

Aktualitet
Sveçla para të diplomuarve: Duhet të jemi vigjilentë në sigurinë e vendit
Published
3 years agoon
By
UBT.NewsSot në Akademinë e Kosovës për Siguri Publike u mbajt ceremonia e diplomimit të gjeneratës së pestë të studentëve të Fakultetit të Sigurisë Publike, ku janë diplomuar 51 studentë prej të gjitha agjencioneve të sigurisë publike.
Pjesë e kësaj ngjarje ishte ministri i Punëve të Brendshme Xhelal Sveçla, drejtori i përgjithshëm i Policisë së Kosovës Samedin Mehmeti, ministrja e Drejtësisë, Albulena Haxhiu dhe drejtori i Departamentit për Siguri Publike në OSBE, Edward Anderson.
Ministri Sveçla ka thënë se kjo gjeneratë diturinë e fituar do ta përdorë për të rritur vigjilencën në sigurinë e vendit pasi që Serbia është pozicionuar krah Rusisë.
“Tash e katër muaj është duke ndodhur një luftë e padrejtë, por edhe e pabarabartë një agresion i pajustifikuar i Rusisë ndaj Ukrainës. Ky është rast ku ne si akterë të sigurisë ballafaqohemi me situata të reja. Është edhe një dëshmi që ne duhet të jemi vigjilentë dhe të përgatitur për çdo situatë të mundshme. Lufta e Rusisë ndaj Ukrainës ka ndikuar në sigurinë tonë duke marrë parasysh që Serbia është pozicionuar përkrah agresorit dhe në vazhdimësi ka bërë përpjekje për destabilizimin e vendit tonë. Deri tash kemi qenë në nivel të lartë të detyrës”, tha Sveçla.
Ministrja e Drejtësisë, Albulena Haxhiu ka thënë para të diplomuarve se janë zotuar si ministri të punojnë më shumë për të krijuar kushte më të mira infrastrukturore në institucionet e sigurisë.
“Jam e lumtur që shtetit tonë po i shtohen gjenerata të reja, me qëllim të kontributit dhe angazhimit në kuadër të rendit dhe sigurisë, por edhe sundimit të ligjit, dhe sidomos në një situatë tejet të vështirë për të cilën foli edhe ministri Xhelal Sveçla. Të gjithë bashkë jemi zotuar se do të rrisim kapacitetet tona në siguri, por edhe në drejtësi, dhe duhet të angazhohemi për kushte më të mira të punës brenda institucioneve tona. Shërbyesi korrektues i Kosovës ka një partneritet dhe bashkëpunim të shkëlqyeshëm me Akademinë për Siguri Publike dhe ne jemi të lumtur ta konfirmojmë këtë edhe sot, pra në këtë ditë të veçantë, të diplomimit të studentëve së gjeneratës së pestë”, ka thënë Haxhiu.
Samedin Mehmeti, drejtor i përgjithshëm në Policinë e Kosovës, u ka thënë të diplomuarve se kjo gjeneratë kanë rol kyç në avancimin e institucioneve të sigurisë.
“Zhvillimi dhe avancimi i kuadrove të sigurisë në Institucionet e zbatimit të ligjit me kuadër profesional, ndikon në ndërtimin e Institucioneve kredibile, llogari dhënëse dhe demokratike e që është edhe vizioni ynë për të ardhmen më të mirë dhe më të sigurt. Edukimi dhe trajnimi kanë rol të rëndësishëm sidomos, me formësimin në kuadër profesional në mënyrë që të kemi zhvillim institucional, ashtu siç e përmendi edhe ministri Sveçla jemi para sfidave të mëdha të sigurisë globale, sigurisë rajonale që natyrisht kanë influencë në vendin tonë”, tha Mehmeti.
Në këtë ceremoni janë ndarë edhe certifikata për dy studentët më të dalluar gjatë periudhës katërvjeçare në të cilën kanë kaluar gjatë studimeve. Qëndresë Ramadani tha se ëndrra e saj ka qenë të bëhet police derisa i ka kujtuar momentet më të mira në Akademi.
“Grupi ynë ka qenë më i miri prej vitit të parë, sepse kishte personalitete të ndryshme, përfituam e u ngritëm personalisht dhe profesionalisht, do të na mungojnë debatet në klasë, pritja para derës së bufesë dhe çaji që shkon mes miri në Vushtrri. Profesioni i ëndrrave ka qenë gjithmonë policia, dhe prej ditës së parë që kam ardhur në Akademi kam punuar fort që të jap më të mirën nga vetja për t’i shërbyer qytetarëve të vendit tonë”, tha Ramadani.
Në fund të ceremonisë janë ndarë certifikatat për të gjithë të diplomuarit e nivelit bachelor, nga udhëheqësit e institucioneve të sigurisë së vendit.
Aktualitet
Programi i Arkitekturës dhe Planifikimit Hapësinor në nivelin Master në UBT përgatit arkitektët e së ardhmes
Published
3 hours agoon
August 30, 2025By
Driton Iseni
UBT, përmes Fakultetit të Arkitekturës dhe Planifikimit Hapësinor, ofron një program studimor të avancuar në nivelin master, i cili ka për qëllim të përgatisë arkitektë të aftë për të identifikuar dhe analizuar problemet arkitektonike, për të hartuar e zhvilluar projekte profesionale dhe për të ofruar shërbime cilësore për komunitetin, gjithmonë duke marrë parasysh aspektet shoqërore dhe mjedisore.
Ky program shquhet për qasjen e tij interdisiplinare, duke i pajisur studentët me aftësi të komunikimit, punës ekipore dhe individuale, si dhe me mundësinë për të transferuar dhe kontekstualizuar kompetencat e tyre në fusha të ndryshme të tregut të punës.
Struktura e programit
Programi zgjat dy vjet (katër semestra) dhe përfshin një kombinim të lëndëve teorike, studio praktike dhe projekte kërkimore.
Dy semestrat e parë fokusohen në dizajnin arkitektonik të avancuar, planifikimin urban, restaurimin e trashëgimisë dhe aspektet ligjore të projektimit.
Viti i dytë përfshin lëndë mbi planifikimin hapësinor evropian, infrastrukturën, peizazhin, efiçiencën energjetike dhe metodat e hulumtimit.
Semestri i katërt përmbyllet me një projekt kërkimor dhe tezën e diplomës.
Kjo qasje siguron që studentët të kuptojnë jo vetëm teknikat e projektimit dhe aspektet inxhinierike, por edhe të vlerësojnë ndikimin social, ekonomik dhe hapësinor të mjedisit përmes planifikimit urban dhe arkitektonik.
Rezultatet e të mësuarit
Pas përfundimit me sukses të programit, studentët do të jenë të aftë të:
- Kuptojnë dhe aplikojnë teknikat e projektimit, planifikimit dhe aspektet inxhinierike të projekteve.
- Vlerësojnë dimensionet sociale, ekonomike e mjedisore të arkitekturës.
- Komunikojnë profesionalisht me audienca të ndryshme dhe ofrojnë zgjidhje konkrete për problemet e ndërtimit.
- Kontribuojnë në kërkime shkencore dhe të vlerësojnë vlerat arkitektonike e urbanistike.
Përvoja studentore dhe karriera
Përveç mësimdhënies, studentët e arkitekturës në UBT përfitojnë nga:
- Qendra e Karrierës, e cila i lidh me industrinë përmes praktikave profesionale dhe panaireve të punës.
- Certifikime dhe trajnime shtesë, të cilat rrisin konkurrueshmërinë e tyre në treg.
- Organizatat studentore, që u japin zë në vendimmarrje dhe u mundësojnë një përvojë të plotë akademike dhe sociale.
Perspektiva profesionale
Të diplomuarit e këtij programi gjejnë mundësi të shumta punësimi në:
- Firma konsulente të arkitekturës dhe inxhinierisë
- Institucione publike e private të ndërtimit dhe planifikimit
- Organizata kombëtare e ndërkombëtare të zhvillimit
- Institucione akademike dhe kërkimore
UBT thekson se ky program është ndërtuar për të përgatitur arkitektët dhe planifikuesit hapësinorë të së ardhmes, të cilët do të jenë të aftë të përballen me sfidat e zhvillimit urban dhe mjedisor, duke kontribuar njëkohësisht në zhvillimin e qëndrueshëm të vendit dhe rajonit.
Aktualitet
UBT: Programi i vetëm i Studimeve të Sigurisë në Kosovë, edhe pak vende të lira për regjistrim
Published
3 hours agoon
August 30, 2025By
Driton Iseni
UBT njofton se kanë mbetur edhe pak vende të lira për regjistrim në programin e Studimeve të Sigurisë, i vetmi i këtij profili në Kosovë. Ky program u ofron studentëve mundësinë të bëhen ekspertë në fushën e sigurisë kombëtare, publike dhe ndërkombëtare.
Diploma e këtij programi hap dyert për punësim në institucione shtetërore të sigurisë, organizata ndërkombëtare, agjenci të sigurisë private, si dhe në fusha të lidhura me menaxhimin e krizave dhe sigurinë kibernetike.
UBT thekson se programi është i ndërtuar mbi kurrikula bashkëkohore të universiteteve më prestigjioze të Evropës dhe ShBA-së, duke iu përshtatur nevojave të tregut vendor dhe rajonal. Studentët do të kenë mundësi të marrin njohuri në fusha ndërdisiplinore si ligji, psikologjia, gjeopolitika, marrëdhëniet ndërkombëtare, politika e jashtme, teknologjia e informacionit dhe metodologjia e kërkimit.
Aplikimi për regjistrim është i hapur online në linkun: APLIKO TANI ONLINE!
UBT fton maturantët të shfrytëzojnë këtë mundësi të fundit për t’u bërë pjesë e programit që përgatit liderët e së ardhmes në fushën e sigurisë.
Bota
Gjykata e Apelit në SHBA shpall tarifat e Trumpit të paligjshme
Published
12 hours agoon
August 30, 2025By
UBTNews
Një gjykatë apeli në Shtetet e Bashkuara ka shpallur shumicën e tarifave të vendosura nga presidenti Donald Trump si të paligjshme. Vendimi përfshin tarifat e “reciproke” që Trumpi kishte vendosur për shumicën e shteteve në botë, si dhe ato të vendosura mbi Kinën, Meksikën dhe Kanadanë.
Gjykata e Apelit për Qarkun Federal hodhi poshtë argumentin e administratës Trump se tarifat ishin të lejuara nga një ligj i fuqive ndërkombëtare, i cili jep mundësinë për masa ekonomike në rast urgjence. Sipas gjykatës, vendosja e tarifave ishte e pavlefshme dhe në kundërshtim me ligjin.
Ky vendim nuk do të hyjë në fuqi deri më 14 tetor, për t’i dhënë administratës Trump kohë të apelonte çështjen në Gjykatën Supreme të Shteteve të Bashkuara.
Përmes një deklarate, Trumpi e ka kritikuar vendimin, duke theksuar se, nëse ky vendim mbetet në fuqi, mund të ketë pasoja të rënda për ekonominë e SHBA-së. “Nëse mbetet në fuqi, vendimi do ta shkatërronte SHBA-në,” ka thënë ai.
Aktualitet
Regjistrohu tani në Gjuha Angleze në UBT dhe përfito bursë 20%
Published
1 day agoon
August 29, 2025By
Driton Iseni
UBT njofton se kanë mbetur edhe pak vende të lira për regjistrim në programin Bachelor Gjuha Angleze, një drejtim studimor që hap mundësi të shumta karriere në arsim, përkthim, diplomaci, media dhe organizata ndërkombëtare.
Përmes këtij programi, studentët përgatiten jo vetëm në aspektin gjuhësor dhe kulturor, por edhe në atë profesional, duke u bërë të aftë të kontribuojnë në tregun vendor dhe global.
UBT ofron bursë prej 20% për të gjithë ata që regjistrohen në këtë program, duke i dhënë mundësinë studentëve të sigurojnë arsimim cilësor dhe të përballueshëm financiarisht.
Studentët e interesuar mund të aplikojnë online përmes platformës: APLIKO TANI ONLINE!

Programi i Arkitekturës dhe Planifikimit Hapësinor në nivelin Master në UBT përgatit arkitektët e së ardhmes

UBT: Programi i vetëm i Studimeve të Sigurisë në Kosovë, edhe pak vende të lira për regjistrim

Basha mbyll seancën konstituive, asnjë deputetë serbë nuk merr votat për nënkryetar

Murati: Sot është dita vendimtare për konstituimin e Kuvendit të Kosovës

Balje: Procesi për nënkryetarin e pestë kërkon vendim nga Gjykata Kushtetuese

Krasniqi kritikon Kurtin për insistimin në Rashiqin si nënkryetar Kuvendi: Pse po kërkon krizë të re kushtetuese?

Lista Serbe dërgon ankesë në Gjykatën Kushtetuese për “shkelje të të drejtave të popullit serb” në Kuvend

Zemaj: VV po zvarrit konstituimin e Kuvendit për shkak të mungesës së numrave për qeveri

Qalaj: Nuk e votoj Nenad Rashiqin, nuk dua të jem pjesë e shkeljeve kushtetuese
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA