Kulturë, Lifestyle

1991/Metallica, Nirvana, Guns N’Roses dhe viti që ndryshoi rock-un

Brenda vetëm shtatë javëve, nga mesi i gushtit deri në fillim të tetorit, një seri albumesh dolën në treg.

Publikuar

2 javë më parë

më

Nëse rroku i viteve ’90 kishte një vit-flamur, ai ishte 1991. Viti kishte nisur me Operation Desert Storm në Irak dhe Luftën e Parë të Gjirit, por një “bombardim” jo më pak i rëndësishëm ndodhi disa muaj më vonë. Brenda vetëm shtatë javëve, nga mesi i gushtit deri në fillim të tetorit, një seri albumesh dolën në treg, të cilët do të bëheshin jo vetëm më të shiturit e atij viti, por edhe do i jepnin formë dekadës së ardhshme.

Ata ishin “Black Album” i Metallica, “Nevermind” i Nirvana, “Use Your Illusion I” i Guns’n’Roses, “Ten” i Pearl Jam dhe “Blood Sugar Sex Magic”, i Red Hot Chilli Peppers. Të gjithë bashkë, sollën një epokë të re në historinë e rock-ut, të ngjashme me epokën e artë të viteve shtatëdhjetë.

Në fakt, gjërat kishin nevojë për një shkundje të fortë. Hard Rock-u i modës së vjetër po kapej fort pas “karrikes” së vet. Grupet e preferuar të të ashtuquajturve baby boomers, si Van Halen, Bryan Adams, Ozzy Osbourne dhe Scorpions ishin në të gjithë klasifikimet. “Extreme”, një grup funk rock-u nga Bostoni bëri bujë me baladën akustike “More than words”, ndërkohë që grupi nga New Jersey, Skid Row u ngjitën në vendin e parë me albumin e tyre të dytë, “Slave to the Grind”.

Kënga më e dëgjuar e vitit ishte “Bohemian Rhapsody” e Queen. Ishte realizuar në 1976, por ishte rikthyer në skenë pas vdekjes së Freddie Mercury. Dukej sikur, sa më shumë që gjërat ndryshonin, aq më shumë ato mbeteshin njësoj. Por, shumë shpejt një përmbysje do të ndodhte në shumë fronte.

Metallica dhe sidomos Guns’n’Roses ishin tashmë grupe që kishin sjellë hit-e të mëdha, dhe prapa tyre kishin kompani diskografike me peshë. Askush nuk u befasua prej suksesit të tyre. Po kështu, The Red Hot Chilli Peppers, kishin ndërtuar një bazë fansash që në mesin e dekadës paraardhëse, pasi kishin lënë pas varësinë nga droga dhe vdekjen e ish kitaristit, Hillel Slovak.

Por, ajo që po ziente në të vërtetë ishte skena e muzikës Grunge. Pearl Jam, Soundgarden dhe grupi nga Chicago, The Smashing Pumpkins, ishin në pararojë të kësaj lëvizjeje të re. E megjithatë, ishte albumi i dytë i një grupi me tre 20 e ca vjeçarë sarkastikë, që e futi në të vërtetë në hartë muzikën grunge dhe qytetin e Seattle.

Pak njerëz do kishin vënë bast që Nirvana do të bëheshin një prej grupeve më të mira të dekadës, edhe pasi ata kaluan tek kompania diskografike DGC Records. Por kënga e tyre e parë, një hit i mbushur me sarkazmë i quajtur “Smells like teen spirit”, u ngjit menjëherë në majat e hiteve të MTV dhe radiove. Albumi ku ajo bënte pjesë, Nevermind u ngjit dhe ai në majë të renditjeve të të gjithë botës, pas daljes në 24 shtator 1991.

Eshtë e kollajtë të harrosh sot, se shumë gjëra kishin ndodhur në të dy skajet e muzikës. Muzika alternative po futej në radarë me inaugurimin e festivalit të Lollapalooza në korrik, i cili shumë shpejt u bë një histori suksesi befasuese. Kjo edhe falë një serie grupesh si Jane’s Addiction, Siouxsie and the Banshees, Living Colour, Ice-T et.

Gjëra interesante po ndodhnin edhe në skajet e muzikës metal, nga heronjtë brazilianë Sepultura me albumin e tyre Arise deri tek disa të pakënaqur norvegjezë që digjnin kisiha dhe që hodhën themelet e skenës së black metal.

Por të gjitha këto nuk ishin asgjë, në krahasim me shkundjen e madhe që ndodhi në ato shtatë javë të lavdishme në fundin e verës dhe fillimin e vjeshtës. Në fund të vitit, Metallica ua kishin kaluar në shitje albumesh, por Nirvana ishin bërë flamuri përreth të cilit një brez i ri muzikantësh dhe fansash po mblidheshin me shpejtësi. Ndryshimi kishte ardhur, dhe fiks në momentin e duhur./Bota.al

Etiketa
Vazhdo të lexosh

Kulturë, Lifestyle

Arabia Saudite do të organizojë për herë të parë një Javë Mode!

Arabia Saudite do të organizojë Javën e Modës në Riad nga 20 deri më 23 tetor.

Publikuar

3 orë më parë

më

26 Shtator, 2023

nga

Arabia Saudite do të organizojë Javën e Modës në Riad nga 20 deri më 23 tetor me pjesëmarrjen e 30 markash vendase. Krahas ngjarjes inauguruese, e cila po mbahet nga Komisioni i Modës në Arabinë Saudite, do të ketë gjithashtu një hapësirë ekspozite ku produktet e markave vendase do të vendosen dhe do të shfaqen për blerësit ndërkombëtarë dhe vendas.

Arabia Saudite do të organizojë Javën e Modës në Riad nga 20 deri më 23 tetor me pjesëmarrjen e 30 markash vendase. Krahas ngjarjes inauguruese, e cila po mbahet nga Komisioni i Modës në Arabinë Saudite, do të ketë gjithashtu një hapësirë ekspozite ku produktet e markave vendase do të vendosen dhe do të shfaqen për blerësit ndërkombëtarë dhe vendas.

Përveç kësaj, Java e Modës do të nisë me një darkë gala hapëse që do të mirëpresë mbi 250 pjesëmarrës nga komuniteti ndërkombëtar i modës. Në një njoftim, CEO i komisionit, Burak Çakmak, tha: “Për herë të parë, ne po mirëpresim komunitetin global të modës në qendrën e modës në Arabinë Saudite, këtu në Riad.

Ngjarja do të shfaqë më të mirën e talentit tonë krijues, duke i dhënë edhe një mundësi tjetër markave tona për t’u lidhur me botën. Pavarësisht nëse na bashkoheni personalisht ose përmes transmetimit të drejtpërdrejtë, ne mezi presim të nxjerrim në pah atë që ka për të ofruar moda saudite”.

Detajet e Javës së Modës u zbuluan fillimisht gjatë Javës së Modës në Paris, në të cilën Komisioni i Modës në Arabinë Saudite prezantoi një numër stilistësh sauditë për të shfaqur koleksionet e tyre.

Shitjet me pakicë të modës pritet të rriten me 28 për qind, në 32 miliardë dollarë deri në vitin 2025, sipas një raporti nga “Fashion Futures”./syri.net/

Vazhdo të lexosh

Kulturë, Lifestyle

Diddy thotë se ka ende shumë gjëra për të bërë në karrierën e tij

Ai publikoi albumin e tij të parë në 17 vjet, të titulluar “The Love Album: Off the Grid”, më 15 shtator.

Publikuar

4 orë më parë

më

26 Shtator, 2023

nga

Sean ‘Diddy’ Combs ka zbuluar se ai ka ende “shumë gjëra” që dëshiron të bëjë në karrierën e tij.

Gjatë një interviste për Billboard, 53-vjeçari e bëri të qartë se ai ka ende shumë synime në listën e detyrave të karrierës së tij pas vitesh që nuk publikoi muzikë solo.

“Unë jam një 26-vjeçar në një trup 53-vjeçar”, tha duke qeshur reperi. “Ka ende shumë gjëra që dua të bëj në listën time. Pra, po, jam kthyer. Vetëm duke bërë para dhe duke u argëtuar. Sa herë që të më duketsi punë, unë do të largohem”.

Ikona e muzikës publikoi albumin e tij të parë solo në 17 vjet, të titulluar “The Love Album: Off the Grid”, më 15 shtator. Përpara publikimit, ai u nderua me çmimin Global Icon në MTV Video Music Awards./UBTNews/

Vazhdo të lexosh

Kulturë, Lifestyle

Joe Jonas dhe Sophie Turner bien dakord që fëmijët të qëndrojnë përkohësisht në Nju Jork

Kjo ndërsa ata të dy vazhdojnë me betejën e tyre të divorcit.

Publikuar

9 orë më parë

më

26 Shtator, 2023

nga

Fëmijët e Joe Jonas dhe Sophie Turner do të qëndrojnë në Nju Jork ndërsa yjet vazhdojnë me betejën e tyre të divorcit.

Sipas dokumenteve të depozituara në Manhattan — të marra nga New York Post dhe People — dy vajzat e ish-çiftit duhet të qëndrojnë përkohësisht brenda shtetit të SHBA-së.

Urdhri theksonte gjithashtu se Joe dhe Sophie kishin rënë dakord të dy për marrëveshjen e përkohshme të jetesës që përfshinte Willa-n tre-vjeçare dhe fëmijën 14-muajsh, emri i të cilit nuk është bërë publik.

“Palët kanë rënë dakord për urdhrin e propozuar të përkohshëm… që ndalon largimin e fëmijëve të palëve nga juridiksionet e Gjykatave të Qarkut të Shteteve të Bashkuara për Distriktet Jugore dhe Lindore të Nju Jorkut në pritje të urdhrit të mëtejshëm të kësaj Gjykate”, thuhet në dokumente.

Lajmi vjen pasi Sophie e paditi Joe javën e kaluar dhe e akuzoi atë se refuzoi t’i linte fëmijët e tyre të ktheheshin në “shtëpinë e tyre të përhershme” në Angli. Aktorja britanike pretendoi gjithashtu se ai ua kishte mbajtur pasaportat.

Joe u përgjigj dhe këmbënguli se vajzat e tyre kishin lindur në SHBA dhe kishin kaluar shumicën e kohës duke jetuar atje./UBTNews/

Vazhdo të lexosh

Kulturë, Lifestyle

Përballja e Bruce Willis me sëmundjen e demencës, flet gruaja e tij

Ajo pranoi se është “e vështirë të dihet” nëse ylli i Hollivudit është në dijeni apo jo për sëmundjen e tij.

Publikuar

11 orë më parë

më

26 Shtator, 2023

nga

Gruaja e yllit të Hollivudit, Bruce Willis foli sinqerisht në CBS’ Today Show për rrugëtimin e tij me sëmundjen e demencës frontotemporale.

Emma Heming, së fundmi foli mbi shëndetin e aktorit rreth diagnozës së tij të demencës, dhe pranoi sinqerisht se është “e vështirë të dihet” nëse ylli i Hollivudit është në dijeni apo jo për sëmundjen e tij.

Në shkurt të këtij viti, familja Willis njoftoi publikisht diagnozën e aktorit 68-vjeçar të “Die Hard” me demencë frontotemporale, një formë e pazakontë e demencës e karakterizuar nga përkeqësimi progresiv i sjelljes, personalitetit dhe gjuhës.

Gjatë një interviste në “CBS’s Today Show”, Heming tha se përballja me demencën e brrallurrit të saj ka qenë “e vështirë për familjen”.

“Ajo që po mësoj është se demenca është e vështirë”, tha ajo. “Është e vështirë për personin e diagnostikuar, është e vështirë edhe për familjen”.

Çifti ka dy vajza të vogla, Evelyn dhe Mabel, ndërsa Willis ka gjithashtu tre vajza të rritura nga martesa e tij e mëparshme me aktoren, Demi Moore.

Heming ka përdorur në mënyrë aktive mediat sociale për të mbrojtur ndërgjegjësimin për demencën, duke organizuar rregullisht diskutime të drejtpërdrejta në Instagram me profesionistë të kujdesit shëndetësor dhe kolegë kujdestarë./klankosova.tv./

Vazhdo të lexosh

Të kërkuara