Lajmet

15-vjeçari i mbijetoi sulmit ku mbeti i vrarë babai i tij

Yura dhe babai i tij ishin rrugës për të vizituar fqinjtë e pambrojtur që strehoheshin në bodrume.

Published

3 years ago

on

Pas tërheqjes së trupave ruse nga periferitë e Kievit, zbulimet e varrezave masive, disa prej tyre me duar të lidhura pas shpine dhe shumica prej tyre që u qëlluan në kokë, në qytetet sikurse Bucha tronditën botën.

14-vjeçari Yura Nechyporenko nga Bucha u frikësua se do të bëhej një nga ta pasi u takua me forcat ruse të cilat pushtuan rrugët ku u rrit ai. Ai ishte edhe dëshmitar i vdekjes së atit të tij, në pamundësi për t’ia shpëtuar jetën.

Yura dhe babai i tij ishin rrugës për të vizituar fqinjtë e pambrojtur që strehoheshin në bodrume kur hasën në një ushtarak të vetëm rus. Biçikletat e tyre ishin të lidhura me një pëlhurë të bardhë, si shenjë që ata po udhëtonin në paqe.

“Ne shkuam me biçikletë deri aty. Ushtari rus erdhi nga këndi i ndërtesës prapa. Fillimisht, gryka e armës së tij ishte drejtuar nga toka, por më pas ai ngriti grykën, dhe e drejtoi atë drejtpërdrejt nga ne dhe na tha të ndalonim në rusisht”, deklaroi ai.

Por para se t’ia shpjegonin atij se çfarë po bënin, ai gjuajti dy herë në drejtim të tyre, duke ia vrarë babanë para syve të tij. Ai po qëndronte i shtrirë në asfalt, pranë babait të tij i cili ndërroi jetë. Edhe atë e kishin goditur disa plumba, por pa lëndime serioze. Yura qëndroi i shtrirë në rrugë, duke pritur që ushtari të largohej. Pastaj ai vrapoi. Ai arriti në kopshtin ku punonte nëna e tij dhe ku disa banorë e përdornin bodrumin si strehë. Ata u tronditën kur panë djalin dhe i dhanë ndihmën e parë.

Ai e kuptoi se duhej të shkonte në shtëpi. Ai u kthye në ato rrugë, duke mos e ditur se ky mund të kishte ushtarë tjerë.

Kur arriti në shtëpi, familja e tij ia thirri policinë. Nga policia thanë se nuk mund t’i ndihmojnë asgjë sepse ata s’e kontrollojnë atë zonë, sipas familjes. Edhe ambulanca e tha të njëjtën. Policia i tha familjes se oficerët nuk dinin se çfarë të bënin me rastin, sipas xhaxhait të djalit, Andriy. Yura thotë se bluza e tij ngjyrë hiri ia shpëtoi jetën dhe po vazhdon ta ruajë atë.

Pas tërheqjes së Rusisë, familja e Yura transferoi trupin e babait të tij nga një varr i improvizuar në një varrezë lokale. Ata sollën babanë e Yura në shtëpi me një karrocë dore. Ai u rrotullua në një qilim dhe u vendos në një derë të vjetër prej druri.

Mes tingujve të granatimeve dhe armëve, ata e varrosën në oborrin pas pylltarisë, në një nga varret e shumta të improvizuara gjatë pushtimit njëmujor rus. Yura dhe familja e tij u larguan nga Bucha të nesërmen përmes një korridori të rrallë evakuimi.

Yura mbushi 15 vjet pa babanë e tij, i cili zakonisht e përgatiste drekën në skarë për ditëlindjen e djalit të tij. Ndërsa hetimet për mizori si kjo vazhdojnë, gjithçka që Yura dëshiron është drejtësi./UBTNews/

Related Topics:
Continue Reading

Lajmet

Ndahet nga jeta ish-trajneri legjendar i NBA-së

Published

26 minutes ago

on

November 10, 2025

By

Ka ndërruar jetë ish-trajneri legjendar i NBA-së, Lenny Wilkens në moshën 88-vjeçare dhe për vdekjen e Wilkens njoftoi familja e tij.

Wilkens, kishte qenë edhe lojtar në NBA, ku luajti ndër vite për skuadra si St.Louis Hawks, Seattle Supersonics, Cleveland Cavaliers dhe Portland Trailblazers, ku edhe i kishte menaxhuar si trajner.

Ndërsa suksesin e tij më të madh e kishte pasur si trajner, ku ishte shpallë kampion me Seattle Supersonics në vitin 1979.

Ai më pas menaxhoi edhe skuadrat si Atlanta Hawks, Toronto Raptors, New York Knicks dhe ishte pjesë e “NBA Hall of Fame”, për arritjet e tij historike në këtë ligë./S.K/EO/

Continue Reading

Lajmet

Për 10 muaj, Prokuroria e Pejës ngriti 1840 aktakuza

Published

29 minutes ago

on

November 10, 2025

By

Nga janari e deri në tetorin e këtij viti, Prokuroria Themelore e Pejës ka njoftuar se ka ngritur 1 mijë e 840 aktakuza. Sipas komunikatës për media nga kjo Prokurori, rezulton se ka më shumë aktakuza se sa në përudhen e njëjtë kohore të vitit të kaluar, pra 12.67 për qind më shumë se vitin e kaluar.

“Prokuroria Themelore në Pejë, njofton opinionin publik se gjatë periudhës kohore janar- tetor të këtij vitit ka ngritur 1840 aktakuza, ose 12.67 % me shumë krahas vitit të kaluar me të njëjtët periudhë që ishin ngritur 1633 aktakuza. Kjo prokurori gjer në muajin tetor të këtij vitit ka pranuar gjithsej 2612 lëndë, ose 14.2% me shumë në periudhën kohore janar – tetor të vitit 2024, që ishin pranuar 2.288 lëndë. Nga lëndë në punë që ka pasus kjo prokurori brenda 10 muajve të vitit 2025, janë përfunduar gjithsej nga prokuroret e shtetit 2.733 lëndë, ose 16.65% me shumë se 10 muajt e vitit 2024 që ishin përfunduar 2.343 lëndë”, thuhet në komunikatën për media të kësaj Prokurorie.

Më tej nënvizohet se Prokuroria Themelore në Pejë mbetet e përkushtuar për ngritjen e efikasitetit dhe efektivitetit të trajtimit të lëndëve penale, gjithmonë në suaza të profesionalizmit dhe objektiviteti./S.K/EO/

Continue Reading

Lajmet

Çmimet e kriptomonedhave rriten pasi Trump njofton një përfitim prej 2. 000 dollarësh

Published

1 hour ago

on

November 10, 2025

By

Çmimet e kriptomonedhave u rritën pas deklaratës së Presidentit amerikan Donald Trump për një dividend të paktën 2,000 dollarë nga tarifat për shumicën e amerikanëve.

Në Truth Social, Trump tha se SHBA-ja po gjeneron triliona dollarë nga tarifat, që do të përdoren për të ulur borxhin kombëtar dhe për të financuar dividendin.

Bitcoin (BTC) u rrit 1.93 për qind mbi 103,000 dollarë, Ether (ETH) 4.75 për qind mbi 3,500 dollarë, dhe Solana (SOL) 2.49 për qind mbi 160 dollarë, ndërsa indeksi CoinDesk 20 (CD20) u rrit mbi 1.5 për qind. Rritja vjen pas një rënie javore, ku BTC dhe ETH ranë 5.7 për qind dhe 7.5 për qind.

Reagimi sugjeron se tregtarët shohin potencial për rritje të shpenzimeve të konsumatorëve dhe fluksin e kriptove nëse fondet do të shpërndahen.

Megjithatë, pagesa e dividendit nuk mund të ndodhë menjëherë. Vendimet për shpenzimet federale kërkojnë miratim nga Kongresi, dhe shumica e ekspertëve vënë në dukje se të ardhurat nga tarifat nuk mjaftojnë. Erica York nga Tax Foundation thekson se për 150 milionë amerikanë të kualifikuar, shuma e dividendit arrin rreth 300 miliardë dollarë, ndërsa tarifat e reja kanë sjellë vetëm 120 miliardë dollarë; pas llogaritjeve ekonomike, kjo bie në rreth 90 miliardë dollarë.

Kjo tregon një hendek të madh për financimin e dividendit vetëm nga tarifat./S.K/EO/

Continue Reading

Lajmet

FSK njofton se do të realizojnë stërvitje ushtarake e marshim kondicional në zonën e Gërmisë

Published

2 hours ago

on

November 10, 2025

By

Forca e Sigurisë së Kosovës (FSK) ka njoftuar se do të realizojë një plan të stërvitjes më datë 15 nëntor në zonën e Gërmisë.

Për këtë ka njoftuar Komuna e Prishtinës, duke thënë se nuk ka arsye për shqetësim.

Njoftimi i plotë i Komunës së Prishtinës:

“Te dashur qytetarë,

Ju njoftojmë se FSK – Forca e Sigurisë së Kosovës, bazuar në planin e saj të stërvitjeve, më 15 nëntor 2025 do të realizojë një stërvitje ushtarake, marshim kondicional në zonën e Gërmisë. Gjatë kësaj periudhe do të ketë lëvizje të këmbësorisë dhe prani të pjesëtarëve të FSK-së në terren. Ky aktivitet zhvillohet në kuadër të planit të rregullt stërvitor dhe nuk ka arsye për shqetësim. Faleminderit për mirëkuptimin”, thuhet në njoftim./S.K/EO/

Continue Reading

Të kërkuara