

Lajmet
Vihet gurthemeli i Memorialit të Martirëve në Krushë të Vogël
Published
5 years agoon
By
Betim GashiNë nderim të gjithë dëshmorëve dhe martirëve të masakrës së Krushës së Vogël është vënë sot gurthemeli i ndërtimit të memorialit përkujtimor në këtë fshat.
Afër përvjetorit të 22-të të kësaj masakre u kërkua drejtësi dhe gjetjen e 68 trupave të zhdukur nga ky gjenocid serb. Pjesë e vënies së këtij gurthemeli ishte edhe lideri i Lëvizjes Vetëvendosje, Albin Kurti, i cili tha se institucionet e Kosovës duhet të dënojnë dhe gjykojnë në mungesë gjithë kriminelët e luftës.
Përfaqësuesi i fshatit Krushë e Vogël, Getoar Shehu mes emocionesh tha se ata nuk po arrijnë asnjëherë të gjejnë ngushëllim për atë që iu ka ndodhur 22 vite më parë dhe se shpirtërisht janë të vrarë.
“E di prej zemre që nuk mundem me i ngushëllu kurrë, nuk mundem asnjëherë me iu thënë ngushëllime sepse nuk ka asgjë që mundet me iu ngushëllu. A thua shpirti jem ka me ardhur sot ka me jetu një ditë të jetës sime dhe me thënë unë Getoari po jetoj me shpirt, po jetoj fizikisht dhe shpirtinisht. Na qohemi çdo ditë pa qatë shpirt, të cilin na kanë vra, na kanë pre na kanë gju, e nuk e dina ku e kemi atë shpirt. Asgjë më shumë, asnjëherë më shumë nuk kemi lypë se sa ata shpirta që nuk i kemi, me na i kthy dhe me ditë ku i kemi të varrosur. Ditën e dasmës, ditën unë kur kam me u bërë dhëndër, gjysh me shku djalit tim, nuses me i thënë se ky është baba im, ky është shpirti jem, e unë jetojë pa shpirt, me jetu pa shpirt si robota, si njerëz që nuk e dinë udhën e tyre”, tha ai.
Fjala e Getoarit, sipas kandidatit të Lëvizjes Vetëvendosje për kryeministër, Albin Kurti tregon të vërtetën e Kosovës dje për traumat, vuajtjet dhe pikëllimin, ndërsa do të vazhdojë edhe nesër nëse vendi nuk sjell drejtësi për krimet serbe.
“Fjala e Getoarit tregon të vërtetën e Kosovës sot, për të vërtetën e Kosovës dje dhe për traumat vuajtjet, dhimbjet, pikëllimin që do të vazhdojë edhe nesër nëse nuk sjellin drejtësi për të gjitha krimet e Serbisë që i ka bërë në Kosovë. Getoari ka qenë pesë vjeç kur ka ndodhur masakra e madhe në Krushë të Vogël që është dëshmi e gjenocidit serb më Kosovë dhe ju e patë sa thellë është e tronditur qenia e tij, jo vetëm për prindin që se ka, por për të gjitha ata burra tjerë e fëmijë tjerë që u ndanë nga bashkëshortet e nga nënat e tyre, u ekzekutuan mizorisht e iu dogjën kufomat. Institucionet e shtetit duhet të veprojnë sepse kanë mundësi që të hetojnë dhe hulumtojnë që të gjykojnë dhe dënojnë edhe në mungesë kriminelët e luftës, e natyrisht ata duhen kapur, por nuk mund t’i kapim, e pastaj të veprojmë. Duhet të veprojmë që t’i kapim”, tha ai.
Ndërsa, kryetari i komunës së Prizrenit, Mytaher Haskuka tha se ky gurthemel kujton sakrificën e Krushës së Vogël.
“Këtë gurëthemel nuk jemi duke e vënë për inate politike, por jemi duke e vënë për të kujtuar sakrificën e Krushës së Vogël, sakrificën e familjarëve që ende janë duke pritur trupat e familjarëve të tyre. Shpresoj që ky memorial të jetë një përkujtim për të gjithë botën se çka ka ndodhur këtu në mënyrë që kjo mos të përsëritet askund në botë”, tha ai.
Në mars të vitit 1999 forcat serbe masakruan rreth 113 banorë të Krushës së Vogël, derisa trupat e 68 prej tyre ende janë gjetur.
Ndërkohë, përkundër insistimit të KosovaPress, lideri i Lëvizjes Vetëvendosje nuk komentoi zhvillimet sa i përket mundësisë së certifikimit ose jo të tij si kandidat për deputet.
Lajmet
Radoniqi për rezultatet e zgjedhjeve: Duhet t’i presim edhe ankesat nga PZAP
Published
2 hours agoon
October 22, 2025By
UBTnews
Komisioni Qendror i Zgjedhjeve ka vendosur rinumërimin e fletëvotimeve të 16 kutive të votimit, ku pesë nga to janë për kryetarë të Komunave, ndërsa 11 të tjera për Kuvende Komunale.
Drejtori i sekretariatit të KQZ-së ka paraqitur sot para anëtarëve të Komisionit propozimin për rinumërimin e 16 vendvotimeve ku përfshihet një kuti e votimit në Deçan, një në Gllogoc, dy në Gjilan, një në Lipjan, dy në Prishtinë dy në Prizren, një në Shtime dhe një Suharekë.
Ndërsa, Drejtori i Sekretariatit të Komisionit Qendror të Zgjedhjeve, Besnik Buzhala ka treguar pse nuk janë shpallur rezultatet e zgjedhjeve lokale brenda afateve që ishte, pra sot. E kjo erdhi pas pyetjes së anëtarit të PDK-së në KQZ, Ilir Gashi, për këtë çështje.
“Procesi i numërimit në QNR më së voni përfundon ditën e nesërme. Por për detaje numërimit sipas rekomandimit varet sa fletëvotime janë e si ka me shku numërimi. Ndërsa sipas planit operacional që ka miratuar KQZ, shpallja përfundimtare e rezultateve është dashtë të ndodhte shumë me datë 22, meqenëse sot nuk kemi mujt me implementu një aktivitet. Mendoj që ky proces përfundon sa i përket numërimit të gjithë fletëvotimeve”, tha ai.
Këtu u plotësua edhe me ndërhyrjen e kryetarit të KQZ-së, Kreshnik Radoniqi, i cili tha e duhet të priten dhe vendimet e PZAP-së për ankesat.
“Pa paragjykuar ndonjë vendim të PZAP, sa e kemi pa PZAP është e vërshuar nga ankesat kështu që duhet me prit edhe ankesat nga PZAP para se me u shpall rezultati.
Në mbledhjen e KQZ-së anëtari i Lëvizjes Vetëvendosjes në KQZ, Sami Kurteshi ka bërë një thirrje për Prokurorinë që t’i hetojnë vendvotimet me asistencë.
“Ftoj Prokurorinë që t’i hetojë rastet me asistencë rrënjësisht, sepse nuk është e mundur që në një qytet të ketë 10% të votimeve me asistencë”, tha ai.
Në këtë mbledhje, KQZ vendosi edhe për dizajnin dhe përmbajtjen e fletëvotimeve për raundin e dytë të zgjedhjeve për Kryetarë të Komunave. Ky miratim u bë për të mundësuar zhvillimin e votimit jashtë Kosovës./EO
Lajmet
UBT dhe Universiteti i Minho-s nënshkruajnë marrëveshje bashkëpunimi akademik në Braga
Published
3 hours agoon
October 22, 2025By
UBTnews
Në kuadër të vizitës zyrtare në qytetin historik të Braga-s, Rektori i UBT-së, Prof. Dr. Edmond Hajrizi, dhe Rektori i Universitetit të Minho-s, Prof. Dr. Rui Vieira de Castro, nënshkruan një marrëveshje bashkëpunimi me qëllim forcimit të bashkëpunimit midis dy institucioneve.

Lajmet
Kërkohet paraburgim ndaj të miturit për kontrabandimin e 5 shtetasve kinezë
Published
3 hours agoon
October 22, 2025By
UBTnews
Prokuroria Themelore në Ferizaj, Departamenti për të Mitur, ka kërkuar nga Gjykata Themelore në Ferizaj, caktimin e masës së paraburgimit ndaj të miturit, nën dyshimet se ka kryer veprën penale kontrabandë me migrantë.
Ekziston dyshimi i bazuar se më 21 tetor 2025 rreth orës 20:20, në Seqishtë, Hani i Elezit, saktësisht te Parku memorial “Bllaca 99”, i mituri ka organizuar-kontrabanduar kalimin e jashtëligjshëm të migrantëve, saktësisht pesë persona me shtetësi kineze, duke kaluar vijën kufitare Kosovë-Maqedoni e Veriut.
Personi i mituri fillimisht ishte takuar dhe kishte komunikuar me personat në fjalë në shtetin e Serbisë, dhe kishin bërë marrëveshje që për secilin person të marrë pagesë në vlerë prej 20 euro, e më pas i merr personat nga shteti i Serbisë, hyjnë në shtetin e Kosovës, ku i mituri siguron një automjet, ku e drejton një person deri më tani i panjohur, dhe i fusin në veturë që të gjithë, e më pas të njëjtit i dërgon te vija kufitare Kosovë-Maqedoni Veriore, ku aty nga njësiti patrullues kufitar janë vërejtur dhe kanë arritur të ndalojnë që të gjithë dhe t’i shoqërojnë në stacionin policor kufitar rajoni Lindje-Kaçanik, ku i mituri edhe është arrestuar, me këtë kishte për të kryer veprën penale kontrabandim me migrantë.
I mituri me vendim të Prokurorit të Shtetit gjenden nën masën e ndalimit 24-orë./KP
Lajmet
Trajneri i Suedisë i diagnostikuar me leukemi: Më i fortë, sepse e kuptova rëndësinë e jetës
Published
3 hours agoon
October 22, 2025By
UBT News
Trajneri Anders Torstensson, njëri prej protagonistëve më të mëdhenj të Suedisë që është pagëzuar edhe si ‘Leicester suedez’, prej muajsh po lufton një betejë shumë më të fortë jashtë fushave të lojës.
Në gusht të vitit 2024, Torstensson mësoi një lajm të tmerrshëm; u diagnostikua me leucemi linfatike kronike.
“Që nga ai moment e ndjej veten akoma më të fortë sepse kuptova rëndësinë e jetës, rëndësinë e çdo ditë këtu-pohon trajneri 59 vjeçar-sot nuk ndihem ndryshe në krahasim me ditët kur nuk e dija për sëmundjen. Në një farë mënyre e lë diagnozën në spital. E kam pranuar dhe nuk është diçka që më prek thellë.”, tha ai.
Por në anën tjetër diagnoza me kancer i ka mësuar Torstensson se nuk duhet marrë asgjë për të mirëqenë dhe nuk duhet të i shtyejmë gjërat për t’i bërë të nesërmen.
“Nuk marr asgjë për të mirëqenë dhe nuk i shtyj gjërat për t’i bërë të nesërmen, edhe kjo një arsye që fituam. Të gjithë pyesin për sekretin tonë, por nuk ka asnjë të tillë. Janë rreth 500 gjëra mbi të cilat kemi punuar cdo ditë me një kujdes të jashtëzakonshëm dhe nuk kemi bërë kompromis për asgjë.”, tha ai./S.K/EO/

146 vjet nga suksesi i parë i llambës elektrike të Thomas Edisonit

Al Pacino rikthehet në botën e mafias me trillerin e ri aksion “Father Joe”

Tetë vende të reja në listën britanike për rrezikun nga pijet e falsifikuara me metanol

Radoniqi për rezultatet e zgjedhjeve: Duhet t’i presim edhe ankesat nga PZAP

The Sims Mobile po i vjen fundi, EA konfirmon mbylljen e lojës

UBT dhe Universiteti i Minho-s nënshkruajnë marrëveshje bashkëpunimi akademik në Braga

46 të vdekur në një aksident rrugor në Uganda

Kërkohet paraburgim ndaj të miturit për kontrabandimin e 5 shtetasve kinezë

Trajneri i Suedisë i diagnostikuar me leukemi: Më i fortë, sepse e kuptova rëndësinë e jetës
Të kërkuara
-
Lajmet2 months ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni4 weeks ago
Policia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Lajmet nga UBT2 months ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Rajoni2 months ago
Profesori i UBT-së fiton grant prestigjioz kërkimor në Universitetin Çarls të Pragës