Kulturë

​Shoqata e të Burgosurve kërkon të hiqet vepra “Never say never” në sheshin “Adem Demaçi”

Vepra e artistit Alban Muja “Never say never” u tha se përjetëson shprehjen e famshme të Demaçit.

Published

on

Shoqata e të Burgosurve Politik është shprehur kundër veprës “Never say never” që u përurua pak ditë më parë në sheshin “Adem Demaçi” në Prishtinë, e që u tha se i dedikohet të burgosurve politikë që kontribuuan për lirinë e Kosovës, udhëhequr nga veprimtari Adem Demaçi.

Vepra e artistit Alban Muja “Never say never” u tha se përjetëson shprehjen e famshme të Demaçit dhe ka memoralizuar përgjithmonë rezistencën kombëtare.

Mirëpo Selatin Novosella nga Shoqata e të Burgosurve Politikë kërkoi largimin e kësaj vepre duke thënë se nuk ka mesazh dhe është i pakuptimtë.

“E kemi këtë lajm shumë i pakëndshëm dhe tepër trishtues jo vetëm për ne si shoqatë, në përgjithësi për Kosovën se po stërkeqet një shesh, ku duhet të jetë sheshi i Adem Demaçit, shtatorja dhe mesazh i Adem Demaçit. Ndërsa këtu është ngritur një beton, për ne i pavlerë, i pakuptimtë dhe pa kurrfarë mesazhi, në gjuhën angleze, dhe është rrënuar themeli ku është vendosur gurthemeli i sheshit për shtatoren e Adem Demacit dhe sot këtë do ta quaja një lajm i keq për Kosovën”, tha Novosella.

Novosella ka kërkuar nga Qeveria e Kosovës që të formojë komision për të shqyrtuar edhe njëherë për fatin e kësaj vepre ndërsa kërkoi që të përmbyllen punimet për sheshin.

“Ne me të drejtë presim që brenda kohës shumë të shkurtër Qeveria e Kosovës të formojë një komision, ku do t’i thërrasë përfaqësuesit e Komunës së Prishtinës dhe Shoqatën e ish të Burgosurve Politikë e familjarët. Ky shesh duhet të përfundohet, kurse ky (vepra) që është vendos, gjithsesi duhet të hiqet”, shtoi Novoselli.

Ai tha se kanë qenë edhe te kryetari i Komunës së Prishtinës, Perparim Rama, për të diskutuar rreth kësaj vepre por Novosella tha se Rama nuk ka qenë prezent kur kanë shkuar për ta takuar.

Vepra artistike me mbishkrimin ‘Never say never’, u memorizua në një shtyllë të madhe betoni në hapësirën publike të sheshi “Adem Demaçi”, në Prishtinë. Kurrë mos thuaj kurrë, ishte një nga fjalitë e Demaçit të cilën e mbajti kohë më parë në një kohë kur shqiptarët e Kosovës kërkon të çliroheshin nga kthetrat e regjimit shtypës serb.

Kjo vepër është krijuar me përkrahjen e Komunës së Prishtinës ndërsa në inaugurim morën pjesë edhe ministri i Kulturës, Hajrulla Çeku dhe kryetari i Komunës së Prishtinës, Përparim Rama.

Kulturë

Shkrimtarët nga Kosova nderohen në Takimin Ndërkombëtar “Seneka” në Bari

Published

on

Në Bari të Italisë, ditë më parë u zhvillua Takimi i nëntë ndërkombëtar “Seneka”, organizuar nga Akademia e Arteve Filozofike të Barit.

Në një program të veçantë prezantimi të pjesëmarrësve, me ftesë të Akademisë ishin të pranishëm edhe shkrimtarët kosovarë, Ibrahim Kadriu dhe Mehdi Krasniqi.

Pas vlerësimit nga komisioni ndërkombëtar, shkrimtari Ibrahim Kadriu u nderua me çmimin “Vula e Akademisë”, me titullin “Anëtar nderi i Akademisë” dhe me medaljen “Seneka” për arritjet e tij në fushën e letërsisë – çmimi më i lartë i këtij manifestimi, i cili u zhvillua në kështjellën “Norman-Shuar”.

Në këtë eveniment, nga Kosova mori pjesë edhe poeti Mehdi Krasniqi, i cili u vlerësua me çmimin “Ambasador i Kosovës”, me titullin “Anëtar nderi i Akademisë” dhe me medaljen “Seneka”. /A.Z/UBT News/

Continue Reading

Kulturë

Sonte jepet premiera e shfaqjes ‘Sytë e Ujkut’

Published

on

Shfaqja “Sytë e ujkut”, me tekst të Doruntina Bashës dhe regji të Kushtrim Koliqit, do të vijë për herë të parë para publikut më 8 tetor.

Premiera do të zhvillohet vetëm me ftesa, ndërsa reprizat e para do të mbahen më 9, 10 dhe 11 tetor, të hapura për publikun, por me rezervim paraprak të ulëseve.

Shfaqja do të interpretohet në Barabar Centre, duke filluar nga ora 20:00.

Në skenë do të ngjiten aktorët Irena Aliu, Edona Reshitaj, Armend Smajli dhe Albina Krasniqi, të cilët do të sjellin personazhet e tyre në këtë produksion të ri teatror. /A.Z/UBT News/

Continue Reading

Kulturë

Tirana vallëzon në sheshin ‘Skënderbej’, performancë nga International Dance Festival

Published

on

Festivali Ndërkombëtar i Dancit në Tiranë ka zbuluar për artdashësit vendndodhjet e aktiviteteve të tij artistike, që do të zhvillohen nga data 9 deri më 25 tetor.

Ky është edicioni i katërt, këtë vit vjen nën drejtimin e një prej emrave më të njohur shqiptarë në skenën ndërkombëtare, Angelin Preljocaj.

Gjatë tre javëve të festivalit, publiku do të ketë mundësinë të ndjekë krijimet më të reja të mbi 13 koreografëve e kompanive ndërkombëtare.

Programi çelet me katër performanca publike në hapësira të ndryshme të qytetit dhe pesë shfaqje në skenat e Teatrit Metropol dhe Teatrit Kombëtar të Operas dhe Baletit. Më 9 tetor, festivalin e hapin dy performanca të hapura për publikun, njëra në Qendrën Komunitare “Të qëndrojmë së bashku” dhe tjetra në sheshin Skënderbej, në orët e pasdites.

Më 10 tetor, performancat zhvendosen tek Pazari i Ri, ndërsa më 11 tetor, Teatri Metropol do të presë tre shfaqje paradite. Në mbrëmje, artistët do të ngjiten në skenë me veprën “Puls” nga Jiri Kylian, Robert North dhe Edi Blloshmi, e cila do të reprizohet edhe natën pasuese.

Ky edicion do të zhvillohet në 11 skena të ndryshme, duke ofruar 15 premiera, 9 aktivitete publike falas dhe masterclass-e që e lidhin festivalin me gjithë qytetin.

Ky aktivitet realizohet me mbështetjen e Bashkimit Evropian përmes programit EU4Culture, duke sjellë në Tiranë emra të njohur të kërcimit bashkëkohor përkrah një brezi të ri koreografësh, në një dialog të pasur mes gjuhëve të ndryshme artistike. /A.Z/UBT News/

Continue Reading

Lifestyle

Ngjyra e flokëve që freskon fytyrën dhe nxjerr tiparet në pah

Published

on

Ngjyra e duhur e flokëve bën mrekulli për pamjen, ajo mund të freskojë fytyrën, të theksojë tiparet e t’ju bëjë të dukeni më të rinj.

Nga ana tjetër, një ngjyrë që nuk i përshtatet tonit të lëkurës mund t’ju lodhë pamjen ose t’ju japë një efekt më të vjetër.

Prandaj, zgjedhja e ngjyrës ideale nuk është thjesht ndjekje trendesh, por gjetja e nuancës që harmonizohet me koloritin tuaj natyral.

Si të dini cila ngjyrë ju shkon më mirë?

Një mënyrë e thjeshtë për të identifikuar tonin e lëkurës është të shikoni venat në kyçin e dorës: Nëse venat duken blu ose vjollcë → keni nën-ton të ftohtë. Nëse venat duken jeshile → nën-toni juaj është i ngrohtë. Nëse shihni një përzierje → keni ton neutral.

Për tonet e ngrohta të lëkurës, nuancat me shkëlqim të artë, bakri, çokollatë e ngrohtë, blu e artë ose ngjyrë mjalti duken më bukur.

Për tonet e ftohta, më të përshtatshme janë ngjyrat e hirit, blu e ftohtë, kafe hiri ose kafe e errët pa reflektime të kuqërremta.

Nëse nuk jeni të sigurt, shikoni se cila prej bizhuterive ju shkon më shumë. Argjendi i përshtatet tonit të ftohtë, ndërsa ari duket më bukur tek tonet e ngrohta.

Flokë blu apo kafe – çfarë të zgjidhni?

Ngjyrat blu mund të freskojnë fytyrën dhe t’i japin një pamje më të lehtë, ndërsa nuancat kafe duken elegante, sofistikuese dhe natyrale.

Flokët me nuanca të kuqërremta ose bionde të ngrohta i shkojnë mirë personave me sy të hapur dhe ton të ngrohtë lëkure.

Nuancat e errëta blu ose hiri i përshtaten personave me ton të ftohtë lëkure.

Tonet kafe janë falënderuese: kafe e artë ose çokollatë për tonet e ngrohta dhe espresso ose kafe e errët për tonet më rozë ose porcelani.

A na shkon ngjyra e flokëve që kishim si fëmijë?

Shumë shpesh po. Ngjyra natyrale në fëmijëri harmonizohet me tonin e lëkurës e ngjyrën e syve. Edhe pse flokët ndryshojnë me moshën, nuanca origjinale është pika më e mirë për të zgjedhur ngjyrën e re.

Nëse doni të dukeni natyrale dhe të freskët, rikthimi tek ngjyra e fëmijërisë mund të jetë zgjidhja ideale.

Këshilla për zgjedhjen e nuancës ideale

Zgjidhni një ngjyrë që nuk ndryshon më shumë se 2-3 nivele nga ajo natyrale, për të ruajtur harmoninë në fytyrë. Nëse doni një ndryshim, provoni teknika si balayage ose babylights, që japin dimension pa ndryshuar shumë ngjyrën.

Gjëja më e rëndësishme: ngjyra e flokëve duhet të nxjerrë në pah personalitetin dhe bukurinë tuaj natyrale, jo të ndjekë vetëm një trend. /A.Z/UBT News/

Continue Reading

Të kërkuara