Lajmet

​Rashiq kërkon që Qeveria t’u shkruaj vendeve të QUINT-it për ndalimin e Trajkoviqit

Rashiq tha se këshilltarja e tij tash e 14 orë po qëndron në këtë pikë kufitare me Serbinë, derisa i janë marrë edhe dokumentet.

Published

2 years ago

on

Ministri për Komunitete dhe Kthim, Nenad Rashiq ka kërkuar nga Qeveria e Kosovës që t’u dërgoj shkresa shteteve anëtare të QUINT-it në Kosovës pas mbajtjes që po i bëhet këshilltares së tij në pikën kufitare në Merdarë nga autoritetet serbe.

Rashiq tha se këshilltarja e tij tash e 14 orë po qëndron në këtë pikë kufitare me Serbinë, derisa i janë marrë edhe dokumentet.

“Dje këshilltarja ime duke ardhur nga drejtimi i Beogradit në vendkalimin kufitar në Merdarë është ndaluar 4 orë në hyrje ose në dalje nga Serbia. 4 orë i ka kaluar dhe ajo ka pasur takime të caktuara me ambasadorin Howenier dhe pas këtyre jemi parë shkurtimisht. Dhe në hyrje prapë është ndaluar dhe deri në këto momente derisa po flas ende është duke qenë atje e ndaluar… Atje është tekstualisht 14 orë e mbetur atje, arsyetime juridike nuk kanë, i kanë marr dokumentet dhe ajo pret… Mua më vjen keq që zonja Trajkoviq një grua me moral të lartë ajo u ka ndihmua shumë njerëzve për të shpëtuar dhe unë dëshiroj që t’iu lus e di që nuk është në kompetencën tonë, nëse është e mundur qysh sot nga kabineti të dërgoni një shkresë-kërkesë si të doni anëtarëve të grupit të QUINTI-it të shprehni lutjen për të biseduar me kolegët e vet në Beograd që çështjet e tilla të mos ndodhin sepse nga mëngjesi jam i brengosur”, theksoi ai.

Sipas ministrit Rashiq, këshilltarja e tij, Rada Trajkoviq e cila vuan nga diabeti po kalon një gjendje të vështirë pasi i nevojiten edhe insulina.

Ministri për Komunitete dhe Kthim theksoi se me ardhjen e krerëve të rinj të Agjencisë BIA do të jetë një doktrinë e re për ata që kanë mendim ndryshe nga regjimi aktual i Serbisë.

“Një rast i turpshëm ndaljen e gruas që ka sëmundjen e diabetit dhe është e mëshuar dhe tani është duke kaluar një periudhë shumë të vështirë ka sëmundjen e diabetit asaj i nevojitet rregullisht insulina dhe falënderoj policinë kufitare e cila jo vetëm që ka mundësuar ujë dhe kanë shkuar në Podujevë dhe kanë blerë insulinën…Edhe unë kam pasur raste të tilla jam ndalur në kufi, por për fat timin jo tërë natës siç i ka ndodhur zonjës Trajkoviq, por siç duket do të jetë sistematik sepse nga ardhja e përfaqësuesve të rinj në Agjencinë BIA do të jetë një doktrinë e re ndaj nesh që kemi mendim të lirë dhe ndryshe nga regjimi aktual i Beogradit” , u shpreh ai.

E për ndalimin e Rada Trajkoviqit ka shprehur keqardhje edhe kryeministri i Kosovës, Albin Kurti i cili deklaroi se do të shikoj këtë paradite se çka mund të bëjë që Trajkoviq të hyjë në Kosovë.

“Edhe mua më vjen shumë keq që jemi në një situatë të tillë…do të mund të shoh se çka mund të bëjë sot paradite që zonja Trajkoviq të hyjë në Kosovë”, theksoi ai.

Ndërsa, ministrja e Punëve të Jashtme dhe Diasporës, Donika Gërvalla u shpreh se përmes zyrës në Beograd kanë marrë hapat për informim të zyrës së BE-së. Ndërsa shpreson se brenda një kohe të shkurtër këshilltarja Trajkoviq do të lejohet të lëvizë.

“Përmes zyrës sonë në Beograd kemi ndërmarrë të gjithë hapat zyrtar për informimin e Zyrës së BE-së e cila në njëfarë mënyre është njëfarë garance për lëvizjen e lirë të qytetarëve të Kosovës brenda BE-së. Zyra jonë është aktive në përpjekje për të siguruar një lëvizje. Unë e di që edhe ambasadat e QUINT-it të cilat po ashtu i kam kontaktuar janë në lëvizje edhe në Beograd dhe Prishtinë dhe po shpresojmë që është një çështje e një kohe të shkurt kur zonja Trajkoviq do të mund të lëvizë”, theksoi ajo.

Këshilltarja e ministrit për Komunitet dhe Kthim, Rada Trajkoviq nga dje policia serbe nuk po e lejojnë lëvizjen e saj. Ndërsa ajo ka njoftuar se sot në mëngjes i janë konfiskuar dokumentet.

Ndryshe, më 1 dhjetor të këtij viti kryeministri Albin Kurti, ka emëruar Nenad Rashiq, ministër për Komunitete dhe Kthim në Qeverinë e Republikës së Kosovës. Ky emërim erdhi pas dorëheqjes së ish ministrit, Goran Rakiq për shkak të vendimit të Qeverisë së Kosovës për të riregjistruar targat ilegale serbe në veri të Kosovës.

Related Topics:
Continue Reading

Bota

Von der Leyen: Bashkëpunimi BE-SHBA në interes dypalësh

Published

5 minutes ago

on

January 22, 2025

By

Presidentja e Komisionit të BE-së, Ursula von der Leyen, dhe kancelari gjerman, Olaf Scholz, u shprehën në Forumin Ekonomik Botëror në Davos për rëndësinë e bashkëpunimit të ngushtë mes Bashkimit Evropian dhe Shteteve të Bashkuara të Amerikës.

Von der Leyen paralajmëroi presidentin e ri të SHBA-së, Donald Trump, që të shmangë nisjen e një lufte tregtare me Evropën dhe theksoi gatishmërinë e BE-së për negociata. Ajo theksoi se ekonomitë e BE-së dhe SHBA-së janë të ndërthurura në një masë të jashtëzakonshme dhe se vëllimi i tregtisë mes dy palëve arrin në 1.5 trilion euro, që përfaqëson 30 për qind të tregtisë botërore. “Të dyja palët do të rrezikonin shumë”, tha Von der Leyen.

Kjo deklaratë vjen pas njoftimit të Trumpit gjatë fushatës zgjedhore se kishte për qëllim vendosjen e tarifave të reja për importet, përfshirë një tarifë deri në 60 për qind për mallrat kineze. Trumpi ka shprehur shqetësimin për deficitin tregtar dhe dëshirën për të forcuar prodhimin amerikan.

Kancelari Scholz gjithashtu shprehu shpresën që SHBA të mbetet një aleat i ngushtë i Gjermanisë edhe nën presidencën e Trumpit, por theksoi se duhet të ketë maturi në qëndrimet ndaj SHBA-së, duke shtuar se jo çdo deklaratë ose postim nga Uashingtoni duhet të shkaktojë tensione të mëdha në Evropë. Ai theksoi se bashkëpunimi mes BE-së dhe SHBA-së është kyç për paqen, sigurinë dhe zhvillimin ekonomik global./UBTNews/

Continue Reading

Lajmet

Kontingjenti i FSK-së, pjesë e ushtrimit “Winter EX 2025” në Turqi

Published

12 minutes ago

on

January 22, 2025

By

Kontingjenti i Forcës së Sigurisë së Kosovës, i është bashkuar forcave partnere në ushtrimin ndërkombëtar “Winter EX 2025” që udhëhiqet nga Forcat e Armatosura të Republikës së Turqisë ( FART).

FSK-ja njofton se Ushtrimi Fushor “Winter EX 2025” është një aktivitet shumëpalësh me pjesëmarrje të gjerë nga vendet partnere, agjencitë e sigurisë, organizatat qeveritare dhe joqeveritare të Turqisë, e që fokus ka aspektin operacional dhe taktik në kushte të motit ekstrem dhe brenda kufijve territorial të Turqisë.

Pjesëmarrja e FSK-së, në ushtrim ka për qëllim ngritjen dhe avancimin e kapaciteteve operacionale dhe profesionale të njësive , si dhe ngritjen e ndërveprueshmërisë në operacionet e përbashkëta me partnerët.

Continue Reading

Lajmet

Delegacioni presidencial pjesëmarrës në inaugurimin e Presidentit të 47-të të SHBA-ve

Published

33 minutes ago

on

January 22, 2025

By

Delegacioni presidencial ka marr pjesë në aktivitetet e organizuara me rastin e inaugurimit të Presidentit të 47-të, të SHBA-ve, Donald Trump.

Një delegacion presidencial, i përbërë nga Learta Hollaj, Shefe e Stafit të Presidentes, dhe Rejhan Vuniqi, Këshilltare për Politikë të Jashtme, të shoqëruar nga Ambasadori i Republikës së Kosovës në SHBA, Ilir Dugolli, ka marrë pjesë në aktivitetet e organizuara për nder të inaugurimit të Presidentit të 47-të, të Shteteve të Bashkuara të Amerikës, Donald Trump.

Nga Presidenca njoftohet se gjatë këtyre ditëve, ata kanë marrë pjesë në ceremoninë e betimit të Presidentit Trump në Capitol Hill, Tubimin e mbajtur para ceremonisë së betimit në Capital One Arena, Ballon e Komandantit Suprem; Ballon Presidenciale “The Liberty Ball”, Ballon “Black Tie and Boots”, të organizuar nga Texas State Society, Midwest Galla, pritjen e organzuar nga Dr. Miriam Adelson, Tilman Fertitta, Sylvie Legere & Todd Ricketts e Mark Zuckerberg, si dhe në Shërbesën e Lutjeve Kombëtare në Washington National Cathedral.

Me këtë rast, ata kanë pasur mundësinë të takohen me një sërë zyrtarësh të lartë, senatorë dhe kongresistë, si dhe këshilltarë dhe persona me ndikim nga bota e biznesit dhe sfera të tjera të interesit.

Gjatë këtyre aktiviteteve, ata kanë pasur mundësinë të bisedojnë me: Kryetarin e Dhomës së Përfaqësuesve në Kongresin amerikan, Mike Johnson; të nominuarin e Presidentit Trump për Drejtor të CIA-s, John Ratcliffe; Kongresistin dhe Kryesuesin e nënkomitetit për Evropë në Komitetin për Politika të Jashtme të Dhomës së Përfaqësuesve të SHBA-ve, Keith Self; Kongresistin Chip Roy; Kongresistin Ronny Jackson; Senatorin John Cornyn, Kongresistin Ted Cruz; Guvernatorin e Teksasit, Greg Abbott; Guvernatoren e Iowa, Kim Reynolds; Ambasodorin e nominuar të Presidentit Trump në NATO, Matt Whitaker; Zëvendës Guvernatorin e Teksasit, Dan Patrick; Prokurorin e Përgjithshëm të Teksasit, Ken Paxton; ish-Sekretarin e Përgjithshëm të NATO-s, Jens Stoltenberg; Senatoren e Teksasit, Angela Paxton; Këshilltarin lokal, Gino Mulliqi; dhe ish-Kongresistin Jack Fields, si dhe përfaqësues të shumtë të mërgatës.

Në të gjitha këto takime, janë përcjellë urimet më të mira për Presidentin Trump dhe administratën e re në emër të Presidentes Osmani dhe qytetarëve të Kosovës, duke konfirmuar angazhimin e Republikës së Kosovës për avancimin e mëtejshëm dhe të vazhdueshëm të raporteve bilaterale. Në bisedat me zyrtarët amerikanë është theksuar gjithashtu rëndësia e vizitave të ndërsjella, si dhe rëndësia e bashkëpunimit me qëllim të avancimit dhe ruajtjes së sigurisë në rajon dhe përtej.

Continue Reading

Lajmet

Lajçak: Marrëveshja e Ohrit hapi rrugën drejt normalizimit të raporteve Kosovë – Serbi

Published

46 minutes ago

on

January 22, 2025

By

Miroslav Lajçak, emisari i Bashkimit Europian për dialogun, ka folur për takimin që zhvilloi dje me presidentin serb, Aleksandar Vuçiç, në kuadër të përpjekjeve për të përshpejtuar procesin e dialogut ndërmjet Kosovës dhe Serbisë.

Në një postim në platformën X, Lajçak theksoi rëndësinë e Marrëveshjes së Ohrit të vitit 2023, e cila, sipas tij, ka hapur një rrugë të re për normalizimin e marrëdhënieve ndërmjet dy vendeve. “Theksova se Marrëveshja e Ohrit e vitit 2023 hapi rrugën përpara drejt normalizimit”, shkruajti ai, duke theksuar se avancimi në këtë drejtim është jetik për të ardhmen e dy vendeve dhe të gjithë rajonit.

Lajçak shtoi se progresi i mëtejshëm është në interes të Kosovës, Serbisë dhe të ardhmes së tyre, duke i bërë thirrje të dyja palëve të vazhdojnë përpjekjet për të arritur një marrëveshje përfundimtare që do të kontribuonte në stabilitetin dhe paqen në Ballkanin Perëndimor./UBTNews/

Continue Reading

Të kërkuara