Ylli i Serie A: Jam në gjendje ta rivalizojë Erling Haalandin

Haalandit i del një konkurrent.

Published

4 years ago

September 20, 2021

Betim Gashi

Sulmuesi i Fiorentinës, Dusan Vlahovic thotë se mund të konkurrojë me yllin e Borussia Dortmundit, Erling Braut Haaland.

Sulmuesi i “Violas” shënoi 21 gola në Serie A në sezonin 2020-21 dhe ka vazhduar edhe në këtë sezon ku ka shënuar katër gola deri më tani.

Vlahovic shënoi një gol në Kupën e Italisë dhe që atëherë ka shënuar tre herë në katër ndeshje të Serie A, përfshirë dy në fitoren ndaj Atalantas.

Kur 21-vjeçari u krahasua me yllin e BVB-së, i cili vazhdon të bëjë përshtypje në Bundesligën gjermane dhe në Ligën e Kampionëve, Vlahovic tha se mund t’i bëjë konkurrencë norvegjezit.

“Ai është më i shpejtë se unë”, tha Vlahovic për “DAZN” . “Por për pjesën tjetër, ne konkurrojmë”, shtoi ai.

Haaland ka filluar sezonin e ri në mënyrë të përkryer, duke shënuar shtatë herë në pesë ndeshje të Bundesligës, si dhe ke kontribuar me katër asistime në këtë proces.

Në Ligën e Kampionëve, norvegjezi shënoi një gol në fitoren 2-1 ndaj Besiktasit.

Kosova pëson humbje nga Portugalia në kuadër të Kampionatit Evropian për Femra U17

Published

2 hours ago

March 5, 2026

UBTNews

Përfaqësuesja e vajzave të Kosovës është mposhtur me rezultat 3-0 nga Përfaqësuesja e Portugalisë në kuadër të ndeshjeve të UEFA për Kampionatin Evropian për Femra U17.

Ndeshja u zhvillua në stadiumin Cidade do Futebol, ku Përfaqësuesja e Kosovës u përball me një nga skuadrat më të forta të grupit.

Portugalia dominoi pjesën më të madhe të takimit dhe arriti të shënojë tre gola, duke siguruar fitoren 3-0. Pavarësisht rezultatit, vajzat kosovare treguan përkushtim dhe luftuan deri në fund, duke fituar përvojë të rëndësishme në arenën ndërkombëtare.

Ky takim ishte një test i rëndësishëm për Përfaqësuesen e Kosovës U17, e cila vazhdon të ndërtojë ekipin dhe të zhvillojë talentet e reja në futbollin e vajzave.

Sport

Chelsea me interesim të madh për yllin e Kosovës

Published

2 hours ago

March 5, 2026

UBTNews

Sulmuesi i përfaqësueses së Kosovës, Fisnik Asllani, është një potencial i vërtetë për merkaton e verës së vitit 2026, me Chelsea-in që thuhet se ka një interesim serioz për transferimin e tij.

Sipas raportimeve nga Fussball Daten, skautistët të klubit londinez po e vëzhgon me vëmendje 23-vjeçarin e Hoffenheim-it, të cilin e shohin si një sulmues të kompletuar që mund të luajë në disa pozicione të sulmit. Me një klauzolë prej 30 milionë eurosh, Asllani konsiderohet si një mundësi e artë për të përforcuar sulmin e Chealsea-it.

Megjithatë, gara për blerjen e tij është e ashpër, pasi edhe klube si Tottenham Hotspur, Aston Villa dhe Bayern Munich po ndjekin progresin e tij pas formës fantastike këtë sezon me 8 gola dhe 7 asistime në ligën gjermane.

Pavarësisht interesimit të madh nga Premier League, raportohet se klubi i ëndrrave të fëmijërisë për Fisnik Asllanin është Barcelona, e cila po kërkon një zëvendësim për Robert Lewandowskin, sipas TeamTalk.

Mbetet të shihet nëse Chelsea do të arrijë ta bindë yllin kosovar për t’u transferuar në Stamford Bridge përpara rivalëve të tjerë europianë.

Sport

FFK miratohet nga UEFA për dhënien e licencës Fitness B për trajnerët

Published

22 hours ago

March 4, 2026

UBTNews

Federata e Futbollit e Kosovës (FFK) ka marrë konfirmimin zyrtar nga UEFA për pranim në Konventën e Trajnerëve në nivelin shtesë të diplomës Fitness B, pas përfundimit me sukses të kursit të parë për UEFA Fitness nga Departamenti i Edukimit në FFK.

Në shkresën e UEFA-s, e nënshkruar nga Shefi i Zhvillimit të Trajnerëve në UEFA, Kris Van Der Haegen, konfirmohet se raporti pozitiv i vlerësimit për kursin inaugurues për Fitness është shqyrtuar dhe miratuar nga paneli përkatës, duke i hapur rrugë FFK-së për anëtarësim në këtë nivel të ri të Konventës.

Me këtë vendim, FFK tashmë ka të drejtë të organizojë dhe të lëshojë diploma dhe licenca UEFA Fitness B për kandidatët që përmbushin kriteret dhe përfundojnë me sukses programin përkatës, në përputhje me standardet dhe rregulloret e UEFA-s.

Ky hap përfaqëson një avancim të rëndësishëm në edukimin e trajnerëve në Kosovë dhe në ngritjen e kapaciteteve profesionale në fushën e përgatitjes fizike.

Departamenti i Edukimit në FFK do të vazhdojë të ofrojë programe cilësore dhe të harmonizuara plotësisht me standardet evropiane, duke kontribuar drejtpërdrejt në zhvillimin e futbollit në vend.

Pranimi në nivelin UEFA Fitness B dëshmon punën serioze dhe të qëndrueshme të FFK-së në ndërtimin e një strukture moderne të edukimit të trajnerëve dhe profesionalizimin e sportit në Kosovë.

Sport

Kosova përballet me Portugalinë në UEFA Femra U17

Published

24 hours ago

March 4, 2026

UBTNews

Sot zhvillohet një përballje e rëndësishme për Përfaqësuesen e vajzave të Kosovës U17 në kuadër të Kampionatit Evropian për Femra U17 të UEFA-s.

Përfaqësuesja e vajzave e Kosovës do të përballet me Përfaqësuesen e vajzave të Portugalisë U17 nga ora 17:00 në stadiumin Qyteti i Futbollit në Oeiras.

Ky takim është një mundësi për vajzat kosovare të tregojnë talentin e tyre dhe të konkurrojnë në arenën ndërkombëtare, duke kërkuar një rezultat pozitiv ndaj një prej skuadrave më të forta të grupit. Fansat e futbollit të vajzave presin një përballje emocionuese dhe të mbushur me momente spektakolare.