Shëndeti

10 sëmundjet më të zakonshme tek fëmijët që çdo nënë duhet t’i dijë

Edhe pse disa prej tyre janë të lehta, është e rëndësishme të dini se si t’i trajtoni ato.

Published

on

AgroWeb.org ju njeh në këtë artikull me  sëmundjet më të zakonshme gjatë fëmijërisë dhe simptomat që duhet të keni parasysh.

Edhe pse disa prej tyre janë të lehta, është e rëndësishme të dini se si t’i trajtoni ato.

Ftohja

Ftohja është një virus që transmetohet lehtësisht sidomos mes njerëzve që jetojnë në të njëjtën hapësirë.

Simptomat mund të shfaqen si dhimbje muskulore, ethe të lehta deri në mesatare dhe dhimbje koke.

Infeksioni i veshit

Kjo mund të shkaktohet nga viruset dhe bakteret që gjenden në mjedis.

Ndër simptomat që shfaqen, bien në sy: dhimbje veshi, ethe, nervozizëm dhe vështirësi për të fjetur.

Është e rëndësishme të kontaktoni një mjek dhe të shmangni përdorimin e mjeteve shtëpiake që mund të përkeqësojnë infeksionin.

RSV është sëmundja më e zakonshme e fëmijërisë

Virusi sincicial i frymëmarrjes është një nga sëmundjet më të zakonshme tek fëmijët që prek kryesisht sistemin e frymëmarrjes.

Simptomat janë të ngjashme me të ftohtin, si ethe, rrjedhje hundësh, teshtitje dhe kollë.

Nëse fëmija juaj ka këto simptoma, sugjerohet të shkoni menjëherë tek mjeku për të parandaluar komplikimet.

Gastroenteriti

I njohur edhe si ‘gripi i zorrëve’, kjo është një sëmundje e shkaktuar nga një virus jashtëzakonisht ngjitës.

Simptomat mund të jenë të përziera, të vjella, diarre, madje edhe ethe.

Fëmija duhet të qëndrojë i hidratuar mirë, veçanërisht nëse ka të vjella dhe diarre.

Faringjiti

Faringjiti shkaktohet nga bakteri i quajtur streptocoçus pyogenes, i cili ndodhet në hundë dhe fyt.

Nëse fëmija juaj ka ethe, dhimbje stomaku, dhimbje të fytit dhe bajame të fryra, është koha të lini një takim me mjekun tuaj.

Astma

Simptomat më të pikasura janë kolla e vazhdueshme, dhimbje gjoksi dhe gulçim.

Gjatë një ataku astme rrugët e frymëmarrjes inflamohen.

Në rastet e astmës, është e zakonshme që mjeku t’ju japë një pompë ajri, veçanërisht kur ekspozohet ndaj elementëve si poleni, pluhuri, qimet e kafshëve, duhani etj.

Lia e dhenve

Lajmi i mirë është se fëmijët në përgjithësi e kalojnë më lehtë këtë sëmundje.

Simptomat si ethe, kruajtje dhe njolla të kuqe në trup, veçanërisht në fytyrë, gjoks dhe krahë, shfaqen në fazën më të hershme.

Infeksionet e traktit urinar

Infeksionet e traktit urinar ndodhin kur bakteret grumbullohen në traktin urinar.

Simptomat janë dhimbje dhe ndjesi djegieje, si dhe urinin të shpeshtë.

Fëmijët mund të ketë edhe dhimbje barku, shpine madje edhe temperaturë, të vjella dhe mungesë oreksi.

Afta Epizootike

E njohur edhe si sëmundja e duarve, e këmbëve dhe e gojës, ajo shfaqet në rreth 70% të fëmijëve.

Është një sëmundje shumë ngjitëse që prek më shpesh fëmijët nën 5 vjeç.

Simptomat më të zakonshme janë ethet, dhimbjet e fytit, plagët e gojës dhe flluska në duar, këmbë, gjunjë, bërryla ose në zonën gjenitale.

Nuk ka trajtim për këtë sëmundje, por sugjerohet ruajtja e higjienës dhe dezinfektimi i sipërfaqeve shtëpiake.

Dermatiti atopik

Është një sëmundje jo-infektive që shfaqet në lëkurë e cila është e thatë, e kuqe dhe shoqërohet me kruarje.

Në këto raste rekomandohet të konsultoheni me një dermatolog dhe të përpiqeni të mbani lëkurën e fëmijës të hidratuar.

Përveç kësaj, duhet të shmangen ndryshimet e papritura të temperaturës dhe kontaktin me pluhurin, kafshët dhe tymin e cigareve.

Shëndeti

Ushqimet më të mira kundër fryrjes së stomakut

Published

on

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Continue Reading

Shëndeti

Qëndrimi ulur për periudha të gjata rrit rrezikun për sëmundje kronike

Published

on

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Continue Reading

Shëndeti

Të mirat dhe “dëmet” nga konsumimi i fasuleve

Published

on

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Continue Reading

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

on

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!

Continue Reading

Të kërkuara