gjoksit.

Pra, çfarë duhet të bëni për ta parandaluar këtë?

Mënyra më e mirë është të flini me shpinë, problemi është se nuk jemi në kontroll të lëvizjeve tona kur jemi në gjumë, gjë që mund ta bëjë këtë një sfidë. Ka, për fat të mirë, shumë produkte në treg që mund ta bëjnë më të lehtë stërvitjen për ta bërë këtë. Gjithashtu ka jastëkë që e mbajnë kokën në pozicionin e duhur. /UBT News/

Nëse jeni të brengosur për rënien e flokëve, gjëja më e mirë që mund të bëni është të shmangni stilimin artificial. Tharësit e flokëve nuk e shkaktojnë rënien e flokëve e as parandalimin e rritjes së flokëve. Tharësit shkaktojnë dëme nëse jeni duke përdorur nxehtësi të madhe apo jeni duke e mbajtur për një kohë të gjatë nxehtësinë në rrënjët e flokëve.

Tharësin e flokëve duhet ta mbani tërë kohën në lëvizje në mënyrë që të shpërndahet nxehtësia, dhe kur është e madhe ndikon që rrënjët e flokëve të vdesin, ndërsa me kohën flokët nuk do të rriten nëse rrënja ka vdekur.

Duhet të keni parasysh se nuk është nevoja ta përdorni tharësin e flokëve çdo ditë, as shamponin, një këshillë që duhet ta aplikoni është ta kontrolloni nxehtësinë e tharësit. Mos e përdorni tharësin e flokëve në nxehtësi maksimale, por më të vogël të parandalohen dëmet.

Është e rëndësishme ta përdorni tharësen e duhur e cila mund të rregullojë temperaturën e ajrit dhe shpejtësinë e fryrjes. Tharësja do të duhej të përmbante të paktën edhe dy nivele, duke përfshirë edhe nivelin për temperaturë të ulët të ajrit. /UBT News/

Forca jonë e brendshme dhe besimi bazohen në frazat që i përsërisim vetes. Sipas kërkimeve psikologjike, terapistëve dhe psikologëve, këto fraza pasqyrojnë vlerat e rrënjosura thellë që prindërit na kanë transmetuar përmes edukimit.

Këto fjali të thjeshta tregojnë se si zëri i brendshëm mund të formësojë pikëpamjen tonë për veten dhe botën. Këtu janë frazat në fjalë.

“Unë mund të përballoj sfidat”

Fraza “Unë mund të përballoj sfidat” pasqyron një besim të fortë në aftësinë e dikujt për të përballuar situata të vështira. Psikologu Nick Wignall thekson se shumë njerëz gabimisht besojnë se motivimi është një dhuratë që vjen nga jashtë. Në realitet, motivimi dhe veprimi ushqejnë njëra-tjetrën – përballja me sfidat ndërton forcën e brendshme dhe të çon në një ndjenjë kënaqësie, shkruan YourTango.

Nëse e themi shpesh këtë frazë me vete, tregon se kemi mësuar të përballemi me vështirësi, edhe kur mungon motivimi. Prindërit tanë mund të na kenë mësuar të mos presim kushte ideale, por të ndërtojmë vetëbesimin tonë hap pas hapi përmes veprimit.

“Të vlerësoj”.

Kjo pasqyron ndjeshmërinë dhe aftësinë për të njohur vlerën e të tjerëve. Sipas hulumtimit të paraqitur në konferencën ” Mirënjohja dhe mirëqenia në punë” nga Mike Robbins, mirënjohja nuk është vetëm njohja e rezultateve, por edhe nxjerrja në pah e vlerës personale të një individi. Robbins shpjegon se shprehja e mirënjohjes ndërton marrëdhënie të forta ndërpersonale e kontribuon në një ndjenjë lidhjeje.

Nëse e përdorim shpesh këtë frazë, prindërit na mësuan rëndësinë e ndjeshmërisë dhe mirënjohjes. Kjo jo vetëm që pasuron marrëdhëniet tona me të tjerët, por gjithashtu forcon aftësinë tonë për të njohur mirësinë dhe vlerën në botën përreth nesh.

“I denjë për dashuri”.

Fraza “I denjë për dashuri” simbolizon besimin në vlerën e dikujt, pavarësisht nga rrethanat. Sipas studiueses Brené Brown , ndjenja e vlerës është çelësi për një jetë të plotë. Ajo thekson se dashuria për veten nuk varet nga suksesi apo miratimi i njerëzve tjerë, pranimi i vetvetes ashtu siç jemi është baza e të gjitha marrëdhënieve të shëndetshme.

Nëse e përsërisim këtë frazë, tregon se prindëri na mësuan pranimin dhe besimin e pakushtëzuar në vlerën tonë. Ky besim na ndihmon të ndërtojmë marrëdhënie të thella e të sinqerta, sepse dashuria për të tjerët fillon me dashurinë për veten tonë. /UBT News/