

Aktualitet
Shërbimi ushtarak i detyrueshëm nuk është në plan për dy vitet e para të Qeverisë Kurti
Published
4 years agoon
By
Betim GashiMinistri i Mbrojtjes, Armend Mehaj ka thënë se kanë nevojë për mbështetje sa i përket rritjes së buxhetit për FSK-në dhe lirim nga doganat. Ai ka raportuar para Komisionit për Çështje të Sigurisë dhe Mbrojtjes, ku tha se ndër prioritet e tij është fuqizimi i mbikëqyrjes demokratike civile në FSK që sipas tij është e dobësuar. Në raportimin e tij të parë para deputetëve, Mehaj është përgjigjur edhe rreth mundësisë për shërbimin e obligueshëm ushtarak, për çka ka thënë se një plan i tillë nuk pritet të bëhet në dy vitet e para të qeverisjes.
Ministri i Mbrojtjes, Armend Mehaj ka folur për objektivat e ministrisë të cilën e drejton që prej 23 marsit të këtij viti ku ka theksuar që synojnë forcimin ushtarak, rritjen e transparencës, zgjerimin e bashkëpunimit bilateral anëtarësimin në organizata e pjesëmarrje në operacione ndërkombëtare.
“Mbikëqyrja demokratike civile në FSK është pak e dobësuar në substancë, aty lypet edhe ndryshime, do të flas më vonë në raport. Tash qysh do të punojmë tutje, përmes pikave, fuqizimi i mbikëqyrjes demokratike civile dhe përmes llogaridhënies dhe transparencës, përmes amendamentimit të kornizës ligjore në fushën e mbrojtjes, rritja e kontrollit të brendshëm, mundësi të barabarta, menaxhimi i aseteve dhe burimeve njerëzore, shfrytëzimi racional i parasë publike, këtu kemi pak punë brenda sistemit”, tha Meha.
Para deputetëve të Kuvendit të Kosovës, Mehaj ka thënë se u nevojitet mbështetje sa i përket rritjes së buxhetit për FSK-në.
“Kemi nevojë për mbështetje për të rritur buxhetin, kemi përmend edhe përmes qeverisë, tjetra pikë që kam lyp mbështetje është të lirohemi nga doganat dhe shlyerjen e borxhit të doganave, e kemi një borxh të caktuar në dogana, por edhe çdo mall që na vjen përmes Ministrisë së Mbrojtjes ne paguajmë doganë, rimbursimi na shkon 12 deri 14 muaj. Sa i përket forcimit ushtarak, ne do të punojmë në drejtimin e vazhdimit të planit për forcimin e regjimenteve si t’i kryejnë detyrat në mbrojtje të territorit të Kosovës, në atë kuptimin të forcohemi ushtarakisht përmes armatimit sa i përket këtyre detyrave për mbrojtjen e territorit të Kosovës”, ka thënë Meha.
Ministrin Mehaj, i cili ka shërbyer në ushtrinë e Norvegjisë, e kanë pyetur edhe sa është e qëlluar që ai tani të ushtrojë kontroll civil, meqë është ish-ushtarak.
“Folët shumë për kontrollin civil të ushtrisë, unë kam parë se tre ministrat e Mbrojtjes të fundit të Norvegjisë, nuk kam parë asnjë ushtarak me profesion që ka qenë, jeni ushtarak me profesion, ushtarak i rangut të mesëm, çfarë mendoni sa është e qëlluar dhe sa është realisht reale që të ushtroni kontroll civil si ish-ushtarak”, ka thënë deputeti i PDK-së, Elmi Reçica.
Ministri i Mbrojtjes shkurt ka treguar se ka shërbyer edhe civil në Norvegji, derisa tutje është përgjigjur rreth idesë për shkollimin e detyrueshëm ushtarak, gjë e cila synohej nga Qeveria Kurti 1.
Mehaj ka thënë se plani për shërbimin ushtarak të obligueshëm nuk pritet të bëhet në dy vitet e para, veçse vazhdon të mbetet plan për të ardhmen.
“Sa i përket profesionit, kam qenë edhe ushtarak edhe civil në Norvegji, kështu që puna duhet të dëshmojë të vetën. Besoj që një plan do të kemi në të ardhmen por së pari merr kohë, siç e dini duhen shumë dikastere të involvuara për të hartuar një plan sa i përket detyrimit ushtarak, sa buxhet duhet për detyrim ushtarak, këtu duhet me të vërtetë edhe më shumë kohë, sepse së pari duhet një plan gjithëpërfshirës, tani duhet kazerma ushtarake, vende për me t’i kryer këto detyra sa i përket obligimit ushtarak, kështu në të ardhmen do ju përgjigjem, por nuk besoj që në këtë vitin e parë e të dytin është e mundur të realizojmë këtë projekt, por në plan qeverisës është”, ka thënë ai.
Ministri i Mbrojtjes është përgjigjur edhe rreth pjesëmarrjes së FSK-së në misione paqeruajtëse jashtë vendit, për çka ka thënë se presin që së shpejti të jenë pjesëmarrës edhe në operacione të tjera përveç në Kuvajt ku po qëndrojnë aktualisht.
Mehaj ka folur edhe për vizitën e tij të parë zyrtare në Kroaci ku ka treguar se kanë diskutuar për blerje ushtarake. Ai gjithashtu ka bërë të ditur se synojnë që të nënshkruajnë një marrëveshje brenda muajit maj për shkëmbim informacionesh dhe përvojash me Kroacinë.
Aktualisht Forca e Sigurisë së Kosovës ka 2 mijë e 700 pjesëtarë aktivë derisa është në proces të rekrutimit edhe të 400 pjesëtarëve të rinj.

Presidenti amerikan Donald Trump ka thënë se Apple duhet të prodhojë iPhone-t e saj në Shtetet e Bashkuara të Amerikës ose do të përballet me tarifë 25 për qind.
“Kam informuar Tim Cook të Apple shumë kohë më parë se pres që iPhone-ët të shiten në Shtetet e Bashkuara të Amerikës dhe të prodhohen në SHBA, jo në Indi apo kudo tjetër. Nëse nuk është kështu, Apple do të duhet të paguajë një tarifë prej të paktën 25% për Shtetet e Bashkuara,” shkroi Trump në Truth Social, raporton KosovaPress.
Gjatë vizitës së tij në Lindjen e Mesme javën e kaluar, Trump shprehu pakënaqësinë me planin e Apple për të prodhuar iPhone në objektet e reja të ndërtuara në Indi.
Apple ka punuar për të diversifikuar prodhimin vitet e fundit dhe disa prodhime të iPhone tashmë janë zhvendosur në Indi.
Kryeshefi i kompanisë Tim Cook tha gjatë një telefonate me investitorët në fillim të muajit se ai pret që “shumica e iPhone-ve të shitur në SHBA do të kenë Indinë vend të origjinës”.
Cook shtoi se Apple pret kosto doganore deri në 900 milionë dollarë këtë tremujor.
Muajin e kaluar, Trump vendosi të përjashtojë pajisjet elektronike nga tarifat e rënda që vendosi për mallrat kineze, gjë që ishte një fitore e madhe për Apple dhe kompanitë e tjera amerikane të teknologjisë.
Tim Cook takoi Trump të martën në Shtëpinë e Bardhë, konfirmoi një zyrtar i administratës për CNN, por nuk zbuloi detaje.
Bota
Presidentja e Sllovenisë akuza Izraelit për gjenocid në Gaza
Published
2 hours agoon
May 23, 2025By
UBTnews
Presidentja e Sllovenisë, Natasa Pirc Musar, ka bërë një deklaratë të fortë në Parlamentin Evropian, duke e cilësuar ofensivën e Izraelit në Gaza si “gjenocid”. Në fjalimin e saj të mbajtur gjatë vizitës së parë zyrtare në Bruksel, ajo shprehu shqetësim të thellë për situatën humanitare në Lindjen e Mesme dhe kritikoi heshtjen e bashkësisë ndërkombëtare.
“Ky është gjenocid,” deklaroi Pirc Musar. “Unë do të guxoj ta them këtë këtu dhe sot, në Parlamentin Evropian. Ne jemi dëshmitarë të gjenocidit. Po e shohim, po e shikojmë dhe po heshtim.”
Presidentja sllovene dënoi qartë veprimet izraelite në Gaza, ku, sipas saj, që nga fillimi i marsit deri në këtë javë, Izraeli ka bllokuar ndihmën humanitare, duke thelluar tragjedinë humanitare. Ajo theksoi se, ndonëse shtetet anëtare të BE-së kanë qëndrime të ndryshme për konfliktin, asnjë vend nuk duhet të harrojë detyrimet që rrjedhin nga ligji ndërkombëtar humanitar.
Konflikti në Lindjen e Mesme ishte ndër temat kryesore të takimeve të saj me presidentin e Këshillit Evropian, Charles Michel, dhe presidenten e Komisionit Evropian, Ursula von der Leyen. Të dy liderët, sipas Pirc Musar, e siguruan se Bashkimi Evropian do të angazhohet më fuqishëm në nismat për paqe dhe stabilitet në rajon.
Një tjetër çështje qendrore e vizitës së presidentes sllovene në Bruksel ishte zgjerimi i BE-së. Ajo e quajti këtë proces një “domosdoshmëri gjeopolitike dhe detyrim moral”, duke theksuar nevojën për përshpejtimin e integrimit të Ballkanit Perëndimor, Ukrainës dhe Moldavisë.
Pas takimit me komisioneren për zgjerimin, Marta Kos, Pirc Musar tha se ndajnë të njëjtin vizion për zgjerimin si një investim strategjik në paqe, stabilitet dhe të ardhme të përbashkët evropiane.
Deklaratat e saj në Bruksel pritet të nxisin debat në rrafshin diplomatik, sidomos për tonin e saj të hapur dhe akuzat e drejtpërdrejta ndaj Izraelit, një vend tradicionalisht i mbështetur nga disa shtete anëtare të BE-së. Ndërkohë, Pirc Musar ka theksuar nevojën për një Evropë më të bashkuar, më të ndjeshme ndaj të drejtave të njeriut dhe më aktive në skenën ndërkombëtare.
Bota
Lavrov: Vatikani i papërshtatshëm për bisedimet e paqes
Published
2 hours agoon
May 23, 2025By
UBTnews
Ministri i Jashtëm rus, Sergei Lavrov nuk e sheh Vatikanin si një vend të përshtatshëm për negociata të reja për t’i dhënë fund luftës së Moskës kundër Ukrainës. Lavrov tha se opsioni i Vatikanit nuk ishte realist për Moskën.
“Imagjinoni Vatikanin si një vend për negociata. Është disi e pahijshme kur vendet ortodokse diskutojnë çështje në një platformë katolike që kanë të bëjnë me eliminimin e shkaqeve të konfliktit”, tha Lavrov.
Presidenti amerikan, Donald Trump ka sugjeruar Vatikanin si vendin e negociatave – pas një bisede telefonike me presidentin rus Vladimir Putin.
Lavrov tha se kishte “spekulime” rreth asaj se kur dhe ku mund të organizohej një takim i ri i përfaqësuesve nga Rusia dhe Ukraina.
Ministri i Jashtëm, Lavrov akuzoi Kievin se kërkon të shkatërrojë Kishën Ortodokse të Ukrainës.
“Mendoj se nuk do të ishte shumë e këndshme për Vatikanin të priste delegacione nga dy vende ortodokse në këto rrethana”, tha ai./atsh
Bota
Trump rekomandon tarifa prej 50% për importet e BE-së duke filluar nga 1 qershori
Published
3 hours agoon
May 23, 2025By
UBTnews
Presidenti i SHBA-së, Donald Trump ka rekomanduar që eksportet nga Bashkimi Evropian në Shtetet e Bashkuara të Amerikës – t’i nënshtrohen një tarife prej 50%, sipas një postimi në “Truth Social”.
“Blloku, i cili u formua me qëllimin kryesor për të përfituar nga Shtetet e Bashkuara të Amerikës në TREGTI, ka qenë shumë i vështirë për t’u trajtuar”, tha Trump duke kritikuar BE-në.
“Barrierat e tyre të fuqishme Tregtare, Taksat e TVSH-së, Gjobat qesharake të Korporatave, Barrierat Tregtare Jo-Monetare, Manipulimet Monetare, paditë e padrejta dhe të pajustifikuara kundër Kompanive Amerikane dhe më shumë”, tha presidenti amerikan duke përshkruar një listë të gjatë ankesash.
Presidenti Trump tha se bisedimet tregtare me Brukselin “nuk po shkonin gjëkundi” dhe se për këtë arsye ai kërkonte një tarifë të drejtpërdrejtë prej 50% për të gjitha importet e BE-së – duke filluar nga 1 qershori.
Trump – siç ka bërë në postime të tjera – rreth politikave të tij të diskutueshme tregtare, u kujtoi lexuesve se nuk ka tarifë nëse një produkt prodhohet në SHBA./atsh

Miley Cyrus foli për problemin shëndetësor dhe varësinë ndaj alkoolit

Netflix nis ndërtimin e një mega-studioje prej 903 milionë dollarësh në New Jersey

Multivitaminat, të dobishme apo të tepërta?

Prokuroria e Kosovës ngre aktakuzë ndaj një të dyshuari për spiunazh për inteligjencën serbe

FFK pajtohet me vërejtjet e MKRS-s, Kuvendi i Punës do të përsëritet

“Google” vjen me ndryshime në komunikim

Kallas në Shkup: Plotësoni kushtet

Trump kërcënon Apple me tarifa

Kosova aranzhon miqësore me një përfaqësuese të vogël
Të kërkuara
-
Lajmet1 month ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT4 weeks ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT3 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati