Lajmet

2021-ta vit i rekordeve në eksport, ShBA-ja bëhet tregu i parë i prodhimeve të Kosovës

Stavileci thotë se në aspektin e përqindjes kanë arritur vlerën 62 për qind krahasuar me vitin paraprak.

Published

4 years ago

on

Viti 2021 konsiderohet vit i rekordeve në aspektin e eksportit të përgjithshëm, ku rritja e saj ishte në vlerën prej 712 milionë euro. Eksportet drejt Shqipërisë kapin shifrën 109 milionë euro, ku në vend të dytë renditen Shtetet e Bashkuara të Amerikës, me vlerë 101 milionë euro.

Zëdhënësi i Doganës së Kosovës, Adriatik Stavileci thotë se në aspektin e përqindjes kanë arritur vlerën 62 për qind krahasuar me vitin paraprak. Ndërsa drejtori i Odës Amerikane të Kosovës, Arian Zeka, rritjen e eksportit drejtë ShBA-së, e sheh si pozitive dhe ndihmesë për ekonominë vendëse.

Zeka për Ekonomia Online, ka thënë se që nga shpërthimi i pandemisë prodhuesit nga Kosova kanë arritur që shumë mirë të shfrytëzojnë këtë hendek të krijuar në furnizimin ndërkombëtar.

“Ajo çka kemi parashikuar si Odë Amerikane por edhe asociacionet tjera të biznesit dhe ekspertët e ekonomisë prej shpërthimit të pandemisë e tutje ç’rregullimet në zinxhir global të furnizimit do të krijonin mundësi për prodhuesit nga Kosova sidomos ata që kanë potenciale të eksportit për të zëvendësuar disa prej prodhuesve që kanë qenë me bazë në kinë dhe shtete të tjera aziatike. Prodhuesit nga Kosova kanë arritur që shumë mirë të shfrytëzojnë këtë hendek të krijuar furnizimin ndërkombëtar me mallra edhe pse në rastin e Kosovës bëhet fjalë vetëm për një kompani të vetme për vetëm një prodhues i cili një produkti me vlerë të madhe kundrejt eksporteve për prodhimin e dyshekëve që kanë depërtuar jashtëzakonisht mirë në tregun e ShBA-së”, ka thënë Zeka.

“Kosova përfiton nga aranzhimi  tregtar që mundëson eksportin e mijëra mallrave nga Kosova në ShBA pa iu nënshtruar detyrimeve doganore. Prodhuesit tjerë duhet të ndjekin këtë shembull dhe nuk duhet të shohin tregun e Amerikës si treg të largët. Megjithatë tregu amerikan ofron mundësi për potenciale të Kosovës në sektorë të industrisë. Kemi një eksport edhe të produkteve plastike, të kafes dhe pijeve alkoolike. Industria jonë prodhuese jo vetëm që është zhvilluar në aspekt të kapacitete por edhe në aspektin e cilësisë. Jo vetëm që jemi cilësor sa i përket produkteve por prodhuesit po investojnë në ngritjen e cilësisë. Nuk është që ka munguar roli i institucioneve megjithatë ka pasur skema të ndryshme edhe nga ministria e tregtisë dhe industrisë në të kaluarën që të mbështesin prodhuesit me qertifikme me standarde ndërkombëtare, rol që duhet ta shohim te ministria e re e industrisë, ndërmarrësisë dhe tregtisë”, tha Zeka.

Zëdhënësi i Doganës, Adriatik Stavileci, thotë për Ekonomia Online, në vend të parë për nga ekjsporti është Shqipëria, ndërsa në vend të dytë mbetet ShBA-ja me 101 milionë euro

 “Viti i kaluar ka qenë një prej viteve rekorde në të cilin Kosova ka pasur eksportin e përgjithshëm. Realisht kemi pasur rritje të eksporteve në vlerë prej 712 milionë euro derisa ne aspektin e përqindjes kemi arritur vlerën 62 për qind krahasuar me vitin paraprak. Ka qenë një vit mjaft i mirë në aspektin e eksportit të produkteve. Ne vazhdojmë të prijmë eksportet tona drejt Shqipërisë me vlerë të eksportit 109 milion euro dhe pas Shqipërisë renditet ShBA me Vlerë 101 milionë euro. Edhe viti i kaluar ka qenë një prej viteve më të mira që nga themelimi i doganave në 20 vjet e fundit. Ne nuk kemi  pasur një lloj performancë në aspektin e planit të hyrave dhe kemi arritur 1 miliardë e 370 milion të grumbullohen për buxhetin e Kosovës që paraqet rritje 30 për qind rritje krahasuar me vitin e kaluar”, ka thënë ai.

“Si në aspektin e eksporteve poashtu edhe në aspektin e importeve Kosova ka shënuar një progres mjaft të madh. Kosova vazhdimisht lufton kontrabandën dhe vetë fakti që kemi rritje të hyrave të vazhdueshme nënkupton që zvogëlohet hapësira për aktivitete joligjore dhe kontrabanduesve sepse nuk mund të kemi joligjore. Nuk kemi ndonjë import qysh kanë qenë në periudhat paraprake. Ne kemi një grumbull të procedurave që janë me ndikim ekonomik dhe të gjithë investitorët të cilët kanë ardhur për tu interesuar nuk besoj që janë ndarë të kënaqur me procedurat që janë ofruar për shkak se procedurat tona janë të njëjta dhe zhvillohen në BE. Pra janë procedura të harmonizuara me Unionin Evropian. Duhet të luftojmë ekonominë joformale sepse luftimi i kësaj ekonomie nënkupton që më shumë vende pune”, tha Stavileci. 

Related Topics:
Continue Reading

Lajmet

Lista Serbe i drejtohet sërish Gjykatës Kushtetuese

Published

10 minutes ago

on

October 16, 2025

By

Më 16 tetor, Lista Serbe sërish ka dorëzuar një ankesë në Gjykatën Kushtetuese të Kosovës lidhur me zgjedhjen e nënkryetarit të Kuvendit nga radhët e komunitetit serb, duke pretenduar se janë shkelur Kushtetuta, Rregullorja e punës së Kuvendit, si dhe një aktgjykimi i mëparshëm i Gjykatës Kushtetuese.

“Po ashtu, kemi kërkuar vendosjen e një mase të përkohshme për të ndaluar veprimet antikushtetuese që mund të shkaktojnë dëme të pakthyeshme”, thuhet në njoftimin e Listës Serbe, partisë kryesore të serbëve të Kosovës që gëzon mbështetjen e Beogradit.

Kuvendi i ri i Kosovës u konstituua më 10 tetor, me zgjedhjen e Nenad Rashiqit si nënkryetar nga radhët e komunitetit serb.

Zgjedhja e tij u bë pasi të nëntë deputetët e Listës Serbe, ndonëse u hodhën nga tri herë në votim, nuk morën votat e nevojshme.

Kushtetuesja kishte trajtuar ankesën e dorëzuar më herët nga Lista Serbe lidhur me çështjen e nënkryetarëve, pasi kreu i Kuvendit, Dimal Basha, e kishte shpallur të konstituuar Kuvendin pa zgjedhjen e nënkryetarit të pestë nga radhët e komunitetit serb.

Më pas, Gjykata konstatoi se Kuvendi nuk ishte i konstituuar, duke kërkuar që deputetët të zgjidhnin nënkryetarin nga radhët e komunitetit serb, me qëllim që të hapej rruga për formimin e Qeverisë.

Në vendimin e Kushtetueses u tha se propozimi për nënkryetarin nga radhët e komuniteteve joshumicë, në këtë rast të pakicës serbe, duhet të bëhet nga shumica apo numri më i madh i deputetëve nga radhët e deputetëve të komunitetit serb.

Pasi deputetët e Listës Serbe nuk morën numrin e mjaftueshëm të votave, kryetari i Kuvendit, Dimal Basha, kërkoi që zgjedhja e nënkryetarit serb të vazhdojë përmes shortit, duke i mundësuar deputetit tjetër serb, Nenad Rashiq nga partia Për Liri, Drejtësi dhe Mbijetesë të zgjidhet nënkryetar.

Rashiq ka qenë ministër në Qeverinë e Albin Kurtit, duke udhëhequr dikasterin për Komunitete dhe Kthim.

Lista Serbe thotë se zgjedhja e Rashiqit është “jolegjitime” dhe paralajmëron se zgjedhjet do të humbasin kuptimin, nëse shumica e deputetëve shqiptarë u imponon serbëve përfaqësues, duke legalizuar ashtu “dhunën e shumicës ndaj pakicës”.

Një ditë pas zgjedhjes së Rashiqit, presidentja e Kosovës, Vjosa Osmani, ka mandatuar udhëheqësin e Lëvizjes Vetëvendosje, Albin Kurti, për formimin e Qeverisë së re. Sipas Kushtetutës, Kurti ka 15 ditë afat për t’i prezantuar Kuvendit përbërjen dhe programin e qeverisë së re.

Për zgjedhjen e Qeverisë duhen 61 vota të deputetëve dhe Kurti ka thënë se në ditët në vijim do të zhvillojë diskutime me partitë për një koalicion qeverisës. LVV në zgjedhjet e 9 shkurtit ka fituar 48 ulëse në Parlamentin me 120 deputetë.

Nëse Kurti nuk arrin të sigurojë 61 votat e nevojshme deri më 26 tetor, atëherë Osmani, sipas ligjeve, është e obliguar që brenda 10 ditëve t’i ftojë në konsultim edhe një herë partitë politike, edhe të vendosë, sipas diskrecionit të saj, për mandataren e re, nëse ajo ia dëshmon se i ka numrat për të formuar Qeverinë.

Edhe mandatarja e ardhshme duhet t’i ketë 15 ditë kohë që t’ia paraqesë Kuvendit përbërjen e kabinetit qeveritar.

Nëse Qeveria nuk formohet as pas 40 ditësh, presidentja Osmani duhet të shpallë zgjedhjet e reja./EO

Continue Reading

Lajmet

Vazhdon sot seanca gjyqësore ndaj ish-kryeshefit të KEK-ut, Nagip Krasniqi

Published

1 hour ago

on

October 16, 2025

By

Këtë të enjte, nga ora 9:30, pritet të mbahet seanca e radhës gjyqësore ndaj ish-kryeshefit të Korporatës Energjetike të Kosovës (KEK), Nagip Krasniqi, i akuzuar për keqpërdorim të detyrës zyrtare.

Krasniqi shkoi në Gjykatën e Prishtinës për t’u përballur me akuzat e Prokurorisë Speciale të Kosovës (PSRK), që sipas saj, ai i ka shkaktuar KEK-ut dëm prej 3 milionë eurosh për shkak të tregtimit të energjisë elektrike me kompaninë sllovene “Holding Slovenske Elektrane”, e cila nuk ka qenë e licensuar në Kosovë.

Dëshmitari i paraparë nga PSRK, Skender Muqolli, i cili duhej të dëshmonte më 14 tetor, nuk u paraqit fare në gjykatë për arsye shëndetësore.

Gjyqtari Arben Hoti njoftoi se nuk ishte paraqitur asnjë provë që të mbështeste këtë pretendim, por sipas tij, zyra e tij e kishte kontaktuar Muqollin, i cili kishte pohuar pretendimin përmes telefonit.

Për shkak të mungesës së dëshmitarit, seanca u shty dhe pritet të vazhdojë sot, më 16 tetor.

Në seancën e shqyrtimit fillestar të mbajtur më 8 tetor 2025, Krasniqi nuk e kishte pranuar fajësinë për akuzën e keqpërdorimit të detyrës zyrtare./EO

Continue Reading

Lajmet

Bastiset një shtëpi në Leposaviq, gjenden emblema dhe jelek i ushtrisë serbe

Published

1 hour ago

on

October 16, 2025

By

Një person është arrestuar pasi në shtëpinë e tij janë gjetur dhe konfiskuar armë, predha, këmisha me emblema të policisë serbe dhe një jelek i ushtrisë serbe.

Sipas raportit të Policisë së Kosovës në shtëpinë e të dyshuarit janë gjetur: një AK47,55 fishekë, një bajonetë, një predhë e fishekut, dy këmisha me emblema te policisë serbe, një jelek i ushtrisë serbe.

Pas intervistimit, me vendim të prokurorit i dyshuari është liruar në procedurë të rregullt.

“Fsh.Mikinic, Leposaviq 15.10.2025-14:30. Raportohet se gjatë bastisjes në shtëpinë e të dyshuarit mashkull kosovar, janë gjet dhe konfiskuar: një AK47,55 fishekë, një bajonetë, një predhë e fishekut, dy këmisha me emblema te policisë serbe, një jelek i ushtrisë serbe. I dyshuari është arrestuar dhe pas intervistimit me vendim të prokurorit lirohet në procedurë të rregullt”, thuhet në raportin e Policisë së Kosovës./KP

Continue Reading

Lajmet

Dogana sekuestron telefona të rinj të padeklaruar në Prishtinë

Published

1 hour ago

on

October 16, 2025

By

Dogana e Kosovës ka njoftuar se gjatë kontrollit në një subjekt ekonomik në Prishtinë, në një nga bodrumet e objektit është gjetur një kasafortë e mbuluar me pako, e cila pas hapjes ka rezultuar të përmbajë një sasi të konsiderueshme telefonash të rinj të padeklaruar.

Pala nuk ka ofruar asnjë dokumentacion për origjinën e mallit, transmeton KosovaPress.

Sasia e gjetur dhe sekuestruar është si vijon:

19 copë telefona mobil të mençur SAMSUNG GALAXY A26 5G
21 copë telefona mobil të mençur SAMSUNG GALAXY A16
1 copë tablet SAMSUNG GALAXY TAB A9+ 5G

Në total janë sekuestruar 41 pajisje të reja elektronike. Sekuestrimi është kryer në përputhje me procedurat ligjore, duke u plotësuar dokumentacioni përkatës.

Dogana e Kosovës thotë se do të vazhdojë me procedurat administrative dhe hetimore lidhur me këtë rast. Kontrolli i tregtisë ilegale dhe mbrojtja e tregut të brendshëm nga mallrat e padeklaruara mbeten ndër prioritetet kryesore të institucionit./D.B/KP

Continue Reading

Të kërkuara