Lajmet

​Termokos nuk rrit çmimin e ngrohjes, ofron ngrohje edhe për katër mijë konsumatorë të rinj

“Termokos”, si kompani e ngrohjes qendrore nga qershori i vitit 2008 është nën mbikëqyrjen e Komunës së Prishtinës.

Published

on

Ngrohtorja e qytetit të Prishtinës “Termokos”, këtë sezon pritet të ofrojnë ngrohje edhe për 140 objekte të reja banesore me rreth katër mijë konsumatorë të rinj në lagjen Mati 1, konkretisht në rrugën “Muharrem Fejza”.

E derisa pritet të nis edhe me shtrirjen e rrjetit të ngrohjes në lagjen e Muhaxherëve, konkretisht afër parkut të qytetit, Termokos është në proces të realizimit të projektit për vendosjen e paneleve solare, me të cilët do të sigurohet ngrohja për dy lagje të reja në kryeqytet.

Termokos po planifikon po ashtu, që pas zgjerimit të rrjetit te parku i qytetit, të vazhdojë me zgjerimin në pjesën tjetër të lagjes Arbëria, por gjithashtu janë në proces të realizimit të projektit për dyfishimin e kapaciteteve të energjisë termike që marrin nga KEK-u.

Me ndihmën e fondeve të ndara nga Qeveria e Gjermanisë dhe banka gjermane për zhvillim, po zgjerohet rrjeti i ngrohjes Termokos për disa lagje të kryeqytetit për të lehtësuar ditët e ftohta gjatë dimrit.

Zëdhënësja e Termokos-it, Afërdita Uka- Fejzullahu tha se shtrirja e gypave të ngrohtores është duke u bërë në disa lagje.

Është në proces tashmë kyçja në rrjetin e ngrohjes, ku përkatësisht shtrirja e rrjetit të ngrohtores është bërë në lagjen Mati 1, përkatësisht në rrugën “Muharrem Fejza”, rrugicat dhe objektet që ndodhen përreth rrugicave të kësaj rruge, ndërsa aktualisht është duke u punuar për vendosjen e nënstacioneve të ngrohjes, pasi që Banka Gjermane për Zhvillim, e cila i realizon të gjitha procedurat e tenderimit për zgjedhjen e punëkryesve në këto projekte për të cilat janë financuar nga Qeveria Gjermane, ka zgjedhur dy punëkryes në këtë pjesë të tenderit, pra për kryerjen e punimeve për zgjerimin e rrjetit të ngrohjes, derisa pjesa e parë e kompanisë së punëkryesve, shtrirja e rrjetit ka përfunduar vitin e kaluar, tash kjo është duke u bërë instalimin e nënstacioneve të ngrohjes, kemi 140 objekte të reja banesore që do të kyçen në këtë lagje, me rreth katër mijë konsumatorë të rinj që për herë të parë do të filloj furnizimi me ngrohje, pra që nga fillimi i këtij sezoni, që pritet të filloj ashtu siç e kemi përcaktuar ligjërisht nga 15 tetori i këtij viti. Shtrirje të ngrohjes tjetër do të ketë edhe për lagjet tjera të qytetit të Prishtinës, është e planifikuar që për pak kohë varësisht nga koordinimi që do të kemi edhe me komunën dhe me projektet e tyre, do të filloj edhe punimet për shtrirjen e rrjetit të ngrohjes tek lagja, në afërsi të parkut të qytetit, ndërsa për pjesën tjetër, të lagjes Arbëria, pjesa e poshtme e lagjes Arbëria fillojnë punimet pas realizimit të këtyre punimeve. Pra lagja Mati 1 përkatësisht rruga “Muharrem Fejza” dhe pjesa e lagjes në afërsi të parkut të qytetit pritet të fillojnë pas fillimit të sezonit të ri ngrohës, pra ka pas gjasa që ata të kyçen këtë vit, mbase do të arrijmë që vitin e ardhëm të kyçim rrjetin e ngrohjes”, thotë ajo.

Ajo thotë se në proces është edhe vendosja e paneleve solar.

Kemi edhe projekte të tjera përveç të masës së nxehtësisë, kemi në proces të realizimit edhe projekte për vendosjen e paneleve solar. Me këtë projekt i cili financohet po ashtu nga donatorë ndërkombëtare, do të sigurohet ngrohja për dy lagje të reja të Prishtinës, është pjesa e epërme e lagjes Arbëria dhe për herë të parë në rrjetin e ngrohjes pritet të kyçet me këtë projekt edhe lagja Tophane. Kjo përveç sigurimit të ngrohjes cilësore të mjaftueshme për këta konsumatorëve të këtyre dy lagjeve, pritet se do të ndikojë dukshëm edhe në eliminimin enorme të ajrit për qytetin e Prishtinës, të cilët këta banorë në mungesë të ngrohjes qendrore janë detyruar të shfrytëzojnë alternativa të tjera ngrohëse, ndërsa në proces jemi edhe në realizimin e projektit për dyfishimin e kapaciteteve të energjisë termike që marrim nga KEK-u. Aktualisht jemi duke marrë 140 KË me energji termike nga KEK-u, ndërsa në të ardhmen do të merremi me realizimin e projektit i cili tashmë, pak kohë më parë kemi nënshkruar kontratën me Bankën Evropiane për Investime, e cila në vlerë të 1.5 milion eurove ka financuar projektin për studimin paraprak për realizimin e këtij projekti, pra dhe fazat e mëtutjeshme do të varen nga ky studim që do të vërehet, pran Banka Evropiane për Investime, i cili presim se do të jetë në favor të realizimit të këtij projekti”, shton Fejzullahu.

Uka-Fejzullahu më tej shton se këtë vit nuk kanë rritur faturat e energjisë termike dhe se këto fatura vendosen nga Zyra e Rregullatorit për Energji.

Gjithashtu, zëdhënësja e Termokosit thotë se në rastin kur konsumatorët nuk do të paguajnë faturat, janë të obliguar të marrin masa, pasi sipas saj, investimet po bëhen me fonde nga ndërkombëtarët.

Është shumë e palogjikshme që në këtë fazë të zhvillimit të ngrohtores, në këtë fazë ne i ofrojmë ngrohje të mjaftueshme dhe për të gjithë ata konsumatorë, aq më tepër në këtë fazë kur ka një rritje të çmimit të energjisë elektrike, i cili po paralajmëron se do të ndodhë edhe periudhën e ardhshme, pra sidomos periudhën e dimrit ne kemi vazhduar edhe këtë sezon e fundit të furnizojmë me ngrohje pa ndryshim të tarifave, d.m.th. pa rritje të çmimit dhe në vazhdën e ngritjes së çmimeve dhe të gjithave lëndës së parë, pra për ngrohje cilat do qofshin ato dru, pelet apo thëngjill, gjitha këto shumë më të kushtueshme se ngrohja që ofrojmë ne. Është alternativa e vetme, pra e sigurt dhe shumë e leverdishme ekonomikisht për të gjithë konsumatorët tanë, pra ata nuk duhet të hezitojnë këto fatura të ngrohjes ngase është më e leverdishme për ata, në të kundërtën ne në vazhdimësi duhet të aplikojmë masat të cilat nuk i pëlqejmë por jemi të detyruar duke i ngjasuar të gjithë ato borxhe, ngase nuk është shumë e arsyeshme, ne të kërkojmë fonde nga donatorët për të realizuar projekte të shumta, kur ata konsumatorë për të cilët po bëhen këto projekte nuk dëshirojnë të paguajnë faturat për një shërbim shumë cilësor të cilën e marrin gjatë gjithë periudhës së dimrit, pra për gjashtë muaj me radhë. Ata kanë një furnizim cilësor dhe të mjaftueshëm me ngrohje 24 orë për shtatë ditë në javë. Ne në vazhdimësi kemi aplikuar metodat më të reja të cilat po shihet se po kanë ndikim të konsumatorët, tek ata konsumatorë të cilët po kanë hezitim t’i paguajnë faturat e ngrohjes, kemi ngrit padi private përmes përmbaruesve privat”, shton ajo.

“Termokos”, si kompani e ngrohjes qendrore nga qershori i vitit 2008 është nën mbikëqyrjen e Komunës së Prishtinës.

Rjeti i ngrohjes së Termokos-it deri tani ka shërbyer në lagjet e vjetra të Prishtinës dhe atë me gypat e viteve të ’70- ta.

Lajmet

Trump ka pritur Melonin në Shtëpinë e Bardhë: Italia një nga aleatët tanë më të ngushtë

Published

on

By

Kryeministrja italiane Giorgia Meloni u takua me presidentin amerikan Donald Trump në Shtëpinë e Bardhë.

Në një takim dypalësh të zhvilluar në Zyrën Ovale, i ndjekur nga një drekë me dyer të mbyllura në dhomën e kabinetit, të dy liderët iu përgjigjën pyetjeve nga grupi i gazetarëve të Shtëpisë së Bardhë dhe gazetarëve italianë, duke rikonfirmuar mirëkuptimin dhe marrëdhënien e tyre të ngushtë.

Trump pranoi një ftesë të kryeministries italiane për një vizitë zyrtare në Romë “në të ardhmen e afërt”, një rast, thotë Meloni, për të rifilluar dialogun midis Uashingtonit dhe Brukselit. Meloni thotë se presidenti amerikan gjatë vizitës së tij në Itali mund të mendojë të takohet edhe me përfaqësues të BE-së.

“Italia mund të jetë aleati më i mirë i Shteteve të Bashkuara nëse Meloni mbetet kryeministre”, tha Trump. “Ajo është një person i madh, ajo po bën një punë të shkëlqyer dhe marrëdhëniet tona janë të shkëlqyera. Italia është një nga aleatët tanë më të ngushtë jo vetëm në Evropë,” shtoi ai.

Për tarifat, të dy udhëheqësit thanë se kishin besim se mund të gjenin një marrëveshje të drejtë tregtare. “Nuk do të ketë asnjë problem për të bërë një marrëveshje me BE-në për tarifat, nuk do të ketë asnjë problem me askënd”, theksoi Trump në Zyrën Ovale.

Presidenti amerikan përsëriti se ai ishte duke negociuar me disa vende, por pohoi se ai “nuk po nxitonte”. “SHBA do të bëjë gjithashtu një marrëveshje të mirë me Kinën” për tarifat, shtoi ai.

Meloni thotë se ka besim se mund të arrihet një marrëveshje, duke shtuar se ajo beson se “ne duhet të flasim sinqerisht dhe të jemi në mes”.

“Unë besoj në unitetin e Perëndimit, ne thjesht duhet të flasim dhe të arrijmë në rezultate dhe të gjejmë veten në rrugën më të mirë të mesme për t’u rritur së bashku. Kur flas për Perëndimin nuk po flas vetëm gjeografikisht, por si qytetërim,” tha Meloni, e cila ripërshtati sloganin “Make America Great Again” të Trump dhe shprehu dëshirën e saj për të “MWGA”; Bëje Perëndimin Përsëri të Madh.

Kryeministrja italiane njoftoi gjithashtu se Italia “do të duhet të rrisë importet e energjisë” dhe se “kompanitë italiane do të investojnë 10 miliardë euro” në SHBA.

Shpenzimet e mbrojtjes, migracioni, lufta në Ukrainë dhe marrëveshja bërthamore me Iranin ishin gjithashtu ndër temat e diskutuara gjatë takimit të ngrohtë të dy liderëve.

“Italia synon të arrijë pragun e 2%”, njoftoi ajo duke iu referuar kërkesës së NATO-s për shpenzimet e mbrojtjes, e cila ka qenë një temë e nxehtë për presidentin e 47-të të SHBA-së, i cili është paralajmëruar vazhdimisht për tërheqjen e Uashingtonit nga aleanca nëse vendet evropiane dështojnë të bëjnë pjesën e tyre dhe të investojnë në kapacitetet e tyre mbrojtëse.

“Italia do të njoftojë në samitin e ardhshëm të NATO-s se do të rrisë shpenzimet në 2 përqind siç kërkohet. Evropa është e përkushtuar të bëjë më shumë, duke punuar në instrumente për të mundësuar dhe ndihmuar vendet anëtare të rrisin shpenzimet e mbrojtjes. Ne jemi të bindur se të gjithë duhet të bëjnë më shumë,” vuri në dukje Meloni.

Trump, i pyetur nëse objektivi prej 2 për qind ishte i mjaftueshëm, u përgjigj duke thënë “Kurrë nuk mjafton”.

“Italia dhe Shtetet e Bashkuara kanë qëndrime të përbashkëta për një sërë çështjesh, si lufta kundër emigracionit të parregullt dhe drogave sintetike”, tha Meloni.

Pasi përsëriti linjën e ashpër të vendosur në muajt e parë të presidencës së tij kundër emigrantëve (të parregullt dhe të tjerë) në Shtetet e Bashkuara, Trump e zhvendosi fokusin te Evropa, duke kritikuar politikat e saj të emigracionit.

“Unë nuk jam një tifoz i madh i Evropës dhe asaj që ata kanë bërë për emigracionin, por mendoj se ata do të duhet të bëhen më të zgjuar, sepse po dëmtohen seriozisht nga ajo që kanë bërë,” tha Trump, i cili nga ana e tij vlerësoi qeverinë italiane, të kryesuar nga Meloni, për politikën e saj të emigracionit.

Meloni ndërhyri menjëherë për të vënë në dukje se edhe politikat europiane po ndryshojnë, duke i dhënë disa merita Italisë.

“Ne po fillojmë ta bëjmë këtë, do të shihni politikat që po zbaton Europa: Komisioni Evropian sapo ka miratuar rregulloret për riatdhesimet, gjërat po ndryshojnë, edhe falë shembullit të Italisë. Ne po punojmë së bashku dhe jam optimiste.”

Meloni nuk iu shmang temës së luftës në Ukrainë,

Në dukje një nga pikat e pakta, nëse jo të vetmet, të mosmarrëveshjes në takimin e dyshes, të dy liderët kanë treguar gjatë muajve se qëndrimet e tyre për këtë çështje janë shumë të ndryshme.

“Unë mendoj se ka pasur një pushtim dhe se pushtuesi ka qenë Putini dhe Rusia, por sot ajo që është e rëndësishme është që së bashku duam të punojmë dhe po punojmë për të arritur një paqe të drejtë dhe të qëndrueshme në Ukrainë. Këto janë përpjekje për të cilat ne ndamë punën tonë edhe sot”, tha Meloni.

“Italia ka qenë shumë e dobishme në mbështetjen e Ukrainës”, tha Trump, duke theksuar se “jemi afër përfundimit të luftës, por do të shohim në ditët në vijim”.

“Tani do të përpiqem t’i jap fund, por siç e dini Rusia është shumë më e madhe si një forcë ushtarake dhe, nëse jeni të zgjuar, nuk përfshiheni në luftëra që nuk mund t’i përballoni më vonë”, shtoi presidenti amerikan.

“Unë nuk do të thosha se ai (Zelensky) ka bërë punën më të mirë, në rregull? Unë nuk jam një fans i madh. Unë me të vërtetë, nuk jam një fans i madh i tij”, tha Trump.

Continue Reading

Lajmet

​Përkujtohen dëshmorët dhe martirët në Prishtinë

Published

on

By

Ditët e 17, 18, 19, 20 dhe 21 prillit 1999, për shumë familje dhe qytetarë të trevave të Llapit e Gollakut që kishin marrë rrugën e shpëtimit përmes fshatrave Koliq, Grashticë, Makoc e Llukar, u shndërruan në ditë tmerri e krimi të paparë.

Ushtria policia dhe paramilitarët serbë në pritën që u kishin bërë, vranë dhe masakruan më se 124 qytetarë, në mesin e tyre fëmijë, vajza, djem, gra e pleq.

Me rastin e Ditës së Dëshmorëve të Komunës së Prishtinës, Kryeqyteti në bashkëpunim me degët në Prishtinë të OVL, SHFD dhe SHIL të UÇK-së, organizon aktivitetet përkujtimore: homazhe në kompleksin e varrezave të dëshmorëve në Velani, nderime pranë shtatores së heroit Zahir Pajaziti, aksion për dhurim gjaku në sheshin “Zahir Pajaziti”, homazhe në kompleksin e varrezave të dëshmorëve dhe martirëve në Makovc.

Tubimi qendror-tradicional “Epopeja e UÇK-së” mbahet në Marec nga ora 13:00, ndërsa nga ora 17:00 mbahet ceremonia për ndarjen e 71 mirënjohjeve për familjet e dëshmorëve dhe heronjve të Komunës së Prishtinës.

Continue Reading

Lajmet

​Dita Evropiane e të Drejtave të Pacientit

Published

on

By

18 prilli njihet si Dita evropiane për të Drejtat e Pacientit, ku në këtë ditë synohet të sensibilizohen pacientët, institucionet shëndetësore dhe ligjvënëse, që të formulohet dhe miratohet Karta e Pacientit.

Dita Evropiane e të Drejtave të Pacientëve 2025 do të fokusohet në një sërë temash kritike që lidhen me shkëmbimin e të dhënave shëndetësore, përfitimet dhe sfidat e tij.

Krijimi i Hapësirës Evropiane të të Dhënave Shëndetësore (EHDS) po formëson të ardhmen e menaxhimit elektronik të të dhënave shëndetësore në BE.

EHDS është krijuar për të lehtësuar ndarjen e të dhënave shëndetësore, veçanërisht për kërkimin shkencor, duke siguruar që të dhënat të përdoren në mënyrë etike dhe efektive në të gjitha shtetet anëtare. Ky kuadër i ri ka potencialin për të transformuar peizazhin e qeverisjes së të dhënave shëndetësore në Evropë.

Të dhënat shëndetësore mblidhen nga organizata të ndryshme për qëllime specifike.

Spitalet, për shembull, analizojnë të dhënat e pacientëve për të përmirësuar cilësinë, kohën dhe sigurinë e shërbimeve të tyre. Megjithatë, këto të dhëna gjithashtu mund të grumbullohen në nivel popullsie për të mirën e parandalimit të sëmundjeve dhe ofrimit të kujdesit shëndetësor në rajone dhe vende.

Duke i bërë të dhënat shëndetësore më të qasshme dhe tërheqëse, ne mund të përmirësojmë rezultatet e kujdesit shëndetësor, të promovojmë mësimin dhe të nxisim bashkëpunimin ndërkufitar.

Përfitimet e ndarjes dhe kthimit të të dhënave shëndetësore te pacientët, shembulli i provave klinike:

– Shkëmbimi i të dhënave shëndetësore mund t’i bëjë sistemet e kujdesit shëndetësor më të përgjegjshëm, efikas dhe të qëndrueshëm. Pacientët kanë kërkuar prej kohësh vlerë në këmbim të përdorimit të të dhënave të tyre.

– Dhënia e pjesëmarrësve të dhëna nga provat klinike individuale, për shembull, jo vetëm që u siguron atyre informacion të vlefshëm për kujdesin shëndetësor ose menaxhimin e sëmundjeve, por gjithashtu i fuqizon ata duke i bërë pjesë të procesit të vendimmarrjes. Kjo ripërcakton marrëdhëniet midis pacientëve, kërkimit dhe industrisë.

Në mënyrë që shkëmbimi i të dhënave shëndetësore të jetë i suksesshëm, individët duhet të ndihen të sigurt se privatësia e tyre respektohet.

Ekuilibri midis nevojës për të garantuar privatësinë e të dhënave dhe imperativit për të përdorur të dhënat shëndetësore për kërkime mjekësore dhe përmirësimin e sistemit duhet të hulumtohet dhe diskutohet midis palëve të interesuara.

Si shembull kombëtar, në Itali, Cittadinanzattiva ka punuar në një dekalog për të rishikuar, për sa i përket llogaridhënies, rregullat që rregullojnë pëlqimin e qytetarëve/pacientëve, i cili është thelbësor për përpunimin dhe ndarjen e të dhënave dhe bashkëpunimin midis studiuesve.

Continue Reading

Lajmet

26 vjet nga beteja e Shkëmbit të Gradinës

Published

on

By

Sot mbushen 26 vjet nga beteja e zhvilluar te Shkëmbi i Gradinës, për të mos lejuar depërtimin e forcave armike në rrafshnaltën e Berishës, ku ndodhej SHP i UÇK-së, Spitali Ushtarak, Qeveria e Përkohshme e Kosovës, Agjencia e Lajmeve KosovaPress, Radio Kosova e Lirë dhe rreth 100 mijë banorë nëpër grykat e maleve.

Në këtë betejë, pikërisht më 18 prill 1999, ranë heroikisht Islam Kastrati nga Kishnareka, Halim Bajraktari nga Drenasi, Mentor Morina nga Bushati, Ramadan Bytyqi nga Gjergjica dhe Mentor Gashi nga Llapushniku.

Luftimet e prillit 1999 në këtë anë kanë qenë vendimtare jo vetëm për rrjedhat e luftës çlirimtare, por mbi të gjitha kanë qenë vendimtare për të shpëtuar jetën e njerëzve që kanë qenë në këto gryka.

Po ashtu, luftëtarët që e bënë betejën e prillit 1999 kanë qenë muri i gjallë që nuk e ka lejuar ushtrinë dhe policinë serbe të depërtojë te popullata.

Continue Reading

Të kërkuara