Kulturë

10 sekretet e bukurisë së grave të Lindjes

Femrat e Lindjes së Mesme dallohen për bukurinë e tyre dhe për lëkurë dhe flokë shumë të bukur e të kuruar.

Published

on

Nëse do të dish se cilat janë truqet e tyre për t’u dukur kaq bukur, po ju listojmë më poshtë sekretet e tyre kryesore te bukurisë:

Vaji i arganit

Gratë e lindjes së mesme e përdorin që prej lashtësisë vajin e arganit si për fytyrën ashtu edhe për flokët.

Ekstrakti i Amlës

Amla është një frut Indian, i ngjashëm me rrushin dhe ai është shumë popullor në Indi dhe Lindjen e Mesme. Ekstraktin e këtij fruti çudibërës femrat lindore e përdorin në shampo, balsam dhe maska për flokët.

Uji i trëndafilit

Uji i trëndafilit është një tonik natyral shumë i mirë, i cili qetëson lëkurën, largon irritimet dhe skuqjet dhe i jep lëkurës një pamje të freskët e të shndritshme. Përveç të tjerash ai ka edhe një aromë shumë të këndshme dhe freskuese për lëkurën.

Kurkuma

Kurkuma përdoret gjerësisht në Lindje jo vetëm në gatime, por edhe si një produkt me përdorim në kozmetikë. Pudra e kurkumës përdoret në maska të ndryshme për fytyrën.

Kënaja

Kënaja përdoret gjerësisht në Indi dhe Lindjen e mesme jo vetëm për te realizuar tatuazhet e famshme me hëna, por edhe si bojë natyrale për flokët dhe vetullat.

Limoni

Lëngu natyral i limonit përdoret gjerësisht si një mjet kozmetik për lëkurën në Lindjen e Mesme. Ai shërben si një pastrues dhe tonik i mrekullueshëm natyral.

Vaji i farave të mustardës (sinapit)

Vaji i farave të mustardës ose siç quhet ndryshe sinapit përdoret prej shekujsh në Indi dhe Lindjen e Mesme si një produkt çudibërës për flokët. Ai ndihmon në rritjen dhe shkëlqimin e flokëve.

Dylli natyral “Halawa”

Dylli Halawa është shumë popullor në vendet lindore dhe ai pregatitet nga një shumëllojshmëri vajrash esencialë natyralë, me dyll blete dhe ka aromën e drurit të Sandalit. Ky dyll gjen një përdorim shumë të gjerë, si produkt për të fërkuar trupin e deri tek aplikimi i tij si deodorant natyral.

Hamami

Banjoja turke ose siç quhet ndryshe Hamam aplikohet prej shekujsh në vendet e Lindjes dhe ai ka efekte shumë pozitive për lëkurën, pasi hap poret dhe largon toksinat, si dhe ndihmon për rënien në peshë.

Parfumeria natyrale

Lindja është vendi i aromave dhe vajrave esencialë dhe femrat atje përdorin parfumet natyrale, pa shtesë të alkoolit në to, të cilat janë shumë më të qëndrueshme dhe më të thella si aroma se sa parfumet e brandeve që jemi mësuar të blejmë në dyqanet e parfumerisë.

Continue Reading

Kulturë

Petrit Halilaj fiton çmimin prestigjioz Nasher 2027 për skulpturë

Published

on

Artisti shqiptar Petrit Halilaj është shpallur fitues i Çmimit Nasher 2027 në Dallas, duke u njohur për arritjet e tij të jashtëzakonshme në fushën e skulpturës.

Vlerësimi i rëndësishëm i Qendrës për Skulpturë Nasher iu dorëzua më 2 tetor 2025 dhe shoqërohet me një çmim prej 100,000 dollarësh, që Halilaj ka vendosur ta dhurojë për Fondacionin e tij jofitimprurës, Hajde!, të bashkëthemeluar me kuratoren Hana Halilaj.

Halilaj rikujton fillimet e tij të vështira: në moshën 12-vjeçare, gjatë luftës së Kosovës në 1999, familja e tij u detyrua të largohej nga fshati i djegur dhe të shkonte në një kamp refugjatësh në Shqipëri.

Një psikolog në kamp i sugjeroi të merrej me vizatim si mënyrë shprehjeje krijuese, çka më vonë do ta udhëhiqte drejt një karriere ndërkombëtare në artin bashkëkohor.

Gazeta New York Times raporton se çmimi i Halilajt vjen pas një serie ekspozitash të shquara, përfshirë porosinë e vitit të kaluar në çatinë e Muzeut Metropolitan të Artit dhe ekspozitën personale në Hamburger Bahnhof në Berlin, e cila u hap në shtator.

Halilaj ka deklaruar se donacioni do të shkojë për Fondacionin Hajde!, që ka për qëllim rindërtimin e Shtëpisë së Kulturës së Kosovës, e shkatërruar gjatë luftës.

“Jam i fokusuar tek rihapja e saj, dhe ky çmim do të sigurojë përparimin e projektit,” tha artisti, duke parashikuar rikthimin e qendrës brenda dy viteve, pothuajse tre dekada pas shkatërrimit.

Carlos Basualdo, drejtori i Qendrës së Skulpturës Nasher, e vlerësoi punën e Halilajt:

“Veprat e tij janë jehonore sot për përkushtimin ndaj humanitetit të përvojës së jetuar dhe për mënyrën se si krijon hapësira takimi që tejkalojnë kufijtë artistikë, kulturorë dhe gjeografikë.” /A.Z/UBT News/

Continue Reading

Kulturë

“Art” rrugëtoi edhe në Tetovë, kjo ishte atmosfera e premierës

Published

on

Mbrëmjen e 2 tetorit, Teatri i Tetovës mirëpriti shfaqjen teatrale “Art”, një nga veprat më të njohura dhe të vlerësuara të teatrit bashkëkohor.

Premiera filloi në ora 19:00 duke ofruar një përvojë teatrale të pasur me humor, emocione dhe reflektime mbi miqësinë, perceptimin e artit dhe marrëdhëniet njerëzore.

“Art” vepër me me autore Yasemina Reza dhe regjisor, Bashkim Ramadani, kurse Kreshnike Osmani është asistente e regjisë dhe dramaturge Zoga Çeta Çitaku.

 Kjo shfaqje me aktorët: Ard Islami, Ylber Bardhi e Butrint Lumi paraqet miqësinë që përplaset kur arti sfidon çdo perceptim, dhe a mund të mbijetosh në një botë ku vlerat janë të ndryshme.

Përndryshe, adhuruesit e teatrit u argëtuan me shfaqjen në skenën e Teatrit të Tetovës. /A.Z/UBT News/

 

Continue Reading

Kulturë

Orkestra shqiptare ngjitet për herë të parë në skenën prestigjioze të Bolonjës

Published

on

Orkestra Simfonike e Teatrit Kombëtar të Operës dhe Baletit do të ngjitet për herë të parë në skenën prestigjioze të Teatro Auditorium Manzoni në Bolonjë, Itali, si pjesë e Festivalit Respighi Bologna 2025, një nga festivalet më të rëndësishme muzikore në Evropë.

Ky festival është i pari rezident i kushtuar Ottorino Respighi-t, një prej kompozitorëve më të shquar italianë të shekullit të 20-të.

Debutimi i orkestrës shqiptare më 13 tetor 2025 do ta vendosë atë në qendër të vëmendjes së një audience ndërkombëtare.

Orkestrën do ta dirigjojë spanjolli Sergio Alapont, ndërsa violinisti i talentuar Giuseppe Gibboni do të performojë si solist.

Në program janë përfshirë:

Nikolaj Rimskij-Korsakov – Ouverture, op. 28

Niccolò Paganini – Koncerti për violinë nr. 2 në si minor, op. 7 (solist Giuseppe Gibboni)

Sergej Rachmaninov / Ottorino Respighi – Cinq Études-tableaux, P 160

Igor Stravinskij – Suite nga L’Uccello di fuoco (The Firebird)

Përpara debutimit në Itali, orkestra do të prezantojë të njëjtin program për publikun shqiptar më 9 tetor 2025 në Teatrin Kombëtar të Operas dhe Baletit në Tiranë, duke shënuar një ngjarje të jashtëzakonshme për skenën muzikore shqiptare.

Violinisti Giuseppe Gibboni do të performojë menjëherë pas dy shfaqjeve të tij me Orkestrën Filarmonike të Teatrit “La Scala” të Milanos.

Në këtë projekt do të përfshihen edhe instrumentistë të rinj të Orkestrës Simfonike të Forcave të Armatosura, duke dhënë një kontribut të veçantë në performancën e orkestrës.

Si festival rezident, Festival Respighi është i fokusuar në jetën dhe veprën e kompozitorit italian, duke e zhvilluar brenda vendit të tij të lindjes dhe në kontekstin e kulturës që e frymëzoi. /A.Z/UBT News/

Continue Reading

Kulturë

Sonte mbrëmje klasike me “Orchestra of Campania” në Mitrovicë

Published

on

Sonte, në Muzeun e Mitrovicës, nga ora 19:00, publiku do të ketë mundësinë të shijojë një performancë të veçantë me “Orchestra of Campania”, nën drejtimin e dirigjentit të njohur italian, Leonardo Quadrini.

Koncerti, i organizuar nga Akademia Ndërkombëtare e Pianos në Ballkan, do të sjellë në skenë soprano Federica D’Antonino, mezzo-soprano Orsolla Russo, tenor Giuseppe Maiorano dhe bass Giuseppe Montanaro, të cilët do të interpretojnë veprat e kompozitorit austriak Sigismond Thalberg, një nga pianistët më virtuozë të shekullit të 19-të.

Ky aktivitet zhvillohet në kuadër të Mitrovica Piano Fest dhe përkrahet nga Drejtoria për Kulturë, Rini dhe Sport në Mitrovicë, duke ofruar një mbrëmje muzikore të paharrueshme për të gjithë adhuruesit e muzikës klasike. /A.Z/UBT News/

Continue Reading

Të kërkuara