

Bota
10 britanikë akuzohen për krime lufte, shërbyen me ushtrinë izraelite në Gaza
Published
5 months agoon
By
UBTnewsNjë ankesë për krime lufte kundër 10 shtetasve britanikë që shërbyen me ushtrinë izraelite në Gaza do t’i dorëzohet policisë Met nga Michael Mansfield KC, një nga avokatët kryesorë të të drejtave të njeriut në Mbretërinë e Bashkuar.
Dosja, që përmban 240 faqe, do t’i dorëzohet njësisë së krimeve të luftës në Scotland Yard të hënën, dhe përfshin akuza të rënda për vrasje të synuara të civilëve dhe punonjësve të ndihmës, duke përfshirë përdorimin e snajperëve dhe sulme pa dallim në zona civile, përfshirë spitalet.
Raporti, i përgatitur nga një ekip avokatësh dhe studiuesish në Mbretërinë e Bashkuar dhe Hagë, akuzon gjithashtu të dyshuarit për sulme të koordinuara ndaj vendetve të mbrojtura, përfshirë monumentet historike dhe vendet fetare, si dhe për transferimin dhe zhvendosjen e detyruar të civilëve.
Për arsye ligjore, as emrat e të dyshuarve, të cilët përfshijnë oficerë të nivelit të lartë, dhe as raporti i plotë nuk do të bëhen publik. Izraeli ka mohuar vazhdimisht se liderët e tij politikë ose ushtria kanë kryer krime lufte gjatë sulmit të tij në Gaza, i cili ka rezultuar në vdekjen e më shumë se 50,000 njerëzve, shumica prej të cilëve civilë. Fushata ushtarake ishte një përgjigje ndaj sulmit të Hamasit të 7 tetorit 2023, ku u vranë mbi 1,200 njerëz, gjithashtu kryesisht civilë, dhe 250 të tjerë u morën peng.
Michael Mansfield KC, i njohur për punën e tij në raste historike si zjarri i Grenfell Tower, vrasja e Stephen Lawrence dhe rasti i Birmingham Six, tha: “Nëse një nga shtetasit tanë po kryen një shkelje, ne duhet të bëjmë diçka për të. Edhe nëse nuk mund ta ndalojmë qeverinë e vendeve të huaja të sillet keq, ne mund të ndalojmë së paku të sillemi keq me shtetasit tanë.
Shtetasit britanikë janë nën detyrimin ligjor që të mos bashkëpunojnë me krimet e kryera në Palestinë. Askush nuk është mbi ligjin.”
Bota
Putin thotë se ka arritur “dakordim” me Trump për përfundimin e luftës në Ukrainë
Published
6 hours agoon
September 1, 2025By
UBTnews
Presidenti rus Vladimir Putin tha se kishte arritur mirëkuptime me presidentin amerikan Donald Trump për përfundimin e luftës në Ukrainë, gjatë takimit të tyre muajin e kaluar në Alaskë, sipas BBC.
Por ai nuk tha nëse do të pranonte bisedime paqeje me presidentin ukrainas, Volodymyr Zelensky të ndërmjetësuara nga Trump, i cili duket se kishte caktuar të hënën si afat për përgjigjen e Putinit.
Duke folur gjatë një samiti në Kinë, Putin vazhdoi të mbronte vendimin e tij për të pushtuar Ukrainën, duke fajësuar sërish perëndimin për luftën.
Pas takimit në Alaskë, i dërguari special amerikan Steve Ëitkoff tha se Putin kishte rënë dakord për garanci sigurie për Ukrainën, edhe pse Moska ende nuk e ka konfirmuar. Putin foli në Tianjin gjatë samitit të Organizatës së Bashkëpunimit të Shangait, ku falënderoi Kinën dhe Indinë për mbështetjen e tyre dhe për përpjekjet për të zgjidhur krizën ukrainase.
Putin theksoi se dakordimi me Trumpin mund të hap rrugën për paqe, por përsëriti se lufta është rezultat i një grushtshteti të mbështetur nga perëndimi dhe përpjekjeve për të futur Ukrainën në NATO. Ai ka kundërshtuar gjithmonë anëtarësimin e Ukrainës në aleancën perëndimore.
Macron të premten tha se Putin përballej me një afat të Trump për të pranuar bisedime paqeje me Zelenskyn, ndërsa Trump vetë i dha disa javë për një përgjigje. Trump propozoi një marrëveshje të përhershme paqeje, pa hyrje të Ukrainës në NATO, por me garanci sigurie nga SHBA dhe Evropa, pa dërguar trupa.
Zelensky priste një kornizë të shkruar për garancitë e sigurisë këtë javë, por Rusia kritikoi propozimet perëndimore si “njëanshme” dhe vazhdoi sulmet ajrore, duke vrarë 23 persona në sulmin më të madh deri tani.
Gjermania dhe Franca kanë premtuar presion mbi Rusinë për të arritur marrëveshje.
Zelensky refuzoi një zonë tampon dhe akuzoi Rusinë se nuk është gati për diplomaci.
Bota
Shkon mbi 600 numri i viktimave nga tërmeti në Afganistan
Published
7 hours agoon
September 1, 2025By
UBT News
Mbi 600 njerëz dyshohet se kanë vdekur pas një tërmeti me magnitudë 6.0 që goditi Afganistanin lindor pranë kufirit me Pakistanin,të dielën në mbrëmje.
Më shumë se 1 mijë e 300 persona janë plagosur ka bërë të ditur përmes një deklarate Ministria e Brendshme talebane, shkruan BBC.
Operacionet e shpëtimit janë ende në vijim ndërsa raportet nga zonat e prekura tregojnë edhe për dëme të mëdha materiale.
Tërmeti u regjistrua në orën 23:47 të së dielës, me epiqendrën rreth 27 km në verilindje të qytetit Jalalabad dhe me një thellësi vetëm 8 km, sipas Shërbimit Gjeologjik të SHBA-së. Një tjetër tërmet me magnitudë 4.5 goditi të njëjtën zonë vetëm 20 minuta më pas.
Bota
Tërmet i fuqishëm godet Afganistanin, raportohet për qindra viktima dhe të plagosur
Published
9 hours agoon
September 1, 2025By
UBT News
Qindra persona dyshohet se kanë humbur jetën dhe shumë të tjerë kanë mbetur të plagosur si pasojë e një tërmeti me magnitudë 6.0 të shkallës Rihter që goditi Afganistanin lindor, pranë kufirit me Pakistanin, mbrëmjen e së dielës.
Operacionet e shpëtimit janë ende në vijim ndërsa raportet nga zonat e prekura tregojnë për dëme të mëdha dhe viktima të shumta.
Sipas Ministrisë së Shëndetësisë, vetëm në një fshat janë raportuar fillimisht 30 viktima.
“Numri i viktimave dhe i të plagosurve është i lartë, por për shkak të vështirësive në aksesimin e zonës, ekipet tona janë ende në vendngjarje,” tha zëdhënësi i ministrisë, Sharafat Zaman.
Sediqullah Quraishi Badloon, zyrtar për informim në provincën Nangarhar, deklaroi për New York Times se numri i vdekjeve mund të ketë arritur në 250, shumica në provincën fqinje Kunar. Vetëm në Nangarhar janë konfirmuar nëntë viktima, shkruan rtsh.al.
Tërmeti u regjistrua në orën 23:47 të së dielës, me epiqendrën rreth 27 km në verilindje të qytetit Jalalabad dhe me një thellësi vetëm 8 km, sipas Shërbimit Gjeologjik të SHBA-së. Një tjetër tërmet me magnitudë 4.5 goditi të njëjtën zonë vetëm 20 minuta më pas.
“Qindra të plagosur janë dërguar në spitalet e zonës,” tha Najibullah Hanif, kreu i informacionit për provincën Kunar. “Shifrat pritet të rriten ndjeshëm, pasi kemi pak rrugë dhe komunikim me zonat më të prekura.”
Qyteti Jalalabad, me një popullsi mbi 300,000 banorë dhe një ekonomi të mbështetur në tregti dhe bujqësi, ndodhet pranë kufirit me Pakistanin dhe është një nga zonat më të populluara të rajonit. Ndërtesat e ulëta të ndërtuara kryesisht me tulla balte dhe materiale të dobëta kanë kontribuar në shkallën e dëmtimeve.
Në rajonet malore të Kunarit dhe Nangarharit, pranë kufirit me provincën Khyber Pakhtunkhwa të Pakistanit, shumë banesa janë shembur plotësisht.
Afganistani është një nga vendet më të rrezikuara nga tërmetet në rajon për shkak të vendndodhjes së tij në zonën ku takohen pllakat tektonike indiane dhe euroaziatike. Vitin e kaluar, një seri tërmetesh në perëndim të vendit shkaktuan mbi 1,000 viktima, duke nënvizuar cenueshmërinë e vendit ndaj fatkeqësive natyrore.
Autoritetet kanë bërë thirrje për ndihmë ndërkombëtare dhe mbështetje urgjente humanitare për të përballuar pasojat e katastrofës.
Bota
Izraeli pretendon se ka vrarë zëdhënësin e Hamasit
Published
9 hours agoon
September 1, 2025By
UBT News
Abu Obeida, një zëdhënës i krahut të armatosur të Hamasit, u vra në një sulm ajror në qytetin e Gazës, njoftuan autoritetet izraelite.
Ministri i Mbrojtjes, Israel Katz, përgëzoi Forcat e Mbrojtjes të Izraelit (IDF) dhe agjencinë e sigurisë për “performancën e tyre të përsosur” në një postim në platformën X.
Katz paralajmëroi sot se shumë nga partnerët kriminelë të Obeida do të jenë në shënjestër të intensifikimit të fushatës në Gaza, duke iu referuar planit të miratuar së fundmi nga Izraeli për të pushtuar qytetin e Gazës.
IDF dhe agjencia e sigurisë izraelite në një deklaratë të përbashkët thanë se operacioni ishte i mundur për shkak të inteligjencës së mëparshme të mbledhur që identifikoi vendstrehimin e Obeida.
Pesë raketa goditën katin e dytë dhe të tretë të ndërtesës nga dy drejtime të ndryshme, duke synuar apartamentin ku ndodhej klinika dentare.
Hamasi nuk e ka konfirmuar vdekjen e zëdhënësit të tij, por grupi militant palestinez ka thënë më parë se dhjetëra civilë u vranë në sulmet izraelite në një ndërtesë banimi.
Obeida ishte ndër të paktët anëtarë të lartë të mbetur të krahut ushtarak Hamas para sulmit të 7 tetorit 2023 ndaj Izraelit.
Gjatë dy vjetëve të fundit, Obeida (40) ka mbajtur një seri fjalimesh antiIzrael në emër të krahut të armatosur të Hamasit, Brigadave al-Qassam. Në atë që mund të ketë qenë fjalimi i tij i fundit të premten, Obeida tha se fati i pengjeve të mbetura izraelite do të ishte i njëjtë me atë të anëtarëve të Hamasit, duke paralajmëruar Izraelin kundër pushtimit të Gazës.

Cilat janë vitaminat specifike për trupin gjatë verës?

E kemi pritur të gjithë! TikTok sjell risi për përdoruesit

Osmani pranoi letrat kredenciale nga ambasadorja e re e Finlandës në Kosovë

Policia e Kosovës arreston një zyrtar komunal, dyshohet për marrje ryshfeti

Transformo pasionin tënd në karrierë – edhe pak vende të lira në programin Art dhe Media Digjitale në UBT

“Më falni, më duhet të shërohem”, Jessie J shtyn turneun botëror pas operacionit të dytë për kancerin e gjirit

Senne Lammens portieri më i ri i Manchester United

Masteri që hap dyert e liderëve të menaxhmentit, biznesit dhe ekonomisë – Studio në UBT

Pse shtatori është muaji i përsosur për pushime?
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA