Kronika e zezë

14 të lënduar nga aksidenti i kombibusit me nxënës në Gurrakoc të Istogut

Gashi ka thënë se në mesin e personave të lënduar janë 12 nxënës dhe dy shoferë.

Published

12 months ago

November 23, 2023

Betim Gashi

14 persona kanë marrë lëndime si pasojë e një aksidenti trafiku sot ndërmjet një kombibusi me nxënës dhe një veture në magjistralen Pejë-Mitrovicë, përkatësisht në Gurrakoc të Istogut.

Zëdhënësi i Policisë rajonale për Pejë, Fadil Gashi ka thënë se në mesin e personave të lënduar janë 12 nxënës dhe dy shoferë.

“Sot, rreth orës 13:07, policia është njoftuar për një aksident në magjistralen Pejë- Mitrovicë, konkretisht në Gurrakoc. Më të marrë lajmin policia menjëherë ka dalë në vendin e ngjarjes dhe ka kuptuar se në aksident kanë qenë të përfshira një veturë dhe një kombibus me nxënës”, ka thënë ai.

Personat e lënduar janë dërguar në Qendrën Kryesore të Mjekësisë Familjare në Istog prej nga janë transferuar në Emergjencën e Spitalit rajonal të Pejës.

“Pas kontrolleve dhe tretmanit mjekësor që iu është bërë personave të lënduar, sipas mjekut kujdestar, të gjithë personat e përfshirë në aksident janë lënduar, përveç një nxënësi, i cili po vazhdon të trajtohet në këtë spital”, tha Gashi.

Me urdhër të prokurorit, njëri nga vozitësit është shoqëruar në njësitin e hetuesisë për aksidente që të jep intervistën si i dyshuar për shkaktimin e aksidentit.

Related Topics:Fadil Gashi Gurrakoc Istog

Up Next

Debati për raportin e progresit shtyhet për seancën e ardhshme

Don't Miss

Sulm me thikë në Dublin: Pesë të plagosur, mes tyre tre fëmijë

Kronika e zezë

Arrestohen tre persona për fajde në Prizren

Published

2 months ago

October 2, 2024

UBTnews

Policia e Kosovës ka arrestuar sot tre persona në Prizren nën dyshimet se janë të përfshirë në veprat penale fajde dhe detyrim.

Në vendbanimet e personave të dyshuar janë sekuestruar dy automjete, para dhe dëshmi të rëndësishme, të cilat do të përdorën si dëshmi në procedura të mëtutjeshme.

Dyshohet se këta persona duke kanosur viktimën, në vazhdimësi kanë tentuar ta detyrojnë që të veprojë kundër pasurisë së tij.

Të dyshuarit pas intervistimit, me aktvendim të prokurorit ndalohen për 48 orë.

Kronika e zezë

Një qytetar në veri të Mitrovicës sulmohet, fyhet në gjuhën shqipe dhe serbe

Published

2 months ago

October 1, 2024

UBTnews

Policia e Kosovës ka njoftuar se në Mitrovicë të Veriut është raportuar një rast sulm dhe fyerje.

Sipas policisë, ankuesi ka njoftuar se derisa ishte duke ecur në trotuar me tre persona, dy motorë skuter me nga dy persona të cilët kanë qenë duke lëvizur në rrugë i kanë fyer në gjuhen shqipe dhe në gjuhen serbe dhe të njëjtit i kanë gjuajtur me një shportë plastike duke e goditur viktimën.

“Viktima nuk ka pësuar lëndime trupore, ndërsa të dyshuarit janë larguar në drejtim të urës lindore”, thuhet në njoftim.

Kronika e zezë

Aksident i rëndë trafiku në Lipjan, lëndohet një këmbësor

Published

2 months ago

October 1, 2024

UBTnews

Një këmbësor ka pësuar lëndime të rënda dje si pasojë e një aksidenti në Lipjan. Deri tek aksidenti ka ardhur pasi një burrë duke e drejtuar një motoçikletë e ka goditur këmbësorin viktimën mashkull kosovar.

“Rr. Avdi Kelmendi, Lipjan 30.09.2024-15:20. Raportohet se i dyshuari mashkull kosovar derisa ishte duke drejtuar një motoçikletë e ka goditur këmbësorin viktimën mashkull kosovar. Si pasojë e aksidentit viktima ka pësuar lëndime të rënda trupore. I dyshuari është arrestuar dhe me vendim të prokurorit dërgohet në mbajtje”, thuhet në njoftim.

Kronika e zezë

Shpërthim në Podujevë, policia po e heton rastin

Published

2 months ago

September 30, 2024

UBTnews

Policia e Kosovës ka njoftuar se një shpërthim ka ndodhur në Podujevë në orët e para të së dielës. Rasti është trajtuar si shkaktim i rrezikut të përgjithshëm dhe është duke u hetuar.

“Ankuesi mashkull kosovar ka raportuar se ka dëgjuar një shpërthim. Në vendin e ngjarjes ku dyshohet se ka ndodhur shpërthimi kanë dalë njësitet përkatëse policore, me ç’rast është njoftuar edhe njësia për deminim dhe hetuesia”, thuhet në raportin 24-orësh të Policisë.

Lidhur me rastin thuhet se është njoftuar edhe prokurori dhe hetimet janë duke vazhduar.