Lajmet

20 vjet nga krijimi i burgut të Guantanamos, Biden dëshiron të mbyllë objektin famëkeq

Në dy dekadat e fundit, rreth 780 persona janë mbajtur në burg.

Published

on

Kanë kaluar 20 vite që nga krijimi i burgut famëkeq të Guantanamos në Kubë. Pas sulmeve të 11 shtatorit të vitit 2001, Shtetet e Bashkuara vendosën të krijonin një strukturë të dizenjuar për të mbajtur të dyshuarit, në atë që kritikët e përshkruan si jashtë juridiksionit normal dhe proceseve gjyqësore.

Në dy dekadat e fundit, rreth 780 persona janë mbajtur në burg mes pretendimeve për tortura dhe trajtime çnjerëzore brenda këtyre mureve.

“Është e pabesueshme kur e mendon se asnjë anëtar i CIA-s nuk është mbajtur përgjegjës për hapjen e këtyre institucioneve, për transferimin e paligjshëm të 119 personave, nga të cilët 39 janë torturuar, dhe ne besojmë, dhe dyshojmë se janë më shumë. 5 persona të burgosur në Guantanamo u akuzuan për sulmet e 11 shtatorit, dhe asnjë prej tyre nuk ka dalë ende përpara gjykatës, sepse në Guantanamo funksionon i ashtuquajturi komisioni ushtarak që nuk ka funksionin e një gjykate, dhe nuk lejon proceset gjyqësore”, u shpreh Letta Taylor, drejtuese e divizionit mbi respektimin e të drejtave të njeriut.

Aktualisht në burgun famëkeq ndodhen 39 persona. Presidenti amerikan Joe Biden bëri të ditur qëllimin e tij për ta mbyllur.

Pavarësisht kësaj, burgu pritet të zgjerohet këtë vit, me një sallë gjyqësore miliona dollarëshe.

Lajmet

Derbi kryeqytetas hap xhiron e 33-të në Superligën e Kosovës

Published

on

Xhiroja e 33-të në Superligën e Kosovës ka nisur sot me derbin e kryeqytetit mes Prishtinës së Re dhe Prishtinës, i cili ka filluar sot në orën 15:00.

Skuadra e Prishtinës, fituese aktuale e Kupës së Kosovës, do të marrë pjesë në finalen e Superkupës Kosovë -Diasporë gjatë fundjavës, ndaj kjo ndeshje është zhvendosur për t’u zhvilluar më herët.

Prishtina e Re ndodhet në një situatë të vështirë dhe është pranë rënies nga elita, ndërsa një humbje eventuale sot do ta vuloste edhe matematikisht largimin e saj nga Superliga.

Në anën tjetër, Prishtina kërkon fitoren për të mbajtur gjallë shpresat për pozitën e tretë, e cila siguron dalje në garat evropiane.

Formacionet zyrtare:

Prishtina e Re: Smakiqi, Zekolli, Vitija, Morina, Zeqiri, Doukoure, Smaci, Mekic, Nya-Vedji, Berisha, Fazliu.

Prishtina: Gjokaj, Mokono, Bytyqi, Vitija, Bajraktari, Taipi, Zeqiri, Krasniqi, Muja, Ahmeti, Kryeziu.

Continue Reading

Lajmet

Mbrëmje muzikore polake në Prishtinë

Published

on

Në shënim të Ditës së Kushtetutës së Polonisë, më 3 maj, dhe në bashkëpunim me Konsullatën e Përgjithshme të Republikës së Kosovës në Varshavë, Filharmonia e Kosovës solli për publikun e Prishtinës Kuartetin Harkor të Filharmonisë së Krakovës.

Mbrëmja u hap nga drejtori i Filharmonisë së Kosovës, Dardan Selimaj, i cili për fjalët përshëndetëse ftoi Mateusz Prendotën, drejtor i Filharmonisë së Krakovës, dhe Drilon S. Gashin, ambasador i Republikës së Kosovës në Varshavë. Në fjalimet e tyre u theksua rëndësia e bashkëpunimit ndërmjet institucioneve kulturore dhe roli i shkëmbimeve artistike në forcimin e miqësisë mes Kosovës dhe Polonisë.

Në një atmosferë të veçantë, muzikantët Joanna Konarzewska, Zuzanna Frankiewicz, Jan Czyżewski dhe Martyna Sołtys interpretuan dy vepra të rëndësishme të repertorit polak për kuartet harkor: “Kuarteti Harkor Nr. 2, Op. 42” nga Władysław Żeleński dhe “Kuarteti Harkor Nr. 3” nga Grażyna Bacewicz.

Mbrëmja konfirmoi edhe një herë rolin e artit dhe kulturës si ura të fuqishme të bashkëpunimit ndërkombëtar, si dhe dëshmoi përkushtimin për thellimin e pranisë kulturore polake në Kosovë.

Continue Reading

Lajmet

Vizita kulturore në El Salvador nis me institucione kyçe

Published

on

Në ditën e parë të qëndrimit në El Salvador, Ministria e Kulturës e këtij vendi organizoi një program vizitash në disa nga institucionet më të rëndësishme kulturore për ekipin nga Kosova.

Vizita nisi në Bibliotekën Kombëtare, ku u prezantuan hapësirat moderne, përfshirë laboratorë të avancuar për printim 3D, robotikë dhe teknologji të tjera në shërbim të publikut dhe edukimit.

Më pas, u zhvillua një vizitë në Pallatin Kombëtar, ku u ofrua një pasqyrë mbi historinë dhe trashëgiminë institucionale të vendit.

Programi vijoi në Teatro Nacional de El Salvador, ku Baleti Kombëtar i Kosovës do të performojë më 8, 9 dhe 10 maj në gala mbrëmje të përbashkëta me Baletin Kombëtar të El Salvadorit.

Në përfundim, u shpreh mirënjohje për Ministrinë e Kulturës së El Salvadorit për mikpritjen, organizimin dhe përkushtimin në prezantimin e këtyre vlerave kulturore.

Continue Reading

Lajmet

Avokati i Popullit njofton Rubion dhe partnerët ndërkombëtarë për “shkeljet” në Speciale

Published

on

By

Avokati i Popullit, Naim Qelaj, u ka dërguar një letër zyrtare Sekretarit të Shtetit të SHBA-së, Marco Rubio, dhe shteteve financuese të Dhomave të Specializuara në Hagë, duke ngritur shqetësime serioze për shkeljen e të drejtave të njeriut.

Bazuar në një raport të pavarur të “Bar Human Rights Committee”, Qelaj evidenton probleme kritike sa i përket garantimit të një gjykimi të drejtë, transparent dhe të paanshëm për të akuzuarit në Hagë.

Letra, e cila u është dërguar edhe krerëve të Bashkimit Evropian si Ursula von der Leyen dhe Kaja Kallas, thekson se praktikat aktuale të Gjykatës Speciale po bien ndesh me Konventën Evropiane për të Drejtat e Njeriut dhe Kushtetutën e Kosovës.

Avokati i Popullit nënvizon se, ndonëse liderët e Kosovës u dorëzuan vullnetarisht për t’u përballur me drejtësinë, integriteti i procesit po dëmtohet nga mungesa e standardeve ndërkombëtare, duke kërkuar ndërhyrjen e faktorit ndërkombëtar për të siguruar llogaridhënie dhe pavarësi gjyqësore.

Continue Reading

Të kërkuara