

Kuriozitete
11 fakte befasuese mbi personalitetin e njeriut
Shumë nga faktet që vijnë nga psikologjia e personalitetit janë befasuese.
Published
3 years agoon
By
Betim GashiNjerëzit mund ta “nuhasin” personalitetin tuaj, njerëzit që ndihmojnë më shumë të tjerët kanë një jetë seksuale më aktive… Studimi psikologjik i personalitetit të njeriut, zbulon modele mbi mënyrën se si sillemi dhe ndërveprojmë me njerëzit e tjerë, apo si e përjetojmë botën. Shumë nga faktet që vijnë nga psikologjia e personalitetit janë befasuese.
1. Njerëzit mund ta “nuhasin” personalitetin tuaj
Njerëzit mund ta marrin me mend se çfarë personaliteti keni, thjesht duke “nuhatur” bluzën tuaj. Një studim tregoi se njerëzit ishin po aq të saktë në hamendësimin e personalitetit tëdikujt kur nuhasnin rrobat e tij, sa edhe kur shikonin një video të tyre. Gjithsesi, jo të gjitha tiparet e personalitetit ishin të lehta për t’u dalluar. Studiuesit zbuluan se njerëzit ishin të aftënë identifikimin e këtyre 3 tipareve kryesore të personalitetit:neuroticizmin, ekstraversionin dhe dominimin.
2. Njerëzit më altruistë kanë një jetë seksuale më aktive
Njerëzit që i ndihmojnë shpesh të tjerët bëjnë më shumë seks. Sa më shumë altruistë të jenë njerëzit, aq më shumë partnerë seksualë kanë, dhe aq më shpesh kanë marrëdhënie seksuale.Pra a mund të jetë të qenit i sjellshëm me njerëzit e tjerë afrodiziaku i fundit? Profesor StivenArnoki, autori i parë i studimit, thotë: “Duket se altruizmi evoluoi në specien tonë, pjesërisht, sepse ai shërben si një sinjal i cilësive të tjera të dëshirueshme themelore, që i ndihmon individët të riprodhohen”.
3. Optimistët raportojnë një cilësi më të lartë të jetës
Optimistët raportojnë nivele më të larta të funksionimit mendor dhe fizik sesa pesimistët,zbulon një studim i Dr.Toshihiko Maruta.
“Mirëqenia nuk është vetëm fizike, por edhe mendore. Mënyra se si e perceptoni atë që ndodh rreth jush, dhe si e interpretoni mund të ketë një ndikim në jetëgjatësinë tuaj, dhe mund të ndikojë në cilësinë e viteve tuaja të mëvonshme”, thekson ai.
Studiuesit nën drejtimin e tij studiuan 447 njerëz, të cilët u ndoqën për 30 vjet. Gjatë asaj kohe u vlerësua personaliteti i tyre, së bashku me funksionimin e tyre fizik dhe mendor.Rezultoi se pesimistët kishin mesatarisht një cilësi më të ulët të jetës.
4. Njerëzit e lexojnë personalitetin tek lëvizjet tuaja
Mënyra se si njerëzit lëvizin, mund të sigurojë një pasqyrë unike të personalitetit të tyre. Njerëzit që lëvizin në mënyra të ngjashme, shfaqin sjellje kolektive më të mirë. Studiuesit mendojnë se kjo do të thotë se njerëzit që lëvizin në të njëjtën mënyrë, do të jenë në gjendje të ndërveprojnë gjithashtu në një mënyrë më efektive. Ky studim interesant sugjeron se çdo person ka një “firmë motorike individuale” që përcakton mënyrën se si lëvizin.
5. Të qenit i dashuruar e redukton neurotizmin
Të biesh në dashuri ndihmon në stabilizimin e personalitetit të njerëzve neurotikë.
Dashuria i ndihmon njerëzit pesimistë, që t’i qasen jetës me më shumë besim dhe t’i shohin ngjarjet në një dritë më pozitive. Neuroticizmi shpjegohet kështu nga dr.Kristina Fin, autorja e parë e studimit:“Njerëzit neurotikë janë shumë të shqetësuar, të pasigurt dhe mërziten lehtë.
Ata kanë një prirje më të madhe drejt depresionit, tregojnë shpesh një vetëbesim të ulët, dhe priren të jenë përgjithësisht të pakënaqur me jetën e tyre. Megjithatë, ne mundëm të tregonim se ata bëhen më të qëndrueshëm në një marrëdhënie dashurie, dhe personaliteti i tyre stabilizohet”.
6. Ndjenja e superioritetit çon në zhgënjim
Disa njerëz besojnë se janë më të mirë se të tjerët, ndaj meritojnë më shumë se ata. Mjerisht ata hyjnë në një spirale sjelljesh që janë shumë toksike. Nga zemërimi ata priren të sulmojnë të tjerët, duke i fajësuar ata. Njëkohësisht ata vazhdojnë t’i thonë vetes se janë të veçantë.
7. Njerëzit bëhen më të sjellshëm ndërsa rriten
Ky fakt mund të jetë një surprizë për ata që besojnë se njerëzit nuk ndryshojnë kurrë. Në fakt ndryshojnë, qoftë edhe pak. Tri ndryshimet kryesore të personalitetit që ndodhin me kalimin e moshës janë: njerëzit bëhen më të ndërgjegjshëm, më të këndshëm, dhe më pak neurotikë(kanë më shumë humor).
8. Frika nga e panjohura lidhet me çrregullimet e ankthit
Frika nga e panjohura, është tipari i personalitetit që qëndron në themel të shumë çrregullimeve të ankthit. Ankthi social, çrregullimi i panikut dhe fobitë specifike kanë në thelbin e tyre frikën nga e panjohura. Dikush që është i ndjeshëm ndaj pasigurisë, mund të kalojë shumë kohë duke u shqetësuar se çfarë do t’i ndodhë. Për shembull, njerëzit me çrregullim paniku shqetësohen vazhdimisht se do t’i zërë paniku.
9. Njerëzit i kuptojnë me një shikim personalitetet tona
Një studim ka zbuluar se burrat që kanë hundë të madhe, nofulla katrore dhe sy të vegjël, po i thonë botës se preferojnë marrëdhëniet afatshkurtra. Ndërsa gratë me buzë më të mëdha dhe sy të gjerë, po dërgojnë të njëjtin sinjal, atë të një lidhjeje afatshkurtër.
10. Narcisistët i pëlqejnë ushqimet e hidhura
Të kesh preferencë për shijet e hidhura lidhet me psikopatinë, narcisizmin dhe sadizmin. Ky fakt i personalitetit sugjeron se ata që konsumojnë shpesh ujë tonik apo kafen pa sheqer, mund të tregojë disa prirje psikopatike në personalitetin e tij. Ndërkohë, studiuesit zbuluan njerëzit që nuk i pëlqejnë shijet e hidhura priren të jenë tipa më të këndshëm.
11. Optimistët jetojnë më gjatë
Të qenit pozitiv lidhet me të jetuarit më gjatë. Shumë studime kanë treguar se njerëzit jetonin më gjatë nëse ishin më shumë optimist për të ardhmen, më pranë njerëzve të tjerë, mëvendimtarë dhe ndiheshin më të dobishëm dhe të relaksuar./bota.al
Kuriozitete
Studim i ri: Mikroplastikat lidhen me dobësimin e kockave
Published
20 minutes agoon
September 30, 2025By
UBT News
Mikroplastikat janë bërë tashmë kaq të pranishme në jetën tonë sa që i pimë, i hamë dhe i thithim çdo ditë. Si rezultat, ato janë gjetur në jashtëqitje, në placenta, në organet riprodhuese dhe madje edhe në tru.
Sipas Science Alert, këto grimca mikroskopike, të cilat vijnë nga përpunimi i lëndëve djegëse fosile, tashmë janë zbuluar edhe në eshtrat e njeriut. Një rishikim i 62 studimeve ka treguar se mikroplastikat dhe nanoplastikat ndikojnë në shëndetin e kockave në disa forma.
“Një pjesë e madhe e provave sugjeron se këto grimca depërtojnë deri në indet më të thella të kockave, përfshirë palcën, dhe potencialisht prishin metabolizmin”, shpjegon Rodrigo Bueno de Oliveira, shkencëtar mjekësor në Universitetin Shtetëror të Kampinas, Brazil.
Studimet te njerëzit kanë treguar se grimcat plastike arrijnë në kocka përmes gjakut pasi gëlltiten, eksperimentet te kafshët sugjerojnë se ato ngadalësojnë rritjen e kockave. Dëmtimi i osteoklasteve, qelizave që ndihmojnë në rritjen dhe riparimin e kockave – dobëson strukturën e tyre dhe i bën më të ndjeshme ndaj frakturave dhe deformimeve.
Analizat e thelluara kanë treguar se mikroplastikat ulin qëndrueshmërinë qelizore, përshpejtojnë procesin e plakjes e nxisin inflamacionin.
Edhe pse efektet te njerëzit nuk janë të konfirmuara, ekspertët paralajmërojnë se rritja globale e rasteve të osteoporozës mund të ketë lidhje edhe me praninë e mikroplastikave, përveç faktorëve të njohur si mosha apo përdorimi i alkoolit.
Rreziku është në rritje çdo vit prodhohen mbi 400 milionë tonë plastikë, duke gjeneruar 1.8 miliardë tonë gazra serrë, shkencëtarët kërkojnë më shumë mbështetje për të studiuar ndikimet e mikroplastikave në trupin e njeriut.
Ndërkohë, ekspertët sugjerojnë disa hapa praktikë për të ulur ekspozimin: filtrimi i ujit të pijshëm dhe kufizimi i përdorimit të produkteve plastike, si shishet plastike apo veshjet sintetike. Studimi është publikuar në revistën Osteoporosis International. /A.Z/UBT News/
Kuriozitete
Çfarë ndodhi me vëllezërit nga Gaza që prekën botën? Historia e Jadoua dhe Khaled
Published
19 hours agoon
September 29, 2025By
UBT News
Në tragjedinë e përditshme që përjeton Palestina, mes rrënojave dhe dhimbjes së pashuar, historia e dy fëmijëve të kapur nga objektivi i fotoreporterit Ahmed Younis është bërë një simbol shprese.
Pak ditë më parë, një fotografi e tij preku botën dhe u bë virale në rrjetet sociale. Ajo tregon një djalë të vogël me lot në sy, që mbante mbi supe vëllain më të vogël, duke u larguar nga shtëpia e tyre e shkatërruar në Gaza.
Ky moment rrëqethës ilustron peshën e padurueshme të luftës mbi supet e pafajshme të fëmijëve.
Ahmed Younis shkroi për atë skenë: “Një fëmijë mban vëllain e tij më të vogël në rrugën e gjatë të zhvendosjes nga Gaza Veriore në Jug, një pamje që tregon koston e tmerrshme humanitare të luftës mbi civilët.”
Disa ditë më vonë, Younis publikoi një tjetër fotografi, ku të njëjtit fëmijë shihen duke qeshur dhe duke luajtur së bashku. Ky kontrast i fortë me imazhin e parë dëshmon fuqinë e jetës dhe aftësinë për të gjetur momente lumturie edhe në mes vuajtjes.
“Jadoua dhe Khaled nga zhvendosja, tek një moment i këndshëm,” shkroi Younis.
Në foton e parë, Jadoua mbante vëllain mbi supe, përmes rrugëve të ashpra të zhvendosjes, një pamje që preku zemrat e njerëzve në të gjithë botën dhe u bë simbol i fëmijërisë që mban barrën e luftës.
Në imazhin e dytë, ata buzëqeshin si çdo fëmijë tjetër, duke na kujtuar se çdo fëmijë meriton të jetojë fëmijërinë e tij pa frikë.
Midis dy imazheve shtrihet historia e një brezi që mbijeton përmes dashurisë dhe solidaritetit, një mësim i fuqishëm për humanitetin. /A.Z/UBT News/
Kuriozitete
Si u krijua reklama më e shtrenjtë në historinë e televizionit?
Published
21 hours agoon
September 29, 2025By
UBT News
Gati dy dekada më parë, bota e modës dhe ajo e filmit u takuan në një mënyrë që la gjurmë të përjetshme.
Në vitin 2004, Chanel publikoi “No. 5 The Film”, një reklamë ikonike për parfumin legjendar Chanel No. 5, me protagoniste aktoren fituese të çmimit Oscar, Nicole Kidman, nën regjinë e të jashtëzakonshmit Baz Luhrmann.
Sa kushtoi dhe si u realizua?
E njohur si reklama televizive më e shtrenjtë e të gjitha kohërave, prodhimi kushtoi 33 milionë dollarë, shifër që sot korrespondon me rreth 52 milionë dollarë.
Spoti zgjat vetëm 3 minuta, që do të thotë se çdo sekondë kushtoi mesatarisht midis 275,000 dhe 288,000 dollarë. Megjithatë, çdo qindarkë rezultoi e justifikuar.
Estetika e reklamës ishte kombinim i luksit karakteristik të Chanel e stilit romantik e teatror të “Moulin Rouge!”, një vizion i Luhrmann.
Nicole Kidman luan rolin e një ylli të famshëm të filmit, i cili përpiqet të largohet nga bota e dritave për të përjetuar një histori dashurie të ndaluar me një të panjohur, rol që interpretohet nga aktori brazilian Rodrigo Santoro.
Kidman u pagua midis 3 dhe 3.7 milionë dollarë për pjesëmarrjen, duke veshur një krijim magjepsës të modës së lartë, stiluar nga Karl Lagerfeld, atëherë drejtor artistik i Chanel dhe përgjegjës për drejtimin artistik të gjithë fushatës.
Kolona zanore e reklamës përdori një pjesë nga Claude Debussy, duke shtuar hijeshi dhe elegancë këtij produksioni kinematografik të jashtëzakonshëm. /A.Z/UBT News/
Kuriozitete
Cilat janë 10 vendet që prodhojnë më shumë ar në botë?
Published
1 day agoon
September 29, 2025By
UBT News
Ari mbetet një nga asetet më të çmuara në botë, si për përdorim në industrinë e bizhuterive, ashtu edhe si mjet ruajtjeje vlere në periudha pasigurie ekonomike.
Sipas të dhënave të Këshillit Botëror të Arit, prodhimi global më 2024 arriti në 3,661 tonë, nga të cilat rreth 53% (1,936 tonë) u prodhuan vetëm nga 10 shtetet kryesore.
Rritja e çmimit të arit vitet e fundit ka nxitur shtetet prodhuese të rrisin investimet në sektorin minerar, duke e kthyer këtë burim në faktor kyç për ekonominë e tyre.
1. Kina – 380 tonë
Kina kryeson për të 17-in vit radhazi, duke mbajtur pozicionin e liderit absolut në prodhimin e arit. Investimet e mëdha në teknologji dhe rezervat e pasura i kanë garantuar vendit një epërsi të pakonkurrueshme.
2. Rusia – 330 tonë
Rusia e ka rritur prodhimin si një strategji për t’u përballur me sanksionet ndërkombëtare, duke e përdorur arin si një burim të rëndësishëm për stabilitet financiar dhe valutë të fortë.
3. Australia – 284 tonë
E njohur për rezervat e saj të mëdha, Australia vazhdon të jetë një nga eksportuesit më të mëdhenj botërorë. Sektori minerar është një nga shtyllat kryesore të ekonomisë së saj.
4. Kanadaja – 202 tonë
Kombinon teknologjinë moderne me praktikat në miniera, duke e bërë prodhimin e saj të qëndrueshëm dhe me ndikim të ulët në mjedis.
5. Shtetet e Bashkuara – 198 tonë
Nevada është zemra e prodhimit amerikan të arit, duke siguruar pjesën dërrmuese të këtij metali të çmuar për SHBA-të.
6. Gana – 141 tonë
Si prodhuesi më i madh i arit në Afrikë, Gana ka rol jetik në ekonominë e kontinentit. Ari përbën një burim kryesor të ardhurash për vendin.
7. Meksika – 140 tonë
Me traditë të gjatë minerare, Meksika mbetet një nga prodhuesit më të rëndësishëm të arit në Amerikën Latine, duke e kombinuar prodhimin e arit me atë të mineraleve të tjera të vlefshme.
8. Indonezia – 140 tonë
Falë mbështetjes së qeverisë dhe kostove më të ulëta të prodhimit, Indonezia po forcon pozitat e saj në tregun global të arit.
9. Peruja – 137 tonë
Pavarësisht pasigurive politike, Peruja ruan nivel të lartë prodhimi, duke u renditur mes fuqive të sektorit minerar në Amerikën e Jugut.
10. Afrika e Jugut – 124 tonë
Dikur prodhuesi më i madh botëror, Afrika e Jugut ka parë një rënie të lehtë për shkak të kostove të larta të operimit dhe sfidave infrastrukturore, por mbetet një lojtar i rëndësishëm në treg.
Këto vende dominojnë më shumë se gjysmën e prodhimit botëror të arit, duke ndikuar në çmimin dhe stabilitetin e tregjeve ndërkombëtare.
Ndërsa kërkesa për ar mbetet e lartë si në industrinë e bizhuterive ashtu edhe për rezervat valutore të bankave qendrore, roli i tyre do të mbetet vendimtar në vitet që vijnë. /A.Z/UBT News/

Studim i ri: Mikroplastikat lidhen me dobësimin e kockave

Shenja të fshehura! Si u kuptua fundi i martesës së Kidman dhe Urban?

Turqia do të bisedojë me Hamasin për planin amerikan të Gazës

Zyra e BE-së bën thirrje për një proces të drejtë në zgjedhjen e një anëtari të ri të Këshillit Prokurorial të Kosovës

Dugolli intervistohet nga Prokuroria Speciale

Sulmi me dronë rus vret një familje të tërë ukrainase

“Drejtësi për Arbnorin”, protestohet në Prishtinë për ish-policin që po mbahet në Serbi

Netanyahu: Tërheqja e Izraelit nga Gaza nuk do të ndodhë

Brukseli synon asetet e ngrira ruse për financimin e Ukrainës në vitet në vijim
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet3 months ago
UBT sjell për herë të parë në Kosovë ekspozitën kushtuar vizionarit dhe inxhinierit Karl Gega