Sport

​Skuadra angleze e gatshme të paguajë 40 milionë euro për Armando Brojën

Tuchel është duke e ndjekur me kujdes rritjen e yllit të Kombëtares së Shqipërisë.

Published

on

Shkëlqimi i Armando Brojës me Southamptonin, aty ku është i huazuar nga Chelsea ka zgjuar interesim të madh nga disa skuadra të mëdha evropiane, e sidomos atyre angleze.

Trajneri i Chelseat, Thomas Tuchel është duke e ndjekur me kujdes rritjen e yllit të Kombëtares së Shqipërisë dhe do të vendosë nëse do ta kthejë në skuadër për sezonin e ardhshëm, por për Brojën interesim të madhe kanë shprehur edhe West Ham United dhe së fundi edhe Neëcastle United që janë të gatshëm të paguajnë shifra të majme parash.

Shqiptari ka shtatë gola në 21 paraqitje për Southamptonin këtë sezon dhe “Magpies” thuhet se kanë bërë një ofertë prej 40 milionë eurosh për ta sjellë atë në “St. James’ Park”, raporton “Tuttomercatoëeb”.

Sidoqoftë, kjo e ka detyruar Southamptonin të bëjë gjithashtu një ofertë të madhe për ta mbajtur lojtarin në bregun jugor, që do të thotë se një luftë midis dy klubeve do të ndodhë për pjesën e mbetur të afatit kalimtar.

Sport

Mes Liverpoolit dhe Cityt – cilin klub e zgjodhi Cherki

Published

on

Rayan Cherki ‘zgjedh’ klubin e Premier League ku dëshiron të transferohet mes interesimit nga Liverpool dhe Manchester City.

21-vjeçari ka tërhequr interes të madh falë paraqitjeve në Ligue 1 me Lyonin, ku sezonin e kaluar shënoi 12 gola në 44 ndeshje në të gjitha kompeticionet. Manchester City ka qenë duke ndjekur situatën ndërsa kërkon të forcojë skuadrën para Kupës së Botës për Klube që mbahet në Shtetet e Bashkuara.

Kampionët e Premier League, Liverpool, janë përfshirë në garë, me trajnerin Arne Slot që ka shkurtuar pushimet për të takuar personalisht talentin francez.

Sipas Florian Plettenberg, Cherki ka vendosur të firmosë me Manchester Cityn. Ai pritet të nënshkruajë një kontratë deri më 2030 dhe marrëveshja e transferimit pritet të jetë në rangun e 29-34 milionë paundëve.

Gazetari gjerman Plettenberg raporton se “kushtet personale nuk ishin kurrë një problem” e se kampi i lojtarit shpreson për një “marrëveshje të shpejtë” para se të bëhet një njoftim zyrtar. Cherki ka qenë te Lyoni gjatë gjithë karrierës së tij, pasi ka dalë nga akademia e të rinjve të klubit.

Ai këmbëngul se është gati për të kaluar në një klub të madh këtë verë.

“Jam gati për çdo sistem. Punoj çdo ditë, fizikisht dhe mendërisht, për të qenë gati,” i tha ai L’Equipe.

“Më e rëndësishmja është të zgjedh opsionin më të mirë për mua, për t’u zhvilluar si person dhe si futbollist.”

Cherki shtoi: “Asgjë nuk është e sigurt. Por do ta them: bëra gjithçka që doja te OL, isha Lyonnais i vërtetë e dhashë gjithçka për klubin. Nuk e lashë anijen kur ishte në vështirësi. Qëndrova, shtrëngova dhëmbët. Kam qarë, kam qeshur, jam frikësuar. Një burrë duhet të jetë i tillë, kjo është pjesë e ADN-së së tij. Edhe kur është e vështirë, edhe kur qan, edhe kur je i frikësuar, duhet të shkosh në luftë për klubin tënd.”

Cherki nuk është lojtari i vetëm që pritet t’i bashkohet Pep Guardiolës në Etihad, pasi edhe mesfushori holandez Tijjani Reijnders është afër kalimit te City. Manchester City ka arritur një marrëveshje prej 46.3 milionë paundësh me AC Milan për transferimin e Reijnders.

 

Continue Reading

Sport

Modric pritet të nënshkruajë me Milanin

Published

on

Sipas raportimeve të fundit nga Gianluca Di Marzio, AC Milan është shumë pranë një goditjeje të madhe në merkato: Luka Modric. 

Klubi kuqezi është optimist se do të sigurojë firmën e mesfushorit kroat brenda ditës së sotme, 4 qershor.

Pas kontakteve pozitive mes palëve gjatë orëve të fundit, Modric ka dhënë “ok”-in e tij për transferimin në Milano.

Ai ka dhënë një hapje të plotë për kalimin te Milan, vetëm pak ditë pasi zyrtarisht u largua nga Real Madrid, ku kaloi plot 13 vite dhe shkroi histori me fanellën e “Los Blancos”.

Për 38-vjeçarin është gati një kontratë njëvjeçare që do ta rikthente në skenën e madhe të futbollit europian, këtë herë në Serie A.

Continue Reading

Sport

Shqipëria zhvillon seancën e dytë, Manaj nuk stërvitet me grupin

Published

on

Kombëtarja shqiptare ka zhvilluar pasditen e sotme seancën e dytë stërvitore në kuadër të përgatitjeve për ndeshjet kualifikuese të Kupës së Botës 2026 ndaj Serbisë dhe Letonisë.

Të gjithë lojtarët i janë bashkuar ekipit në grumbullim. Në stërvitjen e sotme nuk mori pjesë vetëm Rey Manaj, i cili po kalon një gjendje gripale dhe po mbahet në monitorim nga stafi mjekësor i Kombëtares.

Stafi teknik i drejtuar nga trajneri Silvinjo zhvilloi stërvitje tekniko-taktike me lojtarët.

Ditën e nesërme, ekipi do të zhvillojë stërvitjen e radhës, e cila do të jetë e hapur për mediat në 15 minutat e para.

 

Continue Reading

Sport

De Biasi flet para Serbisë: Bëni luftë futbolli, jo politike

Published

on

Ish-trajneri i Kombëtares shqiptare, Gianni De Biasi, i cili i dërgoi kuqezinjtë për herë të parë në Europian, ka dhënë një intervistë për emisionin “Off the Record” në A2 CNN, duke folur për sfidën e 7 qershorit mes Shqipërisë dhe Serbisë, një ndeshje me peshë të madhe sportive dhe simbolike.

Një përballje vendimtare në rrugën drejt Botërorit

“Është një ndeshje e rëndësishme dhe e vështirë,” u shpreh De Biasi. “Serbia është një skuadër e fortë dhe do të luftojë me Shqipërinë për vendin e dytë në grup, sepse vendi i parë mund t’i takojë Anglisë. Nëse jemi të vendosur dhe me përgatitje fizike, kemi një rrugë përballë që mund të jetë e lehtë.”

Kujtimet e ndeshjes së ndërprerë në Beograd dhe mesazhi për tifozët

Duke rikujtuar sfidën e Beogradit, e cila u ndërpre pas hyrjes së tifozëve në fushë, De Biasi theksoi: “Ishte një ndeshje e barabartë, ku patëm edhe raste për të shënuar. Pastaj, tifozët u futën në fushë dhe arbitri na çoi në dhomat e zhveshjes – nuk mund të flisje më për futboll.”

Mesazhi për Kombëtaren dhe çelësi i suksesit

Suksesi kalon nga forca fizike dhe mendore: “Duhet të kemi lojtarë në kondicion të mirë. Kjo nuk është një luftë politike, por një betejë sportive. Sot kemi shumë lojtarë me cilësi, që luajnë në Serie A dhe kampionate të tjera europiane, më tepër se në kohën time. Ajo që ka rëndësi është që të jenë të bashkuar dhe të mos dorëzohen deri në fund.”

Një shqiptar mes shqiptarëve

Në fund të intervistës, De Biasi u shfaq i emocionuar dhe i lidhur me Shqipërinë: “Unë do jem në stadium, në ‘Arenën Kombëtare’. Tifozët duhet të mbështesin skuadrën dhe të lënë jashtë çdo situatë që nuk i shërben fitores. Pas 3 pikëve, pjesa tjetër nuk ka rëndësi. Kam votuar më 11 maj, kam zgjedhur edhe unë qeverinë time – jam shqiptar!”

“Forca Shqipëria!” – ishte mesazhi i tij i fundit, ndërsa emocionet për sfidën e 7 qershorit sa vijnë e rriten.

Continue Reading

Të kërkuara