Lajmet

100 eurot për fëmijët dhe pensionistët, pushteti lavdërohet e opozita kritikon

Published

3 years ago

on

Vendimi i fundit i Qeverisë së Kosovës për ndarjen e 100 eurove shtesë për fëmijët dhe pensionistët është kritikuar nga opozita dhe njohës të ekonomisë. Derisa nga mazhoranca lavdërohen se po përmbushin premtimet e dhëna nga ekzekutivi.

Shumën e ndarë nga pushteti për këto kategori, opozita e quan mashtrim me qytetarë ‘për të siguruar votat vitin e ardhshëm’. Të njëjtit kërkojnë nga partia në pushtet të krijojë baza afatgjate për këto kategori. Ndërkaq, deputetë nga Lëvizja Vetëvendosje konsiderojnë se këto para do t’i ndihmojnë këto kategori të qytetarëve në këtë fundvit. Teksa pajtohen me faktin se duhet pasur rritje afatgjate të pensioneve dhe shtesave për fëmijë.

Deputeti nga radhët e Partisë Demokratike të Kosovës (PDK), Ferat Shala thotë se qëllimi i këtij vendimi është për qëllime politike.

“Është mashtrim, sepse do duhej që paga bazë të ndryshojë dhe ne do të kemi investime kapitale në mënyrë që prindërit e fëmijëve të cilët meritueshëm meritojnë të kenë vende pune, zhvillim, hapësirë dhe mundësi që ata vet të gjenerojnë mjete dhe ta mbajnë familjen tyre. Nëse kështu vazhdojmë ne po krijojmë varësi logjike dhe sociale nga institucionet me qëllime politike dhe të votave për vitin e ardhshëm”, thotë Shala.

Se ky vendim i qeverisë nuk sjellë zgjidhje e thotë edhe deputeti nga LDK, Besian Mustafa. Ai konsideron se Qeveria do duhej të shpenzojë në investime kapitale në mënyrë që të gjenerojë të ardhura për qytetarët dhe jo me pako afatshkurtra.

“Ato para ndonëse të mirëseardhura për familjet kosovare do të shpenzohen shumë shpejtë dhe familjet kosovare do të vazhdojnë të jenë në gjendjen socio-ekonomike të rënduar nga kjo ‘vetqeveri’, ashtu siç janë. Pra, nuk zgjidh asnjë problem të këtyre familjeve, shpenzon një shumë marramendëse të buxhetit të Republikës së Kosovës, një shumë që do duhej të ishte në investimet kapitale për të gjeneruar të hyra ekonomike për vetë ata fëmijë për gjeneratat e ardhshme. Në mungesë të aftësive, të shkathtësive të këtyre akterëve të kësaj qeverie, që nuk dinë dhe nuk munden të punojnë për gjeneratat e ardhshme kanë vendosur që këto para t’i shpenzojnë tani për tani”, thotë Mustafa.

Ndërsa, deputetja nga radhët e AAK-së, Time Kadriaj ka ironizuar me këtë ndarje të buxhetit, duke e quajtur vendimin e fundit të qeverisë si ‘lëmoshë’. Ai ka shtuar se qeveria po mundohet t’i mbulojë skandalet me këto shtesa.

“Kjo qeveri është munduar në vazhdimësi t’i dëmtojë komunat të cilat nuk udhëhiqen nga LVV, duke prolonguar edhe buxhetin, prandaj kjo qeveri është e turpshme. Dhe duke dashur të mbulojë në një formë këtë skandal që është bërë edhe shumë mediatik po mundohet me këto ‘sadaka’ t’i jep pensionistëve e fëmijëve. Është veprim popullist dhe po e bënë pikërisht për përfitime në votë, por kjo nuk do të ecë kështu, sepse skandalet e kësaj qeverie janë aq të mëdha këtë vit sa lenë për të dëshiruar”, thotë Kadriaj.

Ndërkaq, deputeti nga mazhoranca, Visar Korenica është lavdëruar me këtë vendim, duke thënë se kjo qeveri po i përmbush premtimet e saj. Ndonëse shton se e mirë do të ishte që të ketë edhe rritje të pensioneve dhe të ardhurat për fëmijë në përputhje me buxhetin e shtetit.

“Kjo është pjesë e programit qeveritar me të cilin edhe ka garuar LVV në zgjedhjet e fundit, e që ka qenë e paraparë me nga 50 deri në 150 euro, megjithatë është gjetur një mes me mundësi financiare dhe buxhetore që ka buxheti i Republikës së Kosovës, dhe po shpërndan këto të ardhura për fëmijët tanë, pensionistët, dhe kategoritë tjera sociale e që uroj që kjo t’i ndihmojë sadopak edhe në kohën kur po kalojmë motmotin e që besoj që edhe reagimet e përfitueseve kanë qenë të gëzuar për këtë… E mira është që çdo vit me pas rritje edhe të pensioneve, por edhe të shtesave për fëmijët, kjo do të duhej të ishte fokus kryesor sa i përket shtesave kur ato e kanë qëllimin të jenë stabile muaj për muaj”, thotë Korenica.

Kritika për këtë vendim pati edhe nga njohësi i ekonomisë, Mustafë Kadriaj. Ai vlerëson se Qeveria duhet të rrisë pagat dhe jo të ofrojë diçka me bazë afatshkurtër.

“Është i mirëseardhur për të dy kategoritë, por kur flasim për ekonominë e tregut, kjo nuk qëndron. Më mirë është të fuqizohen bizneset dhe të rriten pagat për faktin se më mirë është qytetarët të mbajnë familjet e tyre, sesa të jap lëmoshë. Kjo nuk i plotëson kërkesat e tyre për një muaj, nuk është diçka e qëndrueshme”, thotë Kadriaj.

Qeveria në mbledhjen e së mërkurës ka ndarë 40 milionë euro për FSK-në dhe nga 100 euro shtesa për fëmijët dhe pensionistët. Vlerësohet se rreth 60 milionë euro është kostoja vendimit të fundit për mbështetje për fëmijët dhe të moshuarit.

Related Topics:
Continue Reading

lajme

UBT nesër organizon bashkëbisedim me Ministrin Ejup Maqedonci për mundësitë e angazhimit të studentëve në industrinë e mbrojtjes

Published

8 hours ago

on

June 22, 2026

By

UBT do të organizojë më 23 qershor 2026, nga ora 14:00, në Parkun Shkencor, Inovativ dhe Teknologjik, në Lipjan, (Biblioteka), një bashkëbisedim me Ministrin e Mbrojtjes së Republikës së Kosovës, Ejup Maqedonci, lidhur me mundësitë e angazhimit profesional të studentëve në fabrikën e parë të municionit në Kosovë.

Ky takim synon të informojë studentët dhe të rinjtë për projektin strategjik të industrisë së mbrojtjes, i cili pritet të fillojë prodhimin gjatë këtij viti dhe që konsiderohet një hap i rëndësishëm në ngritjen e kapaciteteve prodhuese dhe teknologjike të vendit.

Gjatë aktivitetit, Ministri Maqedonci do të prezantojë mundësitë konkrete të angazhimit profesional për studentët dhe të diplomuarit në fusha të ndryshme teknike dhe inxhinierike, duke përfshirë inxhinierinë mekanike, elektroteknike/elektrike, metalurgjike, kimike, hidraulike, si dhe profile të tjera të ngjashme.

Pjesëmarrësit do të kenë mundësinë të diskutojnë nga afër për rëndësinë e zhvillimit të industrisë së mbrojtjes në Kosovë, rolin e të rinjve në këtë proces, si dhe perspektivat për zhvillim profesional dhe avancim teknologjik në kuadër të këtij projekti.

UBT vazhdon të krijojë ura bashkëpunimi ndërmjet institucioneve, industrisë dhe studentëve, duke ofruar mundësi konkrete për zhvillim profesional dhe përfshirje në projekte me rëndësi strategjike për vendin.

Continue Reading

Vendi

Rektori Edmond Hajrizi priti në takim Alaa Garad, nga Stirling Centre në Mbretërinë e Bashkuar

Published

9 hours ago

on

June 22, 2026

By

UBT mirëpriti në Parkun Shkencor, Inovativ dhe Teknologjik një delegacion nga Stirling Centre for Strategic Learning and Innovation, nga Mbretëria e Bashkuar, të kryesuar nga Alaa Garad – Kryetar i Bordit Këshillëdhënës.

Delegacioni u prit nga Rektori i UBT-së, Prof. Dr. Edmond Hajrizi, me ç’rast u diskutua për mundësitë e bashkëpunimit në fushën e zhvillimit profesional, ngritjes së kapaciteteve institucionale dhe shkëmbimit të praktikave të mira në sigurimin e cilësisë.

Palët theksuan rëndësinë e partneriteteve ndërkombëtare dhe zhvillimit të iniciativave të përbashkëta që kontribuojnë në avancimin akademik dhe institucional.

Continue Reading

lajme

Rektori Hajrizi priti në takim delegacionin e Institutit Yunus Emre në Kosovë

Published

9 hours ago

on

June 22, 2026

By

Rektori i UBT-së, Prof. Dr. Edmond Hajrizi, mirëpriti në takim një delegacion nga Instituti Yunus Emre në Kosovë, të kryesuar nga drejtori Ramazan Yılmaz.

Në këtë takim u diskutua për mundësitë e bashkëpunimit ndërmjet UBT-së dhe Institutit Yunus Emre në fushën e gjuhës, kulturës dhe arsimit, me fokus të veçantë në gjuhën turke, zhvillimin e aktiviteteve të përbashkëta akademike dhe kulturore, si dhe krijimin e mundësive të reja për studentët dhe stafin akademik.

Gjatë takimit, u theksua roli i Institutit të Gjuhëve të Huaja në UBT, i cili synon të zgjerojë gamën e trajnimeve dhe certifikimeve profesionale në gjuhë të ndryshme për studentët dhe qytetarët e Kosovës. Në këtë drejtim, bashkëpunimi me Institutin Yunus Emre pritet të kontribuojë në avancimin e ofertës për mësimin dhe certifikimin e gjuhës turke.

Palët shqyrtuan mundësinë e organizimit të kurseve të gjuhës turke, punëtorive tematike, ligjëratave të hapura dhe aktiviteteve kulturore, të cilat do t’u mundësonin studentëve të njihen më nga afër me gjuhën, traditën dhe kulturën turke.

Ky bashkëpunim synon të kontribuojë në pasurimin e ofertës akademike dhe ndërkombëtare të UBT-së, duke krijuar ura të reja komunikimi dhe bashkëpunimi me institucione partnere nga Turqia.

Continue Reading

Lajmet

PZAP refuzon ankesat për rinumërim, KQZ pret afatin për ankim në Gjykatën Supreme

Published

13 hours ago

on

June 22, 2026

By

Komisioni Qendror i Zgjedhjeve (KQZ) ka bërë të ditur se do të presë përfundimin e të gjitha procedurave ankimore para shpalljes së rezultateve përfundimtare të zgjedhjeve të parakohshme për Kuvendin e Kosovës.

Kjo vjen pasi Paneli Zgjedhor për Ankesa dhe Parashtresa (PZAP) ka refuzuar ankesat e paraqitura nga kandidatët për deputetë, Bekim Haxhiu nga PDK-ja dhe Qëndrim Kryeziu nga LDK-ja, të cilët kishin kërkuar rinumërim të votave.

Sipas vendimit të PZAP-it, ankesat janë vlerësuar si të pabazuara dhe nuk është urdhëruar rinumërim shtesë.

Zëdhënësi i KQZ-së, Valmir Elezi, ka konfirmuar se institucioni është njoftuar me vendimet, por ka theksuar se palët kanë të drejtë ankese në Gjykatën Supreme brenda afatit ligjor prej 48 orësh.

Sipas KQZ-së, vetëm pas plotfuqishmërisë së vendimeve do të vlerësohet nëse ekzistojnë obligime konkrete për zbatim nga ana e institucionit. Nëse nuk do të ketë vendime të tjera që ndikojnë në proces, atëherë KQZ do të procedojë me shpalljen e rezultateve përfundimtare të zgjedhjeve.

Kujtojmë se Bekim Haxhiu kishte kërkuar rinumërim të plotë të votave të kandidatëve të PDK-së, duke argumentuar se gjatë rinumërimeve të deritanishme janë evidentuar mospërputhje në numërim dhe se diferencat e ngushta mes kandidatëve mund të ndikojnë në renditjen përfundimtare. Megjithatë, PZAP nuk e ka mbështetur këtë kërkesë. /A.K/

 

Continue Reading

Të kërkuara