Lajmet

​Sveçla: Për Policinë e Kosovës trajtimi i rasteve të dhunës mbetet prioritet

Ai theksoi se gjatë vitit 2021 janë raportuar 2456 raste të dhunës në familje.

Published

on

Ministri i Punëve të Brendshme, Xhelal Sveçla, ka marrë pjesë në takimin e organizuar nga Ministria e Drejtësisë, në kuadër të fushatës: “16 Ditët e Aktivizimit Kundër Dhunës Me Bazë Gjinore”.

Me këtë rast, ministri Sveçla theksoi se gjatë vitit 2021 janë raportuar 2456 raste të dhunës në familje, ndërsa deri në nëntor të këtij viti janë raportuar 2270.

“Mjafton të vështrohen viktimat sipas gjinisë në këto raste, për të kuptuar urgjencën me të cilën dhuna në baza gjinore duhet të trajtohet. Prej 2270 rasteve gjatë këtij viti, 1901 viktima janë vajza dhe gra”, theksoi ministri Sveçla.

Ai tha se kjo gjendje është një realitet i padëshiruar, por është edhe thirrje për reflektim e angazhim kolektiv që të mos kemi as edhe një viktimë më shumë.

Sveçla vuri në dukje se bashkë me Policinë e Kosovës, janë angazhuar dhe janë të përkushtuar që këtë dukuri shqetësuese ta trajtojnë me seriozitet dhe prioritet në bashkërendim të aktiviteteve me institucionet përgjegjëse, shoqërinë civile dhe qytetarët.

“Në kuadër të Policisë së Kosovës janë ngritur sektorë dhe njësi të veçanta me personel të trajnuar për t’i ofruar viktimave të dhunës në familje mbrojtje, siguri dhe shërbimet e nevojshme. Ajo vepron në nivel qendror në kuadër të sektorit të dhunës në familje, në nivel rajonal me autorizimin e zyrtarëve të caktuar për trajtimin e rasteve të dhunës në familje dhe në nivel lokal në kuadër të stacioneve policore”, tha Sveçla.

Në fund ministri Sveçla theksoi se duke pasur parasysh që dhuna në familje dhe ajo me bazë gjinore janë fenomene në rritje, bashkëpunimi mes të gjithë akterëve institucional është jetik, andaj duhet të thellohet edhe më shumë që secila vajzë dhe grua të jetojë dhe veprojë në vendin tonë e lirë dhe e sigurt.

Lajmet

KQZ certifikon nëntë subjekte për zgjedhjet lokale, përfshirë edhe atë të Ramiz Lladrovcit

Published

on

By

Komisioni Qendror i Zgjedhjeve (KQZ) në mbledhjen e mbajtur të enjten, mori vendime të veçanta për certifikimin e grupit të dytë me nëntë subjekte politike, prej të cilave katër iniciativa qytetare dhe pesë kanidatë të pavarur, për pjesëmarrje në zgjedhjet lokale, të cilat do të mbahen më 12 tetor 2025.

Numri i përgjithshëm i kandidatëve, që përfaqësojnë këto subjekte politike, është: 66 kandidatë, prej të cilëve 4 kandidatë për kryetarë të komunave dhe 62 për anëtarë të kuvendeve komunale.

Lista e subjekteve politike dhe numri i kandidatëve të certifikuar në këtë mbledhje (14 gusht 2025) është: Për Drenasin Kampion me Ramiz Lladrovcin, Epoka e Hyjneshës në Prishtinë, Unioni i Blakçorve, Zëri i Drejtësisë si dhe kandidatët e pavarur për kryetar komune: Avdi Aliu, Ilir Pallqa, Jeton Abazaj, Kadri Hasani dhe Nedzmidin Sejdilar.

Në mbledhjen e kaluar (12 gusht 2025), KQZ certifikoi grupin e parë prej 10 subjekteve politike (2 iniciativa qytetare dhe 8 kandidatë të pavarur) me gjithsej 64 kandidatë (5 kandidatë për kryetarë komune dhe 59 kandidatë për anëtarë të kuvendeve komunale).

Numri i përgjithshëm i subjekteve politike të certifikuara nga KQZ deri më 14 gusht 2025 është: 19 subjekte politike, prej të cilave 6 iniciativa qytetare dhe 13 kandidatë të pavarur me gjithsej 130 kandidatë (9 kandidatë për kryetarë komune dhe 121 për anëtarë të kuvendeve komunale).

Continue Reading

Lajmet

​Ngrihet aktakuzë ndaj dy personave për nxitje të përçarjes dhe mos durimit

Published

on

By

Prokuroria Speciale e Kosovës ka dorëzuar dy aktakuza të ndara në Gjykatën Themelore në Prishtinë ndaj M.M. dhe A.B., për veprën penale nxitje e përçarjes dhe mos durimit.

Të pandehurit akuzohen se kanë nxitur dhe përhapur publikisht urrejtje dhe mosdurim midis grupeve fetare, si dhe kanë propaganduar ideologji ekstremiste fetare, sipas metodave të propagandës së ISIS-it.

Sipas aktakuzës M.M., ka bërë thirrje për masakra ndaj hebrenjve dhe të krishterëve, duke publikuar në profilin e tij në Facebook, foto dhe video të personave të radikalizuar dhe duke shfaqur në publik thirrje për ekstremizëm fetar.

Ndërsa, A.B., akuzohet se ka bërë thirrje që të respektohen ligjet e sheriatit, e të kundërshtohet sistemin demokratik, simbolet shtetërore dhe ligjet e Kosovës.

A.B, nga viti 2019 deri më 22.05.2025 në Facebook, në profilin e tij me emrin “Ubejdullah Abu Suhejla”, ka shpërndarë materiale me përmbajtje nxitëse, përmes së cilave ka bë thirrje për t’iu bashkuar luftës për xhihad.

Continue Reading

Lajmet

KEDS: Të shtunën nis shkyçja për bizneset që s’kanë nënshkruar kontratë me furnizues të licencuar

Published

on

By

KEDS ka njoftuar se të shtunën do të nis shkyçja nga rrjeti elektrik për bizneset që nuk kanë nënshkruar kontratë me furnizues të licencuar. KEDS u ka bërë thirrje bizneseve që nëse ende s’kanë nënshkruar kontratë me një furnizues të licencuar nga ZRRE, ta bëjnë një gjë të tillë pa vonesë për të shmangur ndërprerjen e furnizimit me energji elektrike.

Nga KEDS është thënë edhe se ata nuk ofrojnë shërbime të furnizimit me energji elektrike-por që roli i tyre është i kufizuar në shpërndarjen e energjisë elektrike dhe se janë të detyruar të zbatojmë të gjitha vendimet e ZRRE-së.

Komunikata:

Të shtunën nis shkyçja nga rrjeti elektrik për bizneset që nuk kanë nënshkruar kontratë me furnizues të licencuar

KEDS, në cilësinë e Operatorit të Sistemit të Shpërndarjes, njofton urgjentisht të gjithë konsumatorët e kyçur në çdo nivel tensioni brenda rrjetit shpërndarës për njoftimin shumë të rëndësishëm si në vijim:

Në pajtim me njoftimin e Zyrës së Rregullatorit për Energji (ZRRE) të datës 13 gusht 2025, duke filluar nga data 16 gusht 2025, KEDS e ka të ndaluar ligjërisht të lejojë vazhdimin e furnizimit me energji elektrike për konsumatorët që nuk kanë marrëveshje të vlefshme me një Furnizues të licencuar. Ky detyrim buron nga paragrafi 7 i nenit 39 të Ligjit për Energjinë Elektrike dhe neni 8 i Rregullës për Ndërrimin e Furnizuesit.

Veprim i menjëhershëm dhe i domosdoshëm!

Për të ruajtur stabilitetin dhe integritetin e sistemit elektroenergjetik, më 16 gusht 2025 KEDS do të shkyçë nga rrjeti i shpërndarjes të gjithë konsumatorët që nuk kanë një marrëveshje aktive furnizimi.

Nëse ende nuk keni nënshkruar kontratë me një Furnizues të licencuar nga ZRRE, duhet ta bëni këtë pa vonesë për të shmangur ndërprerjen e furnizimit me energji elektrike.

Ky proces përbën një detyrim ligjor si pjesë e reformave të liberalizimit të tregut të energjisë, sipas udhëzimeve të ZRRE dhe duhet të zbatohet plotësisht. KEDS nuk ofron shërbime të furnizimit me energji elektrike-roli ynë është i kufizuar ekskluzivisht në shpërndarjen e energjisë elektrike dhe jemi të detyruar të zbatojmë të gjitha vendimet e ZRRE-së.

Mosveprimi i menjëhershëm do të rezultojë me shkyçje nga rrjeti.

Ju bëjmë thirrje që menjëherë të kontaktoni një Furnizues të licencuar nga ZRRE për të siguruar vazhdimësinë e furnizimit me energji elektrike, për të përmbushur kërkesat rregullative dhe për të evituar ndërprerjen tuaj me furnizim.

KEDS është i përkushtuar për të ofruar shërbime sa më cilësore dhe të jetë në dispozicion të çdo konsumatori, dhe zbaton me përpikëri të gjitha direktivat që vijnë nga organet rregulluese.

Continue Reading

Lajmet

Zjarret në Gramsh, shpëtohet kurora e gjelbër e zonës së mbrojtur në Liqenin e Dushkut

Published

on

By

Shpëtohet kurora e gjelbër e zonës së mbrojtur në Liqenin e Dushkut në Gramsh.

Zjarri në këtë pjesë është fikur falë angazhimit maksimal edhe të punonjësve të Administratës së Zonave të Mbrojtura. Aktualisht vatër aktive më e madhe është ajo në malin e Komjanit.

Qarku Elbasan është një ndër më të prekurit nga zjarret në vendin tonë.

Sot që në orët e para të mëngjesit ka vijuar puna për shuarjen e zjarrit të rënë në fshatin Kullollas, njësia administrative Skënderbegas, bashkia Gramsh, në një zonë pyjore.

Në terren u angazhuan: 30 forca zjarrfikëse me 11 automjete të MZSH-ve Gramsh, Elbasan, Cërrik dhe Librazhd; 60 forca bashkiake; 80 forca vullnetare dhe 70 efektivë të FA me 2 mjete zjarrfikëse. Në operacionet ajrore morën pjesë 2 helikopterë (çek dhe sllovak).

Operacioni vazhdon me angazhimin e forcave vendore. Ka vijuar puna për shuarjen e zjarrit të rënë në fshatin Kodovjat, afër fshatit Posnovisht, njësia administrative Kodovjat, bashkia Gramsh. Pas punës së forcave në terren u arrit të izolohet zjarri dhe gjatë natës është mbajtur në monitorim.

Vijon të jetë i pranishëm zjarri i rënë në fshatin Mukaj dhe fshatin Sojnik, njësia administrative Kukur, bashkia Gramsh, në sipërfaqe me shkurre dhe ferra. Deri më tani banesat nuk kanë qenë të rrezikuara.

Continue Reading

Të kërkuara