Lajmet

11 policë të vrarë pas një sulmi terrorist në një stacionin policor në Iran

Published

on

Të paktën 11 oficerë policie u vranë në një sulm të armatosur në një stacion policie në provincën juglindore Sistan dhe Baluchistan të Iranit të premten, thanë zyrtarët.

Sulmi në një stacion policor në qytetin Rask u krye nga një grup “terroristësh”, njoftoi media shtetërore, duke cituar një zëdhënës të policisë, i cili e quajti sulmin “frikacak”.

Disa sulmues u vranë, ndërsa të tjerë u plagosën dhe u arrestuan nga policia, shkruan Anadolu Agency.

Grupi Jaish e Adl, i cili ka një prani aktive në provincën në kufi me Afganistanin dhe Pakistanin, thuhet se ka marrë përgjegjësinë për sulmin gjatë natës.

Autoritetet në provincën Sistan dhe Baluchistan, duke dhënë detaje rreth sulmit, thanë se sulmi ndodhi rreth orës 2:00 të mëngjesit sipas orës lokale, duke shtuar se situata është kthyer në normalitet.

Shefi i policisë iraniane Ahmed Reza Radan ka lëshuar “urdhra urgjent” për zyrtarët e lartë të policisë për të hetuar sulmin, tha agjencia shtetërore e lajmeve IRNA, duke cituar një zëdhënës të policisë.

Provinca Sistan dhe Baluchestan ka qenë dëshmitare e disa sulmeve ndaj forcave të sigurisë në vitet e fundit, për të cilat autoritetet iraniane kanë fajësuar grupet terroriste lokale.

Sulmi i së premtes vjen pesë muaj pasi dy oficerë policie u vranë në provincë nga sulmues të paidentifikuar.

Lajmet

Rama: Refuzimi për ta çuar PZHK-në në shqyrtim publik mohon të drejtën e qytetarëve

Published

on

By

Kryetari i Prishtinës, Përparim Rama, ka paralajmëruar se mosvotimi i nxjerrjes në shqyrtim publik të Planit Zhvillimor Komunal (PZHK) përbën një mohim të së drejtës së qytetarëve për pjesëmarrje në vendimmarrje.

“Sot votohet për transparencë të plotë”, deklaroi Rama, duke theksuar se votimi nuk është për miratim të planit, por për ta bërë dokumentin publik dhe të hapur për koment nga qytetarët.

Sipas tij, pas një viti e gjysmë bllokimesh, procesi po vazhdon të pengohet nga ata që nuk duan transparencë dhe përfshirje qytetare.

Ndërkohë, opozita kryesore në Prishtinë, Lëvizja Vetëvendosje, ka njoftuar se nuk do të marrë pjesë në seancën e sotme, duke e cilësuar planin si të paligjshëm.

Continue Reading

Lajmet

Murati: Kosova me rritjen më të shpejtë ekonomike në Evropë në vitin 2025

Published

on

By

Ministri në detyrë i Financave, Hekuran Murati, ka deklaruar se Kosova pritet të ketë rritjen ekonomike më të shpejtë në Evropë gjatë vitit 2025, sipas parashikimeve të Fondit Monetar Ndërkombëtar (FMN).

Përmes një postimi në Facebook, sipas Muratit kjo rritje është rezultat i reformave të ndërmarra gjatë katër viteve të fundit, të cilat janë vlerësuar pozitivisht nga Banka Botërore dhe FMN-ja.

Ai përmendi takimet e fundit me zëvendëspresidentin e Bankës Botërore, Akihiko Nishio, dhe me misionin e FMN-së të udhëhequr nga David Amaglobelli, gjatë të cilave Kosova është përgëzuar për performancën ekonomike dhe maturinë fiskale.

“Rezultatet e punës së mirë 4-vjeçare mund të mos shihen menjëherë, por sigurisht që herët a vonë do të vërehen”, ka shkruar Murati, duke shtuar se megjithatë ka ende shumë punë për të bërë.

Continue Reading

Lajmet

Avokati i familjes Lika: Të përmbahemi nga hamendjet, drejtësia s’duhet të ndikohet

Published

on

By

Avokati Arianit Koci, i angazhuar nga familja e rreshterit të ndjerë Muhamet Lika, i ka bërë thirrje publikut dhe mediave që të shmangin komentet e pabazuara lidhur me rastin e vrasjes së pjesëtarit të Policisë së Kosovës në Kaçanik.

Në një deklaratë publike, Koci theksoi se deri në këtë fazë të hetimeve nuk ka asnjë cilësim zyrtar që e ndërlidh rastin me terrorizmin apo ndonjë grup me motive religjioze.

“Drejtësia nuk lejohet të ngatërrohet me hamendje. As Policia e as Prokuroria nuk kanë konstatuar ndonjë lidhje me ndonjë grup terrorist”, u shpreh ai.

Avokati shtoi se nëse gjatë hetimeve dalin të dhëna të reja, opinioni publik do të njoftohet zyrtarisht. Ai e cilësoi vrasjen si një akt makabër dhe tha se autorët do të përballen me drejtësinë.

Continue Reading

Lajmet

86 aksidente trafiku dhe mbi 2 mijë gjoba në 24 orët e fundit

Published

on

By

Policia e Kosovës ka raportuar se brenda 24 orëve të fundit janë regjistruar gjithsej 86 aksidente trafiku. Nga to, një ka rezultuar me fatalitet, 25 me lëndime trupore dhe 61 me dëme materiale.

Gjatë kësaj periudhe, janë shqiptuar gjithsej 2,241 gjoba për shkelje të rregullave në komunikacion.

Po ashtu, policia ka arrestuar 26 persona, ndërsa 15 janë dërguar në mbajtje.

Continue Reading

Të kërkuara