Lajmet

​Sekretari i Kuvendit: Deputetët nuk kompensohen për karburante, por për shpenzime të rrugës

Para komisionit, Krasniqi sqaroi edhe formën e kompensimit të shpenzimeve të udhëtimit të deputetëve.

Published

3 years ago

on

Kuvendi i Kosovës ka shpenzuar mbi 8 milionë euro gjatë vitit 2021. Rreth 6 milionë prej tyre kanë qenë në kategorinë për paga dhe shtesa.

Sekretari i Kuvendit, Ismet Krasniqi, gjatë raportimit në Komisionin për Buxhet, Punë dhe Financa, tha se për shkak të pandemisë ka pasur më pak aktivitete të legjislativit dhe rrjedhimisht ka pasur më shumë kursime në gjitha kategoritë e shpenzimeve.

Para komisionit, Krasniqi sqaroi edhe formën e kompensimit të shpenzimeve të udhëtimit të deputetëve. Ai tha se të zgjedhurit e popullit nuk kompensohen për karburante, po për shpenzime të rrugës qoftë me veturë apo taksi.

“Shpenzimet për vitin 2021 për katër programet e lartcekura janë në shumën prej 8 milionë e 83 mijë e 381 euro. Në kategorinë paga dhe shtesa shuma është diku 6 milionë e 805 mijë, ose 99.9 përqind e buxhetit përfundimtar. Kurse, mallra dhe shërbime 773 mijë e 577 euro, ose 89.56 përqind e buxhetit përfundimtar. Shpenzimet komunale 170 mijë e 932 euro, ose 100 përqind e buxhetit përfundimtar. Subvencione dhe transfere 9 mijë 800 euro dhe shpenzimet kapitale 323 mijë euro. Për shkak të pandemisë ka pasur më pak aktivitete dhe si rrjedhojë ka pasur edhe kursime në të gjitha kategoritë e shpenzimeve”, tha ai.

Shqetësime për ngritje të shpenzimeve zyrtare ngriti deputeti i PDK-së, Ferat Shala.

“Kemi rritje të shpenzimeve zyrtare, krahasuar me vitin 2020. Pse është kjo rritje e shpenzimeve zyrtare në kohë pandemie, kur edhe institucionet e vendit kanë qenë të mbyllura. Apo shpenzimet e udhëtimeve zyrtare, nga 40 mijë euro kanë shkuar në 61 mijë e 258 euro. Po ashtu kemi rritje të shpenzimeve të tjera nga 91 mijë sa kanë qenë vitin 2020, kanë kaluar në 159 mijë”, tha ai.

Mirëpo, sekretari, Krasniqi tha se dallimi ndërmjet viteve është vetëm 7 mijë euro, pavarësisht se në vitin 2021 ka pasur më shumë aktivitete.

Krahas kësaj, ai tha se deputetët nuk marrin pagesë për karburante dhe s’ka asnjë linjë buxhetore për një gjë të tillë.

“Deputetët nuk paguhen për karburante. Paga e deputetit ka siç thamë pesë burime, është paga bazë, pjesa funksionale janë kompensimet e seancës dhe komisione parlamentare, shpenzimet e rrugës dhe shujtat ditore. Të gjitha këto llogariten si një hyrje të deputetit, pra nuk ka zë buxhetor për karburante për buxhet dhe nuk është e qëndrueshme. Deputetët kompensohen për shpenzime të rrugës, qoftë me taksi, qoftë me veturë apo autobus, por nuk ka të bëjë karburant për deputetin”, ka thënë Krasniqi.

Në këtë temë u përfshi edhe deputeti i AAK-së, Pal Lekaj, i cili kritikoi Kuvendin për mungesë sqarimi me kohë për kompensimin e udhëtimit të deputetëve.

“Më vjen keq që është bërë e gjithë ajo zhurmë për deputetët për me zhvesh deputetin. Nëse është politikë e dikujt se edhe ky institucion të zhvishet komplet dhe mos të ketë një rëndësi të veçantë, votë e qytetarëve, atëherë nuk e di ku do të na çojë kjo. Edhe për medie po e them se më vjen shumë mirë se pas shumë ditëve bëhet sqarimi qysh nuk ka kartela për derivate, nuk llogariten derivatet, por llogaritet shpenzimi. Nisem prej vetes, për 2 muaj 40 takime i kam pasur dhe adresën e përhershme e kam në Gjakovë”, tha ai.

Komisioni as në seancën e sotme nuk gjeti pajtueshmëri për shqyrtimin e kërkesës për caktimin e lartësisë së kompensimit të deputetit për funksionin udhëheqës dhe kompensimin e shpenzimeve.

PDK dhe AAK e refuzuan një kërkesë të tillë dhe thanë se paga e deputetit duhet të rregullohet në Ligjin e Pagave dhe jo në këtë formë. Ndërsa nga Lidhja Demokratike e Kosovës kërkuan sqarime shtesë për shifrat e kompensimeve të deputetit dhe për praktikat ndërkombëtare.

Megjithatë, kryetari i Komisionit, Armend Muja, tha se propozimi për vendimmarrje për këtë temë do të jetë në mbledhjen e radhës të komisionit.

Ndërkohë, në rend të ditës ishte edhe raportimi i BQK-së për raportin e progresit për vitin 2021 mirëpo për shkak të agjendës së guvernatorit, Fehmi Mehmeti u vendos që raportimi të ndodhë javën e ardhshme.

Related Topics:
Continue Reading

Lajmet

Përmbyllet protesta kundër Gjykatës Speciale

Published

5 hours ago

on

August 7, 2025

By

Lajm i përditësuar

Me përfundimin e fjalimit të Ali Ahmetit, njërit prej ish-themeluesve të Ushtrisë Çlirimtare të Kosovës (UÇK), është shpallur e përfunduar protesta kundër gjykimit të ish-krerëve të UÇK-së nga ana e Dhomave të Specializuara në Hagë.

Qindra qytetarë nga e gjithë Kosova, por edhe nga treva të tjera shqiptare, u mblodhën në sheshin qendror të Prishtinës për të shprehur kundërshtimin e tyre ndaj, siç u cilësua, “padrejtësive” që po u bëhen ish-pjesëtarëve të UÇK-së.

Motoja e protestës “Kundër padrejtësisë! Në mbrojtje të UÇK-së dhe së vërtetës” u shoqërua me pankarta dhe flamuj kombëtar, të cilët protestuesit i mbanin lart gjatë gjithë tubimit.

Ndërsa disa komuna ofruan transport falas për qytetarët që dëshironin të merrnin pjesë në protestë. Një pjesë e konsiderueshme e tyre kishte arritur në Prishtinë që në orët e hershme të mëngjesit.

Gjatë fjalimeve të mbajtura në shesh, u theksua se qëndrimi i protestuesve nuk është kundër drejtësisë, por kundër, siç u tha, njëanshmërisë dhe selektivitetit të Gjykatës Speciale në adresimin e krimeve të luftës.

Protesta përfundoi në mënyrë paqësore, pa incidente, ndërsa organizatorët paralajmëruan se nuk do të ndalen së kërkuari drejtësi për luftën e UÇK-së dhe do të vazhdojnë angazhimin qytetar për të mbrojtur, sipas tyre, të vërtetën historike.

17:49 – Hetuesja në rastin e gjykimit të Sllobodan Millosheviqit, Neveka Tromp, ka kritikuar zvarritjen e procesit ndaj ish-krerëve të UÇK-së.

Tromp, në protestën kundër Gjykatës Speciale, ka thënë se të akuzuarit mbështetën krijimin e Speciales sepse besonin në drejtësi dhe ndershmëri.

“Ata që sot po akuzohen ishin vetë ata që mbështetën krijimin e Dhomave të Specializuara, sepse besonin në drejtësi dhe ndershmëri,” u shpreh Tromp.

Ajo theksoi se ligjet që rregullojnë luftën janë krijuar për të mbrojtur çlirimtarët, e jo për t’i ndëshkuar ata.

“Gjykata duhet të veprojë në mënyrë profesionale. Nëse drejtësia zbatohet në mënyrë selektive, ajo rrezikon të kthehet në padrejtësi. Në raste të tilla, gjykimet nuk janë për të zbuluar të vërtetën, por janë gjykime të inskenuara.

Ja ku jemi, pesë vjet më vonë, dhe ata ende ndodhen në paraburgim, pa një gjykim të drejtë. Besimi i tyre në drejtësinë e shpejtë është thyer. Por mos harroni – udhëheqësit që sot po akuzohen, janë ata që mbështetën krijimin e këtyre dhomave. E bënë këtë duke qenë të vetëdijshëm për rrezikun.

Pse? Sepse ata besuan në drejtësinë e kauzës së tyre. Besuan se lufta ishte e drejtë, një luftë e lejuar. Ata luftuan dhe fituan. Shkuan në Hagë sepse besonin në drejtësi dhe ndershmëri – besonin në sundimin e ligjit dhe në aftësinë e gjykatës.

Ata besuan se ligjet që rregullojnë luftën janë krijuar për të mbrojtur çlirimtarët e lirisë, dhe jo për t’i ndëshkuar”, ka thënë ajo.

17:15 – Nën brohoritjet e shumta UÇK në Prishtinë ka nisur protesta gjithëpopullore në mbrojtje të vlerave të luftës çlirimtare dhe ish-krerëve të saj që po mbahen padrejtësisht nga Gjykata Speciale.

Në protestë po marrin pjesë një numër i madh i qytetarëve nga e gjithë Kosova e më gjerë, raporton KosovaPress.

‘Skënderbeu’ nis të mbushet me qytetarë në mbrojtje të vlerave të luftës së UÇK-së

“Kundër padrejtësisë! Në mbrojtje të UÇK-së dhe së vërtetës” është motoja e protestës.

Ish-krerët e Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi e Rexhep Selimi ndodhen në paraburgim në Hagë prej nëntorit 2020.

Ata ngarkohen për krime lufte, teksa janë deklaruar të pafajshëm për të gjitha pikat e aktakuzës. Gjykimi ndaj tyre nisi më 3 prill 2023.

Continue Reading

Lajmet

​Barduani takon Sorensen, Orav e Barbano në selinë e KFOR-it

Published

8 hours ago

on

August 7, 2025

By

Kreu i KFOR-it gjeneral major Enrico Barduani, priti sot në takim emisarin special të BE-së për dialogun Peter Sorensen, përfaqësuesin special të BE-së për Kosovën, Aivo Orav dhe shefin e EULEX-it Giovanni Pietro Barbano.

Në takim u diskutua mbi zhvillimet më të fundit mbi situatën e sigurisë në Kosovë dhe mbështetjen e vazhdueshme të KFOR-it për dialogun e lehtësuar nga BE-ja midis Kosovë dhe Serbisë, raporton KosovaPress.

Gjenerali Barduani nënvizoi rëndësinë e bashkëpunimit të qëndrueshëm me institucionet evropiane në Kosovë dhe midis partnerëve ndërkombëtarë të angazhuar në stabilitetin rajonal, thuhet në njoftimin e KFOR-it.

Vizita dëshmon angazhimin e përbashkët të NATO-s dhe BE-së për paqe të qëndrueshme, dialog rajonal dhe një mjedis të sigurt për të gjitha komunitetet në Kosovë.

Continue Reading

Lajmet

Lëngu i panxharit ul tensionin e gjakut tek të moshuarit, ja çfarë thotë studimi i ri

Published

8 hours ago

on

August 7, 2025

By

Lëngu i panxharit njihet për aftësinë e tij për të ulur në mënyrë natyrale tensionin e gjakut, falë përmbajtjes së lartë të nitrateve.

Një studim nga Universiteti i Exeter përforcon përfitimet për të moshuarit. Sipas gjetjeve, efekti pozitiv i këtij lëngu lidhet me ndryshime specifike në mikrobiomën orale të të moshuarve. Studimi, i botuar në Free Radical Biology and Medicine, krahasoi dy grupmosha: 39 të rritur nën moshën 30 vjeç dhe 36 të rritur të moshës 60–70 vjeç.

Pjesëmarrësit konsumuan dy herë në ditë për dy javë një koncentrat lëngu panxhari të pasur me nitrate. Për dy javë të tjera morën suplement placebo pa nitrate, me një periudhë “pastrimi” prej dy javësh ndërmjet tyre.

Rezultatet treguan se konsumi i lëngut të panxharit solli një ulje të ndjeshme të presionit të gjakut vetëm tek grupi i të moshuarve.

Në të dy grupmoshat u vunë re ndryshime në mikrobiomën orale, por modelet ishin të ndryshme. Tek të moshuarit u vu re rënie e baktereve të gjinisë Prevotella dhe një rritje e baktereve të dobishme si Neisseria, të cilat lidhen me shëndet më të mirë oral dhe kardiovaskular.

Profesoresha Dr. Anni Vanhatalo, e cila udhëhoqi studimin, shpjegon: “E dimë që njerëzit e moshuar prodhojnë më pak oksid nitrik me kalimin e moshës dhe kanë tendencë të kenë presion më të lartë të gjakut, faktorë të lidhur me ndërlikime kardiovaskulare si goditja në tru dhe infarkti. Përmirësimi i dietës së tyre me perime të pasura me nitrate mund të jetë shumë i dobishëm në planin afatgjatë.”

Ajo shton, “nëse dikush nuk është i dhënë pas panxharit, mund të zgjedhë burime tjera të pasura me nitrate, si spinaqi, rukola, kopra, selinoja dhe lakra.”

Bashkautori i studimit, Profesor Dr. Andy Jones, thekson: “Hulumtimi tregon se nitratet dietike ndikojnë në mikrobiomën orale në mënyrë që mund të ndihmojë në uljen e inflamacionit dhe tensionit të gjakut tek të moshuarit. Këto gjetje hapin rrugën për studime të ardhshme më të mëdha që do të shqyrtojnë ndikimin e stilit të jetesës dhe gjinisë në reagimin ndaj suplementeve me nitrate.”

Studimi thekson edhe një herë rëndësinë e ushqyerjes si mjet parandalues, sidomos në moshat e vjetra, duke treguar se edhe ndërhyrjet e vogla ditore mund të sjellin përfitime të mëdha për shëndetin.

 

 

Continue Reading

Aktualitet

​Bullgaria dërgon një kontingjent ushtarak në KFOR

Published

8 hours ago

on

August 7, 2025

By

Një kontingjent prej 97 ushtarakësh u dërgua përmes një ceremoni zyrtare para Bashkisë së Shumenit për të marrë pjesë në misionin KFOR në Kosovë.

Në ceremoni morën pjesë zëvendësshefi i Mbrojtjes gjenerallejtënant Mikhail Popov, admirali i Flotës Galin Manev, zëvendëskomandanti i Komandës së Forcave të Përbashkëta, gjeneral brigade Plamen Yordanov, zëvendëskomandanti i Forcave Tokësore, guvernatorja e rajonit Shumen Katya Ivanova, kryetarja e Këshillit Bashkiak Shumen Asya Asparuhova dhe zëvendëskryetari i Bashkisë Shumen, Nikolay Kolev.

“E di që shumica prej jush keni marrë pjesë në misione. Misionet nuk janë të njëjta. Çdo javë dhe çdo ditë është e ndryshme. Situata në Kosovë është aktualisht e qëndrueshme, por mund të ndryshojë ndjeshëm brenda disa orësh. Prandaj, jini të përgatitur të reagoni në mënyrë adekuate. Ndiqni procedurat standarde të operimit dhe urdhrat e komandantëve tuaj”, theksoi Popov.

“Jam i sigurt se përvoja dhe përgatitja juaj do t’ju lejojnë të performoni në një nivel të lartë. Gjithmonë mbani një mendim në kokën tuaj në Kosovë ju nuk përfaqësoni Batalionin e 29-të të Mekanizuar, ju nuk përfaqësoni Forcat Tokësore. Para aleatëve tanë ju përfaqësoni Ushtrinë Bullgare, dhe para popullsisë lokale dhe autoriteteve lokale, ju jeni përfaqësues të NATO-s”, theksoi Popov.

Kolev i dhuroi kontingjentit një ikonë të Shën Gjergjit Fitimtar dhe iu drejtua ushtarakëve me fjalët: “Kur një ushtar bullgar del përtej kufijve të Bullgarisë, kjo gjithmonë shoqërohet me një mision dhe detyrë të përgjegjshme ndaj atdheut.

“Sot po ju dërgojmë ju, ushtarakët e kompanisë së manovrimit të batalionit të 29-të të mekanizuar, dhe të gjithë besojmë në përgatitjen, profesionalizmin dhe disiplinën tuaj të mirë”, tha ai.

 

Continue Reading

Të kërkuara