Boksierja nga Kosova, Donjeta Sadiku, sot me fillim nga ora 18:00 do t’i rikthehet ringut, e cila do të përballet me synimin e vetëm për të arritur në finale të Kampionatit Botëror të boksit për femra “Stamboll 2022”.

Në kuadër të kategorisë deri në 60 kilogramë, Sadiku në gjysmëfinale të këtij Botërori do të përballet me boksieren amerikane, Shakiyla Rashida Ellis.

Shakiyla Rashida Ellis fitoi medaljen e bronztë në Kampionatin Botëror të boksit në vitin 2019.

Deri tani, Donjeta e ka siguruar medaljen e bronztë në këtë Botëror sepse ka fituar tri meçet e kaluara duke mposhtur bindshëm 5:0 kundërshtaret boksiere nga Japonia, Kongo dhe Tajpei.

Sadiku është në formën e saj të mirë dhe e vërtetoi se është e gatshme që t’i sjellë Kosovës edhe medaljen e artë nga kjo garë. /UBTNews/

Negociatat mes mazhorancës dhe opozitës për zgjedhjen e Presidentit vijojnë sot me praninë e medias.

Kreu i grupit parlamentar të Partisë Socialiste, Taulant Balla kërkoi që të drejtën e propozimit ta kenë të gjitha palët, ndërsa homologu demokrat, Enkelejd Alibeaj këmbënguli në transparencën e procesit.

Raundi i dytë i votimit për presidentin do të zhvillohet më 23 maj në orën 18:00.

Vendimi u mor në mbledhjen e konferencës e kryetarëve, pa votat e përfaqësuesve të opozitës./Euronews.al

Më shumë se 200 ukrainas që jetojnë në Gjermani u mblodhën të martën përpara ambasadës turke në Berlin me flamuj dhe pankarta ukrainase duke i kërkuar liderit turk të ndihmojë ukrainasit në mes të luftës së tyre të vazhdueshme me Rusinë.

Duke brohoritur “Turqi, shpëto Mariupolin” në gjuhën turke, protestuesit i kërkuan presidentit turk Rexhep Tajip Erdogan të ndihmojë ushtarët dhe civilët ukrainas të bllokuar në qytetin port të rrethuar të Mariupolit.

Demonstruesi Eva Yakubovska tha se protestuesit bënë një thirrje të ngjashme për ndihmë para Ambasadës Turke në Berlin dy javë më parë, duke vënë në dukje se banorët kanë ngecur në Mariupol për më shumë se dy muaj.

“Është e pabesueshme. Këta njerëz duhet të gjejnë ujë dhe ushqim. Rreth 500 civilë janë gjithashtu të bllokuar në qytet“, tha ajo.

Yakubovska tha se banorët duhet të evakuohen sa më shpejt të jetë e mundur.

“Siguria e evakuimit të këtyre njerëzve nuk duhet të sigurohet vetëm nga Ukraina dhe Rusia, duhet të përfshihet edhe shteti turk për evakuim të sigurt“, shtoi Yakubovska.

Ajo theksoi se alternativa më e mirë për evakuimin e ushtarëve dhe civilëve të bllokuar në Mariupol është përmes detit.

“Në të njëjtën kohë, Turqia është një vend i fortë dhe mund të arrijë evakuimin duke ofruar sigurinë”, përfundoi ajo. /UBTNews/

Aktualisht janë 282 raste aktive me COVID-19.

Në 24 orët e fundit janë regjistruar katër raste të reja me koronavirus, ndërsa nuk ka pasur asnjë të vdekur nga koronavirusi.

Ndërkohë janë shëruar 32 qytetarë.

Numri i përgjithshëm i të shëruarve është 224 mijë e 824.