Kulturë

13 aktorët të cilët u penduan që refuzuan rolet e filmave

Një prej tyre është Denzel Washington.

Published

on

Brad Pitt si Neo, Josh Hartnett si Batman dhe Halle Berry si zonja që drejton autobusin në Speed. Këta aktor do të njiheshin me këto role, po t’u kishin thënë “Po”, por këto personazhe i lujtën të tjerë aktor.

Megjithatë, ndonjëherë aktorët janë shumë të hapur të flasin për pjesën e refuzimeve dhe keqardhjen që ata ndjejnë që nuk u bënë pjesë e atyre filmave, për pjesët e profilit të lartë që kanë refuzuar dhe dhembjet e keqardhjes që lihen pas realizimit të këtyre filmave.

1.Denzel Washington në Se7en

I pyetur në vitin 2012 nëse kishte role që ai refuzoi dhe që duhej t’i kishte marrë, ai u përgjigj se po, dhe bëhej fjalë për Se7en dhe Michael Clayton.

Ai tha se nuk ndihej i gatshëm atëherë të luante në një film me një regjisor për herë të parë dhe tha se kishte rezultuar ta kishte gabi.

Washingtoni përfundoi duke luajtur në një numër të madh filmash të zharin triller me vrasës serialë të stilit Se7en, të realizuara pas kësaj, duke përfshirë “The Bone Collector” të vitit 1999 dhe “The Little Things” të vitit 2021.

2.Leonardo DiCaprio në Boogie Nights

Leonardo DiCaprio në rolin e yllit, Dirk Diggler, kjo mund të kishte ndodhur  në vitin 2008, por au refuzoi këtë rol i cili përfundimisht e bëri Mark Wahlberg një yll, shkruan Independent, transmeton Klankosova.tv.

Ai pati një takim me Anderson për rolin, por u tremb nga mungesa e përvojës së regjisorit në atë kohë,duke qenë se  Boogie Nights ishte filmi i dytë i Anderson pas Hard Eight të vitit 1996.

3.Madona në Matrix

Madonna ka refuzuar të ketë rol në filmin Matrix, gjë të cilën e bëri të ditur vet ajo tek Jimmy Fallon gjatë një paraqitje televizive këtë vit.

“Unë e refuzova rolin në The Matrix, a mund ta besoni këtë? Dua ta vras ​​veten. Ky është një nga filmat më të mirë të realizuar ndonjëherë. Një pjesë e vogël e imja ndjen keqardhje vetëm për atë moment në jetën time”, u shpreh ajo.

4.Brad Pitt në Matrix

Duke folur për The Matrix, Brad Pitt gjithashtu ka shprehur keqardhje për refuzimin e rolit të Neo.

“Unë me të vërtetë besoj se roli nuk ishte kurrë i imi. Ishte e dikujt tjetër.”, ka thënë ai.

Ndryshe, ai u shpreh se The Matrix ishte vetëm një nga shumë filmat të cilët ai i kishte refuzuar gjatë karrierës së tij.

5.Will Smith në Matrix

Will Smith refuzoi rolin kryesor në filmin The Matrix.

Megjithatë, ai argumentoi se nuk do të kishte qenë aq i mirë në rol sa Reeves.

“Ndoshta do ta kisha shkatërruar, kështu që ju bëra një nder”, u shpreh ai.

6.Matt Damon në Avatar

Damon ka refuzuar të jetë pjesë e filmit Avatar dhe thotë se për këtë gjë ndihet shumë keq.

Avatar, ku luajti Sam Ëorthington, përfundoi duke u bërë filmi me fitimet më të larta në histori, do të thotë që Damon humbi rreth 200 milionë dollarë.

“Kam lënë më shumë para në tryezë se çdo aktor”, u shpreh Damon.

7.Christina Applegate në Legally Blonde

Është e vështirë të imagjinohet Elle Woods e Legally Blonde si dikush tjetër përveç Reese Witherspoon, por në fakt ishte Christina Applegate ajo që së pari iu afrua për ta luajtur atë.

Applegate zbuloi në vitin 2015 se e hodhi poshtë rolin pasi mendonte se ishte shumë i ngjashëm me personazhin që ajo luajti në serialin e gjatë të martuar me fëmijë.

“Kam frikë të përsëris veten”, ishte shprehur ajo.

8.Michael Keaton në Groundhog Day

Michael Keaton është aktori i cili ka refuzuar rolin në filmin Groundhog Day.

Keaton pranoi se e kishte lexuar skenarin, por u shpreh se nuk e kishte kuptuar mirë.

9.Josh Hartnett në Batman Begins

Josh Hartnett ka folur hapur për refuzimin e një roli që do të kishte transformuar jetën dhe karrierën e tij.

Në vitin 2015, ai pranoi se Christopher Nolan e kishte kërkuar për të luajtur Batman, por frika e pushtoi atë.

“Isha shumë i frikësuar”, ishte shprehur ai.

10.Michelle Pfeiffer në The Silence of the Lambs

Në fillim të viteve nëntëdhjetë, Michelle Pfeiffer thuhet se hodhi poshtë një listë të gjatë rolesh, e njëri prej tyre ishte edhe ai në filmin The Silence of the Lambs.

Duket se Pfeiffer është penduar për këtë refuzim, shkruan Independent, transmeton Klankosova.tv.

“Ende nuk mund ta shikojë, ende më vret”, është shprehur Pfeiffer.

11.Halle Berry në Speed

Sandra Bullock ka për të falënderuar Halle Berry që e bëri atë pa dashje një yll, pas kjo e fundit e kishte refuzuar këtë rol.

Berry është shprehur se roli i ishte ofruar asaj, para Bullock.

“Më është ofruar Speed ​​para Sandra Bullock. Unë thashë marrëzi jo”, është shprehur ajo.

Berry gjithashtu është shprehur e penduar për këtë refuzim.

12.Bruce Willis në Ghost

Willis dhe Demi Moore ishin çift në kohën kur të dyve iu dërgua skenari për dramën romantike Ghost në vitin 1989, por vetëm njëri prej tyre përfundoi duke luajtur aty.

Derisa Moore luajti së bashku me Patrick Swayze dhe Whoopi Goldberg në film, i cili u bë filmi me fitimet më të larta të vitit 1990, Ëillis e kishte refuzuar atë rol.

“Unë thjesht nuk e kuptova,” ishte shprehur Willis për New York Times në vitin 1996.

13.Eddie Murphy në Who Framed Roger Rabbit

Numri i roleve të famshme që ka luajtur Eddie Murphy është pothuajse aq i gjatë sa ai që ka refuzuar.

Në mesin e filmave që ai ka refuzuar, është edhe Who Framed Roger Rabbit.

Filmi, një komedi detektive me koncept të lartë që ka brenda edhe animacion , ishte një guxim për vitin 1987 dhe Murphy nuk e kishte atë.

Murphy poashtu është shprehur i penduar për refuzimin e filmit Who Framed Roger Rabbit./Klankosova.tv.

Lifestyle

Nuk e dini çfarë lëkure keni? Zbuloni tani!

Published

on

90% e femrave nuk janë të afta të përcaktojnë me saktësi se ç`lloj lëkure kanë. Këtë e thonë edhe sondazhet.

Gratë e pyetura në grupmoshën 25-44 vjeç nuk arrijnë të dallojnë nëse lëkura e tyre është e yndyrshme, e thatë, e ndjeshme apo mikse. Në mungesë të njohurive bazë, ato rrezikojnë të përdorin produkte të papërshtatshme që mund ta përkeqësojnë gjendjen e lëkurës.

Përcaktimi i saktë i tipit të lëkurës është hapi i parë drejt kujdesit të shëndetshëm e të suksesshëm për fytyrën. Një lëkurë e trajtuar mirë jo vetëm që duket bukur, por është edhe më rezistente ndaj plakjes dhe ndotësve të ambientit.

Testet për lëkurën

Disa kompani kanë zhvilluar testime të thjeshta në shtëpi, që ndihmojnë për të identifikuar tipin e lëkurës e për të sugjeruar produkte të përshtatshme. Këto teste mund të kryhen dhe në farmaci apo qendra estetike me pajisje të specializuara që matin lagështinë, yndyrën dhe ndjeshmërinë e lëkurës.

Si reagon lëkura kur përdoren kremra të gabuar?

Kur përdoren produkte të papërshtatshme, lëkura aktivizon mekanizmat e saj mbrojtës, duke shfaqur simptoma të ndryshme:

▪ Lëkura e yndyrshme zhvillon akne kozmetike: pika të zeza, të bardha, puçrra dhe skuqje.
▪ Lëkura e ndjeshme reagon me skuqje të përhapura, kruarje dhe ndjesi djegieje.
▪ Lëkura e thatë irritohet shpejt, duke krijuar ndjesi shtrëngimi dhe zbokth të lehtë në sipërfaqe.

Gjëja e parë që duhet bërë është ndërprerja e menjëhershme e produktit, larja me ujë të bollshëm dhe, nëse shenjat vazhdojnë, konsultimi me një dermatolog.

Udhëzime për të identifikuar llojin e lëkurës

▪ Lëkura e yndyrshme është e lehtë për t’u dalluar: shkëlqen, ka pore të zgjeruara dhe shpeshherë puçrra. Por, mund të mashtrojë, duke u dukur e thatë, kur poret janë të bllokuara dhe yndyra nuk del në sipërfaqe.

▪ Lëkura e thatë është e varfër në ujë dhe yndyra, prandaj irritohet lehtë dhe rigjenerimi i qelizave është i ngadalësuar. Ndjesia e shtrëngimit pas larjes është një nga shenjat kryesore.

▪ Lëkura mikse është një kombinim: zona T (balli, hunda dhe mjekra) janë të yndyrshme, ndërsa faqet mund të jenë normale ose të thata

▪ Lëkura e ndjeshme reagon me skuqje të menjëhershme, kruarje a djegie pas ekspozimit në produkte të caktuara apo faktorë të jashtëm

Produktet që duhen shmangur dhe ato që rekomandohen:

▪ Për lëkurë të yndyrshme: zgjidh produkte pa vajra, jo-komedogjenike pa parafinë apo vajra mineralë. Ideal janë përbërësit si acidi salicilik dhe niacinamide, që ndihmojnë në kontrollin e yndyrës.

▪ Për lëkurë të thatë: kërkohen vajra me bazë bimore, si vaji i jojobës ose bajames, që hidratojnë dhe forcojnë barrierën e lëkurës. Përbërës si acidi hialuronik, glicerina dhe ceramidet janë thelbësorë.

▪ Për lëkurë të ndjeshme: shmang alkoolin, acidet agresive dhe aromatizuesit. Kërko produkte me aloe vera a kamomil që kanë veprim qetësues.

▪ Për lëkurë mikse: përdor krem të lehtë hidratues gjatë ditës dhe një krem ushqyes në mbrëmje që nuk ngarkon zonat e yndyrshme.

Këshillë shtesë:

▪ Mos e mbingarko rutinën me shumë produkte njëherësh.

▪ Bëj patch test para çdo produkti të ri: vendos sasi të vogël në pjesën e brendshme të parakrahut dhe vëzhgo për 24-48 orë.

▪ Kujdes nga ekspozimi i tepërt në diell, sidomos nëse lëkura është e ndjeshme ose përdoren acide (AHA, BHA).

Continue Reading

Magazinë

Justin Baldoni nuk e ndryshon padinë ndaj Blake Lively, paralajmëron hapa të tjerë ligjorë

Published

on

Justin Baldoni ka bërë kthesë të papritur në mes të një beteje ligjore me aktoren Blake Lively, duke u shfaqur i buzëqeshur dhe i sikletshëm gjatë një takimi të rastësishëm me fansat në Disneyland këtë fundjavë.

Regjisori dhe ylli i “It Ends With Us” ndali grindjen gjyqësore për të përshëndetur një fanse që po e filmonte, duke ndezur një moment viral në rrjetet sociale.

Videoja tregon Baldonin, duke ecur me bluzë “Star Wars” e pamje të lirshme, i rrethuar nga vizitorë të parkut, teksa përpiqet të ruajë mirësjelljen në një situatë të papritur. Skena u bë virale e ndjekësit vlerësuan qasjen miqësore, edhe pse dukej pak i hutuar nga vëmendja e menjëhershme.

Baldoni kishte ngritur padi kundër BlakE bashkëshortit të saj Ryan Reynolds dhe publicistes, por gjykatësi Lewis J. Liman e rrëzoi padinë dy javë më parë. Aktori u lejua ta ndryshonte padinë deri më 23 qershor, por avokati i tij njoftoi se ata nuk do ta  ndjekin më këtë rrugë.

Në një deklaratë për DailyMail.com, avokati i Baldonit tha se tërheqja nuk përfaqëson dorëzim, por zhvendosje strategjike drejt opsioneve tjera ligjore.

përfaqësuesit e Lively e quajtën rrëzimin e padisë si “fitore të plotë” dhe denoncuan pretendimet e Baldonit si “të kota”. Gjykata i konsideroi akuzat për zhvatje si të pabazuara dhe e përshkroi padinë si një përpjekje të pasuksesshme për të fituar kontroll mbi projektin filmik.

Themeluesi i Wayfarer Studios, një kompani që ai krijoi me miliarderin Steve Sarowitz, nuk arriti të provojë se ndonjë nga veprimet e supozuara të Lively-t përbënte shkelje ligjore sipas standardeve të Kalifornisë.

Për momentin, Baldoni duket se ka vendosur të lërë pas betejat ligjore dhe të fokusohet tek fansat dhe promovimi i filmit të tij të ardhshëm.

Ndërsa drama gjyqësore vazhdon në sfond, u kujtoi publikut se ndalesat e papritura në Disneyland janë mënyra më e mirë për të rifituar simpatinë.

Continue Reading

Magazinë

Publikohet sezoni i tretë i Squid Game

Published

on

Pas suksesit të jashtëzakonshëm global që nga debutimi i tij në 2021, seriali korean “Squid Game” rikthehet me sezonin e tretë dhe të fundit, i cili u publikua sot, më 27 qershor, në platformën Netflix.

Të gjitha gjashtë episodet janë tashmë të disponueshme për shikuesit anembanë botës, duke i dhënë fund një prej sagave më të ndjekura dhe të diskutueshme në historinë e televizionit modern.

Ky sezon përmbyll udhëtimin dramatik të protagonistit Seong Gi-hun dhe përballjen e tij përfundimtare me organizatorët e lojës vdekjeprurëse.

Sipas raportimeve të shumta mediatike dhe vetë krijuesit të serialit, ky kapitull përmbyll historinë kryesore të “Squid Game”. Kjo do të thotë se nuk do të ketë një sezon të katërt.

“Squid Game” u bë një fenomen global që nga lansimi i tij fillestar në vitin 2021, duke kapur vëmendjen e miliona shikuesve dhe duke ndezur debat të gjerë në rrjetet sociale për temat që trajton: pabarazinë sociale, etiken, dhe luftën për mbijetesë.

Suksesi i menjëhershëm i sezonit të parë e shndërroi serinë në një nga prodhimet më të ndjekura në historinë e Netflix.

Continue Reading

Kulturë

Gjipe dhe Grama në listën e 50 plazheve më të mira të Europës

Published

on

Dy nga plazhet më të bukura dhe autentike të Rivierës Shqiptare, Gjiri i Gramës dhe ai i Gjipesë janë renditur në listën prestigjioze të 50 plazheve më të mira në Europë për vitin 2025.

Ky vlerësim është rezultat i një procesi përzgjedhjeje që përfshin rreth 1,000 profesionistë udhëtimesh, “ambasadorë” të njohur plazhesh dhe një juri të specializuar ndërkombëtare.

Gjiri i Gramës është renditur në vend të 12, ndërsa Gjipe në vend të 30 duke kaluar madje edhe disa prej destinacioneve më në zë në brigjet e Spanjës, Italisë, Greqisë apo Francës, të cilat prej vitesh kanë kryesuar preferencat e vizitorëve nga e gjithë bota.

Kjo përzgjedhje realizohet çdo vit nga “The worlds 50 best beaches”, një nga platformat më të njohura globale për renditjen e plazheve, së cilës i referohet vazhdimisht edhe vetë Forbes.  Për t’u renditur plazhet duhet të plotësojnë disa kritere që lidhen me natyrën, qetësinë dhe përvojën që ato ofrojnë.

Kriteri është që plazhi të jetë unik, me peizazh që dallohet nga të tjerët, autentik, larg zonave të mbipopulluara, larg zhurmës, i paprekur, ideal për të forcuar lidhjen me natyrën dhe me pamje mbresëlënëse. Profesionistët që votojnë plazhet duhet të bëjnë një përshkrim bindës që më pas vlerësohet nga ambasadorët e plazheve dhe ekspertët ndërkombëtarë, të cilët e bëjnë renditjen bazuar në kriteret e lartpërmendura.

Gjiri i Gramës që është bërë pjesë është një nga perlat e bregdetit të Jonit, këtu deti hyn mes masiveve shkëmbore duke krijuar një plazh fantastik ku bie në sy uji kristal i pastër me kombinim unik ngjyrash. Gjiri i Gjipesë është i vendosur në hyrje të një kanioni spektakolar duke u bërë simbol i ekoturizmit dhe aventurës në Shqipëri. Me akses si nga bregu dhe nga shtregu, ky gji ofron pamje mahnitëse dhe një natyrë gati të virgjër, shumë pak të eksploruar.

Përfshirja e këtyre dy gjireve në këtë renditje dëshmon edhe njëherë se Shqipëria është një vend që ofron vlera të paçmueshme natyrore dhe po hyn gjithnjë e më shumë në listën e destinacioneve elitare të Mesdheut, kjo falë natyrës së bukur, infrastrukturës gjithnjë e në përmirësim si dhe projekteve ambicioze.

Continue Reading

Të kërkuara