Lajmet

20 vjet nga krijimi i burgut të Guantanamos, Biden dëshiron të mbyllë objektin famëkeq

Në dy dekadat e fundit, rreth 780 persona janë mbajtur në burg.

Publikuar

Kanë kaluar 20 vite që nga krijimi i burgut famëkeq të Guantanamos në Kubë. Pas sulmeve të 11 shtatorit të vitit 2001, Shtetet e Bashkuara vendosën të krijonin një strukturë të dizenjuar për të mbajtur të dyshuarit, në atë që kritikët e përshkruan si jashtë juridiksionit normal dhe proceseve gjyqësore.

Në dy dekadat e fundit, rreth 780 persona janë mbajtur në burg mes pretendimeve për tortura dhe trajtime çnjerëzore brenda këtyre mureve.

“Është e pabesueshme kur e mendon se asnjë anëtar i CIA-s nuk është mbajtur përgjegjës për hapjen e këtyre institucioneve, për transferimin e paligjshëm të 119 personave, nga të cilët 39 janë torturuar, dhe ne besojmë, dhe dyshojmë se janë më shumë. 5 persona të burgosur në Guantanamo u akuzuan për sulmet e 11 shtatorit, dhe asnjë prej tyre nuk ka dalë ende përpara gjykatës, sepse në Guantanamo funksionon i ashtuquajturi komisioni ushtarak që nuk ka funksionin e një gjykate, dhe nuk lejon proceset gjyqësore”, u shpreh Letta Taylor, drejtuese e divizionit mbi respektimin e të drejtave të njeriut.

Aktualisht në burgun famëkeq ndodhen 39 persona. Presidenti amerikan Joe Biden bëri të ditur qëllimin e tij për ta mbyllur.

Pavarësisht kësaj, burgu pritet të zgjerohet këtë vit, me një sallë gjyqësore miliona dollarëshe.

Lajmet

​Dënimi i krerëve të shoqatave të luftës së UÇK-së në Hagë, reagon Haradinaj

Hysni Gucati e Nasim Haradinaj sot u dënuan nga Gjykata Speciale me nga katër vjet e gjysmë burg.

Publikuar

nga

Kryetari i Aleancës për Ardhmërinë e Kosovës (AAK), Ramush Haradinaj ka reaguar pas dënimit me burg të krerëve të shoqatave të dala nga lufta e UÇK-së në Hagë.

Hysni Gucati e Nasim Haradinaj sot u dënuan nga Gjykata Speciale me nga katër vjet e gjysmë burg. Në reagimin e tij, kryetari i AAK-së u ka bërë thirrje Gucatit e Haradinajt që të qëndrojnë të fortë.

“Sot u dënuan krerët e OVL të UÇK-së, Hysni Gucati dhe Nasim Haradinaj. Do i them pak fjalë për Nasimin. Stërgjyshi i tij, Xhemajli i parë, pjesëmarrës në shumë luftëra kundër pushtuesve u vra në Gjakovë te kulla e Abdullah Pashë Drenit, në mbrojtje të Lidhjes së Prizrenit. Gjyshi i tij, Xhemali i dytë, pjesëmarrës në të gjitha luftërat për liri. Bashkëshortja e tij, gjyshja e Nasimit, ishte bijë e Tishukëve, familje e njohur atdhetare në Dukagjin e Kosovë. Babai i tij, Smajl Haradinaj, luftëtar i paepur për të drejtën e shqiptarëve, pjesëmarrës në lëvizjet antijugosllave dhe për bashkim me Shqipërinë, i burgosur politik mbi 20 vjet. Nana Myzaqet, vëllau Naimi, motrat Shqipja e Naimja, bashkëshortja Xhejlanja, e veçanërisht vëllai i vogël Agroni që vuan nga një sëmundje e rëndë, e kuptojnë dhe e ndjejnë peshën e vendimit të sotëm, sepse nuk janë brezi i parë që përballohen me sfida të tilla. Bashkëluftëtarë Hysni e Nasim, qëndroni të fortë. Lufta për liri e shtet vazhdon!”, shkroi Haradinaj në Facebook.

Vazhdo të lexosh

Lajmet

​Schalin: Finlanda do të angazhohet për anëtarësimin e Kosovës në NATO

Sipas tij, NATO ka një politikë të dyerve të hapura.

Publikuar

nga

Shefi i Ambasadës së Finlandës në Kosovë, Johan Schalin ka folur për procesin e anëtarësimit të vendit të tij në NATO, në kohën e agresionit rus në Ukrainë.

Gjithashtu ai ka thënë se vendi i tij do të përkushtohet në të ardhmen që ta përkrah Kosovën në procesin e anëtarësimit në aleancën më të madhe ushtarake në botë.

“Unë mendoj se çdo vend merr vendimet e veta për sigurinë e tij, kështu që është e vështirë të japësh këshilla. Tani për tani, ne jemi shumë të fokusuar në rrugën tonë drejt NATO-s. E vërej që jemi ulur në Kosovë, gjatë kësaj interviste dhe Kosova nuk është anëtare e NATO-s, kurse shumë vende fqinje të saj janë”, ka thënë Schalin për Geopost.

Ai më tej ka theksuar se NATO ka një politikë të dyerve të hapura.

“Nëse Finlanda hyn para Kosovës në NATO, do të angazhohemi për të njëjtën politikë të dyerve të hapura siç ka vendosur NATO kolektivisht. Mendoj se në një moment në të ardhmen mund të jetë një zgjedhje që Kosova mund ta bëjë”, ka përfunduar kreu i Ambasadës së Finlandës në Prishtinë.

Vazhdo të lexosh

Lajmet

Shefi i OKB-së: Lufta në Ukrainë “një thirrje zgjimi” për të rregulluar sistemin global të energjisë

“E vetmja e ardhme e qëndrueshme është ajo e rinovueshme” tha ai.

Publikuar

nga

Sekretari i Përgjithshëm i OKB-së, António Guterres, ka njoftuar një plan për të përshpejtuar kalimin e botës në energjinë e rinovueshme, duke thënë se lufta në Ukrainë ishte një thirrje zgjimi për globin që të heqë dorë nga karburantet fosile.

“Lufta në Ukrainë dhe efektet e saj të menjëhershme në çmimet e energjisë është një tjetër thirrje zgjimi. E vetmja e ardhme e qëndrueshme është ajo e rinovueshme. Ne duhet t’i japim fund ndotjes nga karburantet fosile dhe të përshpejtojmë tranzicionin e energjisë së rinovueshme, përpara se të djegim shtëpinë tonë të vetme”, tha ai, duke shtuar “koha po mbaron”./UBTNews/

Vazhdo të lexosh

Lajmet

Gucati e Haradinaj dënohen me nga katër vjet e gjysmë burgim

Ish-drejtuesit e OVL-UÇK-së u dënuan për publikimin e dokumenteve të Gjykatës Speciale.

Publikuar

nga

Dhomat e Specializuara në Hagë shpallën fajtorë dy ish-drejtuesit e Organizatës së Veteranëve të Luftës së Ushtrisë Çlirimtare të Kosovës, Hysni Gucatin dhe Nasim Haradinaj, duke i dënuar me nga katër vjet e gjysmë burgim dhe me gjobë prej 100 eurosh.

Në dënim do të llogaritet edhe koha e kaluar në paraburgim që nga shtatori i vitit 2020.

Ish-drejtuesit e OVL-UÇK-së u dënuan për publikimin e dokumenteve të Gjykatës Speciale./UBTNews/

Vazhdo të lexosh

Të kërkuara