Shëndeti

4 mënyrat se si ndikon vetmia në shëndetin e trurit

Ndjenja e vetmisë mund të na bëjë më të prirur të përqendrohemi në anët negative të një situate.

Publikuar

Të gjithë me shumë gjasa e dimë se sa e dhimbshme mund të jetë vetmia. Një përqafim apo një fjalë e ngrohtë në ditët më të vështira, mund të jetë ajo që ndonjëherë na mungon më së shumti.

Gjatë historisë njerëzore, ne na është dashur të mbështetemi tek njëri-tjetri për të mbijetuar, qoftë kjo për t’u mbrojtur nga kërcënimet fizike apo nga nevoja për të jetuar në komunitet.

E sipas ekspertëve të shëndetit mendor, ne në përgjithësi ndihemi më të sigurt kur ndjejmë se nuk jemi vetëm. Dhe kur ndjesia e vetmisë bëhet kronike ose rëndohet, efektet mund të jenë shumë të dëmshme për shëndetin. Ne mund të ndihemi të kërcënuar fizikisht dhe kjo ndërhyn në aftësinë e të menduarit dhe perceptimin tonë.

Më poshtë AgroWeb.org ju njeh me katër mënyra se si vetmia mund të ndikojnë në të menduarit, perceptimin dhe mirëqenien tonë.

Vetmia mund të shkaktojë ‘dëshira’ për shoqëri aq të forta sa uria ose etja

Studiuesit thonë se vetmia shkakton përgjigje nervore në tru të ngjashme me aktivitetin që ata shohin kur njerëzit janë të uritur dhe duan ushqim.

Studime të tjera kanë sugjeruar se kur ndihemi të vetmuar, zonat e trurit të lidhura me ndjenjat e pasigurisë dhe stresit ndizen. Pas një shqyrtimi mbi këtë temë, kërkuesit besojnë se këto sinjale na paralajmërojnë se duhet të kthehemi në lidhjet tona shoqërore. Vetmia nuk është vetëm një gjendje e keqe, është një sinjal se diçka mungon dhe se duhet të veprojmë.

Vetmia mund të na bëjë më armiqësorë dhe pesimistë

Ndjenja e vetmisë mund të na bëjë më të prirur të përqendrohemi në anët negative të një situate. Kjo sipas ekspertëve, ndodh sepse truri aktivizohet më shumë në përgjigje të stimujve negativë sesa nxitësve pozitive.

Kështu të menduarit në mënyrë negative kthehet në një rreth vicioz, ku personat që ndihen të vetmuar mund të shfaqin më tepër agresivitet. Agresiviteti apo armiqësia është një mekanizëm mbrojtës që njerëzit e përdorin sepse kanë frikë nga refuzimi i mëtejshëm, por kjo çon në largimin e njerëzve të dashur.

Besimi tek të tjerët zbehet

Njerëzit e vetmuar janë më vigjilentë ndaj kërcënimeve të mundshme rreth tyre dhe kjo mund të rrisë mosbesimin tek të tjerët. Kjo është një nga shenjat më shqetësuese të vetmisë dhe tregon që keni kaluar shumë kohë vetëm.

Vetmia mund të kontribuojë në rënien e aftësive njohëse

Gjatë një studimi të kryer për këtë temë, shkencëtarët zbuluan se personat pjesëmarrës në studim që kishin nivele të larta të izolimit social kishin gjithashtu rënie të funksioneve njohëse kur bëhej fjalë për testet e kujtesës. Ndërveprimi social aktivizon qendrat e shpërblimit në trurin tonë dhe është me të vërtetë diçka që na fal shumë kënaqësi. /AgroWeb.org

Shëndeti

​Njerëzit tani mund të jetojnë deri në 140 vjeç, parashikojnë shkencëtarët

Studiuesit nga Universiteti i Gjeorgjisë analizuan jetëgjatësinë e njerëzve në Mbretërinë e Bashkuar.

Publikuar

nga

Shumë ekspertë kanë dyshuar prej kohësh se jetëgjatësia e njeriut ka arritur kufirin e saj, dhe askush nuk ka gjasa të kapërcejë rekordin e Jeanne Calment, një gruaje franceze e cila vdiq në moshën 122-vjeçare.

Por një studim i ri ka arritur në përfundimin se ne jemi ende ‘larg’ nga çdo maksimum nëse ka një të tillë. Dhe ka edhe një shans 50/50 që dikush i lindur në 1940 në MB të arrijë moshën mbresëlënëse 125 vjeç. Kjo do të thotë se një tetëvjeçar sot është ende gjallë në vitin 2065.

Studiuesit nga Universiteti i Gjeorgjisë analizuan jetëgjatësinë e njerëzve në Mbretërinë e Bashkuar të lindur që në vitin 1880 për të gjetur se çfarë mund të jetë e mundur në të ardhmen.

Parashikimet e tyre tregojnë se burrat e lindur në 1970 mund të arrijnë moshën 141 vjeç dhe gratë më të vjetra të lindura në 1970 mund të arrijnë 131 vjeç.

Rritja e mjekësisë moderne pas Luftës së Dytë Botërore, ushqimi i mirë dhe stabiliteti politik, midis faktorëve të tjerë, mund të kenë kontribuar në rritjen e jetëgjatësisë deri më tani dhe që parashikohet të vazhdojë.

Autorët thonë se më i moshuari midis njerëzve të lindur midis 1910 dhe 1950 mund të jetojë rregullisht deri në 120 ose më shumë.

Vazhdo të lexosh

Shëndeti

10 burime të pazakonta të kalciumit

Patatet e ëmbla dhe fiqtë janë dy prej tyre.

Publikuar

nga

Dozat aq të nevojshme të kalciumit i janë atribuar gjithmonë produkteve të bulmetit jo vetëm në vendin tonë. Megjithatë, gjithkush mund t’i gëzohet një sërë alternativave të tjera të shëndetshme të produkteve jo bulmetore dhe jo shtazore që kanë doza të larta kalciumi. Një i rritur ka nevojë për 1000 miligramë kalcium në ditë për të patur dhëmbë dhe kocka të shëndetshme.

1. Lakrat e Egra. Dy filxhanë me gjethet e lakrave të egra përmbajnë 188 miligramë kalcium. Këto gjethe mund t’i konsumosh të gatuara ose jo. Sido që t’i konsumosh trupi merr të njëjtin nivel vlerash ushqimore. Produkte të tjera janë finoku, brokoli dhe artiçoka. Një lugë me fara finoku përmban 59 miligramë kalcium. Një copë brokoli i pagatuar përmban 71 miligramë kalcium. Një artiçokë e mesme përmban 25 miligramë kalcium.

2. Patatet e ëmbla. Një filxhan me patate të ëmbla përmban 65 miligramë kalcium. Patatet e ëmbla janë burim i pasur me potas si edhe vitaminëA dhe C.

3. Fiqtë. Nëse ha tre fiq ke përfituar 50 miligramë kalcium. Mënyrat e të shijuarit të fikut janë të panumërta: të kombinohen me drithëra, në sallata, ëmbëlsira apo thjesht si frut. Fiqtë e thatë mund të ruhen deri në dy vjet.

4. Salmoni. Nëse konsumoni 100 gramë salmon keni përfituar 180 miligramë kalcium. Nëse salmoni është së bashku me kockat e zbutura që janë të ngrënshme niveli i kalciumit është akoma më i lartë.

5. Sardelet. 100 gramë sardele është e barazvlefshme me 888 miligramë kalcium. Sardelet, ashtu si edhe salmoni janë të pasur me yndyrna të shëndetshme dhe Omega 3.

6. Farat e susamit. Një lugë me fara susami përmban 100 miligramë kalcium. Këto fara i japin gatimeve shumë shije dhe vlera ushqimore.

7. Tofu. I quajtur shpesh si “djathi vegjetarian”, është një alternativë e produkteve shtazore. 115 gramë tofu përmban të njëjtën sasi kalciumi sa edhe qumështi

8. Fasulet e bardha. Bishtajoret në përgjithësi janë një burim fantastik kalciumi dhe hekuri. Një filxhan fasule përmban 191 miligramë kalcium. Fasulet e zeza janë të mbushura gjithashtu me kalcium, potas etj. Një gjysëm filxhani me këto fasule përmban 185 miligramë kalcium.

9. Bajamet. Mos hezito të konsumosh bajame në çdo orë të ditës. Rreth 20 bajame përmbajnë 72 miligramë kalcium. Bajamet janë gjithashtu të pasura me potas, vitaminë E dhe hekur.

10. Portokallet. Ky frut i magjishëm është plot me vitaminë C dhe kalcium. Një kokërr portokall përmban 65 miligramë kalcium. Kalciumi është një nga mineralet më të nëvojshme për trupin e njeriut. Përveç vlerave të pamohueshme për forcimin e kockave dhe dhëmbëve, kalciumi mban enët e gjakut të shëndetshme dhe rregullon tensionin e gjakut./AgroWeb.org/

Vazhdo të lexosh

Shëndeti

Duhet të konsumoni apo jo ushqim para analizave?

Ka disa teste gjaku, ku nuk ju kërkohet të jeni esëll dhe ka të tjera që kërkojnë të mos konsumoni asgjë.

Publikuar

nga

Ka disa teste gjaku, ku nuk ju kërkohet të jeni esëll dhe ka të tjera që kërkojnë të mos konsumoni asgjë për një periudhë të caktuar kohe përpara testimit.

Respektimi i këtyre udhëzimeve nga mjeku juaj është shumë i rëndësishëm për të bërë një lexim të saktë të analizave tuaja.

Cilat janë testet e gjakut që kërkojnë të jeni pangrënë?

Janë tre teste kryesore që kërkojnë të jeni pa ngrënë, ato janë testi i glukozës, i kolesterolit dhe i hekurit.

Ekzaminimi i kolesterolit kërkon që ju të qëndroni pa ngrënë për të paktën 9 deri në 12 orë përpara se të kryeni testin e gjakut por edhe të mos keni konsumuar alkool 24-orë përpara analizës.

Sipas ekspertëve të fushës, para se të kryeni një test për nivelet e hekurit ju duhet të qëndroni pa ngrënë 5-orë.

Glukoza është një tjetër test që kërkon të qëndroni pa ngrënë për 8 orë.

Cili është qëllimi?

Për shkak se trupat tanë janë të ndryshëm, një standard i caktuar i vlerave të lipideve kur jeni pa ngrënë është i nevojshëm për të përcaktuar se cilat nivele të glukozës, kolesterolit dhe hekurit janë të pashëndetshme.

Kur jeni esëll, nivelet e gjakut normalizohen. Ngrënia ose pirja e diçkaje që përmban sheqer përpara një testi të glukozës mund të rrisë nivelet e saj në gjak, duke dhënë rrezultate jo të sakta.

E njëjta gjë vlen edhe për analizat e gjakut për hekurin dhe kolesterolin. Ekspertët shpjegojne se ngrënia para testit të kolesterolit rezulton në një rritje prej 20 deri në 30%  të niveleve të kolesterolit në gjak. Konsumi i alkoolit para testimit rrit ndjeshëm trigliceridet.

Ekzaminimi i plotë kimik

Një ekzaminim i plotë kimik i jep mjekut tuaj një paraqitje të shkurtër të shëndetit tuaj të përgjithshëm.

I njohur gjithashtu si Chem-20, SMAC-20 ose SMA-20, ekzaminimi i plotë kimik përfshin 20 ekzaminime të ndryshme që nga albumina deri tek acidi urik.

Glukoza dhe kolesteroli shpesh përfshihen në këtë listë. Përgatitjet për kontrollin e plotë kimik varen nga ajo për të cilën mjeku juaj kontrollon.

Edhe pse disa ekzaminime të plota kimike mund të mos kërkojnë të rrini pa ngrënë, në disa rrethana të caktuara një mjek mund tju kërkojë të rrini pa ngrënë nga nëntë deri në 12 orë përpara testimit.

Megjithatë ekzaminimi i plotë kimik ju lejon të pini ujë në mëngjes para se të testoheni.

Medikamentet

Disa medikamente turbullojnë rezultatin e analizave të gjakut, duke ndryshuar rezultatin.

Për shembull, medikamentet për presionin e gjakut, pilulat e kontrollit të lindjes dhe disa kortikosteroide mund të ndikojnë në rezultatet e një testi gjaku.

Suplementet e hekurit mund të ndikojnë në testin e hekurit, steroidet anabolike, sulfonamidet dhe statinat mund t’i japin mjekut tuaj një rezultat të rremë.

Për të shmangur pasaktësitë AgroWeb.org ju këshillon të informoni mjekun tuaj për të gjitha medikamentet që merrni rregullisht./AgroWeb.org

Vazhdo të lexosh

Shëndeti

Çfarë ndodh me mëlçinë nëse pini dy filxhanë kafe në ditë?

Të dhënat tregojnë se nëse pini dy filxhanë kafe mund të pakësoni gjasat e cirozës hepatike.

Publikuar

nga

Ka ditë kur mëngjesi nis me aq vrull sa një filxhan kafe nuk mjafton dhe menjëherë ju nisni të dytin.

Kafeja është një nga pijet më popullore në botë, duke patur në konsideratë faktin se çdo vit njerëzit pijnë plot 450 miliardë filxhanë kafe.

Kafeja është e pasur me antioksidantë dhe mund të jetë e dobishme për mëlçinë.

Mëlçia është shpesh e rrezikuar nga ciroza hepatike, sëmundje kronike që shkakton bllokimin e qarkullimit të gjakut në mëlçi.

Por të dhënat tregojnë se nëse pini dy filxhanë kafe në ditë mund të pakësoni gjasat e cirozës hepatike.

Një studim i vitit 2016 zbuloi lidhjen e fortë mes konsumit të kafesë dhe rrezikut të cirozës.

Sipas shkencëtarëve, kafeina metabolizohet në një substancë që parandalon zhvillimin e cirozës së mëlçisë.

Kafeja dhe Mëlçia

Ndërkohë, shkencëtarë të tjerë amerikanë janë të mendimit se pirja e dy filxhanëve me kafe në ditë ul rrezikun e prekjes së mëlçisë nga Hepatiti C.

Sipas tyre, kafeja përmban 100 përbërës aktivë përfshirë antioksidantët, polifenolët dhe kafeinën. Kjo e fundit luan një rol kryesor në rrezikun e kancerit të mëlçisë.

Një studim i vitit 2005, i publikuar në Revistën Ndërkombëtare Të Tumorëve nxorri në pah se sasia e kafesë ka lidhje të drejtpërdrejtë me uljen e gjasave të shfaqjes së sëmundjeve të mëlçisë.

Nga ana tjetër, kafeja luan një rol të fortë parandalues kundër hepatitit C, një sëmundje ngjitëse që prek mëlçinë.

Plot 150 milionë njerëz në botë vuajnë nga kjo sëmundje, sipas Organizatës Botërore Të Shëndetësisë.

Shumë studime të kryera në vitet 2009 dhe 2011 treguan se kafeina ka një rol mbrojtës të mëlçisë kundër shumë sëmundjeve kronike.

Sipas tyre, progresi i këtyre sëmundjeve ngadalësohet falë konsumit të dy ose tre filxhanëve me kafe në ditë.

Vlera të tjera të kafesë        

Ul rrezikun e sklerozës së shumëfishtë

Ul rrezikun e vdekjes së parakohshme

Lufton depresionin

Mbron nga diabeti i tipit 2

Pakëson gjasat e shfaqjes së kancerit të lëkurës

Përmirëson performancën fizike

Ndihmon në rënien në peshë

Këto përfitime vlejnë nëse ju pini më pak se tre filxhanë në ditë

Në të kundërt, kafeja mund të kthehet në një armik të organizmit

Kafeja nuk duhet pirë me stomak bosh sepse shkakton një rënie të menjëhershme të sheqerit në gjak dhe rrit nepsin për ëmbëlsira.

Ju nuk duhet të pini kafe pas orës 14:00 dhe shoqërojeni me pak kanellë pluhur për një shije më të mirë./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Vazhdo të lexosh

Të kërkuara