

Lajmet
11 vetëvrasje për pesë muaj, kërkohet mbështetje për ata që ndihmojnë në parandalim
Published
12 months agoon
By
Betim GashiMuaji i parandalimit të vetëvrasjes ka filluar, por jo më larg se dje dyshohet se një person i ka dhënë fund jetës së tij në lagjen “Bregu i Diellit” në Prishtinë. Vetëm gjatë pesë muajve të parë të këtij viti janë regjistruar gjithsej 11 raste të vetëvrasjes, një dukuri kjo tejet shqetësuese.
Organizata “Linja e Jetës” është angazhuar për të ofruar shërbime telefonike për personat që kanë nevojë dhe pranon mbi 300 thirrje çdo muaj. Koordinatorja e “Linjës së Jetës”, Yllza Nikqi ka thënë se kjo qendër telefonike i ndihmon personat që të mos ndihen të paragjykuar për përjetimet e tyre. Megjithatë shqetësuese sipas saj mbetet mosmbështetja institucionale shtetërore.
“Zakonisht, kemi mbi 300 thirrje brenda muajit. Çka ma së shumti iu ndihmon thirrësve tonë, vetëm hapësira që ne ua japim personave që kanë mendime për vetëvrasje, që mos të ndihen të paragjykuar për përjetimet e tyre…Sa i përket mbështetjes institucionale prej shtetit, në kuadër të kësaj është edhe krijimi i shërbimeve që merren specifikisht me këtë çështje dhe njëra prej tyre është institucionalizimi i Linjës së Jetës. Nëse vetëm keni nevojë për të biseduar me dikë që nuk e njihni dhe që ju dëgjon pa paragjykime, Linja punon prej orës 14:00- 02:00 të mëngjesit”, ka thënë Nikqi.
Ndërsa psikologu Petrit Thaçi thotë se është shumë e rëndësishme të analizohet mënyra se si ata komunikojnë e sidomos nëse tregojnë koncepte të pavlefshme për jetën. Ai ka treguar edhe moshën e personave që dominon më së shpeshti në çrregullimet e depresionit.
“Është e rëndësishme të shikohet edhe mënyra se si ata komunikojnë dhe çfarë flasin, sidomos nëse shohim se tregojnë koncepte të pavlefshme për jetën, një humbje kuptimi të jetës, koncept i dashakeqësisë për veten ose për konceptin e jetës në përgjithësi, një sjellje e vetizolimit social, një sjellje që realisht tregon pakënaqësinë me gjërat që dikur personi ka ndier një lloj kënaqësie, lumturie dhe gëzimi. Klientela më e shpeshtë që mund të preket nga çrregullimet depresive është prej 20 deri në 30-vjeç”, ka thënë ai.
Psikologu Thaçi ka edhe një mesazh për personat që kanë mendime të tilla.
“Të gjithë kalojmë nëpër vuajtje dhe sfida, është e rëndësishme ta kuptojmë që jeta është dinamikë në lëvizje, gjërat nuk qëndrojnë statike në një kohë, për një moment të caktuar gjërat mund të duken të shëmtuara dhe të pavlefshme, por vjen një moment i ri që na hap dimensionet dhe perspektivat dhe pjesa tjetër e sugjerimit është që secili individ që mund të shohë persona të tillë të dyshimtë që kalojnë një gjendje të tillë emocionale dhe mentale në jetën e tyre, ta kenë parasysh se ndoshta një fjalë e tyre që mund të duket shumë minimale, e pavlefshme, shumë e rëndësishme drejtuar atyre mund të jetë shkas për shpëtimin e jetës së tyre”, është shprehur Thaçi.
Të dhënat e Policisë së Kosovës tregojnë se përgjatë periudhës 1 janar deri më 16 maj 2024 janë vetëvrarë 11 persona. Ndërsa ky numër gjatë vitit të kaluar ka qenë 42.
Të gjithë ata që janë në një gjendje jo të mirë mentale dhe kanë mendime t’i japin fund jetës, mund të kërkojnë ndihmë në “Linjën e Jetës” në 0800 12345 apo të kërkojnë ndihmën e psikologut.
Në Ditën botërore të parandalimit të vetëvrasjeve, organizata “Linja e Jetës” ka dërguar peticionin për projektligjin për parandalim e vetëvrasjeve, ndërsa në ora 19:00 te Teatri Kombëtarë në Prishtinë, do të ndizen qirinj për të kujtuar të gjithë ata që i dhanë fund jetës së tyre.
Aktualitet
Lidership, strategji dhe politika publike në një program të vetëm në Master në UBT
Published
17 hours agoon
August 23, 2025By
Driton Iseni
Aftësimin analitik në bërjen e politikave publike dhe përgatitjen tuaj në rolet e lidershipit në rrafshin kombëtar dhe ndërkombëtar për një karrierë të bujshme, ua bën të mundur UBT përmes programit të nivelit master, Politika Publike dhe Menaxhim.
Ky program studimi iu ofron të gjitha mundësitë për të përmbushur synimet tuaja në vlerësimin e opsioneve dhe politikave për shërbimet publike, duke ndërthurur analizën e politikave publike, menaxhimin e financave publike, teknologjinë e informacionit, zhvillimin e lidershipit, menaxhimin e burimeve njerëzore dhe analizimin e të dhënave.
Studentët e nivelit master të programit Politika Publike dhe Menaxhim në UBT, do të kenë mundësi të përfitojnë praktikat më të njohura ndërkombëtare nga ekspertët dhe profesionistët më të mirë që ka vendi nga kjo fushë, e që gjenden në UBT.

Sekretari i përgjithshëm i NATO-s Mark Rutte ka siguruar presidentin Volodomyr Zelensky se Aleanca Veri-Atlantike do të vazhdojë të mbështesë Kievin zyrtar në përballje me agresionin ushtarak rus.
Ai në një konferencë për media në Kiev me presidentin e Ukrainës theksoi se ndihma e NATO-së do të vazhdojë të rritet.
“Tri vjet e gjysmë pas pushtimit në shkallë të plotë të Rusisë, Ukraina vazhdon të qëndrojë e fortë. Dhe miqtë dhe partnerët tuaj në NATO vazhdojnë të qëndrojnë me ju. Mbështetja jonë është e palëkundur dhe vazhdon të rritet. Përfshirë, siç thatë edhe ju, përmes Listës së re të Kërkesave me Prioritet për Ukrainën- PURL- që mbështet një rrjedhë të rëndësishme të armëve vdekjeprurëse amerikane në Ukrainë përmes financimit të ofruar nga Aleatët e NATO-s. Në më pak se një muaj, kjo tashmë ka nënkuptuar 1.5 miliardë dollarë shtesë në pajisje thelbësore, mbrojtje ajrore. Municione. Dhe më shumë. Paketa të mëtejshme do të pasojnë”, tha Rutte.
Ai shtoi se po punojnë së bashku në NSATU, komandën e NATO-s në Gjermani – për të siguruar që forcat ukrainase të kenë atë që u nevojitet.
Rutte ka folur edhe mbi takimin e së hënës në Uashington, së bashku me presidentin e SHBA-së dhe shumë udhëheqës evropianë, për të shfrytëzuar mundësinë për t’i dhënë fund kësaj lufte të tmerrshme dhe për të sjellë paqe dhe siguri pas kaq shumë vuajtjesh.
“Presidenti Trump e ka bërë këtë një përparësi – jo vetëm duke thyer bllokimin me Putin, por duke e bërë të qartë se Shtetet e Bashkuara do të përfshihen në ofrimin e garancive të sigurisë për Ukrainën. Garancitë e forta të sigurisë do të jenë thelbësore – dhe kjo është ajo që po punojmë tani për ta përcaktuar. Në mënyrë që kur të vijë koha që ju të hyni në atë takim dypalësh – të keni forcën e padyshimtë të miqve të Ukrainës pas jush. Duke siguruar që Rusia do të mbështesë çdo marrëveshje. Dhe kurrë, kurrë më nuk do të përpiqet të marrë një kilometër katror të Ukrainës”, tha Rutte.
Bota
Pekini kundërshton tarifat e SHBA-së për tarifat 50% ndaj Indisë
Published
1 day agoon
August 22, 2025By
UBT News
Ambasadori kinez në Indi, Xu Feihong, tha se Pekini kundërshton fuqimisht tarifat e larta të Uashingtonit ndaj Delhit dhe bëri thirrje për bashkëpunim më të madh midis Indisë dhe Kinës.
Xu e krahasoi SHBA-në me një ngacmues, duke thënë se ajo kishte përfituar prej kohësh nga tregtia e lirë, por tani po përdor tarifat si një “kartolinë negociuese” për të kërkuar çmime të tepruara nga vendet e tjera.
“SHBA-të kanë vendosur tarifa deri në 50% ndaj Indisë dhe madje kanë kërcënuar për më shumë. Kina e kundërshton fuqimisht këtë. Heshtja vetëm sa e trimëron ngacmuesin”, tha Xu të enjten, shkruan BBC.
Më parë këtë muaj, Trump vendosi një gjobë prej 25% ndaj Indisë, përveç tarifave prej 25% për blerjen e naftës dhe armëve nga Rusia. Shkalla e re do të hyjë në fuqi më 27 gusht.
Importet e shtuara të naftës së papërpunuar ruse të lirë nga Delhi që nga lufta në Ukrainë kanë shkaktuar një tendosje në lidhjet e saj me SHBA-në dhe kanë ndikuar në negociatat për një marrëveshje tregtare.
India ka mbrojtur blerjet e saj të naftës ruse, duke argumentuar se si një importuese e madhe e energjisë, duhet të blejë naftën më të lirë të disponueshme për të mbrojtur miliona indianë të varfër nga rritja e kostove. Ajo gjithashtu ka theksuar se administrata Biden i kishte thënë Indisë të blinte naftë ruse për të krijuar tregje botërore të energjisë.
Aktualitet
73 raste të dhunës në familje për një javë
Published
1 day agoon
August 22, 2025By
UBT News
Zyra për Mbrojtje dhe Ndihmë të Viktimave, që funksionon në kuadër të Zyrës së Kryeprokurorit të Shtetit, ka trajtuar gjithsej 78 raste të reja gjatë periudhës 15 – 22 gusht 2025, në të gjitha regjionet e Republikës së Kosovës.
Sipas të dhënave zyrtare, pjesa më e madhe e rasteve, konkretisht 73 kanë të bëjnë me dhunën në familje, duke reflektuar edhe njëherë përmasat shqetësuese të këtij fenomeni në shoqëri.
“Përveç rasteve të dhunës në familje, janë trajtuar edhe dy raste të dhunimit, një rast i ngacmimit seksual, një rast i sulmit seksual, një rast i lëndimit të lehtë trupor”, thuhet në njoftim.

Nuk dini çfarë të bëni në fundjavë? Ja disa sugjerime për ju!

Insta360 ka një kamerë të re aksioni Go Ultra

Një vit pas divorcit, ç’po ndodh me Jennifer Lopez?

Ekspertët tregojnë pse natyra e forcon përqendrimin

Zakoni i mëngjesit që ju ndihmon të reduktoni dhjamin rreth barkut

Zhvillohet pajisja e re me bazë diamanti që detekton më lehtë kancerin

Lidership, strategji dhe politika publike në një program të vetëm në Master në UBT

Taylor Swift nuk shkëlqen vetëm në skenë, Zoë Kravitz zbulon “dhuntinë e fshehtë” të saj

Nga Serie A te Liga e Kampionëve, Allegri zbulon objektivat e Milanit këtë sezon
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit