Sport

Rooney këshillon Solskjaerin: Ja ku duhet të luajë Ronaldo

Published

4 years ago

August 30, 2021

Betim Gashi

Ish-sulmuesi i Manchester United, Wayne Rooney e ka këshilluar trajnerin e Manchester United Ole Gunnar Solskjaer në lidhje me pozitën se ku duhet ta aktivizojë Cristiano Ronaldon.

Ylli portugez u rikthye në “Old Trafford” pasi u largua nga Juventusi një javë pas fillimit të sezonit të ri në Serie A.

Ish-sulmuesi anglez ka thënë se Ronaldo duhet të luajë në rolin e sulmuesit kryesor për “Djajtë e Kuq”.

“Ku duhet të luajë Ronaldo? Si sulmues”, u tha gazetarëve Rooney, i cili tani menaxhon Derby Countyn.

“Ai është një sulmues dhe nëntë lojtarët e tjerë ndoshta do të duhet të bëjnë pak më shumë punë. Kur keni dikë si Cristiano, ju doni që ai të jetë i freskët në fushë. Ai ende dëshiron të jetë më i miri dhe jam i sigurt se ai do të ketë një ndikim të madh tek ata këtë sezon. Për lojtarët e rinj si Mason Greenëood, Marcus Rashford dhe Scott McTominay, të kenë Cristianon aty është një ndihmë e madhe për ta”, deklaroi ai.

Ronaldo është ofrimi i fundit i profilit të lartë në United pasi ata sollën anësorin Jadon Sancho dhe qendërmbrojtësin Raphael Varane, dhe Rooney tha se presioni tani është mbi trajnerin Ole Gunnar Solskjaer për të filluar me fitimin e trofeve të mëdhenj.

Related Topics:Manchester United Wayne Rooney

Up Next

Challandes: Koha ta rindërtojmë një skuadër të suksesshme, tani do të jem më i ashpër

Don't Miss

Pochettino për Messin: Nuk është në formë

Sport

Zyrtare: Bylbyl Sokoli sërish kryetrajner i Drenicës

Published

21 minutes ago

April 2, 2025

Albina Zeneli

Drenica e ka rikthyer Bylbyl Sokolin si kryetrajner të skuadrës.

Kjo u bë e ditur nga vet klubi drenicas, përmes një postimi në faqen e tyre në Facebook.

Kjo vjen pas largimit të Arsim Thaqit, i cili e kishte zëvendësuar pikërisht Bylbyl Sokolin, i cili ishte larguar nga ekipi pasi i kishte hyrë garës për deputet.

Reagimi i plotë i FC Drenicës:

Pas ndryshimeve në stafin drejtues, klubi ka arritur marrëveshje me trajnerin e ri që do ta udhëheqë ekipin në pjesën e mbetur të sezonit.

Bylbyl Sokoli, trajneri me përvojë të madhe në futbollin kosovar, zyrtarisht është emëruar si kryetrajner i ri i skuadrës.

Me një histori të pasur në zhvillimin e futbollit dhe drejtimin e skuadrave të njohura, besojmë se përvoja dhe vizioni i Sokolit do të jenë vendimtare për të ndihmuar klubin të arrijë objektivat e tij.

Sport

Granit Xhaka përplaset me tifozët e Leverkusenit pas eliminimit nga skuadra e Bundesliga 3

Published

3 hours ago

April 2, 2025

UBT NEWS

Mesfushori i Bayer Leverkusenit, Granit Xhaka, ka pasur një përplasje me tifozët e ekipit të tij pas eliminimit nga gjysmëfinalja e Kupës së Gjermanisë nga klubi i Bundesliga 3, Arminia Bielefeld.

Kalimi i Arminia Bielefeldit në finale ishte një befasi e madhe, ashtu siç ishte edhe eliminimi i Leverkusenit, që shihej si favorit absolut. Ekipi i Xhakës u mposht me rezultatin 2-1 në “Schuco Arena”, duke shkaktuar një tronditje te tifozët.

Ky eliminim ka shpërthyer zemërimin e tifozëve të Leverkusenit, të cilët kishin udhëtuar deri atje për të mbështetur ekipin e tyre dhe kërkuan llogari nga lojtarët pas humbjes. Xhaka, si një nga liderët e skuadrës, ka shkuar te tribuna e tifozëve për të kërkuar falje dhe për të diskutuar me ta.

Por, situata nuk ka kaluar pa tensione. Mesfushori është filmuar duke debatuar me tone të ashpra me disa tifozë, dhe momenti ka bërë xhiron e rrjeteve sociale. Kjo përplasje mes lojtarit dhe tifozëve ka shtuar edhe më shumë tensionin pas një humbjeje të papritur dhe të rëndë për Leverkusenin./UBTNews/

Sport

Federata e Basketbollit të Kosovës njofton për selektorët e rinj te grupmoshat e reja

Published

3 hours ago

April 2, 2025

Albina Zeneli

Janë emëruar përzgjedhësit e grupmoshave të reja të Përfaqësueses së Kosovës në basketboll për meshkuj.

Bordi i FBK-së, pas shqyrtimit të propozimit të paraqitur nga Drejtori i Përfaqësueseve të Kosovës për emërimin e trajnerëve të Përfaqësueseve të Reja (Meshkujt), ka marrë vendime.

Përzgjedhës i Kosovës U20 është emëruar Andin Rashica, ndërsa ndihmës trajnerë do të jenë Endrit Elshani dhe Egzon Uka.

Dion Pllana është caktuar përzgjedhës i Kosovës U18, me Defrim Hashanin si ndihmës trajner.

Përzgjedhës i Kosovës U16 është emëruar Gyltekin Selimi, ndërsa ndihmës trajnerë do të jenë Laurant Ibrahimi dhe Vigan Radoni.

Vendimi për emërimin e përzgjedhësve të rinj do të hyjë në fuqi nga data e miratimit nga Bordi i FBK-së.

Gjithashtu, shumë shpejt, Bordi i Federatës së Basketbollit të Kosovës pritet të emërojë edhe shtabet teknike të Përfaqësueses U16 dhe U18 për femra.

Sport

Golden State ‘fluturon’ me 52 pikët e Stephen Curry

Published

4 hours ago

April 2, 2025

UBT NEWS

Golden State Warriors arritën fitoren e tretë radhazi me një paraqitje mbresëlënëse nga Stephen Curry, i cili shënoi 52 pikë dhe mori 10 rebound, duke udhëhoqur skuadrën në fitoren 134-125 ndaj Memphis Grizzlies. Ky sukses e konsolidon ekipin e Golden State në vendin e pestë në Konferencën Perëndimore, duke u afruar më shumë me pozitat më të larta të renditjes.

Në ndeshjet e tjera, Milwaukee Bucks mundën Phoenix Suns 133-123, me Giannis Antetokounmpo duke realizuar 37 pikë dhe duke dhënë 11 asistime, duke e bërë të pavlefshme performancën fantastike të Devin Booker, i cili shënoi 39 pikë për Phoenix.

Minnesota Timberwolves arritën një fitore dramatike ndaj Denver Nuggets, duke mundur 140-139 në një ndeshje të zhvilluar në kohë shtesë. Anthony Edwards udhëhoqi Minnesota me 34 pikë, ndërsa Nikola Jokić shënoi 61 pikë, 10 rebound dhe 10 asist, por kjo nuk mjaftoi për të siguruar fitoren për Denver.

Rezultatet e tjera të ndeshjeve:

Atlanta Hawks – Portland Trail Blazers: 113-127

Milwaukee Bucks – Phoenix Suns: 133-123

New York Knicks – Philadelphia 76ers: 105-91

Chicago Bulls – Toronto Raptors: 137-116

Memphis Grizzlies – Golden State Warriors: 125-134

San Antonio Spurs – Orlando Magic: 105-116

Denver Nuggets – Minnesota Timberwolves: 139-140