

Lajmet
Të akuzuarit për vrasjen e Ivanoviqit deklarohen të pafajshëm
Published
5 years agoon
By
Betim GashiNë Gjykatën Themelore në Prishtinë sot është mbajtur seanca për shqyrtimin fillestar në rastin për vrasjen e Oliver Ivanoviq. Gjashtë të akuzuarit në këtë rast u deklaruan të pafajshëm në lidhje me vrasjen e politikanit serb. Dy nga të akuzuarit Nedelko Spasojeviq dhe Zharko Jovanoviq e pranuan fajësinë lidhur me armëmbajtje pa leje.
Të akuzuar në këtë rast janë Marko Roshiq, Silvana Arsoviq, Zharko Jovanoviq, Nedeljko Spasojeviq, Rade Basara dhe Dragisha Markoviq.
Prokurori i rastit, Burim Çerkini tha se të akuzuarit ishin pjesë e një grupi kriminal të udhëhequr nga Zvonko Veselinoviq dhe Milan Radoiqiq, të cilët vazhdojnë të jenë në arrati bashkë me Zhelko Bojiqin. Sipas prokurorit të rastit, veprimet e këtij grupi kishin për qëllim realizimin e përfitimeve ekonomike dhe politike në Mitrovicën Veriore.
“Të pandehurit Nedelko Spasojeviq, Marko Roshiq, Rade Basara dhe Silvana Arsoviq nga viti 2014 deri në vitin 2018 respektivisht më datën 16 janar 2018 në qytetin e Mitrovisë të pandehurit në bashkëpunim me të pandehurit Zhelko Bojiq, Zvonko Veselinoviq dhe Milan Radoiqiq, të cilët për momentin gjenden në arrati dhe me dy të pandehurit e tjerë e që deri më tani janë të panjohur për organet e rendit duke vepruar si grup i organizuar dhe i strukturuar me hierarkinë në grup dhe me role të përcaktuara nën udhëheqjen e të pandehurve Zvonko Veselinoviq dhe Milan Radoiqiq në atë mënyrë që në bashkëpunim dhe bashkëveprim ndërmjet vete me qëllim të shtrirjes së kontrollit në pjesën veriore të Mitrovicës së në jetën politike dhe ekonomike dhe veprimtarisë së përgjithshme të grupit kriminal të organizuar kanë vepruar me dashje dhe dijeni për të kryer veprën penale të vrasjes së rëndë. Të pandehurit në ditën kritike, kur edhe ka ndodhur vrasja e tani të ndjerit Oliver Ivanoviq, kanë kryer veprime inkriminuese konkrete me qëllim të grupit në fjalë“, tha ai.
Pjesë e planit për vrasjen e Ivanoviq sipas aktakuzës ka qenë edhe administratorja e zyrës së Ivanoviqit, Silvana Arsoviq e cila sipas aktakuzës kishte qenë në njohuri për fikjen e kamerave të sigurisë, si dhe aktivizimin e tyre pak minuta pas vrasjes.
Sipas aktakuzës, hetuesi policor, Rade Basara, kishte keqpërdorur autoritetin zyrtar pasi nga pozita e tij kishte ndihmuar në fshehjen e provave, për çka akuzohet edhe Nedelko Spasojeviq.
“I pandehuri Nedelko Spasojeviq duke vepruar si anëtar i grupit kriminal ka ndihmuar në kryerjen e veprës penale vrasje e rëndë ka bashkëpunuar ngushtë me të dyshuarit e panjohur që të kryejnë vrasjen e rëndë e tani të ndjerit, Oliver Ivanoviq, me ç’rast me dashje dhe dijeni dy të dyshuarit e panjohur në kryerjen e veprës penale të vrasjes së rëndë duke krijuar kushte dhe mënjanuar pengesat për kryerjen e kësaj vepre penale. Ashtu që i njëjti i u ka mundësuar të dyshuarve që të lëvizin me veturën zyrtare të policisë të markës GOLF4 më pas i ka dërguar i ka dërguar te vetura OPEL Astra ngjyrë e kaltër pa targa nga e cila veturë edhe është shtënë në të ndjerin Oliver Ivanoviq… I pandehuri Rada Basara në cilësinë e personit zyrtar konkretisht hetues në njësinë e hetimeve regjionale në Mitrovicën Veriore nuk i ka përmbushur detyrat e tij zyrtare me qëllim të përfitimit të çfarëdo dobie për veten apo personin tjerë dhe i njëjti duke vepruar si anëtar i grupit kriminal si hetues policor ka bashkëpunuar ngushtë me të pandehurin Zhelko Bojiq dhe grupin kriminel të udhëhequr nga Milan Radoiqiq nga i cili grup ka marr urdhra për të fshehur dhe eliminuar dëshmitë provat, dhe nga grupi kriminal është urdhëruar të fshehë gjurmët”, tha ai.
Aktakuza lidhur me këtë rast u lexua edhe në gjuhën serbe. Mbrojtja e së akuzuarës Silvana Arsoviq, Musa Damati tha se mungojnë elementet për veprën për të cilën akuzohet klientja e tij.
“Në këtë rast voluminoz penal mungojmë elementet konstituive, të cilat do ta krijonin anatominë e veprës penale për të cilën ngarkohet klientja ime. Po ashtu, në këtë rast penal mungojnë veprimet kauzale që do ta përbënin figurën e posaçme të veprës penale me të cilën akuzohet klientja ime”, theksoi ai.
Në seancën e shqyrtimit fillestar mbrojtja e Nedelko Spasojeviqit dhe Rade Basara kanë kërkuar që të ndërpritet masa e paraburgimit ndaj tyre.
Tomë Gashi, avokati i të akuzuarit Rade Basara, tha se klineti i tij kur ndodhi vrasja e ish-politikanit Oliver Ivanoviq ndodhej në Kroaci.
“Kërkesa ime është permanente, por duket se gjykata nuk ka pasur mundësi të vendos pa propozimet apo pa deklarimin e prokurorit që ai të largohet nga paraburgimi dhe paraburgimi është një masë krejtësisht e panevojshme dhe në këtë rast Rade Basara është duke u dënuar dhe jo duke u mbajtur në paraburgim me ata tetë rreshtat e famshëm të dispozitivit të aktakuzës gjë që asgjë nuk mund të vërtetohet pasi që ai dispozitiv për Rade Basara është krejtësisht i përgjithësuar”, tha Gashi.
Prokuroria Speciale e Kosovës ka ngritur aktakuzë ndaj gjashtë personave të nacionalitetit serb, Marko Rashiq, Nedelko Spasojeviq, Dragisha Markoviq, Zharko Jovanoviq, Silvana Arsoviq dhe Rade Basara, të cilët ngarkohen me veprat penale , pjesëmarrje ose organizim i grupit kriminal, keqpërdorim i pozitës zyrtare, ndihmë në kryerjen e veprës penale vrasje e rëndë, posedim i paautorizuar i armës, zbulim i fshehtësisë zyrtar dhe keqpërdorim i detyrës zyrtare duke manipuluar me prova.
Oliver Ivanoviq u vra më 16 janar 2018, me gjashtë të shtëna në shpinë, përpara lokaleve të partisë së tij në Mitrovicën e Veriut.
Aktualitet
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
Published
3 hours agoon
September 6, 2025By
Driton Iseni
UBT vazhdon të shënojë suksese në arenën ndërkombëtare të arsimit dhe inovacionit, duke hyrë edhe këtë vit në finalen e Triple E Awards me dy nominime të reja prestigjioze:
“University Leader of the Year – Global Award”
Rektori i UBT-së, Prof. Dr. Edmond Hajrizi, është nominuar si një nga liderët universitarë më me ndikim në botë, falë vizionit dhe punës së tij për të shndërruar UBT-në në qendër të inovacionit, sipërmarrjes dhe zhvillimit shoqëror.
“Engaged University of the Year”
UBT është vlerësuar si një universitet i angazhuar, që lidh ngushtë akademinë me komunitetin, duke krijuar mundësi për studentët, sipërmarrësit e rinj dhe projekte me ndikim të drejtpërdrejtë shoqëror.
Ky vlerësim është një dëshmi se Kosova po bëhet pjesë e hartës globale të arsimit cilësor dhe inovativ.
Vota juaj është vendimtare! Për të votuar për UBT-në duhet të klikoni në këtë link: LINKU PËR VOTIM, duke e dhënë fillimisht e-mail adresën tuaj.
Procesi i votimit është si në vijim: Klikoni në link, shkoni tek pjesa – |Have a say and vote for this entry to win the People’s Choice Award!|, shënoni emailin tuaj personal në hapësirën e votimit, klikoni VOTE, pastaj në email ju vjen një konfirmim së bashku me linkun që ju duhet të klikoni për të verifikuar votën tuaj.
Tutje, për të dhënë votën tuaj edhe në platformat sociale, ju lusim të ndiqni procedurat e më poshtme:
Për Facebook, mund të bëni një postim me këtë përmbajtje:
I vote for UBT’s nomination for the “Engaged University of the Year” award by Triple E Awards 2025.
https://2025.triple-e-awards.com/finalist/id/1136
#ACEEUAWARDS2025
ose të bëni share postimin e UBT-së: POSTIMI NË FACEBOOK
Për Platformën LinkedIn mund të bëni një postim me këtë përmbajtje:
I vote for UBT’s nomination for the “Engaged University of the Year” award by Triple E Awards 2025.
https://2025.triple-e-awards.com/finalist/id/1136
@ACEEU
ose të bëni repost postimin e UBT-së: POSTIMI NË LINKEDIN
Për Platformën Instagram mund të bëni një postim me këtë përmbajtje:
I vote for UBT’s nomination for the “Engaged University of the Year” award by Triple E Awards 2025.
https://2025.triple-e-awards.com/finalist/id/1136
@aceeu_live
Për Platformën TikTok mund të bëni një postim me këtë përmbajtje:
https://2025.triple-e-awards.com/finalist/id/1136
Për të votuar për Rektorin e UBT-së, Prof. Dr. Edmond Hajrizi në këto dy kategori, klikoni në linkun përkatës, vendosni e-mail-in tuaj dhe konfirmoni votën: LINKU PËR VOTIM
Procesi i votimit është si në vijim: Klikoni në link, shkoni tek pjesa – |Have a say and vote for this entry to win the People’s Choice Award!|, shënoni emailin tuaj personal në hapësirën e votimit, klikoni VOTE, pastaj në email ju vjen një konfirmim së bashku me linkun që ju duhet të klikoni për të verifikuar votën tuaj.
Tutje, për të dhënë votën tuaj edhe në platformat sociale, ju lusim të ndiqni procedurat e më poshtme:
Për Facebook, mund të bëni një postim me këtë përmbajtje:
I vote for Prof. Edmond Hajrizi’s nomination for the “University Leader of the Year” award by Triple E Awards 2025.
https://2025.triple-e-awards.com/finalist/id/1146
#ACEEUAWARDS2025
ose të bëni share postimin e UBT-së: POSTIMI NË FACEBOOK
Për Platformën LinkedIn mund të bëni një postim me këtë përmbajtje:
https://2025.triple-e-awards.com/finalist/id/1146
@ACEEU
ose të bëni repost postimin e UBT-së: POSTIMI NË LINKEDIN
Për Platformën Instagram mund të bëni një postim me këtë përmbajtje:
https://2025.triple-e-awards.com/finalist/id/1146
Për Platformën TikTok mund të bëni një postim me këtë përmbajtje:
Lajmet
Irlanda e Veriut triumfon ndaj Maltës në kualifikuese të Botërorit 2026
Published
1 day agoon
September 5, 2025By
UBT News
Një fitore miqësore 3-0 ndaj Maltës erdhi nga Irlanda e Veriut në kualifikuese të Kupës së Botës 2026, ku Jordan Jones, Gavin Whyte dhe Ali McCann shënuan në Austri.
Pjesa më e madhe e ndeshjes u zhvillua në një mënyrë tipike miqësore të fundsezonit dhe nuk pati lojtarë që të spikasnin gjatë gjithë 90 minutave.
Dallasi arriti një fitore si kapiten i Irlandës së Veriut në mungesë të Steven Davis dhe kjo është një përvojë jetësore për lojtarin në formë të mirë të Leeds.
Jones shfrytëzoi mbrojtjen e dobët për të shënuar një gol të hershëm përpara se Josh Magennis të shihte penalltinë e tij të pritej nga portieri i Maltës, Henry Bonello, në një pjesë të parë kryesisht të çrregullt.
Irlanda e Veriut u përmirësua në pjesën e dytë me dy gola në tre minuta.
Fitorja në 90 minuta më në fund erdhi për trajnerin e Irlandës së Veriut, por ishte e pakëndshme ta shikoje në pjesën e parë pavarësisht golit të hershëm.
Pasimi i gabuar i Ferdinando Apap i dha mundësinë Jones dhe anësori i Rangers e shfrytëzoi me një gjuajtje të ulët që e rrëzoi Bonellon përpara se të fluturonte drejt portës.
Bonello u ul për të pritur penalltinë e Magennis në minutën e 21-të – e akorduar për faullin e Kurt Shaw ndaj Whyte – dhe humbja e penalltisë përmblodhi një fillim të vështirë prej 45 minutash nga Irlanda e Veriut.
Malta hyri në ndeshje 127 vende poshtë kundërshtarëve të saj në renditjen botërore, por ata e kaluan pjesën e parë me Joseph Mbong dhe Luke Montebello që u afruan shumë.
Irlanda e Veriut kishte më shumë shpejtësi dhe vendosmëri në rifillimin e ndeshjes dhe Whyte shënoi me shpejtësi nga një pasim i Stuart Dallas për ta bërë rezultatin 2-0 pas 53 minutash.
Pastaj u pasua shpejt nga numri tre, pasi McCann u kap nga Paddy McNair dhe ai dha një gjuajtje të shkathët përtej Bonellos për ta çuar ndeshjen përtej një skuadre të Maltës që po shkatërrohej./S.K/BBC/
Lajmet
Sulm në parkingun e kopshtit në Vushtrri dhe arsenal armësh në shtëpi, një muaj paraburgim për dy persona
Published
1 day agoon
September 5, 2025By
UBTnews
Prokuroria Themelore në Mitrovicë ka paraqitur kërkesë për caktimin e masës së paraburgimit në Gjykatën Themelore në Mitrovicë – Dega në Vushtrri, ndaj të dyshuarve K.M. dhe K.M., për shkak të dyshimit të bazuar se kanë kryer disa vepra penale.
Të dyshuarit ngarkohen me veprat penale: “Mbajtja në pronësi, kontroll ose posedim të paautorizuar të armëve”, si dhe “Përdorimi i armës apo mjetit të rrezikshëm”, ndërsa njëri prej tyre, K.M., dyshohet gjithashtu për veprën penale “Lëndimi i rëndë trupor”.
Sipas Prokurorisë, ngjarja ka ndodhur më 20 maj 2025, rreth orës 08:55, në parkingun e një kopshti fëmijësh në Vushtrri, ku i dyshuari K.M., së bashku me persona të tjerë, e kanë sulmuar fizikisht të dëmtuarin L.O., në momentin që ai po zbriste nga automjeti për të shoqëruar vajzën në kopsht.
Sipa sprokurorisë, sulmi është kryer me një shufër metalike, duke i shkaktuar viktimës lëndime të rënda në kokë, këmbë dhe pjesë të tjera të trupit.
Pas sulmit, të dyshuarit janë larguar nga vendi i ngjarjes me motoçikleta.
Gjatë bastisjes së shtëpisë së të dyshuarve në fshatin Ropicë të Vushtrrisë, janë sekuestruar elektroshokë, sprej, telefona mobil, si dhe një sasi e konsiderueshme armësh dhe municioni, përfshirë armë të gjata dhe të shkurtra, snajperë, pistoleta me silenciatorë. Në telefonat e të dyshuarve janë gjetur video dhe fotografi ku ata shihen duke përdorur armë, përfshirë edhe një imazh ku njëri prej tyre shihet duke shënjestruar një automjet të policisë me revole.
Gjykata Themelore në Mitrovicë – Dega në Vushtrri ka aprovuar kërkesën e Prokurorisë dhe ka caktuar masën e paraburgimit prej një muaji ndaj të dyshuarve K.M. dhe K.M./D.B/KP
Lajmet
Lautaro tejkalon Maradonën me gola për Argjentinën
Published
1 day agoon
September 5, 2025By
UBT News
Kapiteni i Interit, Lautaro Martinez, shënoi si zëvendësues për Argjentinën në fitoren 3-0 ndaj Venezuelës mbrëmë, duke tejkaluar Diego Armando Maradonën dhe duke u bërë golashënuesi i pestë më i mirë me ekipin kombëtar.
Lautaro Martinez kontribuoi në fitoren 3-0 të Argjentinës ndaj Venezuelës mbrëmë, duke shënuar vetëm dy minuta pas futjes së tij nga stoli në pjesën e dytë.
Kapiteni i Nerazzurrëve gjeti rrjetën me një gjuajtje me kokë, duke shënuar golin e tij të 33-të ndërkombëtar dhe duke tejkaluar legjendën e Argjentinës dhe Napolit , Maradonën, i cili kishte shënuar 32 gola.
Siç e vuri në dukje me krenari Interi në faqen e tyre të internetit, vetëm Lionel Messi (114 gola), Gabriel Omar Batistuta (55), Sergio Agüero (41) dhe Hernan Crespo (35) kanë shënuar më shumë gola për Argjentinën sesa Lautaro./S.K/KP/

Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën

Reese Witherspoon bën thirrje që gratë ta përdorin AI-në

Doni një mëlçi më të shëndetshme? Kjo perime bën mrekulli

Real Madridi po përgatit largimin e njërit prej yjeve të tij më të mëdhenj

Nepali drejt bllokimit të Facebook, X, YouTube dhe platformave tjera

Ja filmat që ju duhen! Shtatori është muaji ku rikthehet atmosfera e kinemasë

Një tjetër surprizë! Justin Bieber publikon albumin e ri

Conor McGregor, “ylli” i UFC-së, kërkon të bëhet president!

Projekti i fundit i David Bowie, një muzikal i shekullit XVIII
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Aktualitet2 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës