Kulturë, Lifestyle

11 zakonet e çuditshme të adhuruesve të librit

Adhuruesit e librave e dinë se këto kanë një aromë të mirë, gjë që nxit nuhatjen e tyre intensive.

Publikuar

Dashamirët e librit kanë obsesione të vërteta në marrëdhëniet e tyre me librin dhe leximin. Por tek e fundit, kush nuk ka obsesione? Për ata që duan të lexojnë, libri është një objekt shumë i çmuar dhe si i tillë duhet të mbrohet nga çdo gjë dhe nga kushdo. Nga ana tjetër leximi ka nevojë për momentet e tij dhe atmosferën e duhur. Kjo është arsyeja pse adhuruesit e librit kanë zakone dhe mënyra sjellje të veçanta.

1. Nuhasin libra që lexojnë

Adhuruesit e librave e dinë se këto kanë një aromë të mirë, gjë që nxit nuhatjen e tyre intensive. Qoftë letra apo boja, librat (sidomos të vjetrit) kanë një aromë shumë të veçantë.

2. Shpenzojnë shumë parave për blerjen e librave

Shumë pak adhurues të librit janë në gjendje të hyjnë në një librari pa blerë më shumë sesa një libër. Të kuptohemi: blerja e librave nuk është një gjë e keqe, por mund ta lini portofolin tuaj të “marrë frymë”, duke i kujtuar vetes se ka shumë biblioteka publike.

3. Përditësojnë vazhdimisht listën e librave që duan të blenë

Renditja dhe përditësimi i rafteve të librave të sapo blerë është një gjë shumë normale për adhuruesit e librave. Ashtu si në komodinën e tyre, renditja e tyre shndërrohet në një praktikë thuajse obsesive.

4. Përfitojnë nga çdo moment për të lexuar

Për ta çdo vend apo kohë është ideale për të lexuar. Nga trenat tek autobusët tek leximi gjatë ecjes në rrugë. Por sapo adhuruesit e librave kthehen në shtëpi, ata nuk humbasin asnjë rast për të krijuar një situatë super relaksuese për t’u kënaqur me leximin. Si për shembull mbushja e vaskës me ujë të nxehtë dhe rrethimi i saj me qirinj aromatikë.

5. E krahasojnë librin me serialin televiziv

Diskutimi me miqtë përqendrohet pothuajse gjithmonë tek serialet televizive të bazuara në librat tuaj të preferuar. Sigurisht, adhuruesit e librit nuk humbasin asnjëherë shansin për të mbrojtur variantin letrar, dhe pse librat nuk mund të zëvendësohen nga filmat dhe serialet televizive.

6. Gjykojnë vazhdimisht bibliotekën e të tjerëve

Dashamirësit e librit dinë të mos e gjykojnë një libër nga kopertina e tij. Por nuk humbin asnjëherë rastin për të gjykuar njerëzit nga librat që kanë në bibliotekën e tyre private.

7. Gjejnë justifikime për të qëndruar në shtëpi dhe për të lexuar

Adhuruesit e librit duan të kalojnë kohë me miqtë, por në të njëjtën kohë preferojnë shumë të qëndrojnë në shtëpi dhe të lexojnë një libër.

8. Bëjnë gati disa libra për t’i marrë me vete kur udhëtojnë

Ndonjëherë, qoftë vetëm për një fundjavë, duhet të largohen për diku, por për adhuruesit e librit kjo gjë nuk e ndal dëshirën e tyre për të lexuar. Në valixhen e tyre nuk duhet të mungojnë asnjëherë librat e preferuar që do të lexohen gjatë pushimeve.

9. Nisin të lexojnë një libër teksa janë duke lexuar një tjetër

Kush thotë se librat duhet të lexohen njëri pas tjetrit? Sigurisht, disa nga momentet e rrëfimit mund të fillojnë të ngatërrohen me njëri-tjetrin, dhe kërkohet më shumë kohë për të përfunduar të dy librat. Por pavarësisht kësaj nuk ka asnjë arsye për të mos lexuar dy ose më shumë libra në të njëjtën kohë.

10. E përdorin çdo gjë si faqe-shënues

Faturat dhe deklaratat bankare mund të jenë faqe-shënuesit tuaj. Me siguri edhe faqe-shënuesit më të sigurt në botë, e përdorin herë pas here kartën e tyre të kreditit ose kartën e biznesit. Madje disa dashamirës të guximshëm të librit, mund ta kenë zakon që thjesht të kujtojnë numrin e faqeve të tyre.

11. Lexojnë gjithë natën për të përfunduar një libër

Çdo adhurues i librit e di se si është të shtrihesh në shtrat duke ia ngulur sytë librit, dhe duke e lexuar deri në orën 3 të mëngjesit, në pamundësi për të fjetur pa mësuar fundin e tij./libreriamo – Bota.al

Film & TV

Margot Robbie pothuajse hoqi dorë nga aktrimi pas vëmendjes që fitoi nga “Wolf Of Wall Street”

“Diçka po ndodhte në ato faza të hershme dhe gjithçka ishte shumë e tmerrshme” tha ajo.

Publikuar

nga

Margot Robbie ka thënë se ajo thuajse e la aktrimin pas përvojës së saj “të tmerrshme” të famës pas “The Wolf Of Wall Street”.

Aktorja kujtoi përvojën e saj duke luajtur në filmin e Martin Scorsese së bashku me Leonardo DiCaprio në moshën 22-vjeçare, duke luajtur rolin e bashkëshortes së Jordan Belfort, Naomi Lapaglia.

“Diçka po ndodhte në ato faza të hershme dhe gjithçka ishte shumë e tmerrshme” tha Robbie për Vanity Fair për vëmendjen që mori pas publikimit të filmit.

“Më kujtohet që i thashë mamasë sime, “Nuk mendoj se dua ta bëj këtë.” Dhe ajo vetëm më shikoi, plotësisht me fytyrë të drejtë dhe tha, “E dashur, mendoj se është tepër vonë për të mos e bërë këtë”, kur kuptova se e vetmja rrugë ishte [të vazhdoja] përpara”.

Lidhur me atë se si ajo i përballon paparacët dhe si e menaxhon jetën sot, Robbie tha se situata ende nuk është plotësisht nën kontroll dhe se kjo situatë po vazhdon.

“Nëse mamaja ime vdes në një aksident me makinë sepse [paparacët] donin një foto timen duke shkuar në dyqan ushqimor, ose rrëzojnë nipin tim nga një biçikletë – për çfarë? Për një foto? Është e rrezikshme, por ende çuditërisht asgjë nuk duket sikur ndryshon”./UBTNews/

Vazhdo të lexosh

Film & TV

Aktori i “Squid Game” akuzohet për ngacmim seksual

Thuhet se aktori i njohur ka prekur në mënyrë të pahijshme një grua në vitin 2017.

Publikuar

nga

Aktori i “Squid Game”, O Yeong-su është përballur së fundmi me një akuzë për ngacmim seksual. Thuhet se aktori i njohur ka prekur në mënyrë të pahijshme një grua në vitin 2017. Kështu të paktën pretendon ajo.

Gruaja ka paraqitur një ankesë në dhjetor të vitit 2021. Mirëpo, mësohet se çështja u mbyll asokohe. Por tashmë çështja është rihapur.

Aktori i famshëm i “Squid Game” i ka mohuar akuzat, ku ka treguar se vetëm e ka kapur gruan përdore duke i treguar rrugën rreth një liqeni.

“Squid Game” u bë një serial mjaft i ndjekur në Netflix dhe thuhet se sezoni i dytë do të shohë rikthimin e Gi-hun dhe Front Man-it misterioz. Shënimi thotë gjithashtu “burri me kostum mund të jetë kthyer” dhe se do të njihemi gjithashtu me Cheol-su, të dashurin e Young-hee.


Është e paqartë se kur saktësisht sezoni i dytë do të bëjë debutimin e tij – ose nëse ka përfunduar ende. Hwang tha për median se mund të shihte sezonin e ardhshëm të “Squid Game” të dalë në fund të vitit 2023 ose 2024 dhe do të shfaqë më shumë lojëra djallëzore./Lapsi.al

Vazhdo të lexosh

Film & TV

Naomi Campbell dëshiron t’i realizohet një film për jetën e saj

Supermodelja tha se shpreson të lë përshtypje në ekranin e madh.

Publikuar

nga

Ylli Naomi Campbell dëshiron që asaj t’i realizohet një biografi për jetën e saj të trazuar.

Supermodelja tha se shpreson të lë përshtypje në ekranin e madh dhe dëshiron që një yll në rritje ta luajë këtë rol.

“Do të doja të ishte dikush, i cili është i panjohur dhe mundësisht dikush nga Londra e Jugut”, tha ajo për Richard Eden të Daily Mail.

Naomi ka lindur nga balerina me origjinë xhamajkane, Valerie Morris dhe nuk e ka takuar kurrë babanë e saj, i cili e braktisi nënën e saj kur ajo ishte shtatzënë.

Modelja tha: “Unë kam pasur suksesin dhe dua të shoh suksesin e gjeneratës së ardhshme”.

Në ditët e para të modelimit, Naomi luftoi me varësinë nga droga, shkoi në rehabilitim në vitin 1999 pas pesë vitesh varësie ndaj kokainës. Që atëherë ajo ka folur sinqerisht për periudhën e saj të përdorimit të drogës./UBTNews/

Vazhdo të lexosh

Film & TV

Jonnie Irwin thotë se po dokumenton “muajt e tij të mbetur”

Për shkak të sëmundjes, ai dëshiron që t’i shfrytëzojë sa më shumë ditët e mbetura të jetës.

Publikuar

nga

Prezantuesi televiziv, Jonnie Irwin foli hapur rreth betejës së tij me kancerin terminal të mushkërive dhe se sa e dhimbshme është kjo periudhë për të si baba.

Ylli britanik ka tre fëmijë. Për shkak të sëmundjes, ai dëshiron që t’i shfrytëzojë sa më shumë ditët e mbetura të jetës.

“Unë dua të krijojë kujtime. E di që fëmijët e mi janë aq të vegjël sa nuk do të më kujtojnë mua”, tha ai gjatë një paraqitje në Good Morning Britain të enjten për Daily Mail, teksa shtoi se dëshiron që t’ua filmojë këto momente fëmijëve të tyre.

Irwin nuk zbuloi asgjë rreth betejës së tij me kancerin deri në fillim të këtij muaji./UBTNews/

Vazhdo të lexosh

Të kërkuara