

Lajmet
Ushtrisë së Kosovës i shtohen 311 rekrutë të rinj, grupi më i madh ndonjëherë
Kjo është gjenerata e tretë e stërvitjes ushtarake bazë për vitin 2022.
Published
2 years agoon
By
UBT news311 rekrutë janë betuar për shërbim në Forcën e Sigurisë së Kosovës. Kjo është gjenerata e tretë e stërvitjes ushtarake bazë për vitin 2022. Në ceremoninë e betimit ministri i Mbrojtjes Armend Mehaj bëri të ditur se më 28 nëntor do të hapet konkursi i ri ku do të pranohen rreth 600 ushtarë të rinj.
Për rekrutët që u betuan, Mehaj tha se ky është grupi më i madh i certifikuar ndonjëherë në ushtrinë e Kosovës.
“Garantimi i paqes kërkon përgatitje të lartë, ngritje te kapaciteteve operacionale dhe profesionale, për këtë po punojmë çdo ditë. Nuk mund të ecim përpara nëse nuk nderojmë të kaluarën. Për atdhe derdhim djersë, lot, gjak, atdheu është pasuria jonë më e madhe, për të jetojmë dhe për të vdesim. Ecni gjithmonë me kokën lartë sepse ushtria jonë gjithmonë e ka mbrojtur me shpirt vendin e vet. Në venat tuaja keni AND-ën e Ushtrisë Çlirimtare të Kosovës, keni AND-ën e komandantit Adem Jashari, ushtria e Adem Jasharit nuk dorëzohet nuk kthehet prap, është e pamposhtur”, tha Mehaj.
Ndërsa kryetari i Kuvendit, Glauk Konjufca ka thënë se nuk mund të ketë paqe dhe stabilitet në tokën evropiane pa hequr dorë Rusia nga Ukraina dhe pa hequr dorë Serbia nga Kosova.
“Ne nuk jemi shtet që kemi pretendime territoriale, por ndjehemi të kërcënuar nga pretendimet e Serbisë mbi shtetin tonë. Paqja në botë sot po rrezikohet nga agresioni rus në Ukrainë, ne jemi rreshtuar përkrah Ukrainës dhe luftës së saj të drejtë. Nuk mund të ketë paqe dhe stabilitet në tokën evropiane pa hequr dorë Rusia nga Ukraina dhe pa hequr dorë Serbia nga Kosova”, ka thënë Konjufca në ceremoninë e betimit të 311 rekrutëve në FSK.
Ai ka thënë se ushtria e Kosovës po rritet brenda shtetit sovran dhe demokratik.
“Ushtria jonë po rritet, po forcohet në Kosovën tonë sovrane e demokratike. Për të lindur ky shtet u desht mund e sakrifica e përpjekje, kjo përpjekje kulmoi me luftën e UÇK-së për mbrojtjen e vendit tonë, çlirimin e atdheut dhe largimin e okupatorit serb. Shteti ynë është u barabartë për të gjithë qytetarët tanë, pa dallim etnie, feje apo përkatësi të tjera. Për të mbrotjur lirinë e shtetit tonë e kemi FSK-në e cila po ndërtohet sipas pricnicpeve të një ushtrie moderne. Gjithçka që arritëm e bëmë me miqtë tanë të çmuar , SHBA -në dhe shtetet tjera të botës demokratike, evropiane epërendimore. Prandaj orientimi ynë është i qartë ne duam të jemi pjesë e NATO-s”, ka thënë ai.
Kryetari i Kuvendit të Kosovës, Glauk Konjufca ka thënë se Kosova nuk do të lëshojë pe përtej Kushtetutës dhe ligjeve të saj, duke shtuar se çdo gjë ilegale në Kosovë do të ndalohet dhe do të ketë sundim të ligjit.
“Të gjitha këto janë përpjekje të Serbisë që të rrisë presionin mbi Republikën e Kosovës ashtu që ne të thehemi përballë kërkesave të tyre por ne e dimë që të gjitha këto vijnë nga Beogradi dhe Vuçiqi. Mendoj se qeveria dhe Republika e Kosovës do të sillen në atë mënyrë që të mos pranojnë kushtëzime përmes shantazhit, përmes bllokadave dhe përmes përdorimit të forcës nga ana e Serbisë”, ka thënë Konjufca.
Bota
“Tubimi Kombëtar” thërret francezët të protestojnë për Le Penin
Published
12 minutes agoon
April 1, 2025By
UBT NEWS
Partia e ekstremit të djathtë “Tubimi Kombëtar” ka bërë thirrje për një protestë të gjerë në Francë, pas një vendimi të gjykatës që shpalli Marine Le Penin të fajshme për përvetësim fondesh nga Bashkimi Evropian për financimin e partisë së saj. Dënimi i Le Penit përfshin një ndalim prej pesë vjetësh për të kandiduar për poste publike, katër vjet burg dhe një gjobë prej 100,000 eurosh, megjithatë kjo masë nuk do të aplikohet deri sa të përfundojnë apelimet e mundshme.
Jordan Bardella, president i partisë, ka thënë se ky vendim është një akt i padrejtë dhe një goditje për Le Penin, e cila ka qenë një figurë kyçe në politikën franceze dhe ka udhëhequr “Tubimin Kombëtar” për shumë vite. Ai u bëri thirrje francezëve të protestojnë paqësisht këtë fundjavë për të shprehur pakënaqësinë e tyre ndaj këtij vendimi të gjykatës.
Le Pen, që ka qenë një kandidat i fortë në zgjedhjet presidenciale të kaluarave, ka shprehur qëndrimin e saj se nuk do të pranojë të eliminohet nga garat për të ardhmen dhe ka paralajmëruar se do ta apelojë këtë vendim sa më shpejt. Ajo gjithashtu ka shprehur se zgjedhjet presidenciale të vitit 2027 do të jenë të fundit për të, por që do të vazhdojë të luajë një rol aktiv në politikën franceze.
Kjo situatë ka krijuar tensione politike dhe do të ketë një ndikim të rëndësishëm në zgjedhjet e ardhshme, ku Bardella është përmendur si një mundësie i mundshëm për të kandiduar për president nga “Tubimi Kombëtar”./UBTNews/
Bota
Situatë e rëndë në Greqi, mbyllen shkollat, banorëve iu kufizohet lëvizja…
Published
28 minutes agoon
April 1, 2025By
UBT NEWS
Greqia po kalon një situatë të rëndë për shkak të kushteve të këqija të motit që kanë shkaktuar përmbytje masive dhe dëme të mëdha infrastrukturë, kryesisht në ishujt më të njohur turistike. Në Naoussa, rrugët janë kthyer në lumenj të rrëmbyeshëm, duke marrë me vete dhjetëra makina të parkuara dhe gjithçka që ka qenë në rrugë.
Shkollat janë mbyllur në disa prej ishujve më të prekur, përfshirë Paros, Mykonos, Symi, Kos dhe Rodos, ndërsa banorëve të ishujve të tjerë, si Hios, Samos dhe Ikaria, u është kërkuar të kufizojnë lëvizjet e tyre për siguri.
Përmbytjet janë shkaktuar nga reshje të mëdha shiu, ku vetëm brenda disa orësh, Mykonos ka marrë deri në 100 milimetra shi për metër katror, ndërsa Paros ka regjistruar 70 milimetra. Megjithatë, autoritetet lokale kanë njoftuar se nuk ka raporte për të lënduar deri tani, pavarësisht situatës kaotike. Kjo ka shkaktuar shqetësim për sigurinë e banorëve dhe turistëve në këto destinacione, duke ndërprerë gjithashtu lëvizjen e përditshme dhe aktivitete të tjera.
Lajmet
APK: Afati për deklarimin e pasurisë vazhdon vetëm edhe sot
Published
31 minutes agoon
April 1, 2025By
UBTNews
Agjencia për Parandalimin e Korrupsionit (APK) njofton se, bazuar në Ligjin për Procedurën e Përgjithshme Administrative, afati i fundit për deklarimin e pasurisë vazhdon edhe sot, më 1 prill.
“Kur dita e fundit e një afati bie të shtunën, të dielën apo një ditë feste zyrtare, afati mbaron në ditën e punës që vjen menjëherë pas”, njofton APK.
Sipas APK-së, afati i fundit ligjor për deklarimin e pasurisë për vitin kalendarik 2024 është më 1 Prill 2025 (deri në ora 23:59:59).
Gjatë ditë së djeshme, uebfaqja e Agjencisë për Parandalimin e Korrupsionit ka pasur probleme teknike, pikërisht në ditën kur ishte edhe afati i fundit i zyrtarëve publikë për ta deklaruar pasurinë.
Ligji për Deklarim të Pasurisë parasheh që rreth 5 mijë zyrtarë, të cilët obligohen të deklarojnë pasurinë e tyre, ata këtë deklarim duhet ta bëjnë atë deri sot më datë 31 mars 2025, në Agjencinë për Parandalimin e Korrupsionit. Në të kundërtën ata do të përballen me gjoba e kallëzime penale.
Bota
Kina: Pavarësia e Tajvanit nënkupton luftë
Published
36 minutes agoon
April 1, 2025By
UBT NEWS
Kina ka paralajmëruar se çdo përpjekje për të siguruar pavarësinë e Tajvanit do të çonte në një konflikt të armatosur, duke e konsideruar këtë si një kërcënim për sigurinë e saj kombëtare. Ushtria kineze njoftoi se ka nisur manovra të mëdha ushtarake në afërsi të ishullit të Tajvanit, duke përfshirë stërvitje që angazhojnë forcat tokësore, detare, ajrore dhe raketore. Këto manovra kanë për qëllim testimin e aftësive të përbashkëta operacionale të trupave kineze dhe për të dërguar një mesazh të qartë ndaj atyre që mbështesin pavarësinë e Tajvanit.
Ushtria kineze e ka quajtur këtë veprim një “paralajmërim të ashpër” kundër forcave separatiste të Tajvanit dhe një “veprim legjitim” për të mbrojtur sovranitetin dhe unitetin kombëtar të Kinës. Për më tepër, Ministria e Mbrojtjes e Tajvanit ka deklaruar se po monitoron lëvizjet ushtarake kineze, dhe ka raportuar se 19 anije të marinës kineze u regjistruan në ujërat përreth Tajvanit në 24 orët e fundit.
Ky zhvillim vjen pas tensioneve të vazhdueshme mes Kinës dhe Tajvanit, të cilat janë shtuar gjatë viteve të fundit, veçanërisht pasi disa shtete dhe organizata ndërkombëtare kanë rritur mbështetjen për Tajvanin. Tensionet janë të theksuara edhe në kontekstin e politikave të jashtme dhe të sigurisë në rajonin e Azisë Lindore, ku Kina ka bërë përpjekje për të rritur ndikimin e saj.

Simeone ka gati ndryshimin e madh për sfidën e kthimit me Barcelonën

“Tubimi Kombëtar” thërret francezët të protestojnë për Le Penin

Vdes Betty Webb, një nga deshifrueset e fundit të ”Enigma”-s

Situatë e rëndë në Greqi, mbyllen shkollat, banorëve iu kufizohet lëvizja…

APK: Afati për deklarimin e pasurisë vazhdon vetëm edhe sot

Kina: Pavarësia e Tajvanit nënkupton luftë

Serbia dhe Hungaria nënshkruajnë marrëveshje për bashkëpunim në mbrojtje, njofton Vuçiq aleancë ushtarake

Barcelona thyen çdo rekord, skuadra e Hansi Flick arrin shifra historike

Dy kosovarë ekstradohen në SHBA, akuzohen për mashtrim dhe vjedhje identiteti të amerikanëve
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota2 months ago
Trump zbulon listën e zezë të Shtëpisë së Bardhë