

Sport
Top-23 yjet e futbollit që mbesin pa kontrata në fund të këtij sezoni
Published
5 years agoon
By
Betim GashiVetëm disa muaj kanë mbetur në kontratat e një mori yjesh të futbollit, duke përfshirë yllin e Barcelonës, Lionel Messi dhe atë të Manchester Cityt, Sergio Aguero.
Ndërsa klubet e futbollit përballen me buxhete të kufizuara mes pandemisë së koronavirusit, fokusi është vendosur të koncentrohet tek lojtarët të cilët janë në dispozicion si agjentë të lirë.
Ekziston një emër mbi të gjithë që do të fitojë vëmendjen më të madhe nëse ai nuk lidhet me një kontratë të re dhe ai është Lionel Messi.
David Beckham po përgatitet për sezonin e tij të dytë si bashkëpronar i Inter Miamit dhe ai refuzon të përjashtojë nënshkrimin potencial me Lionel Messin ose Cristiano Ronaldon verën e ardhshme.
Pozicioni i super yllit argjentinas në Barcelona duket se do të jetë drama e verës edhe një herë pas asaj që ndodhi verën e kaluar.
A do të qëndrojë, apo do të largohet? Dhe nëse ai largohet, kush mund ta përballojë blerjen e tij?
Por Messi nuk është i vetmi lojtar i madh që mbetet pa kontratën në verën që po vjen. Aty ka një mori emrash që kanë dominuar për vite me radhë futbollin evropian dhe lista e më poshtme e konfirmon këtë.
Këta janë 23 lojtarët që mbesin pa kontratë në fund të këtij sezoni:
Lionel Messi, Barcelona
Gianluigi Donnarumma, AC Milan
David Alaba, Bayern Munich
Sergio Aguero, Manchester City
Sergio Ramos, Real Madrid
Memphis Depay, Lyon
Georginio Ëijnaldum, Liverpool
Hakan Calhanoglu, AC Milan
Florian Thauvin, Marseille
Angel Di Maria, PSG
Henrikh Mkhitaryan, Roma
Lucas Vazquez, Real Madrid
Fabian Schar, Neëcastle
Edinson Cavani, Manchester United
Jerome Boateng, Bayern Munich
Luka Modric, Real Madrid
Christian Benteke, Crystal Palace
Andros Toënsend, Crystal Palace
Patrick Van Aanholt, Crystal Palace
Juan Mata, Manchester United
David Luiz, Arsenal
Danny Rose, Tottenham
Julian Draxler, PSG
Lajmet
Derbi Arsenal–Manchester City mbyllet pa fitues
Published
33 minutes agoon
September 22, 2025By
UBT News
Derbi i madh anglez mes Arsenalit dhe Manchester Cityt është mbyllur me barazim 1-1 në “Emirates Stadium”.
Skuadra mysafire kaloi në epërsi herët në ndeshje, kur Erling Haaland realizoi në minutën e 9-të.
Mirëpo, londinezët nuk u dorëzuan dhe arritën të shpëtojnë një pikë falë golit të Gabriel Martinellit në minutën e 93-të, duke ngritur në këmbë tifozët vendas.
Kjo përballje i takonte xhiros së pestë të Premierligës.
Pas këtij barazimi, Arsenali ka grumbulluar 10 pikë dhe renditet në vendin e dytë në tabelë, ndërsa Manchester City me shtatë pikë pozicionohet në vendin e nëntë./S.K/KP/
Lajmet
Cena pas shpalljes kampion ballkanik: Disiplina dhe fokusi janë çelësi i suksesit
Published
59 minutes agoon
September 22, 2025By
UBT News
Xhudisti nga Kosova, Dardan Cena është shpallur kampion i Ballkanit në Kampionatin Ballkanik. Cena triumfoi ndaj të gjithë rivalëve të tij në kategorinë deri në 73 kilogram, duke treguar kështu fuqinë dhe potencialin e madh që ka për të ardhmen e tij në sportin e xhudos.
Për ta arritur një sukses të tillë, Cena tha se ushtron tre herë në ditë për përkushtim maksimal dhe se ia doli të triumfojë edhe për kundër rivalëve shumë të fortë që i kishte në rrugën drejt medaljes së artë në këtë kampionat.
“Normalisht ne ushtrojmë tre herë në ditë dhe jemi gjithmonë të përgatitur pavarësisht kohës edhe kemi ushtruar shumë jo vetëm për Kampionatin Ballkanik por edhe për garat tjera që na presin në të ardhmen. Edhe besoj që kjo performanca e Kampionatit Ballkanik do të vazhdojë edhe në garat tjera. Normalisht nuk ka rival të dobët, ka qenë konkurrenca mjaftë e fortë por kemi arritur që t’i mposhtim gjithashtu kundërshtarët tjerë dhe të dal rezultati i kënaqur për të gjithë, jo vetëm për mua”, theksoi Cena.
Në suksesin e tij, Cena thotë se meritat kryesore shkojnë për trajnerët Driton Kuka, Majlinda Kelmendi dhe trajnerë të tjerë.
“Unë kam pasur biseda gjithmonë para luftës, pas luftës, gjatë luftës me trajnerin Tonin, Majlindën, Fatosin dhe të gjithë trajnerët që kanë qenë aty të pranishëm, do të thotë nuk ka munguar asgjë brenda në sallë aty, kam qenë i përmbushur si me taktikë, si me forcë, si me gjithçka duke iu falënderuar trajnerëve. Puna ime kryesore është me Tonin (Driton Kuka), ajo është puna e gjithkujt, por pastaj kemi edhe ndihmës-trajnerët si Majlinda Kelmendi, Nora Gjakova, Fatos Tabaku e të tjerë.“, vijon tutje ai.
Përtej Ballkanikut, Cena thotë se në të ardhmen synon që trofe të tjerë edhe në garat që vijnë, derisa shton se sporti i xhudos tashmë i është bërë mënyrë jetese e përditshme.
“Synimet janë të mos ndalem, të vazhdojë kështu në çdo lloj gare edhe të jap maksimumin nga vetja që ta bëjë krenar trajnerin, klubin dhe të gjithë ata që na përkrahin…Gjithçka që duhet është disiplina dhe fokusi, të tjerat nuk janë problem. Ne punojmë në bazë të programit të trajnerit dhe nuk kemi asnjëherë probleme as për stërvitje as për asgjë. Do të thotë na u ka bërë pjesë e jetës xhudos, ushtrime gjumë, ushtrime gjumë dhe kjo është e gjitha për ne”, bëri të ditur Cena.
Ndryshe, Kosova shkëlqeu në Kampionatin Ballkanik me gjashtë medalje të arta, gjashtë të argjendta dhe një medalje të bronztë./S.K/KP/
Lajmet
Caktohet stadiumi ku do të luhet ndeshja Barcelona-PSG
Published
3 days agoon
September 19, 2025By
UBT News
FC Barcelona konfirmoi se ndeshja e saj e parë në shtëpi me PSG në Ligën e Kampionëve 2025/26 , që korrespondon me raundin e dytë të fazës së ligës, do të luhet në Estadi Olímpic Lluís Companys.
Ndeshja, kundër Paris Saint-Germain, është planifikuar për të mërkurën, më 1 tetor, në orën 21:00 .
Klubi katalanas vazhdon të punojë për të marrë lejet administrative që do të lejojnë që Camp Nou të rihapet në ditët në vijim, megjithëse për momentin Montjuïc, të paktën për ndeshjen kundër kampionëve aktualë, do të jetë selia evropiane e Barçës.
“FC Barcelona falënderon anëtarët dhe tifozët e saj për mirëkuptimin dhe mbështetjen e tyre gjatë një procesi kaq kompleks dhe emocionues siç është rikthimi në Spotify Camp Nou të ri “, thuhet në deklaratë.
Barça ka detajuar gjithashtu se si do të funksionojë procesi i biletave për atë që padyshim do të jetë ndeshja më e madhe e fazës së ligës së Ligës së Kampionëve të këtij viti, finalja e lakmuar që nuk ndodhi kurrë.
I njëjti kapacitet dhe sistem aksesi për anëtarët do të ruhet si në stadiumin Montjuïc të sezonit të kaluar.
16,151 anëtarët e rregullt të Kartës së Stadiumit Olimpik Lluís Companys për sezonet 2023/24 dhe 2024/25 do të kenë njoftim 24 orë përpara për të blerë biletat e tyre.
Pas kësaj periudhe, shitjet do të hapen për të gjithë anëtarët e mbetur që më parë kishin një kartë në Montjuïc.
Klubi së shpejti do të njoftojë orarin specifik dhe datat e fillimit si për anëtarët ashtu edhe për publikun e gjerë, të cilët do të jenë në gjendje të blejnë bileta që variojnë nga 11 deri në 37 euro , varësisht nga zona e stadiumit./S.K/KP/The Athletic/
Lajmet
Zhegrova kthehet fuqishëm në Juventus ndaj Borussia Dortmundit
Published
3 days agoon
September 19, 2025By
UBT News
Edon Zhegrova bëri një rikthim të bujshëm me Juventusin në ndeshjen dramatike ndaj Borussia Dortmundit duke asistuar golin e barazimit.
Kosovari u fut në lojë në minutën e 87-të dhe brenda dhjetë minutash u bë protagonist, ku pas një driblimi, ai shërbeu topin për Vlahovic, që asistoi golin e barazimit 4-4 të Kelly-t në minutën e 96-të.
Ky ishte një lehtësim i madh për Zhegrovën, i cili vuajti nga pubalgjia ose ndryshe e njohur si “hernia sportive” gjatë sezonit të kaluar dhe rrezikonte të mos ishte pjesë e listës për Ligën e Kampionëve.
Forma e tij fizike e përmirësuar bëri që trajneri Igor Tudor ta grumbullonte dhe të besonte tek ai në momentin e duhur.
Tani pritet që kosovari të ketë më shumë minuta edhe në ndeshjen e radhës kundër Veronës, edhe pse titullarizimi duket ende i parakohshëm.
Për Zhegrovën, rikthimi në fushë pas muajve të vështirë është tashmë një fitore, ndërsa objektivi mbetet të gjejë vazhdimësinë dhe ndikimin e tij te “Zonja e Vjetër”./S.K/KP/

Franca pritet ta njohë sot Palestinën

27 vjet nga rënia e Fehmi dhe Xhevë Lladrovcit

Sot Dita Ndërkombëtare pa Makina

Derbi Arsenal–Manchester City mbyllet pa fitues

Kaq e pati! Microsoft njofton përfundimin e mbështetjes për Office 2016 dhe 2019

Osmani takohet me të rinjtë shqiptaro-amerikanë në New York

Trump premton se do të mbrojë aleatët e NATO-s nga Rusia nëse do jetë e nevojshme

Osmani takon Gheit nga Liga Arabe, kërkon njohjen e Kosovës nga shtetet anëtare

Sot vazhdon seanca e radhës në rastin e Liridona Ademajt
Të kërkuara
-
Aktualitet4 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months ago
UBT shpall konkurs për pranimin e studentëve të rinj për vitin akademik 2025/26