Lajmet nga UBT

3 vjet nga themelimi i Qendrës më të madhe për inovacion dhe teknologjisë në Shqipëri – UBT – Korça Innovation & Technology Hub

Rektori i UBT-së, Prof. Dr. Edmond Hajrizi ka thënë se kjo qendër është një projekt i jashtëzakonshëm, i cili po dëshmon çdo ditë se është në dispozicion të të rinjve të Korçës dhe të gjithë Shqipërisë për rrugëtimin e tyre profesional.

Published

on

Qendra më e madhe për inovacion dhe teknologji në Korçë të Shqipërisë, UBT – Korça Innovation & Technology Hub, ka bërë 3 vjet që nga themelimi i saj, e cila tashmë është kthyer në vendin e parë të përzgjedhje së të rinjve shqiptarë për trajnime dhe programe të ndryshme për avancimin profesional.

Rektori i UBT-së, Prof. Dr. Edmond Hajrizi ka thënë se kjo qendër është një projekt i jashtëzakonshëm, i cili po dëshmon çdo ditë se është në dispozicion të të rinjve të Korçës dhe të gjithë Shqipërisë për rrugëtimin e tyre profesional.

“Këto 3 vite janë një periudhë e shquar për zhvillimin dhe arritjet e Qendrës më të madhe për inovacion dhe teknologji në Korçë, UBT – Korça, e cila ka shërbyer si vendi kryesor për të ardhmen e teknologjisë dhe inovacionit. Duke u ofruar mjedisin dhe burimet e duhura, qendra ka ndihmuar në përgatitjen e të rinjve për sfidat e botës së sotme dhe të ardhshme. Është një shembull i shkëlqyer i përpjekjeve të përbashkëta për të promovuar inovacionin dhe teknologjinë në nivel lokal dhe kombëtar”, ka thënë Rektori Hajrizi.

Përmes teknologjisë së avancuar dhe programeve të bazuar në modele evropiane dhe amerikane, qendra UBT – Korça Innovation & Technology Hub po u mundëson të rinjve zhvillimin e aftësive në fushat e inovacionit dhe teknologjisë.

Kjo qendër ofron trajnime të shumta, përfshirë Web Programming, Graphic Design, Robotics and 3D Max, Social Media Management, JavaScript, App Development, Stock Trading dhe shumë të tjera, duke siguruar që të rinjtë të përfitojnë nga njohuritë dhe certifikimet e nevojshme për një karrierë të suksesshme.

Kjo është një iniciativë e rëndësishme, e mbështetur nga UBT, institucioni lider i arsimit të lartë në Kosovë, e cila shërben si qendra më e madhe e inovacionit dhe teknologjisë në Korçë dhe rajon, duke u ofruar mundësi të shkëlqyeshme për zhvillimin profesional të të rinjve.

Lajmet

Ambasadorja e Kosovës në Panama, Heroina Telaku takohet me ekipin First Kosovo në ceremoninë e hapjes së First Global Challenge 2025

Published

on

Ekipi përfaqësues i Kosovës në First Global Challenge 2025, është takuar me Ambasadoren e Republikës së Kosovës në Panama, Heroina Telaku, dhe Sekretaren e Parë të Ambasadës, Gjylymsere Ahmetgjekaj, gjatë ceremonisë hapëse të kësaj gare prestigjioze ndërkombëtare të robotikës.

Takimi u zhvillua në një atmosferë miqësore dhe frymëzuese, ku u diskutua mbi punën, përkushtimin dhe arritjet e ekipit të Kosovës.

Ambasadorja Telaku shprehu mbështetjen për të rinjtë kosovarë, të cilët po e përfaqësojnë me dinjitet dhe krenari vendin në një skenë globale të dijes dhe inovacionit.

Continue Reading

Lajmet

Flamuri i Kosovës valon në mesin e mbi 190 shteteve në ceremoninë e hapjes së First Global Challenge 2025 në Panama

Published

on

Në një atmosferë madhështore, mes flamujve të mbi 190 shteteve dhe duartrokitjeve të mijëra pjesëmarrësve nga e gjithë bota, flamuri i Kosovës u valëvit me krenari në ceremoninë e hapjes së First Global Challenge 2025 në Panama. Ky është momenti kur rinia e Kosovës, përmes ekipit First Kosovo, hyn në arenën botërore të inovacionit, teknologjisë dhe kreativitetit.

Në këtë ngjarje madhështore, ekipi përfaqësues i Kosovës – First Kosovo, i përbërë nga të rinj të talentuar që janë përgatitur me muaj në laboratorët e UBT-së, do të garojë për të treguar kreativitetin, dijen dhe shpirtin inovativ të rinisë kosovare. Ata do të përfaqësojnë Kosovën në një nga garat më të rëndësishme botërore në fushën e robotikës dhe teknologjisë.

Tema e sivjetshme e garës, “Biodiversiteti dhe ndryshimet klimatike”, synon të nxisë të rinjtë të krijojnë zgjidhje teknologjike që ndihmojnë në mbrojtjen e mjedisit dhe ruajtjen e jetës në planetin tonë.

UBT, si partneri institucional që ka mbështetur këtë iniciativë që nga fillimi, është vlerësuar më herët me medalje të artë ndërkombëtare për kontributin e jashtëzakonshëm në promovimin e edukimit STEM dhe pjesëmarrjen e suksesshme të ekipeve kosovare në garat globale të robotikës.

Në këtë garë të dijes dhe inovacionit, të rinjtë e Kosovës po e bëjnë vendin tonë të njihet si një forcë e re kreative në hartën teknologjike botërore.

Continue Reading

Lajmet

Ish-deputetët austriakë vizitojnë UBT-në

Published

on

Një grup i ish-deputetëve të Parlamentit Federal të Austrisë, bashkë me politikanë dhe ekspertë të angazhuar në fushën e arsimit dhe çështjeve sociale, vizituan Parkun Shkencor, Inovativ dhe Teknologjik të UBT-së.

Rektori i UBT-së, Prof. Dr. Edmond Hajrizi, e mirëpriti delegacionin dhe theksoi rëndësinë e vazhdimit të bashkëpunimit me universitetet austriake, duke u angazhuar për të forcuar edhe më tej lidhjet akademike dhe shkencore. Ai gjithashtu falënderoi për ndihmën dhe mbështetjen që Austria ka ofruar për zhvillimin e arsimit dhe kërkimit në Kosovë.

Delegacioni austriak ishte i udhëhequr nga prof. Josef Höchtl dhe përfshinte personalitete të rëndësishme si dr. Ernst Wurz, Stefanie Zobl, dhe Franz Fuchs, ndërsa takimi u zhvillua në praninë e drejtuesve të UBT-së, si dhe të stafit akademik dhe administrativ të universitetit.

Delegacioni u informua për sukseset dhe arritjet e UBT-së, si institucioni më inovativ në Kosovë, që ka një pozicion të fortë si lider në fushën e arsimit dhe kërkimit shkencor, si dhe për angazhimin e tij në zhvillimin e teknologjisë dhe bizneseve inovative.

Continue Reading

Lajmet

Eksperti ndërkombëtar i harduerit open source, Jo Hinchliffe, mbajti ligjëratë në UBT

Published

on

Në Parkun Shkencor, Inovativ dhe Teknologjik të UBT-së, u zhvillua një ligjëratë e veçantë tematike nga eksperti ndërkombëtar në fushën e harduerit open source, Jo Hinchliffe, në kuadër të aktiviteteve para konferencës Software Freedom Kosova (SFK).

Ligjërata u organizua në bashkëpunim me FLOSSK dhe tërhoqi studentë, profesionistë dhe entuziastë të teknologjisë nga fusha e inxhinierisë dhe harduerit inovativ.

Jo Hinchliffe, i njohur për projektet e tij kreative dhe pasionin që përcjell tek audienca, ka kontribuar rregullisht në Raspberry Pi Magazine, ndërsa gjatë karrierës së tij ka punuar në projekte të ndryshme të harduerit, përfshirë ndërtimin e raketave dhe zhvillimin e sistemeve inovative harduerike.

Në kuadër të ligjëratës me temën “Certifikimi i një projekti harduerik open source”, Jo Hinchliffe demonstronte dizajnimin e një komponenti në KiCad dhe shpjegonte procesin e aplikimit për certifikim të një projekti open source. Studentët u njohën me standardet ndërkombëtare të dizajnimit dhe certifikimit të projekteve harduerike open source, duke marrë këshilla praktike për zhvillimin e projekteve të tyre inovative.

Ky aktivitet ishte veçanërisht i përshtatshëm për studentët e Fakultetit të Inxhinierisë Mekatronike dhe fushave të ngjashme, të cilët shprehën interes të madh për zhvillimin e sistemeve harduerike dhe teknologjive moderne. Pjesëmarrësit vlerësuan mundësinë e jashtëzakonshme për të mësuar direkt nga një ekspert ndërkombëtar dhe për të marrë njohuri të vlefshme mbi praktikat më të mira në fushën e harduerit open source.

Continue Reading

Të kërkuara