Lajmet

​Shoqëria civile kërkon miratimin e Projektligjit për financimin e subjekteve politike

Kuvendi i Kosovës pritet të shqyrtojë sot këtë projektligj.

Published

4 years ago

on

Shoqëria civile konsideron të domosdoshme që të miratohet Projektligji për financimin e subjekteve politike. Kuvendi i Kosovës pritet të shqyrtojë sot këtë projektligj, ndërsa është hera e tretë, përkatësisht legjislatura e tretë me radhë, në të cilën ky projektligj kalon nëpër procedurë në parlament.

Organizatat e shoqërisë civile KDI, D4D, D+, FOL dhe Çohu në një konferencë të përbashkët për media lidhur me shqyrtimin e Projektligjit për financimin e subjekteve politike konsideruan se zvarritja e mëtutjeshme e këtij projektligji do të minojë besimin e publikut mbi partitë politike, sidomos për paratë që ato marrin nga buxheti i shtetit dhe për donacione të shumta që ato marrin veçanërisht gjatë periudhave zgjedhore.

Eugen Cakolli nga KDI ka kërkuar nga të gjitha subjektet politike, pozitë dhe opozitë, që të arrijnë një konsensus për miratimin e këtij projektligji, teksa shtoi se kundërshtimet që mund të kenë partitë politike në aspekte të caktuara të projektligjit do të duhej të bëheshin në amendamente në mes të dy leximeve.

“Dështimi për shqyrtimin dhe miratimin e këtij ligji projektligji tejet të rëndësishëm për vendin ka cenuar vazhdimisht transparencën dhe llogaridhënien financiare të subjekteve politike, të cilat marrin çdo vit mbi 4.2 milionë euro nga paratë e buxheti të shtetit. Për më tepër, mosmiratimi i këtij projektligji bie ndesh edhe me obligimet që Kosova ka marrë për procesin e saj integrues përkatësisht në agjendën e reformave evropiane”, theksoi ai.

Cakolli shtoi se projektligji i ri adreson të gjitha problemet që ndërlidhen me transparencën dhe llogaridhënien.

“Projektligji i ri për financimin subjekteve politike adreson në masë të madhe të gjitha problemet që ndërlidhen me transparencën dhe llogaridhënien financiare. Së pari dhe çështja më e rëndësishme është çështja e auditimit të raporteve financiare të subjekteve politike që duke u bazuar në përvojën e deritanishme, për shkak të dështimeve të Kuvendit për të zgjedhur auditorë të duhur, për vite të tëra nuk ka pasur auditim në kohë të financave të partive politike. Me projektligjin e ri, kompetenca e auditimit kalon nga Kuvendi tek Zyra për Regjistrimin e Subjekteve Politike dhe Certifikim, zyrë kjo e cila do të gëzojë një pavarësi më të madhe financiare, por edhe funksionale, brenda Komisionit Qendror të Zgjedhjeve”, u shpreh Cakolli.

Po ashtu me projektligjin e ri, Cakolli tha se do të rregullohet edhe çështja e donacioneve që mund të marrin subjektet politike si dhe masave sanksionuese që do të shqiptohen në rast të evidentimit të shkeljeve nga ana e zyrës.

Njëkohësisht, Cakolli tha se ky projektligj reflekton edhe opinionin e Komisionit të Venedikut dhe është në përputhje me këtë opinion, mirëpo edhe me kërkesat e kamotshme të shoqërisë civile për avancimin e legjislacionit lidhur me këtë çështje. 

Related Topics:
Continue Reading

Lajmet

Kërkohet paraburgim për djalin që dyshohet që vrau nënën e tij në Restelicë

Published

41 minutes ago

on

January 22, 2026

By

Prokuroria Themelore në Prizren, ka kërkuar nga Gjykata Themelore në Prizren, caktimin e masës së paraburgimit në afat prej 30 ditësh, ndaj të dyshuarit F.B., i cili gjendet në ndalim 48 orësh, për shkak të dyshimit se vrau nënën e tij në fshatin Restelicë të Dragashit.

“Sipas kërkesës së prokurorisë, i dyshuari F.B., më datë 20.01.2026, në fshatin Restelicë- Komuna e Dragashit, në shtëpinë e tij familjare ku jetonte së bashku me viktimën, me dashje privon nga jeta nënën e tij, viktimën T.B., në atë mënyrë që fillimisht e godet me grushte në pjesë të ndryshme të trupit dhe më pas e shtrëngon për fyti me duar, me ç’rast viktima nga lëndimet e marra ndërron jetë në vendin e ngjarjes. Me këto veprime, i njëjti dyshohet se ka kryer veprën penale “Vrasja e rëndë” sipas KPRK-së”, thuhet në komunikatën për media të Prokurorisë Themelore në Prizren.

Continue Reading

Lajmet

R​inumërohen 40.16 për qind e votave, procesi vazhdon ende

Published

55 minutes ago

on

January 22, 2026

By

Në Qendrën e Numërimit dhe Rezultateve është duke vazhduar numërimi i fletëvotimeve sipas listës së vendvotimeve për të cilat KQZ ka marrë vendim që të rinumërohen edhe 28 komuna të tjera.

Sipas të dhënave që rezultojnë në faqen e Komisionit Qendror të Zgjedhjeve deri më tani janë rinumëruar 40.16 të votave, apo 1 mijë e 27 vendvotime të procesuara.

Në platformën e KQZ-së për rezultate https://resultsparliamentary2025.kqz-ks.org/, në hapësirën QNR > Rinumërim, do të paraqiten rezultatet pas numërimit të çdo vendvotimi.

Continue Reading

Lajmet

​Ngrihet aktakuza e parë për zgjedhjet e 28 dhjetorit 2025, për asgjësim të dokumenteve të votimit

Published

1 hour ago

on

January 22, 2026

By

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”, e paraparë me nenin 217 paragrafi 1 të Kodit Penal të Republikës së Kosovës.

Sipas aktakuzës, më 28 dhjetor 2025, në një qendër të votimit në qytetin e Shtimes i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

“Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit”, thuhet në komunikatë.

Continue Reading

Lajmet

KEDS-i me punime në rrjet, këto janë zonat ku paralajmërohet të ketë reduktime

Published

1 hour ago

on

January 22, 2026

By

Kompania për Distribuimin e Energjisë Elektrike në Kosovë (KEDS) ka njoftuar se sot do të kryhen punime të domosdoshme për siguri të sistemit energjetik vetëm në disa rajone.

Si rezultat, në disa lokalitete do të ketë ndërprerje të energjisë.

Ky është orari sipas rajoneve:

Prizren

Punime të domosdoshme për siguri të sistemit

Nga TS 110/35/10 kV Prizreni 1 do të ndërprehet:

Dalja 10[kV] J15 Rahoveci (kodi: 30000015) nga ora 10:00 deri 15:00

Vendet: Euro Graniti, Atmaxha I, Atmaxha II, Tupeci I, Tupeci II, Tupeci III, Landovicë, Tulltorja I dhe Tulltorja II.

Arsyeja: Ndërprerje për siguri,- ndërrimi i shtyllave të thyera në segmentin kryesor.

Mitrovicë

Punime në projekte investive

Nga NS 110/10[kV] Mitrovica 2 do të ndërprehet:

TS 10/04[kV] Vinarc Kulle -1 Lahovit (kodi: 70000005002) nga ora 09:00-11:00 dhe 13:00-15:00.

Vendet:  Vinarc  Lahovit.

Arsyeja: Punime me projektin investiv.

Gjakovë

Punime të domosdoshme për siguri të sistemit

Nga NS 35/10 [kV] Malisheva  do të ndërprehet:

Dalja 10[kV] J02 Kijeva (kodi: 82082007) nga ora 13:00 deri 15:30

Vendet: fshatrat: Balincë, Bubavec, Drenoc, Gollubovc, Kijevë, Llazicë, Lubizhdë, Mleqan, Plloçicë, Polluzhë dhe Stapanicë.

Arsyeja: Ndërprerje për siguri, testimi i sistemit SCADA në stabilimentin Kijeva.

Punime nga pala e tretë

Nga NS 35/10[kV] Gjakova I  do të ndërprehet:

Dalja 10[kV] Beci (kodi: 80080010) nga ora 10:00 deri 15:00.

Vendet: fshatrat: Bec, Janosh, Lugbunari, Novosellë e Epërme, Novosellë e Poshtme, Osek Pashë, Palabardhë, Qerim, Sopot dhe Trakaniq dhe rruga Mark Malota (një pjesë).

Arsyeja: Ndërprerje për siguri për shkak të punimeve në linjën 35kV Radoniqi.

Continue Reading

Të kërkuara