Sport

Streetball Kosova zhvillohet të premten

Published

5 years ago

August 18, 2021

Betim Gashi

Më datën 20 gusht në Prishtinë, përkatësisht në Sheshin Skënderbëu do të zhvillohet kampionati i Streetball Kosova i organizuar nga Shoqata e Stretballit të Kosovës.

Në këtë ngjarje do të marrin pjesë 12 ekipe që do të ndahen në katër grupe sipas sistemit të FIBA-së.

Agon Femiu nga Streetball Kosova tha para mediave se ky është edicioni i nëntë i këtij kampionati që është i licencuar nga FIBA 3×3 dhe se për organizimin e tij kanë marrë mbështetje edhe nga Komuna e Prishtinës.

“Është edicioni i 22-të i Kampionatit të Kosovës në Basketboll 3×3. Tani e 22 vite i organizuar nga Shoqata e Streetballit të Kosovës, anëtare e Federatës së Basketbollit të Kosovës dhe FIBA 3X3. Kampionati i Kosovës është i nënti radhazi, i licencuar nga FIBA 3×3… Këtë vit, sipas traditës, tashmë 21 vjeçare përkrahje kemi edhe nga Komuna e Prishtinës e cila i mbetet besnik i Streetball Kosovës”, tha Femiu.

Më tutje, Femiu duke shpalosur detaje rreth zhvillimit të kësaj gare, bëri të ditur se do të marrin pjesë 12 skuadra që do të ndahen në katër grupe ku vetëm fituesit e të katër grupeve do të kualifikohen në gjysmëfinale të kësaj gare.

“Ngjarja do të zhvillohet të premten para Teatrit Kombëtar, në Sheshin Skënderbeu dhe garat do të fillojnë nga ora 16:00. Pjesëmarrëse do të jenë 12 skuadra të ndara në katër grupe nga tri ekipe sipas sistemit të FIBA-së dhe tashmë numri i skuadrave është plotësuar pra ato janë regjistruar në webfaqen zyrtare të FIBA 3×3…Ndarja e grupeve bëhet në mënyrë automatike, do të thotë sipas rangimit të lojtarëve por edhe koeficionetit të skuadrave në listën e FIBA 3×3. Pasi të jenë zhvilluar ndeshjet në secilin grup, pra secila skuadër luan me secilin, vetëm fituesit e grupeve do të kualifikohen në gjysmëfinale. Pritet që të zhvillohen rreth orës 20:00”, theksoi Femiu.

Në fund Femiu shtoi se pas të përfundojnë ndeshjet e Streetballit, do të zhvillohen edhe disa sfida revyale nga adhurues te basketbollit duke përfshirë edhe ekipe nga streetballi i femrave si dhe një ndeshje speciale do të zhvillohet në nderim të basketbollistit të Prishtinës dhe Kosovës Edmond Azemi ku do të luajnë shumë ish-basketbollit të njohur të Kosovës.

Sport

Trendelina Gashi: Organizimi i Kampionatit Ballkanik dëshmon se Kosova ka kapacitet për gara ndërkombëtare

Published

4 hours ago

July 24, 2026

UBTNews

Ndihmëstrajnerja e përfaqësueses U17 të Kosovës në konkurrencën e femrave, Trendelina Gashi, e ka vlerësuar si shumë të rëndësishëm organizimin e Kampionatit Ballkanik në Kosovë, duke theksuar se një ngjarje e tillë është dëshmi e kapaciteteve organizative të vendit.

Sipas saj, organizimi i këtij kampionati jo vetëm që promovon volejbollin kosovar, por shërben edhe si motivim për gjeneratat e reja që të merren me sport.

“Është shumë e rëndësishme për Kosovën, sepse tregon që kemi kapacitet me organizu gara ndërkombëtare. Kjo e promovon volejbollin tonë dhe i motivon edhe gjeneratat e reja”, u shpreh Gashi.

Ajo shtoi se besimi i fituar nga organizimet ndërkombëtare po reflektohet edhe në ngjarjet e mëdha sportive që e presin Kosovën në të ardhmen.

“Gjithashtu, fakti që Kosova do t’i organizojë edhe Lojërat Mesdhetare 2030 tregon se sporti ynë po zhvillohet dhe po fitojmë besimin për organizime gjithnjë e më të mëdha”, theksoi ndihmëstrajnerja e Kosovës.

Kampionati Ballkanik U17 në konkurrencën e femrave po zhvillohet në Kosovë, duke mbledhur ekipet më të mira të rajonit dhe duke i ofruar volejbollit kosovar një mundësi të rëndësishme për promovim në arenën ndërkombëtare.

D.L

Sport

Bullgaria mposht Kosovën 3:0 në ditën e tretë të Kampionatit Ballkanik U17

Published

4 hours ago

July 24, 2026

UBTNews

Përfaqësuesja U17 e Kosovës në konkurrencën e femrave pësoi humbje 3:0 nga Bullgaria në ndeshjen e vlefshme për ditën e tretë të Kampionatit Ballkanik.

Bullgaria konfirmoi formën e mirë dhe vazhdoi serinë e fitoreve, duke triumfuar me rezultat 25:19, 25:14 dhe 25:13.

Kosova zhvilloi një paraqitje me përkushtim dhe luftoi për çdo pikë, veçanërisht në setin e parë, ku arriti të mbante ritmin me kundërshtaren për një pjesë të lojës. Megjithatë, përvoja dhe cilësia e përfaqësueses bullgare bënë diferencën, me Bullgarinë që dominoi dy setet pasuese dhe siguroi fitoren pa humbur asnjë set.

Përfaqësuesja e Kosovës do të synojë të rikthehet te rezultatet pozitive në ndeshjet e radhës të Kampionatit Ballkanik U17.

D.L

Sport

Kosova zbret sot në parket për ndeshjen e radhës në Ballkanikun U17

Published

24 hours ago

July 23, 2026

UBTNews

Përfaqësuseja U17 e Kosovës në volejboll për vajza rikthehet sot në parket për ndeshjen e saj të radhës në kuadër të Kampionatit Ballkanik, që po zhvillohet në Ferizaj. Vashat kosovare do të përballen me Bullgarinë në një sfidë që nis në orën 17:30 në Pallatin e Sporteve “Bill Clinton”.

Përveç përballjes së Kosovës, dita e tretë e garave sjell edhe dy takime të tjera:

15:00 – Turqia – Mali i Zi

17:30 – Bullgaria – Kosova

20:00 – Shqipëria – Moldavia

Federata e Volejbollit e Kosovës fton të gjithë dashamirët e sportit që të jenë të pranishëm në Pallatin e Sporteve “Bill Clinton” në Ferizaj për të mbështetur Përfaqësuesen e Kosovës në këtë përballje të rëndësishme të Kampionatit Ballkanik U17.

D.L

Sport

Dy stadiume në garë për finalen e Botërorit 2030

Published

24 hours ago

July 23, 2026

UBTNews

Pas përfundimit të Kupës së Botës 2026, vëmendja e futbollit botëror tashmë është kthyer te edicioni i vitit 2030, i cili do të organizohet nga Spanja, Portugalia dhe Maroku.

Një nga çështjet më të diskutuara është stadiumi që do të presë finalen e turneut. Aktualisht, gara duket se është mes legjendarit “Santiago Bernabéu” në Madrid dhe stadiumit modern “Hassan II” në Casablanca.

Sipas raportimit të Mundo Deportivo, vendimi përfundimtar do t’i takojë FIFA-s, ndërsa zgjedhjet presidenciale të planifikuara për marsin e vitit të ardhshëm, gjatë Kongresit të 77-të të organizatës, mund të kenë ndikim në këtë proces.

Presidenti aktual i FIFA-s, Gianni Infantino, ka konfirmuar tashmë kandidaturën për një mandat të ri në krye të qeverisë botërore të futbollit. Sipas raportimeve, ai gëzon mbështetjen e shumicës së federatave anëtare, çka e bën favorit për të vazhduar drejtimin e organizatës.

Infantino mori drejtimin e FIFA-s në shkurt të vitit 2016 dhe, nëse rizgjidhet, do të vazhdojë të udhëheqë institucionin edhe gjatë përgatitjeve për Kupën e Botës 2030.

Ndërkohë, mbetet të shihet se cili prej stadiumeve do ta fitojë besimin e FIFA-s për të pritur ndeshjen më të rëndësishme të futbollit botëror, finalen e Kupës së Botës 2030.

D.L