Shëndeti

4 mënyrat se si ndikon vetmia në shëndetin e trurit

Ndjenja e vetmisë mund të na bëjë më të prirur të përqendrohemi në anët negative të një situate.

Publikuar

Të gjithë me shumë gjasa e dimë se sa e dhimbshme mund të jetë vetmia. Një përqafim apo një fjalë e ngrohtë në ditët më të vështira, mund të jetë ajo që ndonjëherë na mungon më së shumti.

Gjatë historisë njerëzore, ne na është dashur të mbështetemi tek njëri-tjetri për të mbijetuar, qoftë kjo për t’u mbrojtur nga kërcënimet fizike apo nga nevoja për të jetuar në komunitet.

E sipas ekspertëve të shëndetit mendor, ne në përgjithësi ndihemi më të sigurt kur ndjejmë se nuk jemi vetëm. Dhe kur ndjesia e vetmisë bëhet kronike ose rëndohet, efektet mund të jenë shumë të dëmshme për shëndetin. Ne mund të ndihemi të kërcënuar fizikisht dhe kjo ndërhyn në aftësinë e të menduarit dhe perceptimin tonë.

Më poshtë AgroWeb.org ju njeh me katër mënyra se si vetmia mund të ndikojnë në të menduarit, perceptimin dhe mirëqenien tonë.

Vetmia mund të shkaktojë ‘dëshira’ për shoqëri aq të forta sa uria ose etja

Studiuesit thonë se vetmia shkakton përgjigje nervore në tru të ngjashme me aktivitetin që ata shohin kur njerëzit janë të uritur dhe duan ushqim.

Studime të tjera kanë sugjeruar se kur ndihemi të vetmuar, zonat e trurit të lidhura me ndjenjat e pasigurisë dhe stresit ndizen. Pas një shqyrtimi mbi këtë temë, kërkuesit besojnë se këto sinjale na paralajmërojnë se duhet të kthehemi në lidhjet tona shoqërore. Vetmia nuk është vetëm një gjendje e keqe, është një sinjal se diçka mungon dhe se duhet të veprojmë.

Vetmia mund të na bëjë më armiqësorë dhe pesimistë

Ndjenja e vetmisë mund të na bëjë më të prirur të përqendrohemi në anët negative të një situate. Kjo sipas ekspertëve, ndodh sepse truri aktivizohet më shumë në përgjigje të stimujve negativë sesa nxitësve pozitive.

Kështu të menduarit në mënyrë negative kthehet në një rreth vicioz, ku personat që ndihen të vetmuar mund të shfaqin më tepër agresivitet. Agresiviteti apo armiqësia është një mekanizëm mbrojtës që njerëzit e përdorin sepse kanë frikë nga refuzimi i mëtejshëm, por kjo çon në largimin e njerëzve të dashur.

Besimi tek të tjerët zbehet

Njerëzit e vetmuar janë më vigjilentë ndaj kërcënimeve të mundshme rreth tyre dhe kjo mund të rrisë mosbesimin tek të tjerët. Kjo është një nga shenjat më shqetësuese të vetmisë dhe tregon që keni kaluar shumë kohë vetëm.

Vetmia mund të kontribuojë në rënien e aftësive njohëse

Gjatë një studimi të kryer për këtë temë, shkencëtarët zbuluan se personat pjesëmarrës në studim që kishin nivele të larta të izolimit social kishin gjithashtu rënie të funksioneve njohëse kur bëhej fjalë për testet e kujtesës. Ndërveprimi social aktivizon qendrat e shpërblimit në trurin tonë dhe është me të vërtetë diçka që na fal shumë kënaqësi. /AgroWeb.org

Shëndeti

Si ndikojnë farat e shalqirit në shëndetin tonë?

Publikuar

nga

Shalqiri është një ushqim i preferuar, veçanërisht në verë, kur temperaturat janë të larta

Nëse e kini zakon ta blini shpesh, duhet të keni parasysh se farat që shumë i heqin dhe i hedhin, janë gjithashtu shumë të shëndetshme.

Në mënyrë që të përdoren të gjitha vetitë shëruese, farat e shalqirit duhet të gatuhen, bluhen ose piqen.

Fibër diete

Farat e shalqirit përmbajnë fibra dietike të nevojshme për funksionimin normal të aparatit tretës, ndihmojnë në rast të parazitëve të zorrëve, si dhe në trajtimin e pacientëve me verdhëz dhe pezmatim në trup.

Ato përmbajnë substancën citrulinë, e cila vepron si një antioksidues, përshpejton zgjerimin e enëve të gjakut dhe ka një efekt të dobishëm në rastin e arterosklerozës, hipertensionit, angina pectoris dhe mosfunksionimit erektil te meshkujt, raporton Kosovarja.

Po ashtu, ato forcojnë zemrën, të gjithë muskujt në trup dhe përdorimi i këtyre farave në formën e çajit apo ‘snacks’, rekomandohet për forcimin e kujtesës dhe përqendrimit, bukurinë e lëkurës, si dhe janë një mjet i shkëlqyeshëm për forcimin e epshit dhe potencës te burrat.

Pastrimi i veshkave

Çaji i farave të shalqirit është një ilaç për heqjen e gurëve dhe rërës nga veshkat, pastron fshikëzën dhe traktin urinar, dhe rekomandohet si një mjet efektiv për trajtimin e diabetit të tipit 2.

Vazhdo të lexosh

Lajmet

OBSH thotë se 2.6 milionë njerëz kanë vdekur si pasojë e përdorimit të alkoolit në vitin 2019

Publikuar

nga

Njerëzit kanë më shumë gjasa të vdesin si pasojë e problemeve që vijnë si pasojë e përdorimit të alkoolit në Evropë se kudo tjetër, sipas një raporti të ri nga Organizata Botërore e Shëndetësisë (OBSH).

Në vitin 2019, sipas OBSH-së, 2.6 milionë njerëz kanë vdekur si pasojë e përdorimit të alkoolit. Kjo është një rënie prej 2.5 për qind nga viti 2010, por ende “e lartë dhe e papranueshme”, tha Dr Vladimir Poznyak, i cili drejton njësinë për përdorimin e alkoolit, drogës dhe sjelljeve të varësisë në departamentin e shëndetit mendor dhe substancave të OBSH-së.

Evropa ka shkallën më të lartë të vdekshmërisë si pasojë e alkoolit – 52.9 për 100,000, pak mbi Afrikën 52,2 për 100,000 – si dhe shkallën më të lartë në botë të çrregullimit të përdorimit të alkoolit, me 10.7 për qind, megjithëse prevalenca ka rënë në vitet e fundit./UBTNews/

Vazhdo të lexosh

Lajmet

Paralajmëron OBSH: Nxehtësia mund të përkeqësojë krizën shëndetësore për palestinezët në Gaza

Publikuar

nga

Organizata Botërore e Shëndetësisë paralajmëron se nxehtësia përvëluese në Gaza mund të përkeqësojë problemet shëndetësore për palestinezët.

Programi Botëror i Ushqimit ka paralajmëruar se një krizë serioze e shëndetit publik po afrohet në Gaza për shkak të mungesës së ujit të pastër, ushqimit dhe furnizimeve mjekësore.

“Ne kemi përjetuar zhvendosjen masive gjatë javëve dhe muajve të fundit dhe ne e dimë se kombinimi dhe nxehtësia mund të shkaktojnë një rritje të sëmundjeve”, tha Richard Peeperkorn, përfaqësuesi i OBSH-së për Gazën dhe Bregun Perëndimor.

“Ne jemi dëshmitarë të ndotjes së ujit për shkak të ujit të nxehtë dhe do të ketë më shumë ushqim të kontaminuar për shkak të temperaturës së lartë. Do të kemi mushkonja dhe miza nga insektet, dehidrim, goditje nga nxehtësia”, shtoi ai.

Nxehtësia ekstreme ka lënë të vdekur qindra njerëz në mbarë botën derisa po fillon vera e hemisferës veriore./UBTNews/

Vazhdo të lexosh

Lajmet

Ndikimi i temperaturave të larta te personat e shëndoshë dhe te të sëmurët

Publikuar

nga

Shkruan Basri Lenjani

Gjatë stinës së verës temperaturat e larta ditore nuk janë e këndshme për askënd, ndaj vapa tropikale mund të shkaktojë probleme serioze edhe te njerëzit plotësisht të shëndetshëm.

Personat me të rrezikuar janë:

  • Të moshuarit
  • Fëmijët
  • Nēnat shtatëzënë
  • Të sëmurët me sëmundje të zemrës, neurologjike, të mushkërive, metabolike, vaskulare, psikiatrike, alkoolistët, të sëmurët që mjekohen me antidepresivë treciklikë, me antihisatminikë, personat që punojnë në ndërtimtari, bujqit dhe personat e shëndetshëm etj.

Rreziqet kryesore të trupit tonë janë goditja e diellit dhe nga nxehtësia:

  • Sa është organizmi ynë përgatitur për t’u ambientuar, përshtatur me kushtet e reja klimatike?
  • Sa i gatshëm është metabolizmi ynë për të vazhduar me të?
  • Çfarë duhet të bëjmë kur e teprojmë?

Kujdesi i shtuar:

  • Nga ora 11=17:30 h nuk duhet të ekspozoheni rrezeve të diellit, sepse kanë efekt negativ në organizmin e njeriut,
  • Nëse temperaturat janë të larta mbi 35 gradë Celsius, punëtorët që punojnë në ndërtimtari, bujqit, etj. duhet të ndëpresin aktivitetin e tyre punues nga ora 11-17h për shumë arsye, sepse mund të ndodhin sëmundje akute jetëkërcënuese dhe lëndime serioze për jetën e tyre, për shkak të ndikimit të drejtëpërdrejt të rrezeve të diellit..

Të informohen qytetarët:

  • Pushteti lokal i qyteteve duhet të sigurojë burime uji ose cisterna në vende publike me mbipopullim të popullatës, qytetarët mund të freskohen në çdo kohë….
  • Mbroni kokën me çadër ose kapelë, veshja duhet të jetë me ngjyra të çelta, pije freskuese, pemë, perime, të qëndroni në ambiente të freskëta ose nën hije, lëkurën duhet të mbroni me yndyra kundër diellit.
  • Të sëmurët që më parë kanë pasur sulm në zemër, me shtypje të ulët, të lartë, goditje në tru, epilepsi, diabet, të sëmurët depresivë, alkoolistët, të sëmurët që trajtohen me barna kundër alergjisē, të sëmurët më sëmundje kronike të lëkurës, gjendjet pas lëndimeve te të moshuarit, fëmijët, nënat shtatëzënë, personat e shëndoshë dhe drejtuesit e automjeteve.

Vazhdo të lexosh

Të kërkuara