Lajmet

100 euro, Qeveria në prag të finalizimit të platformës për aplikim të studentëve

“Jemi afër finalizimit të platformës për aplikim për shtesën prej 100 euro për studentë”, tha Kryeziu.

Published

3 years ago

April 27, 2022

UBT news

Qeveria e Kosovës është duke përgatitur platformën për aplikim të studentëve si kategori në gjendje jo të mirë financiare, ndërkohë që për të punësuarit në sektorin publik nuk ka aplikim dhe shumën prej 100 eurove do ta marrin së bashku me pagën e prillit.

Derisa për sektorin privat është hapur linku ku mund të aplikohet për 100 euro për të gjithë ata që kanë pagë primare deri në 1000 euro bruto.

Zëdhënësi i Qeverisë, Përparim Kryeziu ka bërë të ditur se janë në përgatitje për aplikim edhe të studentëve në kuadër të platformës e-kosova.

“Jemi afër finalizimit të platformës për aplikim për shtesën prej 100 euro për studentë. Ditëve në vijim do të dalim me njoftim dhe udhëzimet mbi procesin e aplikimit”, ka thënë Kryeziu.

Qeveria e Kosovës më 12 prill ka prezantuar disa masa të reja në kuadër të pakos me qëllim të mbështetjes financiare për qytetarët, në kohën e ngritjes së çmimeve në vend.

Me nga 100 euro për muajin prill si masë e njëhershme do të ndihmohen familjet me asistencë sociale, pensionistët, punëtorët e sektorit publik dhe atij privat dhe studentët. Vlera totale e të gjitha këtyre masave është mbi 100 milionë euro dhe nga këto masa e kjo shumë do të përfitojnë rreth 800 mijë qytetarë.

Lajmet

U ndërpre vazhdimi i 40-të i seancës konstituive, vazhdon më 3 korrik

Published

15 seconds ago

July 1, 2025

UBTnews

Është ndërprerë vazhdimi i 40-të i seancës konstituive të Kuvendit të Kosovës.

Seanca do të vazhdojë më 3 korrik, në orën 11:00.

Lajmet

Lushtaku: Kurti nuk është i interesuar fare për zgjidhjen e problemit

Published

4 minutes ago

July 1, 2025

UBTnews

Deputeti i Partisë Demokratike të Kosovës (PDK), Mërgim Lushtaku, ka akuzuar Lëvizjen Vetëvendosje për mungesë serioziteti në procesin e konstituimit të Kuvendit, duke e cilësuar si shkaktar kryesor të ngërçit politik aktual.

Ai tha se mungesa kryeministrit në detyrë, Albin Kurti, në Kuvend tregon se ai do të bëjë gjithçka, do të shkelë çdo ligj, vetëm që të mbajë pushtetin.

“Unë besoj që prioritet duhet të jenë punët e shtëpisë. Besoj që nuk i ka zgjidhur punët e shtëpisë dhe kjo është për keqardhje. Ne si parti i kemi dhënë zgjidhjet politike edhe pse nuk e kemi për detyrë. Po shihet qartë që ngërçi është të Vetëvendosja”, tha Lushtaku.

Lajmet

Basha: Kushtetuesja na tha zgjidhni cilën formë të votimit të doni

Published

9 minutes ago

July 1, 2025

UBTnews

Deputeti i Lëvizjes Vetëvendosje, Dimal Basha, ka akuzuar partitë opozitare për bllokim të procesit të konstituimit të Kuvendit.

“Votimi i fshehtë po tentohet të shfrytëzohet pasi votimi i hapur s’ka qenë i suksesshëm. Gjykata Kushtetuese në aktgjykimin e saj ka thënë se mund të përdoret cilido votim,” tha Basha.

Më tutje ai shtoi se Lëvija Vetëvendosje i ka provuar dy formatet.

“Ne kemi provuar me votimin e hapur, s’ka pasur zgjidhje, e kemi tentuar me votimin e fshehtë. Gjykata ka thënë zgjidhni cilido që të doni. Por, opozita po thotë që votimi i fshehtë është pikë e re e rendit”, shtoi Basha.

Lajmet

Kurti: Diskutuam për Planin e Rritjes

Published

14 minutes ago

July 1, 2025

UBTnews

Kryeministri në detyrë, Albin Kurti, deklaroi se mbrëmjen e së hënës ka marrë pjesë në një darkë në Shkup, ku së bashku me liderët e vendeve të Ballkanit Perëndimor kanë diskutuar mbi Planin e Rritjes të Bashkimit Evropian.

Ai para mediave tha se është kënaqësi ta vizitojë Shkupin, vend që bashkërisht me shtetet e tjera synon anëtarësimin në BE.

Kurti përmendi edhe marrëveshjet mes Kosovës dhe Maqedonisë së Veriut mbi pikat e përbashkëta të kontrollit kufitar.

“Me këtë rast kemi pasur një darkë paraprake mbrëmë, ku kemi diskutuar për Planin e Rritjes. Kënaqësi të vij në Shkup, tash kur kemi pika të përbashkëta kontrolli. Ajo Han i Elezit – Bllacë, që më 12 prill u funksionalizua dhe ajo Glloboçicë-Jazhincë, që më 28 maj u funksionalizua. Si rezultat i marrëveshjeve të përbashkëta me Qeverinë Mickovsksi, më 18 nëntor në Prishtinë, në mbledhjen e përbashkët”, tha ai.