

Kulturë
11 zakonet e çuditshme të adhuruesve të librit
Adhuruesit e librave e dinë se këto kanë një aromë të mirë, gjë që nxit nuhatjen e tyre intensive.
Published
2 years agoon
By
Betim GashiDashamirët e librit kanë obsesione të vërteta në marrëdhëniet e tyre me librin dhe leximin. Por tek e fundit, kush nuk ka obsesione? Për ata që duan të lexojnë, libri është një objekt shumë i çmuar dhe si i tillë duhet të mbrohet nga çdo gjë dhe nga kushdo. Nga ana tjetër leximi ka nevojë për momentet e tij dhe atmosferën e duhur. Kjo është arsyeja pse adhuruesit e librit kanë zakone dhe mënyra sjellje të veçanta.
1. Nuhasin libra që lexojnë
Adhuruesit e librave e dinë se këto kanë një aromë të mirë, gjë që nxit nuhatjen e tyre intensive. Qoftë letra apo boja, librat (sidomos të vjetrit) kanë një aromë shumë të veçantë.
2. Shpenzojnë shumë parave për blerjen e librave
Shumë pak adhurues të librit janë në gjendje të hyjnë në një librari pa blerë më shumë sesa një libër. Të kuptohemi: blerja e librave nuk është një gjë e keqe, por mund ta lini portofolin tuaj të “marrë frymë”, duke i kujtuar vetes se ka shumë biblioteka publike.
3. Përditësojnë vazhdimisht listën e librave që duan të blenë
Renditja dhe përditësimi i rafteve të librave të sapo blerë është një gjë shumë normale për adhuruesit e librave. Ashtu si në komodinën e tyre, renditja e tyre shndërrohet në një praktikë thuajse obsesive.
4. Përfitojnë nga çdo moment për të lexuar
Për ta çdo vend apo kohë është ideale për të lexuar. Nga trenat tek autobusët tek leximi gjatë ecjes në rrugë. Por sapo adhuruesit e librave kthehen në shtëpi, ata nuk humbasin asnjë rast për të krijuar një situatë super relaksuese për t’u kënaqur me leximin. Si për shembull mbushja e vaskës me ujë të nxehtë dhe rrethimi i saj me qirinj aromatikë.
5. E krahasojnë librin me serialin televiziv
Diskutimi me miqtë përqendrohet pothuajse gjithmonë tek serialet televizive të bazuara në librat tuaj të preferuar. Sigurisht, adhuruesit e librit nuk humbasin asnjëherë shansin për të mbrojtur variantin letrar, dhe pse librat nuk mund të zëvendësohen nga filmat dhe serialet televizive.
6. Gjykojnë vazhdimisht bibliotekën e të tjerëve
Dashamirësit e librit dinë të mos e gjykojnë një libër nga kopertina e tij. Por nuk humbin asnjëherë rastin për të gjykuar njerëzit nga librat që kanë në bibliotekën e tyre private.
7. Gjejnë justifikime për të qëndruar në shtëpi dhe për të lexuar
Adhuruesit e librit duan të kalojnë kohë me miqtë, por në të njëjtën kohë preferojnë shumë të qëndrojnë në shtëpi dhe të lexojnë një libër.
8. Bëjnë gati disa libra për t’i marrë me vete kur udhëtojnë
Ndonjëherë, qoftë vetëm për një fundjavë, duhet të largohen për diku, por për adhuruesit e librit kjo gjë nuk e ndal dëshirën e tyre për të lexuar. Në valixhen e tyre nuk duhet të mungojnë asnjëherë librat e preferuar që do të lexohen gjatë pushimeve.
9. Nisin të lexojnë një libër teksa janë duke lexuar një tjetër
Kush thotë se librat duhet të lexohen njëri pas tjetrit? Sigurisht, disa nga momentet e rrëfimit mund të fillojnë të ngatërrohen me njëri-tjetrin, dhe kërkohet më shumë kohë për të përfunduar të dy librat. Por pavarësisht kësaj nuk ka asnjë arsye për të mos lexuar dy ose më shumë libra në të njëjtën kohë.
10. E përdorin çdo gjë si faqe-shënues
Faturat dhe deklaratat bankare mund të jenë faqe-shënuesit tuaj. Me siguri edhe faqe-shënuesit më të sigurt në botë, e përdorin herë pas here kartën e tyre të kreditit ose kartën e biznesit. Madje disa dashamirës të guximshëm të librit, mund ta kenë zakon që thjesht të kujtojnë numrin e faqeve të tyre.
11. Lexojnë gjithë natën për të përfunduar një libër
Çdo adhurues i librit e di se si është të shtrihesh në shtrat duke ia ngulur sytë librit, dhe duke e lexuar deri në orën 3 të mëngjesit, në pamundësi për të fjetur pa mësuar fundin e tij./libreriamo – Bota.al
Kulturë
“Krejt e thirrin Rexhon”: Filmi mbi largimin e shqiptarëve nga Maqedonia e Veriut
Published
9 hours agoon
February 11, 2025By
UBTnews
Një realitet që prek mijëra shqiptarë të Maqedonisë së Veriut tashmë është sjellë në ekran përmes një filmi që po ngjall debat të gjerë.
Përmes personazheve të bazuara në histori të vërteta, filmi “Krejt e thirrin Rexhon” pasqyron padrejtësitë dhe jetën e vështirë që ka detyruar shumë shqiptarë të braktisin vendlindjen.
Regjisori Ibër Dehari është frymëzuar nga jeta reale e një punëtori të vetëm në një fshat të Kumanovës, ndërsa shumica e banorëve tashmë kanë emigruar.
“Inspirimi është marrë nga një person real, Rexhep Nushi, i cili jeton në fshatin tim. Ai është një nga punëtorët e fundit që ka mbetur. Për ironi, sot kemi punëtorë nga Shqipëria që vijnë për të punuar në fshatin tonë, sepse edhe atje njerëzit po largohen”, thotë regjisori Ibër Dehari.
Përmes skenave të fuqishme dhe rrëfimeve emocionale, filmi shfaq luftën e përditshme për një jetë më të mirë dhe vështirësitë e të rinjve që nuk shohin perspektivë në vendin e tyre.
“Është një betejë e ashpër. Diskriminimi ndoshta nuk është aq i theksuar në baza etnike, sa në baza partiake. Kush është me partinë, ka më shumë mundësi. Edhe pse jam regjisor dhe kam realizuar këtë film, sot ende mendoj të largohem nga ky vend, sepse nuk e gjej vlerësimin që meritoj”, thotë regjisori Ibër Dehari.
Filmi ka bërë bujë në kinematë e Shkupit, Prishtinës dhe Tiranës, ku ka mbushur sallat me shikues dhe ka rikthyer në qendër të vëmendjes një nga problemet më të mëdha të shoqërisë, emigrimin.
“Në 20 vitet e fundit nga Maqedonia e Veriut janë larguar mbi 200 mijë qytetarë, prej të cilëve 66% janë shqiptarë”.
Kulturë
Shitet për 21 mijë euro edicioni i rrallë i botimit Harry Potter
Published
13 hours agoon
February 11, 2025
Një nga 500 kopjet e para të shtypura në 1997, të “Harry Potter and the Philosopher’s Stone”, është shitur në qytetin britanik të Pageton, Devon, në një ankand.
Shtëpia e ankandeve e përshkroi atë si “një shembull të shkëlqyer të një kopjeje jashtëzakonisht të rrallë të botimit të parë”.
Për rreth 1 mijë euro u shit një kopje tjetër e romanit, por më e dëmtuar.
Vetëm një numër i vogël i kopjeve të Harry Potter, në fillim u shtypën sepse nuk dihej nëse libri do të fitonte popullaritet.
Pastaj, pasuan një seri prej gjashtë vazhdimesh tjera dhe adaptime filmike, dhe Harry Potter është sot një nga librat më të njohur në botë.
Edicioni i parë i “Harry Potter and the Philosopher’s Stone” vitin e kaluar u shit për afro 54 mijë euro dhe një kopje e ruajtur plotësisht arriti në 82 mijë euro në mars të vitit 2022.
Kulturë
GKK zhvendos aktivitetet në Galerinë e Vogël për 2025
Published
15 hours agoon
February 11, 2025By
UBT NEWS
Galeria Kombëtare e Kosovës (GKK) ka bërë të ditur se gjatë vitit 2025, për shkak të rinovimit të ndërtesës së saj, do të zhvendosë aktivitetet në “Galerinë e Vogël” (ish-Galeria e Ministrisë së Kulturës). Programi i vitit, i publikuar javën e kaluar, do të përfshijë ekspozita dhe aktivitete që inkorporojnë disiplina të ndryshme artistike, si dhe projekte edukative dhe hulumtuese për të angazhuar një audiencë më të gjerë.
Një pjesë e rëndësishme e programit do të jetë ekspozita e fotografit Blerim Rracaj, i cili përdor një fjalor të pasur të fotografisë dokumentare. Po ashtu, do të prezantohet ekspozita e piktorit Valdrin Thaqi, titulluar “Asgjë e re nën diell”, e cila do të shqyrtojë temat e kujtesës dhe përvojës njerëzore. Një tjetër ekspozitë, nga artisti i ri Kemil Bekteši, do të pasqyrojë kushte të jetesës dhe punës së kosovarëve në perëndim, duke përdorur si simbol tharmin si material për punimet e tij.
GKK-ja gjithashtu ka planifikuar rikthimin e ekspozitës “Artistët e Rinj”, që do të mbështesë krijimin e veprave të reja dhe eksplorimin e ideve të freskëta nga artistët e rinj, duke ofruar mundësi për një rezidencë artistike për një nga pjesëmarrësit. Po ashtu, do të fillohet faza përgatitore për ekspozitën retrospektive të artistit të njohur Xhevdet Xhafa dhe një ekspozitë personale të Doruntina Kastratit, artistës që përfaqësoi Kosovën në Bienalen e Venedikut.
Programi do të përfshijë gjithashtu projekte hulumtuese si “E kaluara, e tashmja dhe e pas-ardhmja” nga filozofi Labinot Kelmendi dhe studentët e tij, si dhe një studim mbi karikaturën si formë rebelimi, të udhëhequr nga Era Qena. GKK-ja gjithashtu ka angazhuar historianen e artit Drita Kabashi për të zhvilluar hulumtime mbi arkivin e Galerisë, si pjesë e një iniciative për digjitalizimin dhe përkrahjen e studimeve mbi artin kosovar.
Përveç këtyre aktiviteteve, GKK-ja ka njoftuar se planifikon që faza e renovimit të ndërtesës të përfundojë deri në vitin 2026, kur do të mund të realizohen ekspozita retrospektive dhe projekte të tjera të mëdha. Pavarësisht sfidave të financimit për renovimin, me një buxhet të shpërndarë në disa vite, GKK-ja vazhdon të angazhohet për ruajtjen dhe promovimin e artit në Kosovë, duke e bërë atë më të aksesueshëm dhe të lidhur me zhvillimet ndërkombëtare./UBTNews/
Magazinë
Ed Sheeran i ndalet performanca në rrugë, nuk e njeh polici
Published
15 hours agoon
February 11, 2025
Një incident i sikletshëm i ndodhi Ed Sheeran, kjo sepse një polic në qytetin Bengaluru të Indisë, nuk e ka njohur këngëtarin e famshëm 33-vjeçar.
E, kështu i njëjti i’a ka shkëputur mikrofonin teksa ai po këndonte. Sheeran në momentin kur ndodhi incidenti po e këndonte live hitin e tij “Shape Of You” kur polici i’u afrua dhe një fans që shikonte performancën në rrugë ishte përpjekur t’i shpjegonte atij se ishte këngëtari i famshëm, por ai vazhdoi i pandikuar, duke i hequr spinën mikrofonit që ishte te këmbët e 33-vjeçarit.
Në një postim në Instagram, artisti tha: “Ne kishim leje, kështu që fakti që po luanim pikërisht në këtë vend ishte planifikuar paraprakisht, nuk ishim se u shfaqëm rastësisht”.
Sheeran është në Indi për të dytin vit në një turne 15-ditor, i cili në shfaqjen e tij në Bengaluru, befasoi fansat duke kënduar dy këngë lokale hit në gjuhën telugu me këngëtaren Shilpa Rao në skenë. Kërkesa për koncerte të muzikës live është rritur në Indi, pas performancës së fundit të Dua Lipës në Mumbai dhe turneut të Coldplay në shumë qytete. /UBT News/

KQZ: Në 4 komuna fillon numërimi i votave të kandidatëve për deputetë, do të verifikohen edhe votat e subjekteve politike

Prokuroria Speciale ka ngritur aktakuzë për dy të pandehur

Shpërthim i Ebolës në Ugandë: Konfirmohen 9 raste, një viktimë dhe 265 të karantinuar

Nuk ka nis ende numërimi i votave për deputetë në Prishtinë e Obiliq

DnV: Numërimi i votave për kandidatë duhej të fillonte dje, vonesat janë të papranueshme dhe dëmtojnë besimin në procesin zgjedhor

“Krejt e thirrin Rexhon”: Filmi mbi largimin e shqiptarëve nga Maqedonia e Veriut

Ajri i ndotur në Kosovë, IKSHPK tregon për rreziqet e mëdha në shëndetin publik

Trump nga Ukraina kërkon toka me minerale të rralla në vlerë prej 500 miliardë dollarë

Tarifat e Trump, Kanadaja e gatshme për përgjigje të ashpra ndaj SHBA-së
Të kërkuara
-
Lajmet3 months ago
Rektori Hajrizi: Çdo sukses i joni është një sukses për Kosovën!
-
Magazinë2 months ago
Ky mendohet se është djali 20 vjeçar i Parashqevi Simaku, Luke Nohfe
-
Bota2 weeks ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 weeks ago
Fluturimet e dëbimit kanë filluar, thotë Shtëpia e Bardhë