Lajmet

​Rama: Mbështes qind për qind Qeverinë e Kosovës

Kryeministri shqiptar ka theksuar se Kosova duhet të jetë shumë e angazhuar në dialogun me Serbinë.

Published

4 years ago

on

Kryeministri i Shqipërisë, Edi Rama duke folur për situatën aktuale në veri të Kosovës ka thënë se e mbështet Kosovën qind për qind në kërkesat e saj për zbatim të vendimit për reciprocitet me Serbinë për letërnjoftime dhe targa.

Ndërsa kryeministri spanjoll, Pedro Sanchez ka dhënë mbështetjen e Spanjës në integrimin e Ballkanit Perëndimor në BE.

Sipas Ramës, zgjidhja qëndron vetëm tek dialogu duke shtuar Kosova nuk mund të bëhet pjese e NATO-s apo organizatave të tjera pa zgjidhur mosmarrëveshjet që ekzistojnë.

“Mbështes qind për qind Qeverinë e Kosovës dhe i mbështes qind për qind autoritetet në Kosovë që kërkojnë që marrëveshja të zbatohet. Nuk kam asnjë dilemë për këtë, ashtu sikundër e përgëzoj kryeministrin e Kosovës, i përgëzoj autoritetet në Kosovë për sensin e vetëpërmbajtjes dhe për dëgjimin e aleatëve që sugjeruan një shtyrje 30 ditore jo për të ndryshuar marrëveshjen por për t’i dhënë kohë kohës dhe për të sqaruar nëse ka nevojë të sqarohet çfarëdo qoftë në mënyrë që kur marrëveshja të hyjë në fuqi të mos ketë probleme të kësaj natyre”, ka thënë ai.

Rama ka folur në një konferencë për media me kryeministrin spanjoll, ku ka thënë se situata të tilla si ajo në veri të Kosovës tregojnë që Kosova duhet të ulet në tryezën e Ballkanit të Hapur.

“Këto situata nuk tregojnë që Ballkani i Hapur është i panevojshëm apo është i gabuar, këto situata nuk tregojnë që qasja jonë ndaj Serbisë dhe politika e afrimit e dialogut, e ndërtimit të paqes është e panevojshme është e gabuar, këto situata tregojnë pikërisht pse ne kemi nevojë për këtë, këto situata tregojnë pikërisht pse duhet Ballkani i Hapur, këto situata tregojnë pikërisht pse Kosova duhet të vijë të ulet në tryezën e Ballkanit të Hapur”, ka shtuar ai.

Kryeministri shqiptar ka theksuar se Kosova duhet të jetë shumë e angazhuar në dialogun me Serbinë, ta kërkojë atë edhe nëse Serbia e refuzon.

“Kosova duhet të jetë shumë e angazhuar në dialogun me Serbinë, edhe sikur Serbia të mos dojë, Kosova duhet të kërkojë dialogun pa pushim, kjo është arsyeja që bashkëpunimi me aleatët strategjikë është domosdoshmëri dhe mbi të gjitha pa atë dialog dhe pa njohjen reciproke strategjiket e ardhmja nuk është aq e ndritur sa mund të ishte. E përmenda rasti ne NATO-s ju flisni për organizata të tjera por si do të ndodhi kjo nëse aleanca me perëndimin nuk është e konsoliduar qind për qind, çfarë do e bëjë Spanjën ose vendete tjera të ndryshojnë mendim, vetëm thellimi i dialogut dhe arritja e një zgjidhje me armiku ne deridjeshëm, me armiqtë bëhet paqja nuk bëhet me miqtë, me armiqtë bëhet sherri, paqja bëhët me armiqtë”, ka thënë Rama.

Ndërsa kryeministri spanjoll, Pedro Sanchez është pyetur rreth mosnjohjes së Pavarësisë së Kosovës nga Spanja.

“Ne mendojmë që është një deklaratë e njëanshme për pavarësi, ky është opinion i qeverisë spanjolle me gjithë respektin që kam për opinionin e qeverisë shqiptare por ne mendojmë që është shkelur e drejta ndërkombëtare, prandaj nuk mund të jemi në favor të këtij pranimi dhe këtë e themi me gjithë respektin që kemi për popullin shqiptar, pra është diçka që neve nuk e ndajmë, është një opinion që nuk e ndajmë me qeverinë shqiptare, por kjo nuk tregon që në kuadrin evropian të mos jemi në përkrahje të punës së përfaqësuesve tuaj dhe nuk do të thotë që ne nuk e nxisim dialogun me Prishtinën për tu afruar me Bashkimin Evropian. Ky është pozicioni i qeverisë së Spanjës”, ka thënë ai.

Ai ka shtuar se Shqipëria do të ketë mbështetjen e Spanjës në rrugën e saj krejt BE-së, sikurse edhe vendet e tjera të Ballkanit Perëndimor.

“Shqipëria ka pasur dhe do të ketë mbështetjen në rrugën e saj drejt Bashkimit Evropian, dhe gjithashtu neve përkrahim edhe integrimin e gjithë Ballkanit Perëndimor në Bashkimin Evropian, pikërisht Shqiptaria është një nga vendet kryesore që është në këtë rrugë“, ka thënë ai.

Related Topics:
Continue Reading

Vendi

Edhe sonte protestë në Prishtinë, dita e tetë

Published

5 hours ago

on

September 23, 2026

By

Protestat në Prishtinë do të vazhdojnë edhe sonte, duke shënuar ditën e tetë radhazi.

Qytetarët pritet të mblidhen në orën 21:00 në sheshin “Skënderbeu”, në kundërshtim me vendimin e Dhomave të Specializuara në Hagë ndaj ish-krerëve të UÇK-së.

Protestat kanë nisur pas vendimit të 16 shtatorit dhe kanë vazhduar çdo ditë në Prishtinë./A.K/

Continue Reading

Vendi

Profesoreshat e UBT-së, Blertë Zylfiu-Latifi dhe Miranda Sejdiu-Abazi, publikojnë studim të ri shkencor në bashkëpunim ndërkombëtar

Published

6 hours ago

on

September 23, 2026

By

Në kuadër të avancimit të kërkimit shkencor dhe bashkëpunimit ndërkombëtar, profesoreshat e Fakultetit të Stomatologjisë në UBT, Dr. Blertë Zylfiu-Latifi si autore e parë dhe Dr. Miranda Sejdiu-Abazi si autore korrespondente, kanë publikuar një studim të ri hulumtues në fushën e ortodoncisë. Ky punim shkencor është realizuar në partneritet me studiues nga Departamenti i Ortodoncisë dhe Antropologjisë Dentare i Universitetit të Zagrebit, si dhe me profesionistë të stomatologjisë nga Gjermania.

Punimi me titull “Tooth Crown Dimensions among Angle Occlusion Classes in Kosovar Adolescents” është publikuar si artikull origjinal në revistën ndërkombëtare Acta Stomatologica Croatica (Vol. 60, Nr. 3, 2026, fq. 289–301). Ky organ shkencor është i indeksuar në platformat më prestigjioze globale si Scopus, PubMed dhe Web of Science Core Collection (ESCI), duke mbajtur Faktor Ndikimi (Impact Factor) 1.8 në JCR dhe 1.9 në SJR. Autorët e këtij studimi janë Blertë Zylfiu-Latifi, Senka Meštrović, Jelena Dumančić, Miranda Sejdiu-Abazi dhe Fatbardha Mustafa.

Hulumtimi është shtrirë në shtatë qytete kryesore të Kosovës – Prishtinë, Prizren, Pejë, Gjakovë, Mitrovicë, Ferizaj dhe Gjilan – ku janë përfshirë 400 adoleshentë të moshës 13 deri në 19 vjeç. Pjesëmarrësit janë kategorizuar sipas klasave I, II dhe III të okluzionit sipas Angle, me qëllim që të analizohet lidhja mes këtyre klasave dhe dimensioneve të kurorave të dhëmbëve permanentë.

Përmes një analize multidimensionale të dimensioneve meziodistale, bukolinguale, cervikoincizale dhe diagonale, studimi nxori në pah se ekzistojnë dallime të dukshme ndërmjet klasave të okluzionit, sidomos në dimensionet meziodistale dhe cervikoincizale. Në anën tjetër, dimensionet bukolinguale shfaqën një shkallë më të ulët të variacionit.

Kontributi kryesor i këtij hulumtimi qëndron në përcaktimin e vlerave të para referente specifike për popullatën e adoleshentëve kosovarë. Këto të dhëna do të shërbejnë si një bazë e rëndësishme për përmirësimin e saktësisë në diagnostikimin ortodontik, analizën e hapësirës dhe planifikimin e trajtimeve klinike në Kosovë. Ky publikim dëshmon angazhimin e vazhdueshëm të UBT-së për zhvillimin e kërkimit shkencor me standarde të larta ndërkombëtare.

Punimi është publikuar me Open Access dhe mban DOI-në 10.15644/asc60/3/3.

 

 

 

 

Continue Reading

Vendi

Vendimi i Kushtetueses: Zgjedhja e Qeverisë është kushtetuese, Presidenti duhet të zgjidhet deri më 6 tetor

Published

6 hours ago

on

September 23, 2026

By

Gjykata Kushtetuese e Republikës së Kosovës ka shpallur aktgjykimin lidhur me kërkesat e, të parashtruara nga deputeti Arian Tahiri dhe deputetë të tjerë të Kuvendit, duke konfirmuar kushtetutshmërinë e zgjedhjes së Qeverisë së re, ndërsa ka përcaktuar afate strikte për zgjedhjen e Presidentit të Republikës.

Në vendimin e marrë me vota unanime më 23 shtator 2026, Gjykata Kushtetuese ka konstatuar se zgjedhja e ekzekutivit është kryer në përputhje me aktin më të lartë juridik të vendit.

“Vendimi [Nr. 11-V-007] i 13 shtatorit 2026 i Kuvendit të Republikës së Kosovës për zgjedhjen e Qeverisë së Republikës së Kosovës nuk është në kundërshtim me nenin 95 [Zgjedhja e Qeverisë] të Kushtetutës së Republikës së Kosovës”, thuhet në aktgjykimit.

Pavarësisht legjitimimit të Qeverisë, Gjykata vërejti se Kuvendi është konstituuar pas kalimit të afatit të paraparë 30-ditor (Neni 66, paragrafi 1), gjë që automatikisht ka vënë në lëvizje afatet kushtetuese për postin vakant të Presidentit.

Lidhur me këtë proces sovran, Kushtetuesja ka caktuar një datë të prerë për përmbylljen e tij:

“Afati gjashtëdhjetë (60) ditor për zgjedhjen e Presidentit të Republikës së Kosovës, sipas nënparagrafit 3, paragrafit 1 të nenit 82 [Shpërndarja e Kuvendit] të Kushtetutës së Republikës së Kosovës ka filluar më 8 gusht 2026 dhe përfundon më 6 tetor 2026”, nënvizon Gjykata në pikën VI.

Gjithashtu, aktgjykimi i obligon deputetët e Kuvendit të Kosovës që sa më parë të zgjedhin Nënkryetarin e Kuvendit nga radhët e grupit të dytë më të madh parlamentar, në përputhje me nenin 67 të Kushtetutës. Kërkesa e parashtruesve për caktimin e masës së përkohshme është refuzuar, ndërsa vendimi hyn në fuqi menjëherë në ditën e publikimit zyrtar. /E.A/

 

Continue Reading

Lajmet

Donjeta Sadiku siguron medalje evropiane në boks

Published

8 hours ago

on

September 23, 2026

By

Boksierja e Kosovës, Donjeta Sadiku, ka arritur një tjetër sukses të madh ndërkombëtar duke siguruar medalje në Kampionatin Evropian të Boksit.

Në ndeshjen çerekfinale të kategorisë deri në 60 kilogramë, Sadiku dominoi tërësisht përballjen ndaj boksieres nga Holanda, Maud van der Toorn, duke e mposhtur me rezultatin e pastër 5:0 me vendim të njëpërfshishëm të gjyqtarëve.

Me këtë fitore, boksierja kosovare ka siguruar të paktën medaljen e bronztë evropiane, ndërsa synon ngjitjen në majën e podiumit.Në gjysmëfinale, Donjeta Sadiku do të përballet me garuesen që përfaqëson Serbinë, rusen Kristina Kuluhova. Kjo do të jetë një përballje e njohur për kosovaren, e cila e kishte mposhtur Kuluhovën në finalen e Lojërave Mesdhetare “Taranto 2026”.

 

Continue Reading

Të kërkuara