

Published
2 years agoon
By
UBT newsKëshilli Koordinues i Asociacioneve Familjare të të Zhdukurve të Kosovës ka kërkuar nga institucionet dhe mekanizmat ndërkombëtarë që të rritet angazhimi dhe presioni ndaj Beogradit zyrtar për kthimin e personave të zhdukur. Në konferencën e fundvitit, u tha se gjatë vitit janë gërmuar 24 lokacione në Kosovë dhe 71 mostra janë dërguar në Hagë.
Kryetari i Këshillit Koordinues i Asociacioneve Familjare të të Zhdukurve të Kosovës, Ahmet Grajqevci tha se informatat nga arkivat e Serbisë mbesin çelësi i zgjidhjes së kësaj problematike.
“Mungesa e më të dashurve tanë, mungesa e drejtësisë, shuarja e çdoditshme edhe e shpresës që do të mësojmë sa më parë për fatin e familjarëve tanë dhe vendndodhjen e familjarëve tanë të rrëmbyer dhe zhdukur dhunshëm nga policia dhe ushtria serbe gjatë kohës së luftës 1998-1999, e konfirmojmë se çështja e personave të zhdukur mbetet tema më e ndjeshme me të cilën përballet vendi ynë dhe mbetet plagë e hapur dhe e paharrueshme që vazhdon të kullojë edhe tani pas 23 viteve… Kërkojmë nga institucionet tona dhe mekanizmave ndërkombëtarë, që të rritet angazhimi dhe në veçanti të rritet presioni ndaj Beogradit zyrtar që të na kthejë më të dashurit tonë”, tha kryetari i këshillit, Ahmet Grajqevci.
Sipas tij, Kryetari i Komisionit Qeveritar për Persona të Zhdukur, Andin Hoti ka treguar se sa ka qenë numri i gërmimeve që janë realizuar gjatë këtij viti në Kosovë.
“Në vitin 2022 kemi arritur t’i gërmojmë 24 lokacione, 11 janë me gjetjen e eshtrave të mbetjeve mortore të njerëzve, 22 dorëzime kemi arritur t’i bëjmë familjarëve të personave të zhdukur në këtë vit. I kemi dërguar 71 mostra në Hagë prej këtyre gjetjeve… Nuk i kemi pranuar ende dhe shpresojmë që në janar t’i pranojmë rezultatet e analizave të ADN-së prej tyre dhe të shohim se sa do të jetë numri i saktë i personave të identifikuar nga këto mostra që i kemi dërguar. Numri i personave të gjetur në bazë të këtyre hulumtimeve që kemi bërë nuk ka identifikim ende, sepse janë dërguar në Hagë, është 17 gjetje sipas antropologëve tanë”, ka njoftuar Hoti.
Ai ka shtuar se gjatë vitit 2022 kanë pasur qasje në vetëm një lokacion në Serbi dhe presin që të vazhdojnë punimet edhe vitin e ardhshëm. Hoti tha se ende nuk është mbyllur lufta për familjarët e personave të zhdukur.
“Edhe nëse vitet shërojnë plagët, e kundërta është te familjarët e personave të zhdukur. Sepse kalimi i viteve për ta, rëndon një plagë të tillë. Pikërisht familjet e personave të zhdukur vazhdojnë të mbesin në luftë të hapur prej vitit 1999, ende nuk është mbyllur lufta për ta, ende vuajtjet janë të njëjta mos më të mëdha. Dhe kjo fatkeqësisht për shkak të politikës së njëjtë barbare të Beogradit zyrtar, të cilët ende vazhdojnë të mbajnë të politizuar çështjen e personave të zhdukur”, ka thënë Hoti.
Udhëheqësi i Zyrës në Komisionin Qeveritar për Personat e Pagjetur, Kushtrim Gara tha se edhe gjatë këtij viti janë përballur me mungesë të informacioneve të besueshme.
“Sfidat janë të mëdha që realisht edhe viti 2022 karakterizohet si vit i përpjekjeve dhe angazhimeve të shumta, por edhe vit i sfidave dhe problemeve me të cilat po hasin institucionet në punën e tyre. Para se gjithash sfidat të cilat po e përcjellin punën e komisionit dhe institucioneve të shtetit të Kosovës mbeten mungesa e informacioneve të besueshme por edhe problemeve të mbetjeve mortore në morgun e Institutit të Mjekësisë Ligjore”, ka thënë Gara.
Në konferencën e fundvitit të Këshillit Koordinues i Asociacioneve Familjare të të Zhdukurve të Kosovës, Salih Muhaxherri, familjar i personave të pagjetur, tha se është i zhgënjyer me punën që është bërë gjatë këtij viti.
“Viti 2022 për mua është vit zhgënjimi, nuk është vit i të arriturave diçka sa i përket kësaj çështje. Nuk kemi kurrfarë informata rreth të zhdukurve tanë edhe informata kanë munguar goxha shumë edhe nga institucionet më të larta qeveritare”, u shpreh ai.
Familjarët edhe pas 23 vitesh prej përfundimit të luftës, ende kërkojnë eshtrat e mbi 1600 personave të zhdukur.
Lajmet
Osmani pranoi letrat kredenciale nga ambasadori i ri i Hungarisë në Kosovë
Published
1 day agoon
May 30, 2025By
UBTnews
Presidentja Vjosa Osmani ka pranuar sot letrat kredenciale nga ambasadori i ri i Hungarisë në Prishtinë Laszlo Istvan Dux.
Gjatë ceremonisë, presidentja Osmani i uroi mirëseardhje ambasadorit Dux, duke theksuar faktin se Hungaria ka qenë ndër vendet e para që e ka njohur pavarësinë e Kosovës.
Osmani vlerësoi marrëdhëniet ndërmjet dy shteteve dhe shprehu përkushtimin për zgjerimin e mëtejshëm të bashkëpunimit në fusha me interes të përbashkët, veçanërisht në arsim dhe ekonomi, raporton KosovaPress.
Lajmet
Punëtorët e “Pastrimit” në ditën e nëntë të grevës
Published
1 day agoon
May 30, 2025By
UBTnews
Punëtorët e ndërmarrjes “Pastrimi” kanë hyrë në ditën e nëntë të grevës para Komunës së Prishtinës, duke kërkuar pagesën e borxhit prej 2.7 milionë euro që komuna i detyrohet ndërmarrjes.
Pavarësisht ndryshimeve klimatike, ata qëndrojnë në tenda ditë e natë dhe paralajmërojnë se nuk do të tërhiqen pa u realizuar kërkesat.
Nënkryetari i Sindikatës, Shpend Qosa, në një intervistë për Ekonomia Online tha se janë në pritje të një takimi vendimtar me zyrtarët komunalë, ndërsa theksoi se kërkesat kryesore janë sigurimi i naftës, pagave dhe stabilizimi i kompanisë.
“Sot kemi hyrë në ditë e nëntë të grevës, ne e kemi pasur një takim me zyrtarët komunal jemi në shqyrtim të kërkesave tona edhe sot jemi në pritje të një takimi. Deri sa të gjejmë një zgjidhje për kërkesat tona. Diçka konkrete nuk kemi që do të arrijmë një zgjedhje ne vazhdojmë punën dhe dalim në punë. Ato kërkesa tona që i kemi në takim kemi folur, edhe komuna ka dhënë disa zgjidhje të saj të cilat i kemi shqyrtuar. Sot i presim në takim për të arrijmë një marrëveshje, realisht kërkesat tona janë me pasur naftë paga dhe me stabilizuar gjendja e kompanisë. Punëtorët pagat i kanë marr”, ka thënë Qosa.
Punëtori Blerim Hajdini, i cili punon prej 16 vitesh në këtë ndërmarrje, tha se greva nuk do të ndalet pa u plotësuar kërkesat.
Ai shprehu shqetësimin për pagat e ulëta dhe borxhet personale, duke theksuar se paga mujore prej 425 euro është e pamjaftueshme për të përballuar jetesën.
“Jemi në grevë deri të na plotësohet kërkesat tona dhe kushtet tona nuk e kemi ndërmend ta ndalim grevën. Unë punoj që 16 vite këtu të gjithë kanë kredi të majme, unë i kam 15 euro kredi nuk mund t’ia dal assesi për arsye se paga është shumë vogël, e kemi 425 euro në kontratë. Kërkesa jonë është të na kthej borxhin 100 për qind dhe ta ndërpresin privatin menjëherë”, shtoi ai.
Lajmet
Ministria e Shëndetësisë paralajmëron 100 inspektorë të rinj për luftën kundër duhanit
Published
1 day agoon
May 30, 2025By
UBTnews
Ministria e Shëndetësisë po planifikon t’i punësojë edhe 100 inspektorë me qëllim të rritjes së kontrollit të përdorimit të duhanit në Kosovë, kështu tha ministri në detyrë i Shëndetësisë, Arben Vitia gjatë një konference për media në prag të Ditës Botërore Kundër Duhanit.
Ministri i Shëndetësisë, Arben Vitia tha se është lajm i mirë që në Kosovë ka rënie të përdorimit të duhanit për shkak të politikave të ndërmarra, por shtoi se ende duhet punë.
Vitia theksoi se miratimi dhe zbatimi i udhëzimit administrativ për vërejtjet e kombinuara shëndetësore në pakot e duhanit ka dhënë rezultatet e tij.
“Në Kosovë sipas STEPS përdorimi i duhanit është në rënie krahasuar me vitin 2011 apo hulumtimin paraprak, që natyrisht kjo është një lajm i mirë, ky është trend inkurajues që dëshmon efektivitetin e politikave të deritanishme, por një trend i pamjaftueshëm për qëllimet që ia kemi bërë vetes,” tha ai.
Ministri në detyrë i Shëndetësisë, Arben Vitia tha se me Ministrinë e Financave po shohin mundësinë t’i shtojnë kapacitetet inspektuese edhe për 100 inspektorë me qëllim të rritjes më të madhe të kontrollit të duhanit.
“Rritja e akcizës në 65 euro për kilogram sipas vendimit të qeverisë së Kosovës është tjetër sinjal që politikat fiskale po japin efekt… Kemi fuqizuar edhe kapacitetin inspektues përmes rekrutimit të rreth 30 inspektorëve të rinj që kanë ndihmuar në zbatim të ligjit, por natyrisht kjo akoma nuk është e mjaftueshme dhe vazhdon të mbetet sfidë serioze, prandaj kohëve të fundit në bashkëpunim me ministrinë e Financave po përgatisim një plan për angazhimin e rreth 100 vetave shtesë që ky ligj të zbatohet në përpikëri në të gjitha vendet ku nuk duhet të pihet duhani,” theksoi Vitia.
Lajmet
PDK-ja dorëzoi zyrtarisht në ZRRE kundërshtimin për daljen e bizneseve në tregun e lirë
Published
1 day agoon
May 30, 2025By
UBTnews
Partia Demokratike e Kosovës (PDK) ka dorëzuar sot në mënyrë zyrtare kundërshtimin e saj ndaj vendimit të Zyrës së Rregullatorit për Energji (ZRRE) për daljen e bizneseve në tregun e lirë, duke e cilësuar këtë vendim si të paligjshëm dhe të papërballueshëm për qytetarët.
Në një konferencë për media, deputeti i PDK-së, Abelard Tahiri, bëri të ditur se partia ka ndërmarrë hapa ligjorë për ta sfiduar këtë vendim brenda afateve të përcaktuara.
“Ngritja e çmimit e ka bërë të pamundur përballimin e kësaj kostoje të lartë nga rritja e çmimeve që do të pasojë nga vendimet e paligjshme të ZRRE-së. Ne sot, duke ndjekur hapat ligjorë, e kemi dorëzuar kundërshtimin tonë administratës në ZRRE. Jemi të bindur që qëndrimet e tyre do të jenë të njëjta. Ne do të presim 15 ditë për ta anuluar këtë. Nëse brenda 15 ditëve ata nuk e anulojnë, ne do ta procedojmë në departament,” tha Tahiri.

Lajm i mirë për pronarët e automjeteve elektrike

“Ëndrra pa kufi, Opera pa mure” – publikohen datat e Ramë Lahaj International Opera Festival

Këto zakone po ju pengojnë të jeni më inteligjent, ja cilat duhen shmangur

UBT International Smart Schools diplomon nxënësit e brezit të ri teknologjik – Ceremonia mbahet këtë të shtunë në Parkun Shkencor

Vitamina D mund të ngadalësojë plakjen

Von der Leyen: Evropa duhet të forcojë mbrojtjen, të pranojë Ukrainën në BE

Profesorët e UBT-së prezantuan projektin COWEB në takimin “Cluster” të organizuar nga Erasmus Plus Kosova

Studentët e programit Inxhinieri e Ndërtimit dhe Infrastrukturë në UBT realizojnë vizitë studimore në kuadër të moduleve “Mekanika e Dherave” dhe “Siguria në Punë”

Studentët e vitit të tretë në Menaxhment, Biznes dhe Ekonomi në UBT përfundojnë me sukses trajnimin praktik “Micro Business Game”
Të kërkuara
-
Lajmet nga UBT1 month ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur