Lajmet

​Zyra e Presidentes pranon kërkesën e Konjufcës për zëvendësimin e deputetëve të Listës Serbe

Deputetët e dorëhequr duhet të zëvendësohen me deputetë të rinj nga i njëjti subjekt politik.

Published

on

Zyra e Presidentes ka pranuar kërkesën e kryetarit të Kuvendit të Kosovës, Glauk Konjufca për zëvendësimin e deputetëve të dorëhequr të Listës Serbe.

Pas pranimit të kërkesës, presidentja i është drejtuar Komisionit Qendror të Zgjedhjeve për të pranuar rekomandimet e emrave për zëvendësimin e deputetëve të dorëhequr, ka bërë të ditur Bekim Kupina, këshilltar për media i Presidencës.

Ndërkohë, Komisioni Qendror i Zgjedhjeve ka pranuar kërkesën nga presidentja e Kosovës, për zëvendësimin e deputetëve të Listës Serbe të cilët kanë dhënë dorëheqje të hënën.

Deputetët e dorëhequr duhet të zëvendësohen me deputetë të rinj nga i njëjti subjekt politik.

Më 5 nëntor Lista Serbe ka bërë të ditur se zyrtarët serb do të largohen nga institucionet qendrore dhe ato lokale të Republikës së Kosovës.

Këto veprime kanë ardhur pasi qeveria e Kosovës filloi të zbatoi planin e saj prej tri fazash për regjistrimin e veturave me targa serbe në ato të Republikës së Kosovës.

Lajmet

Sekuestrohen 20 motoçikleta nga policia nё Gjilan

Published

on

By

Policia Rajonale e Gjilanit, gjatë periudhës njëjavore ka shqiptuar 10 gjoba dhe ka konfiskuar 20 motoçikleta.

Sipas njoftimit në Facebook, bëhet e ditur se kjo ka ndodhur për shkak të mungesës së dokumentacionit dhe shkeljeve të rregullave të trafikut.

Drejtoria rajonale e Policisë në Gjilan, apelon tek qytetarët që të raportojnë çdo rast të ngasjes së motoçikletës në mënyrë të rrezikshme, në mënyrë që së bashku të kontribuojmë për një ambient më të sigurt për të gjithë pjesëmarrësit në trafik”, thuhet në postim.

Continue Reading

Lajmet

AME: 633 zjarre të raportuara javën e fundit, nëntë vatra aktive

Published

on

By

Agjencia për Menaxhim të Emergjencave (AME) ka njoftuar të mërkurën se gjatë javës së fundit janë raportuar 633 zjarre në gjithë territorin e Kosovës, ndërsa aktualisht nëntë vatra janë aktive.

Nga Policia e Kosovës kanë bërë të ditur se deri më sot janë arrestuar 23 persona për zjarrëvënie të qëllimshme.

Në një konferencë për media, drejtori i AME-së, Genc Metaj tha se falë ndërhyrjes profesionale nga ekipet e tjera ndihmuese, përfshirë edhe KFOR-in, zjarret kanë arritur të lokalizohen.

Metaj tha se gjendja është stabile, por e brishtë shkak i temperaturave të larta dhe zjarrëvënieve të qëllimshme.

Tutje drejtori AME-së theksoi se sfidë mbetet vetëdijësimi i qytetarëve, prandaj çdo neglizhencë do të pasohet me dënime ligjore.

Vetëm gjatë javës së fundit janë raportuar mbi 633 zjarre… Falë ndërhyrjes profesionale të zjarrëfikjes por edhe asistencë nga policia e kosovës dhe qytetarët zjarret kanë arritur te lokalizohen krmi pasur intervenim edhe të KFOR në Kçiq të vogël dhe në Kamenicë. Momentalisht i kemi nëntë vatra aktive dhe po punohet që edhe këto të shuhen plotësisht. Gjendja aktuale në vend është stabile, por e brishtë për shkak të temperaturave, thatësirave dhe zjarrvënieve të qëllimshme. Ndalohen të gjitha format e ndrzjes së zjarreve në hapësira të hapurave të vendit çdo neglizhencë, qëllim apo pakujdesi do të trajtohet seriozisht dhe do të pasojë me dënime ligjore. Apelojmë tek qytetarët për kujdes maksimal dhe te angazhohen dhe të marrin veprimet e nevojshme parandaluese. Bashkëpunimi ndërinstitucional është në nivel të duhur, por sfidë mbetet vetëdijësimi i qytetarëve“, tha Metaj.

Ndërsa, drejtori i divizionit të komunikacionit rrugor në Policinë e Kosovës, Jeton Rexhepi bëri të ditur se Policia ka arrestuar 23 persona dhe ka inciuar 193 raste që lidhen me zjarrvënie të qëllimshme duke shkaktuar rrezik të përgjitshëm.

Ai kërkoi nga qytetarët të shmangin çdo veprim që mund të shkaktojë zjarre dhe të ketë një bashkëpunim me institucionet për t’i parandaluar bashkarisht ato.

Policia e Kosovës në bashkëpunim me AME po punon për parandalimin e zjarreve me kapacitete të plota për të parandaluar zjarret dhe pasojat qoftë tek njerëzit apo vendbanimet. Policia në kuadër të bashkëpunimeve iu ka përgjigj të gjithave rasteve të raportuara. Policia e Kosovës deri sot ka arrestuar 23 persona, ka inicuar 193 raste që kanë të bëjnë me shkaktimin e rrezikut të përgjithshëm me nenin që ka të bëjë me zjarrëvenie. Apleoj te qytetarët të kenë kujdes që të kemi me pak zjarre por edhe të parandalojmë bashkarisht dhe të kemi më shumë siguri për banorët”,shtoi Rexhepi.

Continue Reading

Lajmet

Vrasja e trefishtë në Gjilan, MD kërkon masa displinore – KPK: S’komentojmë thirrjet e ekzekutivit

Published

on

By

Këshilli Prokurorial i Kosovës (KPK) ka thënë se nuk komenton deklaratat apo thirrjet e ekzekutivit. Kjo pas thirrjes së Ministrisë së Drejtësisë që i ka bërë KPK dhe KGjK-së pas vrasjes së trefishtë në Gjilan, për nisjen e procedurave disiplinore ndaj prokurorëve dhe gjyqtarëve të përfshirë.

Në një përgjigje për KosovaPress, Këshilli Prokurorial i Kosovës ka thënë se “është i përkushtuar të veprojë në përputhje me kompetencat ligjore që janë në fuqi”.

Ju njoftojmë se Këshilli Prokurorial i Kosovës (KPK) është institucion i pavarur dhe nuk komenton deklaratat apo thirrjet e ekzekutivit. KPK është i përkushtuar të veprojë gjithmonë në përputhje me kompetencat ligjore që janë në fuqi dhe në harmoni me procedurat e përcaktuara, duke garantuar respektimin e pavarësisë institucionale dhe parimeve të drejtësisë”, thuhet në përgjigjen e Këshillit Prokurorial (KPK).

Dy prej të dyshuarve për vrasjen në Gjilan – Mefail dhe Edonis Shkodra – kanë qenë në paraburgim në të kaluarën dhe më pas janë liruar me dorëzani me vendim të Gjykatës pas një kërkese të Prokurorisë Speciale.

Kjo ka bërë që të ketë kritika të mëdha për sistemin e drejtësisë në vend.

Ky vendim është i pakuptueshëm dhe i papranueshëm, sidomos duke pasur parasysh që të dy të dyshuarit ishin subjekt i hetimeve për vepra të rënda penale si fajdeja dhe detyrimi. Lirimi i tyre përbën një neglizhencë të rëndë institucionale dhe ka prodhuar pasoja tragjike e të pariparueshme. Ministria e Drejtësisë i bën thirrje Këshillit Prokurorial të Kosovës dhe atij Gjyqësor, që të nisin menjëherë procedurat disiplinore ndaj të gjithë prokurorëve e gjyqtarëve që kanë qenë të përfshirë. Përgjegjësia ligjore, institucionale dhe morale duhet të jetë e plotë dhe e pakompromis”, ka reaguar Ministria e Drejtësisë pas vrasjes së trefishtë.

I dyshuari kryesor për vrasjen e trefishtë, Mefail Shkodra është person me të kaluar penale, përfshirë edhe në fajde. Ai me dy djemtë e tij është në arrati, ndërkohë që autoritet vendore po vazhdojnë me kërkimet.

Vendi ynë u trondit nga pesë vrasje vetëm brenda dy ditësh. Një vrasje e trefishtë në Gjilan e një tjetër në Prizren ndodhën të dielën e 10 gushtit. Ndërkaq të hënën, u raportua edhe për një tjetër vrasje në Hajvali të Prishtinës.

Continue Reading

Lajmet

Hoti reagon pas vendimit të Gjykatës Komerciale për tregun e lirë të energjisë

Published

on

By

Ish-kryeministri dhe deputeti i LDK-së, Avdullah Hoti, ka shprehur habinë e tij për, siç e ka quajtur ai, entuziazmin e Zyrës së Rregullatorit për Energji (ZRrE) pas vendimit të Gjykatës Komerciale që legjitimon tregun e lirë të energjisë elektrike.

Gjykata Komerciale, Dhoma e Shkallës së Dytë, të martën vendosi në favor të ZRrE-së për kalimin në treg të hapur të energjisë për rreth një mijë e 300 bizneseve.

“Çfarë entuziazmi i Zyrës së Rregullatorit të Energjisë për t’i detyruar bizneset të blejnë energjinë në treg të hapur, ku çmimi është disa herë më i shtrenjtë se çmimi që paguajnë tani?!”, ka shkruar Hoti të mërkurën në Facebook.

Ai ka kritikuar edhe qëndrimin e Qeverisë për këtë çështje, duke thënë se situata është e papranueshme.

Çfarë apatie e Qeverisë për këtë situatë të krijuar?! Kësaj situate, jo vetëm që i vjen era, por kundërmon”,është shprehur Hoti.

 

Continue Reading

Të kërkuara