Lajmet

​Stafi i shërbimit korrektues trajnohet për të burgosurit me probleme të shëndetit mendor dhe të varësisë

Gashi i inkurajoi pjesëmarrësit që t’i shfrytëzojnë njohuritë dhe aftësitë praktike të fituara gjatë kësaj punëtorie.

Published

4 years ago

on

EULEX ka organizuar një punëtori tre ditore për stafin e Shërbimit Korrektues të Kosovës (SHKK) për mënyrën se si të menaxhohen të burgosurit me probleme të shëndetit mendor dhe të varësisë, ku stafi i SHKK-së është njoftuar mbi mënyrën se si t’i dallojnë të burgosurit që shfaqin këto probleme, si dhe me mjetet praktike për menaxhimin e suksesshëm të tyre.

Duke e pranuar se menaxhimi i të burgosurve me probleme të shëndetit mendor dhe të varësisë është shumë sfidues, shefja e Njësisë Korrektuese të EULEX-it, Ritva Vahakoski, theksoi se EULEX-i ka avokuar për një pjesë të dedikuar në kuadër të SHKK-së me hapësirë adekuate për këtë grup të burgosurve.

“Duke pasur parasysh kapacitetin e tepërt të shtretërve nëpër burgjet dhe qendrat e paraburgimit në Kosovë, krijimi i një hapësire të caktuar për të burgosurit me probleme të shëndetit mendor do t’i mundësojë SHKK-së që t’i trajtojë këta të burgosur me kujdes të veçantë dhe me vëmendje adekuate”, tha Vahakoski.

Zëvendësdrejtori i SHKK-së, Ali Gashi, i inkurajoi pjesëmarrësit që t’i shfrytëzojnë njohuritë dhe aftësitë praktike të fituara gjatë kësaj punëtorie.

“Ekziston nevoja e vazhdueshme për edukim dhe trajnim të stafit të SHKK-së, sepse ne përballemi me sfida të natyrave të ndryshme të cilat duhen trajtuar. Kjo punëtori është jashtëzakonisht e rëndësishme për SHKK-në, veçanërisht për personelin e burgjeve që merren drejtpërsëdrejti me këto çështje në baza ditore”, deklaroi ai.

Thijs Biemans, trajnues dhe këshilltar në Institutin Edukativ të Sistemit Holandez të Shërbimit të Burgjeve, përdori metoda universale të trajnimit, të cilat janë të zbatueshme kudo në botë, siç është edhe intervistimi motivues.

“Pas trajnimit, stafi i SHKK-së duhet të jetë më i vetëdijshëm se si t’i angazhojë të burgosurit për t’i bërë ata të mendojnë për ndryshimet e tyre në jetë”, tha Biemans, duke shtuar se të burgosurve me probleme të shëndetit mendor duhet t’u kushtohet më shumë vëmendje, sepse ata përballen me një rrezik në rritje të depresionit dhe sfidave të tjera të shëndetit mendor.

Sipas një komunikate të EULEX-it, që nga muaji shkurt i vitit 2020, këshilltarët korrektues të EULEX-it i kanë mbajtur 16 punëtori të këtij lloji, duke i trajnuar më shumë se 200 zyrtarë të SHKK-së dhe shtatë pjesëtarë të personelit të Institucionit të Avokatit të Popullit të Kosovës.

Në dhjetor 2020, EULEX-i organizoi gjithashtu një punëtori online për dhjetë zyrtarë të Njësisë për Vlerësimin dhe Klasifikimin e të Burgosurve të SHKK-së për dy instrumente kontrolluese që e vlerësojnë përdorimin e alkoolit dhe drogës, Testin për Identifikimin e Çrregullimeve nga Përdorimi i Alkoolit (AUDIT) dhe Testin për Identifikimin e Çrregullimeve nga Përdorimi i Drogës (DUDIT).

Related Topics:
Continue Reading

Lajmet

Rama nga Londra: Kosova s’duhet të merret me Serbinë, por të përmbushë detyrimet ndaj BE-së

Published

12 hours ago

on

October 21, 2025

By

Në Londër po zhvillohet një tryezë me temën “Ballkani Perëndimor dhe Bashkimi Europian”, ku ndër folësit kryesorë është edhe kryeministri i Shqipërisë, Edi Rama.

I pyetur për pozicionin e Kosovës në rajon dhe për ecurinë e saj drejt anëtarësimit në Bashkimin Europian, Rama u shpreh se Prishtina duhet të fokusohet tek përmbushja e detyrimeve që burojnë nga dialogu me Serbinë dhe jo tek vetë raportet dypalëshe.

“Që të jetë e suksesshme Kosova duhet të harrojë Serbinë, fjalë për fjalë dhe duhet të realizojë të gjitha pikat që kanë të bëjnë me dialogun e ndërmjetësuar nga BE-ja, pavarësisht nga Serbia, pra ata t’ia lënë topin në fushë Serbisë dhe të ecin para drejt Europës duke lënë Europën të merret me Serbinë dhe mos ta lënë çështjen e Serbisë të shndërrohet në çështje fajësimi midis të dyjave. Megjithatë, është mendimi im ky, unë respektoj atë që vendosin udhëheqësit e zgjedhur të Kosovës për vendin e tyre”, tha ai./EO

Continue Reading

Lajmet

Supremja: Pranohet ankesa e kandidatit të pavarur për kryetar të Kllokotit, rrëzohet vendimi i PZAP-së

Published

12 hours ago

on

October 21, 2025

By

Kolegji i Gjykatës Supreme e ka pranuar si të bazuar ankesën e kandidatit të pavarur për kryetar të Komunës së Kllokotit, Arber Emini, dhe ka prishur vendimin e Panelit Zgjedhor për Ankesa dhe Parashtresa (PZAP), të datës 15.10.2025.

Sipas Supremes, çështja është kthyer në rivendosje në PZAP.

“Bazuar në shkresat e lëndës, Arber Emini me datë 13.10.2025, është ankuar në PZAP, me pretendimin se “me datë 12.10.2025 në Zgjedhjet Lokale në Kllokot, Serbia ka ndërhyrë në sistemin zgjedhor në Komunën e Kllokotit, duke fabrikuar dëshmi mjekësore serbe të strukturave paralele për t’u shfrytëzuar votuesit me asistencë të përdorin këtë vërtetim mjekësor”, thuhet në komunikatë.

Më tej thuhet se Gjykata Supreme e Kosovës vlerëson se PZAP, gabimisht ka vendosur kur e ka hedhur poshtë ankesën e ankuesit, për faktin se nga pretendimet që dalin nga ankesa, i njëjti është ankuar për procesin dhe parregullsitë gjatë ditës së votimit dhe jo kundër rezultateve preliminare të tabuluara nga KQZ, ashtu siç ka pretenduar PZAP në vendimin e saj.

“Andaj, në rivendosje, PZAP, udhëzohet që t’i evitojë shkeljet e theksuara në Aktvendimin e Gjykatës Supreme, AA.nr.93/2025, dhe të vendos në mënyrë meritore lidhur me ankesën e kandidatit të pavarur për kryetar të Komunës së Kllokotit, Arber Emini”, thuhet në njoftim.

Zgjedhjet e rregullta komunale janë mbajtur më 12 tetor./KP

Continue Reading

Lajmet

Rrahje dhe gjuajtje me armë zjarri në qendër të Podujevës, policia jep detaje

Published

12 hours ago

on

October 21, 2025

By

Pak qaste më parë ka ndodhur një rrahje dhe gjuajtje me armë zjarri në Podujevë.

Lajmin e ka konfirmuar Flora Ahmeti zëdhënëse e Policisë së Kosovës për Rajonin e Prishtinës.

Sipas Ahmetit lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast.

Ajo tha se sot rreth orës 14:30 është pranuar informata për një rrahje dhe shkrepje të armës në Podujevë.

“Me të marrë informatën policia, ka dalë në vendin e ngjarjes nga ku jemi njoftuar se si pasojë e rrahjes nga një mjet i fortë (shkop) është lënduar një person i cili është dërguar për trajtimin e nevojshëm mjekësor. Lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast”, thuhet në përgjigjen e zëdhënëses Ahmeti.

Ajo ka shuar se aktualisht policia po vazhdon punën për zbardhjen e rrethanave dhe motiveve që karakterizojnë ngjarjen./KP

Continue Reading

Lajmet

​Vdes në moshën 29-vjeçare kampioni amerikan i shahut

Published

13 hours ago

on

October 21, 2025

By

Kampioni amerikan i shahut dhe komentatori online Daniel Naroditsky ka ndërruar jetë në moshën 29-vjeçare.

Sipas BBC, familja e tij e përshkroi vdekjen si të papritur, pa dhënë shkakun.

Naroditsky ishte një lojtar i talentuar, edukator dhe komentator, i njohur për kanalin e tij në YouTube me afro 500,000 abonentë dhe stream-et në Twitch me 340,000 ndjekës.

Ai luajti një rol kyç në popullarizimin e përmbajtjes së shahut online.

Ai filloi shahun në moshën 6 vjeç, fitoi Kampionatin Botëror të të Rinjve nën 12 vjeç në 2007, dhe në 2013 u bë Grandmaster i SHBA-së. Naroditsky u diplomua në Stanford dhe punoi si trajner shahu në Charlotte, Karolina e Veriut.

Shumë kolegë dhe fansa e përshkruan si një inspirim, historian të shahut dhe dikë që e bënte lojën argëtuese dhe të thjeshtë për të gjithë./S.K/KP/

Continue Reading

Të kërkuara