Kulturë

Si duhet të visheni për intervistat e punës?

Published

4 years ago

August 16, 2021

Betim Gashi

Përshtypja e parë në intervistat e punës është shumë e rëndësishme dhe asgjë nuk ndikon në fitimin e saj sesa veshja. Dihet që kjo është diçka shumë e rëndësishme në procesin e punësimit, megjithatë ka ende kandidatë të cilët shkojnë në intervistat e punës me bluza pa mëngë, apo minifunde.

Çështja e veshjes është më e komplikuar sesa duket në fakt, jo gjithmonë është e nevojshme të vishen komplete me kollare. Megjithatë, përsëri ata që shkojnë për ta fituar punën duhet të mbesin brenda kornizave të profesionalizmit, sepse në radhë të parë, kjo është ajo që po kërkohet.

Më poshtë Akademi Pune ka disa këshilla të rëndësishem sesi duhet të visheni në vende të ndryshme të punës.

Kur jeni në dyshim mos e ekzagjeroni

Kodi i veshjes është diçka i varur. Disa kompani kërkojnë pamje shumë zyrtare, ndërsa disa të tjera kërkojnë veshje të zakonshme. Prandaj, është e rëndësishme që të hulumtoni rreth kulturës së kompanisë përpara se të shkoni në një intervistë pune. Kjo u jep të kuptojnë gjithashtu rekuterëve që, keni hulumtuar për kompaninë paraprakisht, diçka shumë e rëndësishme para intervistës.

Vërejtje: Industri të ndryshme kanë pritshmëri të ndryshme se si duhet të vishen kandidatët dhe punonjësit. Kodi i përshtatshëm i veshjes mund të ndryshojë shumë në varësi të kompanisë, industrisë dhe vendndodhjes.

Sidoqoftë, pavarësisht se çfarë veshin të gjithë në kompani, është thelbësore që të bëni kujdes të veçantë me pamjen tuaj gjatë një interviste pune. Kandidati i veshur me një kostum dhe kravatë, ose te femrat kostum me zyrar dhe taka, zakonisht do të bëjë një përshtypje shumë më të mirë sesa kandidati i veshur me xhinse dhe atlete.

Si të visheni për intervstë në kompani?

Nëse jeni duke shkuar në një intervistë pune në një kompani në një industri tradicionale, të tilla si financat, bankat ose sigurimet, duhet të zgjidhni veshje më formale. Në përgjithësi, kjo do të thotë një kostum dhe kravatë për burrat dhe një kostum pantallonash ose fund me këmishë ose bluzë për gratë.

Veshjet e burrave në intervista

Veshjet më të mira të intervistës për burrat në ambiente të tilla kanë tendencë të jenë konservatore. Burrat gjithmonë duhet të parazgjedhin të veshin një kostum. Të gjitha rrobat duhet të përshtaten mirë dhe të mos kenë njolla.

Këtu janë disa udhëzime për burrat:Veshje me ngjyra të errëta, të tilla si e zezë ose gri e errët Këmishë me mëngë të gjata e bardhë ose ngjyrë e koordinuar me kostumin Rrip lëkure Kravatë Çorape të errëta dhe këpucë lëkure më zyrtare Pak ose aspak bizhuteri Stil i flokëve i rregullt, profesional Thonjtë e rregulluar me kujdes Çantë

Veshja e duhur për gratë

Në përgjithësi, veshja e intervistave për gratë në këto lloj kompani është më e ndërlikuar dhe e larmishme sesa për burrat. Opsionet e shtuara e bëjnë grumbullimin e veshjes së intervistës pak më sfiduese për gratë sesa për burrat. Për shembull, nëse keni veshur një fustan apo fund, duhet të vendosni nëse duhet të vishni rroba të gjata ose nëse këmbët e zhveshura janë të pranueshme.

Gratë gjithashtu duhet të marrin parasysh aksesorët dhe të zgjedhin një çantë të përshtatshme. Çantat më të mira për intervista janë ato që janë profesionale dhe mjaft të mëdha, por që nuk bien shumë në sy.

Këto janë udhëzimet që duhet të merren parasysh nga femrat;Kostum në ngjyrë të errët, të zezë ose gri të errët Pantallona të gjera kostum pak më poshtë ose mbi gju Bluzë e përshtatshme Këpucë të përshtatshme Bizhuteri të duhura dhe me masë Prerje flokësh profesionale Grim i lehtë dhe sasi e kufizuar parfumi Thonjtë të pastër, të rregulluar me kujdes Çantë

Si të dukeni në vendet ku bartet veshje më e zakonshme

Kur vendi i punës ose puna është më pak formal, kodi i veshjes mund të jetë më i lehtë. Nëse nuk jeni të sigurt se çfarë të vishni, është mirë ta kontrolloni personin që do ta mbajë intervistën.

Kjo nuk do të thotë që duhet të visheni sikur po shkoni në palestër.

Këtu mund të vishni xhinse, por jo edhe të tillë si të copëtuar dhe me vrima. Pra të qëndroni ende të rregullt.

Kulturë

Edicioni i 17-të i PriFest, skenë globale në Prishtinë

Published

6 hours ago

September 11, 2025

UBT News

Edicioni i 17-të i Prishtina International Film Festival (PriFest) filloi më 9 shtator 2025.

Në ambientin e Kino Armata, u mblodhën figura të njohura të artit dhe politikës për të festuar kinemanë ballkanike dhe ndërkombëtare.

Festivali u hap me premierën botërore të filmit “Ngryk” (“Bear Hug”) nga regjisori Ilirjan Himaj, një bashkëprodhim Kosovë-Shqipëri.

Ky film poetik eksploron temat e dashurisë, lirisë dhe instinktit për mbijetesë përmes një rrëfimi simbolik mes njeriut dhe natyrës.

Performanca e Teuta Krasniqit si Tina ishte veçanërisht e spikatur, duke sjellë emocione të thella në ekran.

Mbrëmë ishte nata e dytë e këtij evenimenti ku u dha premierë filmi i metrazhit të shkurtër “LAVEZ” nga regjisori Branislav Milatović. Filmi është produksion i Malit të Zi dhe zgjati 16 minuta. Ky projekt vjen si metaforë vizuale dhe emocionale duke paraqitur marrëdhënien mes babait dhe të birit

Përndryshe, PriFest 2025 ofron një program të pasur me 20 filma të metrazheve të ndryshme, përfshirë premiera botërore, evropiane dhe rajonale.

Nuk kanë munguar as disa imazhe të sferës politikë duke qenë kuriozë për këtë ngjarje kulturore në kryeqytet.

Fokusi i këtij viti është në bashkëprodhimet me Austrinë, duke hapur rrugë të reja për bashkëpunime ndërkombëtare në industrinë filmike.

Sonte, në natën e tretë të Prishtina International Film Festival do të jepet premierë filmi “Cycle”, në ora 19:30, në Kino Armata.

Ky festival mbaron me 14 shtator 2025.

Përgatiti: A.Z. /UBT News/

Magazinë

Të pasurit e ‘Familjes Moderne’! Kush kryeson listën e aktorëve?

Published

7 hours ago

September 11, 2025

UBT News

Aktorët e serialit “Modern Family” kanë fituar shumë para ndër vite. Komedia e ABC-së me protagonistë Ed O’Neill , Julie Bowen , Ty Burrell , Sofia Vergara , Jesse Tyler Ferguson , Eric Stonestreet , Sarah Hyland , Ariel Winter , Nolan Gould , Rico Rodriguez dhe Aubrey Anderson-Emmons u shfaq premierë në shtator të vitit 2009, transmeton Indeksonline.

“Modern Family” fitoi çmime të panumërta, përfshirë 22 çmime Primetime Emmy , pesë çmime Screen Actors Guild Awards dhe është renditur si një nga serialet më të mira të të gjitha kohërave nga TV Guide .

Pas 11 sezonesh, “Modern Family” mori fund më 2020. Kasti i serialit të famshëm ka arritur gjëra të pabesueshme në karrierën e tyre dhe ka grumbulluar një sasi mbresëlënëse parash. Justjared ka mbledhur anëtarët kryesorë të kastit dhe i kanë renditur nga pasuria neto më e ulët tek ajo më e larta e vlerësuar.

Nëse nuk e dinit, Modern Family është i disponueshëm për transmetim në Hulu.

11. Aubrey Anderson-Emmons (Lily Tucker-Pritchett)
6 milionë dollarë

10. Ariel Winter (Alex Dunphy)
12 milionë dollarë

9. Nolan Gould (Luke Dunphy)
12 milionë dollarë

8. Rico Rodriguez (Manny Delgado)
12 milionë dollarë

7. Sarah Hyland (Haley Dunphy)
14 milionë dollarë

6. Julie Bowen (Claire Dunphy)
18 milionë dollarë

5. Eric Stonestreet (Cam Tucker)
25 milionë dollarë

4. Jesse Tyler Ferguson (Mitchell Pritchett)
25 milionë dollarë

3. Ty Burrell (Phil Dunphy)
26 milionë dollarë

2. Ed O’Neill (Jay Pritchett)
45 milionë dollarë

1. Sofia Vergara (Gloria Delgado-Pritchett)
180 milionë dollarë.

Magazinë

Spanja kërcënon të tërhiqet nga Eurovision 2026 nëse Izraeli nuk përjashtohet

Published

8 hours ago

September 11, 2025

UBT News

Ministri spanjoll i Kulturës, Ernest Urtasun, tha se vendi do të tërhiqet nga pjesëmarrja në Eurovision 2026 nëse Izraeli nuk përjashtohet.

“Nuk mendoj se mund ta normalizojmë pjesëmarrjen e Izraelit në evente ndërkombëtare sikur s’po ndodh asgjë.”

Gjatë një interviste, Urtasun tha se pjesëmarrja e Izraelit në konkurs nuk mund të tolerohet.

“Ngjarje si Eurovision apo Vuelta a España sjellin një përfaqësim të veçantë të vendit”, tha ai duke iu referuar protestave kundër ekipit të çiklistëve Israel-Premier Tech gjatë këtij edicioni të garës.

“Në rastin e Eurovision nuk është një artist individual që merr pjesë, por dikush që merr pjesë në emër të qytetarëve të atij vendi.”

Urtasun tha se nëse Izraeli merr pjesë e “nuk ia dalim ta përjashtojmë, do duhen të merren masa”, rikujtoi se kryeministri Pedro Sánchez i kishte bërë thirrje më parë European Broadcasting Union, i cili organizon konkursin, për të mos lejuar Izraelin në konkursin ndërkombëtar.

Urtasun theksoi se denoncimi i “gjenocidit” në Gaza nuk është antisemitik dhe e përshkroi Izraelin si “qeveri gjenocidale”.

Ai sqaroi se vendimi i tërheqjes nga Eurovision do të jetë në dorën e RTVE (Korporata Spanjolle e Radios dhe Televizionit), e cila ka shprehur shqetësim për pjesëmarrjen e Izraelit në Eurovision pas vitit të shkuar.

Edhe drejtuesi i transmetuesit kombëtar slloven, RTVSLO, ka njoftuar se me gjasë vitin e ardhshëm do të tërhiqet nga konkursi nëse Izraeli merr pjesë.

Magazinë

Takohen pas 19 muajsh mbreti Charles dhe princi Harry

Published

9 hours ago

September 11, 2025

UBT News

Pas 19 muajsh, Princi Harry është takuar sërish me babanë e tij, Mbretin Charles III, në një takim privat këtë të mërkurë në Londër, duke ringjallur shpresat për një pajtim mes tyre.

CNN raporton se kanë pirë çaj privatisht në Clarence House. Harry u pa duke mbërritur me Range Rover rreth 17:20 dhe doli pas një ore.

Ky ishte takimi i tyre i parë që nga shkurt 2024, kur Harry udhëtoi për një vizitë të shkurtër në Britani pas diagnostikimit të babait të tij me kancer. Në prill, ai nuk arriti të takohej me të atin pasi Charles ndodhej në një vizitë shtetërore në Itali.

Harry ka shprehur publikisht dëshirën për të pajtuar marrëdhëniet.

“Disa anëtarë të familjes sime kurrë nuk do të më falin për librin tim… por unë dua të pajtohem me familjen time. Nuk ka më kuptim të vazhdojmë të grindemi,” deklaroi ai për BBC-në në maj.

Marrëdhëniet me vëllanë, princin William, mbeten të tensionuara. William është i përqendruar tek gruaja e tij, Princesha Kate, gjatë trajtimit të saj për kancer. Ndërkohë, Harry ka qenë aktiv në Londër me angazhime bamirësie.

“Po, është shumë mirë, faleminderit,” tha ai për gjendjen shëndetësore të babait të tij.

Ai shpalli donacion 500 mijë dollarësh për fëmijët e plagosur në Gaza dhe Ukrainë, duke theksuar se asnjë organizatë nuk mund ta zgjidhte këtë vetëm. “Duhen partneritete për të siguruar që fëmijët të mbijetojnë e rikuperohen pas plagëve të shkaktuara” shtoi ai.

Vizitën e tij në Britani, Harry do ta përmbyllë të enjten me një aktivitet bamirësie në kuadër të fondacionit “The Diana Award”, para se të kthehet në Shtetet e Bashkuara.

Përgatiti: A.Z. /UBT News/