Lajmet

​Usyk: Më është bombarduar shtëpia dhe njerëzit po tërhiqen zvarrë

Në një intervistë të fundit, Usyk tregoi se sa keq janë gjërat në Ukrainë.

Published

on

Oleksandr Usyk ka zbuluar se shtëpia e tij është qëlluar nga bombardimet e sulmeve ruse dhe fqinjët e tij janë tërhequr zvarrë teksa mbronin Ukrainën nga pushtimi i Rusisë.

Kampioni i peshave të rënda ishte në Londër më 24 shkurt kur trupat ruse hynë në territorin ukrainas dhe u përball me një rrugë shumë të vështirë në rikthimin e tij tek familja ne Kiev.

Usyk përfundimisht u kthye në atdheun e tij dhe u regjistrua në një batalion të mbrojtjes territoriale, duke pozuar me armë teksa konfirmoi lajmin për bashkimin me ushtrinë ukrainase.

35-vjeçari po stërvitej për një revansh të mundshëm me britanikun Anthony Joshua, pasi kishte rrëzuar nga froni kampionin e unifikuar të peshave të rënda në shtator të vitit 2021.

Në një intervistë të fundit, Usyk tregoi se sa keq janë gjërat në Ukrainë.

“Unë e di që ata qëlluan në shtëpinë tonë”, tha Usyk për “profiboxing.cz”. “Ata thyen dyert dhe tërhoqën zvarrë disa nga fqinjët tanë. Por unë nuk e di se si është atje tani. Ne nuk mund të kontaktojmë me askënd. Është e tmerrshme kur të tutë vrapojnë të fshihen në bodrum në çdo shushurimë granatimesh”, vazhdoi ai.

“Më duhej të anuloja një fluturim direkt për në Kiev, po kthehesha përmes Polonisë, mu desh një ditë për të arritur në Kiev, dy të tjera para se të shihja familjen time dhe të qetësohesha pak”, rrëfen Usyk.

Aktualitet

Kosova e Shqipëria forcojnë partneritetin ushtarak, trajnime të përbashkëta për operacione ujore

Published

on

Bazuar në marrëveshjen bilaterale të bashkëpunimit ndërmjet Forcës së Sigurisë së Kosovës dhe Forcave të Armatosura të Republikës së Shqipërisë (FARSH), Kompania e Kërkim-Shpëtimit e Regjimentit të Mbrojtjes Civile (RMC) realizoi trajnim të përbashkët në fushën e zhytjes.

Trajnimi i përbashkët u realizua në Qendrën e Zhytjes në Pashaliman, Vlorë, Republika e Shqipërisë.

Sipas FSK-së qëllimi i këtij trajnimi ishte ruajtja, zhvillimi dhe avancimi i njohurive dhe aftësive profesionale në fushën e zhytjes, në thellësi dhe kushte të ndryshme operative si dhe shkëmbimin e përvojës dhe praktikave më të mira ndërmjet pjesëtarëve të të dy forcave ushtarake.

FSK po ashtu thotë se ky aktivitet i përbashkët dëshmon për rëndësinë e thellimit të bashkëpunimit ndërmjet institucioneve ushtarake të Kosovës dhe Shqipërisë, si dhe përkushtimin e ndërsjellë për ngritjen dhe përmirësimin e kapaciteteve specialistike në realizimin e operacioneve ujore me standarde të larta ndërkombëtare.

Continue Reading

Aktualitet

Behramaj: VV-ja po e shtyn qëllimisht Listën Serbe që t’i drejtohet Kushtetueses

Published

on

Deputeti i PDK-së, Artan Behrami, ka akuzuar Lëvizjen Vetëvendosje se me qëllim po e nxit Listën Serbe që t’i drejtohet Gjykatës Kushtetuese, me synimin për të krijuar precedent që forcon pozitën e këtij subjekti në formimin e institucioneve.

“Dërgimi në Gjykatën Kushtetuese mund të krijojë precedent të rrezikshëm, se pa pjesëmarrjen e subjektit serb, i cili përfaqëson shumicën në komunitetin serb, nuk mund të krijohen institucionet e vendit,” shkroi Behrami në një reagim publik.

Sipas tij, kjo lëvizje është pjesë e një strategjie të VV-së për të paraqitur pjesëmarrjen e Listës Serbe në Kuvend si detyrim kushtetues, në një kohë kur Kurti nuk i ka numrat për të formuar Qeverinë.

“Po përpiqet ta ‘paketojë’ si detyrim kushtetues dhe jo si marrëveshje politike,” shtoi ai.

Behrami paralajmëron se një vendim i tillë nga Kushtetuesja do të shtrëngonte edhe më tej hapësirën kushtetuese për përfaqësuesit serbë, duke lënë pasoja afatgjata për rendin institucional në vend.

Continue Reading

Bota

Kremlini: Të interesuar për negociata, por nuk do të ndalim sulmet ndaj Ukrainës

Published

on

Rusia po vazhdon me operacionin e saj ushtarak në Ukrainë, por mbetet e interesuar për të vazhduar procesin e negociatave.

Kjo vije si rezultat për të arritur objektivat  përmes mjeteve politike dhe diplomatike, ka deklaruar zëdhënësi i Kremlinit, Dmitry Peskov, shkruan ANSA.

“Operacioni special ushtarak vazhdon. Sulmet kundër infrastrukturës ruse, shpesh infrastrukturës civile ruse, nga regjimi i Kievit vazhdojnë. Forcat ushtarake ruse do të vazhdojnë të kryejnë misionin e tyre”, shtoi ai.

”Ato vazhdojnë të sulmojnë vende ushtarake dhe infrastrukturë të lidhur me ushtrinë. Sulmet janë të suksesshme dhe objektivat e tyre janë shkatërruar”, theksoi ai.

Continue Reading

Aktualitet

Miftaraj: Dihet që Lista Serbe dirigjohet nga Beogradi, por mos të shkelet Kushtetuta

Published

on

Drejtori ekzekutiv i Institutit të Kosovës për Drejtësi (IKD), Ehat Miftaraj, ka thënë se Lista Serbe dihet që dirigjohet nga Beogradi, mirëpo ka theksuar se deputetët nuk duhet ta shkelin Kushtetutën tonë.

Miftaraj tha se kjo parti politike e serbëve të Kosovës, në vendin tonë e ka vetëm trupin, por jo mendjen dhe logjikën.

“Ne e dimë që Lista Serbe trupin e ka në Kosovë, kurse mendjen, logjikën e veprimin e ka në Beograd. Lista Serbe nuk është që vepron kokë më vete, por dirigjohet nga Beogradi. Për neve është me rëndësi shteti ynë, Kushtetuta jonë. Është me rëndësi që ne të mos e nëpërkëmbim Kushtetutën tonë, apo parimet e standardet që i kemi pranuar si të mirëqena”, theksoi Miftaraj.

Përndryshe, nga seanca e djeshme në Kuvend, Lista Serbe në një fjalë të mbajtur në hollin e Kuvendit të Kosovës ka bërë të ditur se do t’i drejtohet Gjykatës Kushtetuese për çështjen e emërimit të nënkryetarit të Kuvendit nga radhët e komunitetit serb.

Continue Reading

Të kërkuara