Lajmet

​Supremja refuzon ankesën e Bekim Jasharit

Në vendimin e Supremes thuhet se ankesa e Bekim Jasharit në Skenderaj hidhet si e palejuar.

Published

on

Gjykata Supreme e Kosovës e ka refuzuar si të pabazuar ankesën e kandidatit për kryetar të Skenderajt, Bekim Jasharit ndaj Panelit Zgjedhor për Ankesa dhe Parashtresa (PZAP).

Në vendimin e Supremes thuhet se ankesën e subjektit politik Lista e Pavarur e Bekim Jasharit në Skenderaj hidhet si e palejuar.

“Refuzohet si e pabazuar ankesa e subjektit politik Lista e Pavarur Bekim Jashari, me seli në Skenderaj, e paraqitur kundër vendimeve të Panelit Zgjedhor për Ankesa dhe Parashtresa Anr.673/2021, nr.674/2021, Anr.675/2021, Anr.676/2021, Anr.678/2021, Anr.679/2021 të gjithë të datës 20.10,2021, Anr.671/2021, Anr.672/2021, dhe 680/2021. II. Ankesa e Subjektit Politik Lista e Pavarur Bekim Jashari, me seli në Skenderaj kundër vendimit të Panelit Zgjedhor për Ankesa dhe Parashtresa A.nr.637/2021 e datës 18.10.2021, hidhet si e palejuar”, thuhet në vendimin e Supremes.

Tutje thuhet edhe se nuk ka pas bazë të mjaftueshme lidhur me dyshimet të prezencës së anëtarëve të PDK-së nëpër qendra të votimit.

“Pretendimet e parashtruesit të ankesës lidhur me prezencën e anëtarëve të PDK-së nëpër qendrat e votimit nuk japin bazë të mjaftueshme për të dyshuar në rregullsinë e procesin zgjedhor, nga fakti se nuk ka pasur vërejtje nga vëzhguesit dhe monitoruesit në vendvotime çka do të ndikonte në përgjithësi në procesin zgjedhor në Skenderaj. Pretendimet e parashtruesit të ankesë se në vendvotimin 2114B/04D ka pasur fotografim, nuk qëndrojnë se nga raportet e Policisë së Kosovës të dërguara në PZAP, konstatohet se nuk ka pasur asnjë rast të iniciuar lidhur me fotografimin në qendrat e votimit, prandaj pretendimet në këtë drejtim janë të pabazuara. Ndërsa ankesa lidhur me vendvotimin 1122B/01D është e pabazuar nga fakti se nga PZAP-i është vërtetuar se e njëjta nuk gjendet në Skenderaj por në Mitrovicë. Në një gjendje të tillë faktike, Gjykata Supreme e Kosovës pranon si të bazuar qëndrimin juridik të PZAP-it, të marrë lidhur me refuzimin e apelit, të paraqitur nga i lartë përmenduri, ngase, në mungesë të provave dhe dëshmive të cilat paraqitësi i apelit ka pas për detyrë t’i prezantojë së bashku me apelin, nuk mund të merret vendim aprovues për një apel të tillë”, thuhet në vendim.

Lajmet

Haxhiu: Prokuroria duhet ta ftojë Ramush Haradinajn për shkak që deklaron se Kurti është i lidhur me Serbinë

Published

on

By

Ministrja e Drejtësisë, Albulena Haxhiu, ka kërkuar që Prokuroria Speciale të ftojë Ramush Haradinajn për akuzat që ai ka bërë ndaj Kryeministrit Albin Kurti, se është i lidhur me Serbinë.

Haxhiu theksoi se kjo është një deklaratë e rëndë dhe kërkoi të dijë pse Prokuroria nuk e ka ftuar Haradinajn. Ajo gjithashtu ka përmendur lidhjet e Haradinajt me Serbinë dhe figura të dyshimta si Milan Radojiçiq.

“Ku ka qenë kryeprokurori Isufaj kur Ramush Haradinaj thotë se ‘kryeministri Kurti është i lidhur me Serbinë’? A e kanë ftuar Haradinajn për këtë deklaratë? Është një deklaratë e rëndë, pasi po akuzon një kryeministër. Sigurisht që jo, sepse dalin lidhjet e Ramushit me Serbinë dhe me terroristët që e prisnin në zyrë, siç është Milan Radojiçiç”, tha Haxhiu.

Continue Reading

Lajmet

​Prokuroria ka ngritur aktakuzë në rastin e njohur “KEK”

Published

on

By

Prokuroria Speciale e Republikës së Kosovës, ka ngritur aktakuzë në Gjykatën Themelore në Prishtinë në rastin e njohur “KEK” kundër të pandehurve N.K.,Y.D.,I.Z.

Sipas njoftimit, të pandehurit akuzohen se gjatë periudhës kohore 2021 – 2023, me veprimet e tyre të kundërligjshme i kanë shkaktuar dëme buxhetit të Kosovës, rreth 37 milionë euro duke kryer veprat penale: Keqpërdorimi i detyrës apo autoritetit zyrtar, Zbulimi i fshehtësisë zyrtare dhe Ndihmë në Keqpërdorim të detyrës apo autoritetit zyrtar.

“Ky rast tashmë i ka kaluar në kompetencë Departamentit Special të Gjykatës Themelore në Prishtinë, për procedurë të mëtutjeshme”, thuhet në njoftim.

Continue Reading

Lajmet

Kryeprokurori Isufaj: Do luftojmë kundër gjithë atyre që bien ndesh me ligjin, pavarësisht pozitës që kanë

Published

on

By

Kryeprokurori i Prokurorisë Speciale, Blerim Isufaj, i është përgjigjur kryeministrit Kurti, i cili i ka ftuar prokurorët ta intervistojnë në zyrën e tij në Qeveri.

Isufaj ka kërkuar nga Qeveria që të tregojë përkushtim ndaj sundimit të ligjit dhe ta shmangë retorikën që synon politizimin e drejtësisë.

“Ligji është i njëjtë për të gjithë qytetarët e Republikës së Kosovës, përfshirë edhe zyrtarët e lartë shtetërorë. Ftesa për dhënie të dëshmisë është procedurë e rregullt dhe çdo person që ftohet ka përgjegjësi ligjore të bashkëpunojë me institucionet e drejtësisë, andaj u bëj thirrje të gjitha institucioneve, përfshirë edhe Qeverinë e Kosovës që të tregojë përkushtim ndaj sundimit të ligjit dhe të shmangin retorikën që synon politizimin e drejtësisë. Nuk jam këtu për të komentuar deklaratat e askujt se fare nuk më interesojnë, po flas atë që unë di dhe që mendoj se duhet bërë”, ka thënë ai.

Ai ka shtuar se nuk ka informacione nëse ndokush ndonjëherë është intervistuar në zyrën e Kryeministrit.

“Sistemi Prokurorial dhe ai Gjyqësor nuk janë për të bërë skenarë, ne punën tonë e kemi të përcaktuar me ligj dhe Kushtetutë dhe nuk bëjmë dallime as për nga pozita as për nga emërimi. Unë nuk kam informacione nëse ndokush ndonjëherë është intervistuar në zyrën e Kryeministrit, ndoshta edhe mund të ketë, por unë nuk e di. Në këto pesë vjet sa jam kryeprokuror i kësaj prokurorie, raste të tilla nuk ka pasur. Deklaratat denigruese dhe fyerjet ndaj prokurorëve dhe Prokurorisë jo vetëm që minojnë integritetin dhe sistemin e drejtësisë, por e cenojnë edhe besimin e publikut në sundimin e ligjit”, ka shtuar ai

Continue Reading

Lajmet

Haxhiu: Ftesa për Kurtin në Prokurorinë Speciale, përpjekje e vonuar

Published

on

By

Ministrja e Drejtësisë, Albulena Haxhiu, ka komentuar ftesën për kryeministrin Albin Kurti për t’u paraqitur si dëshmitar në Prokurorinë Speciale, duke e quajtur atë një përpjekje të vonuar dhe duke theksuar se Kurti nuk e ka refuzuar dëshminë.

Sipas saj, në qeveritë e kaluara ka pasur korrupsion dhe pasurim të shpejtë të politikanëve, por insistoi se nuk ka asnjë akuzë për korrupsion kundër Kurtit.

Ajo gjithashtu kritikoi vonesën e ftesës për Kryeministrin në lidhje me një çështje të rezervave shtetërore, duke thënë se janë të njohura arsyet e kësaj vonese.

“Për qeverinë tonë ka rezultate të pafundme, por hajde të flasim për sukseset e Prokurorisë Speciale. Përveç terrorizmit dhe krimeve të luftës, ajo adreson edhe shpërdorimin e parave dhe a ka ndodhur ndonjë rast ku Blerim Jusufaj ka pasur sukses. Unë e di që ka prokurorë shumë të mirë, por problemi qëndron tek personat e lartë, tek Blerim Jusufaj”, tha Haxhiu.

“Kurti nuk ka refuzuar të paraqitet si dëshmitar, por si është e mundur që rasti i rezervave shtetërore, që ka ndodhur vitin e kaluar, po ftohet tani? Në ditën kur po bëheshin listat e deputetëve, qellimet ishin tashmë të qarta. Në qeverinë e kaluar ka lulëzuar korrupsioni, por ne e dimë si janë pasuruar politikanët, askush nuk mund të thotë se kryeministri Kurti është i korruptuar. Por, në të kaluarën janë bërë milionerë politikanët dhe askush nuk merrej me pasurinë e paluajtshme. Kurti nuk ka refuzuar dëshminë, ai ka promovuar ditë dhe datë, dhe ka ndodhur edhe më herët që të pyetet në zyrë”, shtoi Haxhiu.

Continue Reading

Të kërkuara