Sport

Yamal pret rinovimin e kontratës: Barcelona është klubi i jetës sime

Published

on

Lamine Yamal, talenti 17-vjeçar i Barcelonës, ka deklaruar se është gati të nënshkruajë një kontratë të re afatgjatë me klubin e tij të zemrës. Në një intervistë për “CNN Sport”, Yamal theksoi se rinovimi i marrëveshjes është vetëm çështje kohe.

“Unë nuk e di se kur do të firmoset kontrata, por besoj se do të ndodhë së shpejti. Barcelona është klubi i jetës sime. Shpresoj ta rinovoj kontratën time dhe të qëndroj këtu sa më gjatë që të mundem. Dua të luaj në kampionatin spanjoll dhe për Barçën, dhe po, do ta rinovoj kontratën time. Do ta bëj”, tha ai.

Kontrata aktuale e Lamine Yamal skadon në vitin 2026, por Barcelona ka nisur prej kohësh procesin për të siguruar qëndrimin e tij për një periudhë më të gjatë. Rinovimi i kontratës pritet të shoqërohet me kushte të përmirësuara, duke reflektuar rolin e tij të rëndësishëm në të ardhmen e klubit.

Lamine Yamal ka qenë një prej lojtarëve më të spikatur të Barcelonës këtë sezon, duke tërhequr vëmendjen e tifozëve dhe specialistëve me performancat e tij mbresëlënëse në fushë. Ai është një prej talenteve më të mëdhenj të akademisë së Barcelonës, dhe klubi e konsideron atë pjesë të pandashme të planeve për të ardhmen.

Me një përkushtim të qartë për të luajtur në La Liga dhe për të ndihmuar Barcelonën në arritjen e sukseseve të reja, Yamal duket i vendosur të ndërtojë një karrierë të gjatë dhe të ndritur në Camp Nou. Rinovimi i kontratës së tij do të jetë një lajm i mirëpritur për tifozët e Barcelonës, të cilët shohin tek Yamal një pasuri të madhe për klubin dhe futbollin spanjoll në përgjithësi./UBTNews/

 

Sport

Real Madrid i hapur për shitjen e Rodrygos – por vendimi i mbetet lojtarit

Published

on

E ardhmja e Rodrygo Goes te Real Madrid është e pasigurt, pasi klubi është i hapur ndaj mundësisë së largimit të sulmuesit brazilian.

Sipas Fabrizio Romano, një takim i drejtpërdrejtë midis përfaqësuesve të klubit e vetë lojtarit pritet të zhvillohet javën e ardhshme, ku do të merret një vendim përfundimtar. Burime pranë klubit konfirmojnë se nuk ka presion nga Real Madridi për ta larguar lojtarin, gjithçka varet nga dëshira e vetë Rodrygos.

Një element që ka ushqyer spekulimet për një largim të mundshëm është fakti që trajneri i ri Xabi Alonso nuk e ka përfshirë brazilianin në formacionin titullar në pesë ndeshjet e fundit.

Pavarësisht interesimit të raportuar nga klube të Ligës Saudite, Rodrygo nuk e sheh Arabinë Saudite si një opsion për të ardhmen. Përfaqësuesit e tij kanë mohuar çdo lloj kontakti me Al Nassr dhe theksojnë se fokusi është vetëm te transferimet brenda futbollit evropian.

Rodrygo, 24 vjeç, iu bashkua Real Madridit më 2019 nga Santos për 45 milionë euro. Deri tani, ai ka zhvilluar 270 ndeshje, duke shënuar 68 gola dhe dhënë 51 asiste me fanellën e “Los Blancos”. Sipas vlerësimeve të fundit nga Transfermarkt, ai ka një vlerë prej 90 milionë euro.

Continue Reading

Sport

Hendersoni largohet nga Ajaxi

Published

on

Ajaxi dhe Jordan Hendersoni kanë shkëputur kontratën. Kjo është bërë zyrtare të enjten nga klubi i madh holandez.

Anglezi Henderson kishte kontratë edhe një vit, por bëri kërkesë për ndërprerje të bashkëpunimit. Dhe kërkesa u aprovua nga Ajaxi.

Ai i ishte bashkuar Ajaxit në janar të vitit të kaluar nga skuadra arabe, Al-Ettifaq. Me skuadrën holandeze i bëri 57 paraqitje.

35-vjeçari luan në mesfushë, ndërsa ka bërë karrierë të gjatë te Liverpooli. Te skuadra e madhe angleze ishte prej vitit 2011 deri në vitin 2023. Më herët ishte edhe te Sunderlandi dhe Coventry City. Henderson është reprezentues i Anglisë, ndërsa i ka 84 paraqitje e tri gola.

Continue Reading

Sport

Arsenali nënshkruan me Christian Norgaard

Published

on

Klubi anglez, Arsenali ka njoftuar zyrtarisht nënshkrimin e mesfushorit të Brentford, Christian Norgaard.

Topçinjtë kanë vazhduar me përforcime në këtë afat kalimtar, pasi kanë konfirmuar tashmë edhe prurjen e tretë këtë verë.

Pas portierit Kepa Arrizabalaga dhe mesfushorit Martin Zubimendi, Arsenali ka konfirmuar edhe transferimin e Norgaard nga Brentford.

“Jemi të kënaqur të njoftojmë se reprezentuesi i Danimarkës, Christian Norgaard, është bashkuar me klubin”, thuhet në njoftimin e Arsenalit.

Marrëveshja raportohet të jetë me vlerë të garantuar 10 milionë funte plus 2 milionë funte tjera bonuse që lidhen me performancën.

Norgaard do të veshë fanellën me numër 16 dhe do të bashkohet menjëherë me shokët e tij të rinj të ekipit për ndeshjet para-sezonale.

Continue Reading

Sport

Kosova me pozitën më të mirë ndonjëherë në renditjen e FIFA-s

Published

on

By

Përfaqësuesja e Kosovës në futboll është ngritur në pozitën e 95-të në renditjen e FIFA-s.

Është kjo pozita më e mirë që Kosova ka pasur ndonjëherë.

Federata Ndërkombëtare e Futbollit të enjten publikoi renditjen e re, ndërsa ka shkruar se Kosova dhe Kanadaja kanë pozitat më të mira që kanë pasur ndonjëherë.

Në krahasim me renditjen e kaluar, Kosova ka avancuar për dy pozita. Ndërkohë Kanadaja renditet e 28-ta dhe po ashtu ka avancuar për dy pozita.

Kosova në qershor fitoi miqësoret me Armeninë dhe Komoret. Ndërkohë në mars kishte fituar dy ndeshjet e plejofit të Ligës së Kombeve ndaj Islandës.

Argjentina mbetet e para në ranglistë, e pasuar nga Spanja, Franca, Anglia e Brazili. Dhjetëshen e parë e kompletojnë Portugalia, Holanda, Belgjika, Gjermani dhe Kroacia.

Ndërkohë Shqipëria ka rënë për dy pozita dhe tani është e 68-ta.

Renditja e kaluar e FIFA-s ishte publikuar më 3 prill. Renditja e re publikohet më 18 shtator.

Continue Reading

Të kërkuara