Kulturë

​Veprimtari Jim Xhema nderohet në Prishtinë, një rrugë merr emrin e tij

Rama shprehu vlerësim për punën dhe veprat e veprimtarit të njohur.

Published

on

Kryetari i komunës së Prishtinës, Përparim Rama ka pritur në vizitë veprimtarin shqiptaro-amerikan, Jim Xhema. Për kontributin e tij për vendin, një rrugë në kryeqytet (Rruga A) ka marrë emrin e tij “Jim Xhema”. Ndërsa vet Xhema apeloi që të punohet bashkërisht në dobi të popullit të Kosovës.

E në shenjë respekti dhe falënderimi për punën e palodhshme dhe kontributin e tij për çlirimin e Kosovës, atij mirënjohje i ndau i pari i Prishtinës.

Me këtë rast, Rama shprehu vlerësim për punën dhe veprat e veprimtarit të njohur, duke thënë se ai është njëri ndër figurat që prezanton globin shqiptaro-amerikan.

“Z. Jim Xhema, ka kontribuar për lirinë dhe pavarësinë e Kosovës, dhe është marrë me këtë aspekt gjatë tërë jetës së tij… Ne kemi vendosur ta nderojmë dhe ta përjetësojmë veprën e tij, përmes rrugës A, që tash rruga A thirret ‘Jim Xhema’. Na ka nderuar me ardhjen e tij për festat e pavarësisë së Kosovës. Pra ka ardhur dhe është sot me ne dhe do të qëndrojë disa ditë këtu… Xhema… e riprezanton gjithë globin shqiptaro-amerikan”, u shpreh Rama.

Veprimtari i njohur shqiptar, Jim Xhema tha se ndjehet i lumtur që ndodhet në Kosovë, teksa apeloi që të punohet në përparimin e vendit dhe kombit.

“Jam shumë i lumtur që erdha dhe jam akoma më i lumtur që shoh sa mirë po kaloni dhe i lutem Zotit që të vazhdoni të punoni së bashku për përparimin e kombit tonë dhe të ndërtoni një vend të lirë dhe të drejtë që respekton ligjin dhe njerëz si ai që u kthye nga puna e tij në Londër për të punuar me kaq zell më bën shumë, shumë të lumtur. Faleminderit shumë, rroftë Kosova”, tha ai.

Ai kujtoi vizitën historike të senatorit Bob Dole në vitin 1990 në Prishtinë dhe rëndësinë e saj, pasi siç tha ai mbetet jetike meqenëse Serbia kishte mbështetjen e Rusisë dhe Kinës.

Ndërkohë veprimtari Jim Xhema së bashku me të parin e Prishtinës, Përparim Rama dhe nënkryetarin Alban Zogaj kanë bërë homazhe te varri i ish-presidentit të Kosovës, Ibrahim Rugova.

Kulturë

Pretendentët e hershëm për Oscar 2025! Kritika parashikon një edicion të jashtëzakonshëm

Published

on

Edhe pse ceremonia e ndarjes së çmimeve Oscar 2025 mbahet në mars, kritika tashmë ka filluar të rendisë filmat që pritet të jenë mes pretendentëve më seriozë për çmimet më të mëdha të kinemasë.

Disa tituj kanë fituar vëmendje të madhe, duke u konsideruar si favoritët e hershëm të këtij edicioni, që po cilësohet si një nga më të fortët e dekadës.

Titujt më të përfolur për Oscar 2025

Hamnet – Një dramë historike e vendosur në vitin 1596, që trajton vdekjen e djalit 11-vjeçar të William Shakespeare dhe ndikimin e kësaj tragjedie në krijimin e dramës së famshme “Hamlet”. Kritikët e quajnë një “recetë të përsosur” për sukses në Oscar.

One Battle After Another – Me Leonardo DiCaprio në rolin kryesor, filmi ndjek ribashkimin e ish-revolucionarëve në një mision për të shpëtuar vajzën e rrëmbyer të njërit prej tyre.

Sinners – Cilësohet nga kritikët si një nga filmat më të mirë të vitit. Historia ndjek dy vëllezër binjakë që rikthehen në Deltën e Misisipit dhe përballen me një forcë misterioze e të errët.

Bugonia – Ende pa debutuar, por ka ngjallur interes të madh. Emma Stone luan një CEO të fuqishme që rrëmbehet nga dy teoricienë konspiracioni, të bindur se ajo është një aliene.

Christy – Me Sydney Sweeney në rolin e legjendës së boksit Christy Martin, filmi sjell në ekran jetën e një prej boksierëve më të famshme amerikane.

Anemone – Një histori prekëse për një ish-ushtar që, pas dy dekadash izolimi, ribashkohet me të vëllain, duke përballuar plagët e së kaluarës.

The Smashing Machine – Dwayne Johnson interpreton legjendën e UFC, Mark Kerr, në një rikthim emocionues në botën e sportit të viteve ’90.

Sentimental Value – Fitues në Festivalin e Kanës 2025, ky film trajton ribashkimin e dy motrave me babanë e tyre, pas vdekjes së nënës, në një rrëfim emocional për familjen dhe të kaluarën.

After the Hunt – Një dramë morale që përshkruan përplasjen mes bindjeve profesionale dhe akuzave serioze, kur një studente padit profesorin e saj për përdhunim.

It Was Just An Accident – Vendosur në realitetin e Iranit të shtypjes politike, filmi sjell takimin dramatik mes një burri dhe ish-oficerit që e kishte torturuar dikur.

Marty Supreme – Timothée Chalamet interpreton Marty Reisman, në një histori që ndërthur ambicien, pasionin për sportin dhe kërkimin për lavdi personale.

Oscar 2025 pritet të jetë një nga edicionet më të pasura në përmbajtje dhe emocione, me një përzierje të jashtëzakonshme të dramës, historisë, sportit dhe sfidave njerëzore.

Kritikët paralajmërojnë një garë të ngushtë dhe shumë të larmishme për çmimet më prestigjioze të vitit. /A.Z/UBT News/

 

Continue Reading

Lifestyle

Çfarë na mëson një psikologe për nevojat e fëmijëve?

Published

on

Biseda me një psikologe më la pa fjalë. Shumica e prindërve nuk kanë qëllim të lëndojnë fëmijët e tyre, por ndodh shpesh – pa e kuptuar fare.

Çdo periudhë e fëmijërisë ka një nevojë themelore. Kur ajo nevojë nuk plotësohet, fëmija nuk e harron thjesht me kohën; ai/ajo e bart me vete për gjithë jetën.

0-1 vjeç: “A mund të kem besim te bota?”

Kur një foshnjë qan dhe askush nuk i përgjigjet, mëson: “Askush nuk do të vijë për mua.” Kjo shkakton ankth. Kur dikush e mban në krahë dhe e qetëson, foshnja mëson se bota është një vend i sigurt.

1-3 vjeç: “Dua ta bëj vetë!”

Nëse çdo përpjekje e tyre kritikohet ose ndërpritet, fëmija fillon të dyshojë te vetja. Në të ardhmen, mund të ketë frikë të veprojë pa miratim.

3-6 vjeç: “Jam mace! Jam doktor! Jam superhero!”

Lojë e fëmijës nuk është thjesht argëtim – është krijimi i identitetit. Mbështetja e prindit rrit guximin, ndërsa tallja ose injorimi e mbyll vetëbesimin dhe imagjinatën.

6-11 vjeç: “Dua të jem i/e aftë. Dua të vlej.”

Mësoje të vlerësojë përpjekjen, jo vetëm rezultatet. Nëse dashuria dhe vlerësimi lidhen vetëm me suksesin, fëmija mund të ndalojë së provuari kur nuk ndjehet i/e sigurt që do të arrijë.

11-18 vjeç: “Kush jam unë në të vërtetë?”

Kjo periudhë nuk është “mosha e vështirë”, por koha kur formohet identiteti. Rebelime, faza të çuditshme e kundërshtime janë normale. Detyra jote nuk është të krijosh një “fëmijë perfekt”, por të jesh pranë tij teksa zbulon veten.

Fëmijët nuk harrojnë aq sa duket. Truri dhe trupi i tyre mbajnë mend. Prandaj, nuk duhet të jesh prind perfekt. Mjafton të jesh prind që dëgjon, kupton dhe mëson me ta. /A.Z/UBT News/

Continue Reading

Kulturë

U nda dje nga jeta, sot i jepet lamtumira e fundit aktorit të madh Enver Petrovci

Published

on

Dje, në moshën 71-vjeçare, u nda nga jeta një prej figurave më të mëdha të artit dhe kulturës shqiptare, aktori, regjisori dhe profesori Enver Petrovci.

Lajmi i ndarjes së tij nga jeta ka sjellë dhimbje dhe pikëllim të madh jo vetëm për komunitetin artistik, por edhe për publikun e gjerë që e ka ndjekur në teatër, film dhe televizion për dekada me radhë.

Ceremonia e varrimit do të zhvillohet sot, duke filluar nga ora 17:00, në varrezat e qytetit të Prishtinës, ku familja, miqtë, kolegët dhe dashamirët e artit do t’i japin lamtumirën e fundit.

Në një njoftim zyrtar të publikuar nga Teatri Kombëtar i Kosovës, është bërë e ditur se homazhet për Petrovcin do të mbahen nga ora 13:30 deri në 15:30, ku qytetarët dhe figura të njohura të artit do të kenë mundësinë të shprehin respektin dhe mirënjohjen e tyre.

Pas homazheve, në orën 15:30, zhvillohet mbledhja komemorative, e cila pritet të jetë një përkujtim solemn i jetës dhe veprës së tij të pasur.

Enver Petrovci ka lënë gjurmë të pashlyeshme në kulturën shqiptare. Ai ishte ndër themeluesit e Teatrit Kombëtar të Kosovës dhe një personalitet që kontribuoi fuqishëm në zhvillimin e artit dramatik.

Përveç roleve të paharrueshme, Petrovci ka ndikuar edhe në breza të tërë aktorësh përmes punës si pedagog dhe regjisor. Ikja e tij la një boshllëk në kulturën shqiptare, por trashëgimia artistike e tij do të mbetet gjithmonë frymëzim për brezat që vijnë. /A.Z/UBT News/

Continue Reading

Aktualitet

​MKRS për Enver Petrovcin: Ai ishte më shumë se një emër i skenës sonë

Published

on

Ministria e Kulturës ka reaguar me rastin e vdekjes së aktorit dhe regjisorit, Enver Petrovci duke e vlerësuar figurën se Petrovcit si një emër të madh të skenës sonë.

“Me dhimbje të thellë morëm lajmin për ndarjen nga jeta të aktorit dhe regjisorit të shquar, Enver Petrovci. Ai ishte më shumë se një emër i madh i skenës sonë: ishte zëri, fytyra dhe shpirti i shumë roleve që shënjuan teatrin, filmin dhe kujtesën kulturore të vendit tonë. Jeta e tij ishte e lidhur ngushtë me artin dhe publikun. Përmes talentit të pashtershëm, ai i dhuroi gjeneratave të tëra emocione, reflektim dhe dashuri për kulturën”, thuhet në telegram ngushëllimin e MKRS-së.

Sipas kësaj ministrie, aktori Enver Petrovci ka lënë pas një trashëgimi që do të frymëzojë përherë.

“Në emër të Ministrisë së Kulturës, dhe në emrin tim personal, shpreh ngushëllimet më të sinqerta për familjen Petrovci, miqtë, kolegët dhe gjithë komunitetin artistik. Kujtimi për të dhe vepra e tij do të mbeten të gjalla përjetësisht. Qoftë i përjetshëm kujtimi të”, thuhet në telegram.

Enver Petrovci ka ndërruar jetë në moshën 71 vjeçare./S.K/KP/

Continue Reading

Të kërkuara