Me qëllim të promovimit dhe fuqizimit të rolit të gruas brenda dhe jashtë fushës sportive, UBT ka nënshkruar Deklaratën ndërkombëtare “Brighton Plus Helsinki”, një dokument i rëndësishëm që synon të avancojë barazinë gjinore në sport dhe të sigurojë përfshirjen e plotë të grave dhe vajzave në të gjitha nivelet e veprimtarisë sportive.

Kjo deklaratë, e iniciuar nga IWG Women and Sport, ka për qëllim krijimin e një kulture të qëndrueshme sportive që vlerëson, fuqizon dhe inkurajon kontributin e grave dhe vajzave në të gjitha aspektet e sportit dhe aktivitetit fizik.

Nënshkrimi i kësaj deklarate nga UBT shënon një hap të rëndësishëm drejt zhvillimit të politikave gjithëpërfshirëse dhe krijimit të mundësive të barabarta për vajzat dhe gratë, si në pjesëmarrje, ashtu edhe në ndërtimin e karrierës profesionale. Me këtë veprim, UBT riafirmon përkushtimin për një sistem edukativ dhe sportiv të drejtë, të barabartë dhe motivues, ku talenti dhe pasioni i çdo të reje vlerësohen pa dallim gjinie.

Në këtë ngjarje, Annamarie Phelps, kryetare e Sekretariatit të Mbretërisë së Bashkuar dhe bashkëkryesuese e Komitetit Ekzekutiv Global të “IWG Women and Sport”, vlerësoi rolin e grave të suksesshme në sportin kosovar dhe theksoi se është koha që institucionet të garantojnë hapësirën e merituar për to. Ajo tha se për shumë kohë sporti ka qenë “një derë e mbyllur” për gratë, por sot po fillon një epokë e re e barazisë dhe përfshirjes, ku gratë janë pjesë thelbësore e zhvillimit sportiv global.

UBT, si institucion lider në arsim, inovacion dhe zhvillim shoqëror, mbetet i përkushtuar në mbështetjen e iniciativave që promovojnë zhvillimin e sportit, barazinë gjinore dhe fuqizimin e grave si faktorë aktivë të ndryshimit pozitiv në shoqëri.

Kjo ceremoni e nënshkrimit u organizua nga Komiteti Olimpik i Kosovës.

Qytetarët në Maqedoninë e Veriut votuan më 2 nëntor në raundin e dytë të zgjedhjeve për kryetar komune në 33 komuna. Pas përfundimit të procesit të votimit pjesëmarrja sipas Komisionit Shtetëror të Zgjedhjeve ishte rreth 45 për qind.

Partia në pushtet, VMRO-DPMNE, ka kryesuar në 19 nga 33 komunat ku u mbajt balotazhi i zgjedhjeve lokale. Ndër vendet ku  kryesoi kjo parti është kryeqyteti Shkup, por edhe Kërçova dhe Koçani, si dhe komunat e kryeqytetit, Karposh dhe Aerodrom.

Ndërkohë, partneri i tij në qeveri, koalicionit shqiptar VLEN, kryeson në pesë komuna: Bogovinë, Brvenicë, Dibër, Dollneni dhe Tetovë.

Kandidatët nga LSDM-ja opozitare kryesojnë në Qendër të Shkupit, si dhe në Krushevë, Zërnovc dhe Makedonska Kamenicë.

Komunat:

Kandidati i VLEN në Tetovë, Bilall Kasami, fitoi në garën e balotazhi, duke siguruar 21 mijë e katër vota ose 53.75 për qind kundrejt kandidatit tjetër shqiptar Bajram Rexhepi nga Aleanca Kombëtare për Integrim AKI me 15 mijë e 958 vota ose 40.84 për qind.

Dollnen

Kandidati i koalicionit VLEN Blerim Islami ka fituar bindshëm në raundin e dytë ndaj kundërkandidatit të tij nga radhët e koalicionit Maqedonia Jote, udhëhequr nga VMRO-DPMNE, Sasho Velanovski.

Blerim Islami ka marrë 3 mijë e 979 vota ose 57.38 për qind, kur Komisioni Shtetëror i Zgjedhjeve ka numëruar të gjitha 40 vendvotimet në Dollnen.

Bogovinë

Ndërkaq, kandidati i koalicionit VLEN Feti Abazi ka fituar garën për kryetar të komunës Bogovinë në balotazhin e 9 nëntorit.

Ai ka marrë 6 mijë e 371 vota ose 54.87 për qind, ndaj kandidatit tjetër shqiptar Besnik Emshi nga Aleanca Kombëtare për Integrim AKI me 5 mijë e 38 vota ose 43.39 për qind.

Studeniçan

Kandidati i Aleancës Kombëtare për Integrim AKI Ejup Abazi ka fituar balotazhin për kryetar në Studeniçan.

Pas numërimit të votave në të gjitha 31 vendvotimet e kësaj komune, Ejup Abazi ka marrë 4.353 vota ose 49.92 për qind.

Kandidati i pavarur Azem Sadiku ka marrë 4.159 vota ose 47.69 për qind.

Strugë

Mendi Qyra, kandidat i pavarur, ka fituar betejën për kryetarin e komunës së Strugës në balotazhin e 9 nëntorit.

Ai mori më shumë vota se kundërkandidati i tij Arsim Dalim nga Aleanca për Integrim Kombëtar – AKI.

Sipas rezultateve zyrtare nga numërimi i gjithsej 101 vendvotimeve, Komisioni Shtetëror Zgjedhor ka bërë të ditur se Mendi Qyra mori gjithsej 12.463 vota ose 49.47 për qind, ndërsa Arsim Dalipi 11.946 vota ose 47.42 për qind./S.K/KP/

Tensione të larta u shënuan mbrëmë para Asamblesë Kombëtare në Beograd, ku një numër i madh qytetarësh u mblodhën në mbështetje të Diana Hrka, e cili filloi një grevë urie.

Sipas raportimeve nga terreni, piroteknikë u hodhën nga drejtimi i të ashtuquajturit “Çaciland” drejt qytetarëve të mbledhur në mbështetje të Diana Hrka.

Në të njëjtën kohë, në afërsi të menjëhershme, në një vendbanim me tendë me nofkën Çaciland, u mblodhën edhe mbështetës të qeverisë dhe një kordon i fortë policie për trazira u ngrit midis dy grupeve.

Pavarësisht faktit se shishe, fishekzjarr dhe të shtëna topash fluturojnë vazhdimisht nga “Çaciland” mbi kokat e tyre, policia nuk ka reaguar ndaj sulmuesve.

Stefan Hrka është njëri nga 16 viktimat e shembjes së tendës hekurudhore një vit më parë në Novi Sad, gjë e cila shkaktoi protesta gjithë popullore në të gjitha qytetet e Serbisë kundër regjimit të Aleksandar Vuçiq.

Të shtunën në Novi Sad u mbajt një tubim i madh në njëvjetorin e tragjedisë. Vlerësimet për pjesëmarrje variojnë nga 39 mijë sipas Ministrisë së Brendshme në më shumë se 110 mijë sipas organizatorëve dhe agjencive të huaja./S.K/KP/

Mentorja e ekipit FIRST Kosova, Elita Hajrizi, është vlerësuar me çmimin prestigjioz “Outstanding Mentor Award” në garën botërore të robotikës FIRST Global Challenge, duke u shpallur njëra ndër mentoret më të mira në botë.

Ky çmim i dedikohet mentorëve që kanë dhënë kontribut të jashtëzakonshëm për ekipin e tyre, duke kaluar përtej çdo pritshmërie në përkushtim, udhëheqje dhe frymëzim.

Ky vlerësim përbën një mirënjohje ndërkombëtare për punën e palodhshme dhe pasionin e Elita Hajrizit në zhvillimin e brezit të ri të inovatorëve kosovarë.