

Lajmet
19 mësimdhënës dhe 50 nxënës me COVID-19 në Prishtinë
Published
5 years agoon
By
Betim GashiQë nga fillimi i gjysmëvjetorit të dytë, në shkollat e komunës së Prishtinës me COVID-19 janë infektuar 19 mësimdhënës, 50 nxënës dhe një punëtor teknik. Vetëm në dy shkolla të kryeqytetit është duke u zhvilluar mësimi online si pasojë që kanë rezultuar mësimdhënës e nxënës pozitiv me COVID-19.
Drejtoresha e Arsimit në komunën e Prishtinës, Shpresa Shala në një intervistë për KosovaPress thotë se ka rënie të numrit të të infektuarve me koronavirus brenda shkollave të Prishtinës.
Shala thotë se procesi mësimor në këtë gjysmëvjetor është duke shkuar më mirë sesa ai i kaluari, megjithatë deklaron se ka rënie të cilësisë në arsim si pasojë e pandemisë COVID-19.
“Kjo periudhë ka filluar pak më mirë pasi që e kemi pasur përvojën e periudhës së parë dhe e kemi bërë një analizë se çka ka shkuar mirë dhe çka jo, në fakt të gjitha shkollat e kanë bërë të njëjtën bashkë me DKA-në dhe tashmë mësimi është duke shkuar më mirë. Për momentin nuk kemi probleme të theksuara, kemi numër të të infektuarve por jo sikur në periudhën e parë, do të thotë ka rënie të numrit të të infektuarve. Për momentin i kemi 19 mësimdhënës, një staf teknik dhe 50 nxënës të infektuar nëpër shkolla të ndryshme, të cilat në rast se një nxënës është pozitiv në një klasë atëherë klasa shkon në mësim online, por si shkolla komplet e kemi vetëm shkollën ‘Nazim Gafurri’ klasa 1 deri në 5 janë online dhe shkolla në Hajvali klasa 6 deri në 9”, thotë ajo.
Shala thotë se gjendja shëndetësore e të prekurve me COID-19, sipas informacioneve që i kanë, është e mirë dhe se nuk kanë komplikime.
E para e Arsimit në Prishtinë, thotë se janë të vetëdijshëm që ka rënie të cilësisë për arsye të ndryshme gjatë vitit të fundit, megjithatë thotë se janë duke punuar në vazhdimësi që ta përmirësojnë cilësinë në nivel të komunës.
Ajo bëri të ditur se sot dhe nesër do të mbahet një trajnim me drejtorët e shkollave të kryeqytetit, e që për qëllim ka vlerësimin e përformancës së shkollës. Pas këtij trajnimi, Shala tha se shkollat nga e hëna do të fillojnë vlerësimin e përformancës dhe nxjerrjen e dobësive brenda shkollave.
“Nuk kemi bërë ndonjë vlerësim për të ditur se a ka ngecje apo ka suksese në këtë periudhë, mirëpo jemi të vetëdijshëm që nuk ka suksese dhe ka rënie të cilësisë për shkak të qoftë minutazhës së shkurtër të orëve mësimore, qoftë mungesave të cilat nxënësit i kanë bërë për shkak të infeksioneve apo mësimdhënësit për shkak të infeksionit me COVID-19. Mirëpo, ne si DKA në vazhdimësi jemi duke punuar që të përmirësojmë cilësinë në nivel të komunës. Tanimë jemi duke mbajtur një trajnim me Asociacionin e Drejtorëve të komunës së Prishtinës, me të gjithë drejtorët e shkollave dhe koordinatorët e cilësisë, do të thotë trajnimi është për vlerësimin e përformancës së shkollës, që në fakt pas trajnimit dy ditor i cili është sot dhe nesër, shkollat nga e hëna fillojnë vlerësimin e përformancës që t’i nxjerrin dobësitë dhe mangësitë të cilat i kanë në shkolla dhe duhet t’i caktojnë prioritetet për të punuar dhe për t’i evituar ato mangësi të cilat ekzistojnë nëpër shkolla”, thotë Shala.
Përkundër që Shala vlerëson që mësimi me orar të shkurtuar e me klasë të ndarë në dy grupe nuk është shumë efektiv, thotë se kthimin në normalitet do ta bëjnë vetëm kur të marrin një rekomandim të tillë nga IKSHPK-ja.
“Ne gjithmonë punojmë me rekomandime të IKSHPK-së dhe në momentin që ata na lirojnë masat dhe thuhet që duhet të kthehemi me të gjithë nxënësit në klasë, ne jemi të gatshëm të kthehemi dhe jemi të vetëdijshëm që është shumë më mirë të kthehen të gjithë nxënësit. Por, përderisa kemi rekomandime nga ta dhe nga MASH që nuk mund të kthehen të gjithë nxënësit, ne i respektojmë të gjitha ato masa”, deklaroi ajo.
Drejtoresha e Arsimit në Prishtinë thotë se vazhdon të jetë problematike mbajtja e mësimit online për shkak të mungesës së pajisjeve teknologjike, megjithatë thotë se mësimdhënësit dhe nxënësit tashmë janë aftësuar që t’i përdorin platformat online.
Sa i përket furnizimit të shkollave me dezinfektues e me maska, Shala thotë se qëndrojnë mirë dhe të gjithë përgatitjet i kanë bërë gjatë pushimit dimëror.
“Gjatë pushimit dimëror të gjitha shkollat janë furnizuar me dezinfektues dhe rezerva të dezinfektuesve, gjithashtu kemi pasur edhe donacione të shumta nga donatorët, në këtë rast UNICEF-i ka mbështetur të gjitha shkollat e komunës së Prishtinës edhe me dezinfektues edhe me materiale higjienike. Kështu që po ia dalim edhe vet, mirëpo me bashkëpunim dhe me ndihmën e donatorëve këto vështirësi po janë të tejkalueshme. Do të thotë sa i përket aspektit teknik të sigurimit të mjeteve dezinfektuese, gjithashtu edhe niveli i pastërtisë nëpër shkolla është rritur. Mbetet vetëm vetëdijësimi i popullatës në përgjithësi sepse popullata reflekton tek nxënësit brenda shkollës”, thotë Shala.
Gjysmëvjetori i dytë këtë vit për shkak të pandemisë COVID-19 ka filluar më 18 janar.
Lajmet
Legjenda e Barcelonës njofton pensionimin nga futbolli
Published
49 minutes agoon
September 26, 2025By
UBT News
Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.
37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.
“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.
Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.
Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.
“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.
Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/
Lajmet
Osmani takohet me presidentin e Senegalit
Published
2 hours agoon
September 26, 2025By
UBTnews
Presidentja e vendit, Vjosa Osmani, gjatë qëndsrimit të saj në New York, është takuar me presidentin e Senegalit Bassirou Diomaye Faye.
Osmani përmes një njoftimi në Facebook, ka treguar se diskutuar mundësitë për thellimin e bashkëpunimit në fusha strategjike.
“Me Presidentin e Senegalit, Bassirou Diomaye Faye, zhvilluam një takim në Neë York për të diskutuar mundësitë për thellimin e bashkëpunimit në fusha strategjike.
Partneriteti ynë i qëndrueshëm përbën një shembull të miqësisë dhe bashkëpunimit, të cilin do të vazhdojmë ta forcojmë”, shkruan Osmani./D.B/EO
Lajmet
Arrestohet një i dyshuar për sulm seksual ndaj një të miture në Podujevë
Published
2 hours agoon
September 26, 2025By
UBTnews
Policia e Kosovës ka njoftuar se ka arrestuar një person të dyshuar për sulm seksual ndaj një të miture në Podujevë. Rasti raportohet të ketë ndodhur gjatë muajit shtator.
Sipas raportit 24-orësh të Policisë, i dyshuari, shtetas kosovar, është dërguar në mbajtje./D.B/KP
Lajmet
Nis Superliga e Kosovës në futsall këtë fundjavë
Published
2 hours agoon
September 26, 2025By
UBT News
Superliga e Kosovës në futsall nis këtë fundjavë me edicionin e ri 2025/26, ku java e parë do të zhvillohet të dielën dhe të hënën, me disa duele interesante në program.
Të dielën, FC Liqeni përballet me FC Trepçën në Drenas, ndërsa në kryeqytet do të luhet derbi mes FC Mabetex Prishtina dhe FC Drenicës.
Të hënën, në kuadër të javës së parë, FC Drenasi do të sfidojë FC Shtimja 26, kurse FC Malisheva pret FC Prishtina 01.
Skuadra e FC Obiliqit do të pushojë këtë javë./S.K/KP/FFK-Futsal/

Legjenda e Barcelonës njofton pensionimin nga futbolli

Osmani takohet me presidentin e Senegalit

Arrestohet një i dyshuar për sulm seksual ndaj një të miture në Podujevë

Nis Superliga e Kosovës në futsall këtë fundjavë

Sean ‘Diddy’ Combs rikthehet në gjykatë për të kërkuar një gjykim të ri

18 nga librat më të mirë të vitit sipas gazetarëve të BBC

Ylli amerikan Luke Combs tregon se si e bëri Britaninë të dashurohej me muzikën country

Filmi për oficerin indian që kapi dy herë një vrasës famëkeq, tani edhe në Netflix

Ky gabim në larje mund t’i bëjë rrobat tuaja të mbajnë erë të lagësht
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Lajmet nga UBT3 months ago
UBT shpall konkurs për pranimin e studentëve të rinj për vitin akademik 2025/26