Lajmet

​Rama: Këtë sezon është e palejueshme të kemi probleme të pritjes në kufi

Ai ka folur edhe për projektin e portit të Durrësit.

Publikuar

2 vjet më parë

më

Kryeministri i Shqipërisë, Edi Rama ka thënë se problemet e deritanishme të pritjes në kufi nuk duhet të përsëritën këtë sezon vere. Gjatë fjalimit të tij në mbledhjen e përbashkët të dy qeverive, Rama ka propozuar edhe mbajtjen e një Kuvendi të përbashkët të Kosovës dhe Shqipërisë për shënimin e 110-vjetorit të ngritjes së flamurit shqiptar.

Rama ka thënë se janë të pajustifikueshme kontrollet një për një të veturave që udhëtojnë drejt Shqipërisë gjatë sezonit turistik veror.

“Dua t’i kujtoj ministrat e brendshëm të pranishëm këtu se kemi një protokoll të nënshkruar në prill 2019 në Morinë, që shërben si udhëzues shumë i qartë për kalimin praktik të kufirit. Besoj që kryeministri është dakord me mua që në këtë sezon është e palejueshme dhe e pajustifikueshme që të kemi më probleme të natyrës që kemi pasur deri vjet, dhe radha të pafundme për shkak të kontrolleve një për një makinave që vinë drejt Shqipërisë”, ka thënë Rama.

Ai ka folur edhe për projektin e portit të Durrësit, për çka ka thënë se është me rëndësi strategjike ku ka të integruar edhe hekurudhën Durrës-Prishtinë.

“Kemi ardhur me përfaqësues të kompanisë globale për të prezantuar studimin e portit të Durrësit, i cili faktikisht shtrihet nga Durrësi në Prishtinë, me portin pritës në Durrës dhe me portin e Thatë të Prishtinës, çka përbën një projekt me rëndësi strategjike i cili ka brenda të integruar edhe hekurudhën Durrës-Prishtinë për të cilën ne kemi filluar punën konkretisht me studimin përkatës bashkërisht dhe besojmë që duke e shtyrë bashkërisht këtë projekt të madh të portit të ri me portin e thatë të Prishtinës dhe portin e Durrësit të integruar me hekurudhën dhe me portin ushtarak bazë të ANTO-s të re, në mesdhe në Durrës, gjë për të cilën ne kemi filluar kontaktet me NATO-n, jemi në një situatë tërësisht tjetër për 19 vjetarët e ardhshëm”, ka thënë Rama.

Mbledhja e përbashkët në mes të Qeverisë së Kosovës dhe asaj të Shqipërisë sivjet po mbahet në Prishtinë nën llogon “Të përbashkuar”. Por sipas Ramës, kjo merr më shumë kuptim me organizmin e një Kuvendi të përbashkët, me deputetët e parlamenteve nga të dy anët e kufirit.

“Dhe e fundit kryeministër, sepse në pjesën tjetër të optimizmit që kthehet në entuziazëm e ke merak vet, në funksion të optimizmit që kthehet në entuziazëm unë do të propozoja që duke qenë se jemi në 110 vjetorin e pavarësisë së Shqipërisë dhe ngritjes së flamurit të pavarur të Shqipërisë, ne të kishim në nëntor të parin Kuvend të përbashkët, me të dyja parlamentet e mbledhura në një dhomë ku na u dha mundësia dhe po ra dakord të na jepet edhe në të dyve privilegji të adresojmë në këtë dhomë të përbashkët të kuvendit. Nëse bashkërisht arrijmë të bindim të dy kryesitë e kuvendeve që të kemi këtë kuvend të përbashkët, atëherë japim mesazhin për të gjithë ata që lexojnë sloganet e mbledhjeve që këto nuk janë slogane bosh”, ka thënë ai.

Rama ndër të tjera ka thënë se volumi i shkëmbimeve tregtare në mes të dy vendeve është rritur nga 160 milionë në 433 milionë euro. Ai gjithashtu ka thënë se në Shqipëri rezultojnë të regjistruara 1 mijë e 225 subjekte biznesi nga Kosova, 1 mijë e 81 prej të cilave janë pronësi qind për qind e subjekteve të këtushme, ndërkohë të tjerat pronësi e përbashkët me partnerë në Shqipëri.

Rama ka thënë se investimet e Kosovës në Shqipëri në vitin 2017, ishin 9 milionë euro, ndërsa në vitin 2021, 139 milionë euro.

Etiketa
Vazhdo të lexosh

Lajmet

​Kapet sërish armatimi në veri, Sveçla: Po i largojmë mbetjet kriminale të Serbisë në Kosovë

Publikuar

16 orë më parë

më

13 Qershor, 2024

nga

Ministri i Punëve të Brendshme, Xhelal Sveçla ka theksuar se institucionet po punojnë me sukses në çrrënjosjen e krimit dhe largimin e mbetjeve kriminale të Serbisë në Kosovë.

Komentet e ministrit Sveçla vijnë pas sekuestrimit të armëve dhe mjeteve të eksplozivëve si granatë dore, armë e gjatë, municion, radiolidhje, antiplumba e pajisje teknologjike sot nga Policia e Kosovës gjatë bastisjes në një lokacion në Uglar të Zubin Potokut.

Ministri Sveçla ka bërë të ditur se personi tek i cili janë gjetur këto armë e pajisje është arrestuar dhe lënda është proceduar në prokurori.

“Asnjë kompromis ndaj krimit, individëve apo grupeve që cenojnë sigurinë e vendit tonë dhe qytetarëve tanë. Nuk do të ndalemi së punuari në mbrojtje të interesave tona shtetërore, siguri ndaj vendit e qytetarëve tanë, sundim të rendit dhe ligjit në çdo cep të Republikës sonë”, ka shkruar Sveçla në Facebook.

Vazhdo të lexosh

Lajmet

120 milionë njerëz zhvendosen si pasojë e luftërave

Publikuar

16 orë më parë

më

13 Qershor, 2024

nga

120 milionë njerëz u detyruan të braktisin shtëpitë e tyre globalisht për shkak të luftës, dhunës dhe persekutimit. Për të 12-tin vit radhazi numri është rritur, njoftoi agjencia e OKB-së për refugjatët.

Sipas agjencisë, popullsia globale e zhvendosur aktualisht është e barabartë me atë të Japonisë.

Konfliktet e reja në Sudan dhe Gaza kontribuan në rritjen, të cilën shefi i agjencisë së refugjatëve të OKB-së, Filippo Grandi e quajti një “akuzë të tmerrshme për gjendjen e botës”. Ai u bëri thirrje qeverive që të trajtojnë shkaqet rrënjësore të problemit, në vend që të politizojnë refugjatët dhe të kthehen në zgjidhje të shpejta si mbyllja e kufijve, të cilat ai tha se nuk do ta zgjidhin problemin. Gjithashtu u kërkoi shteteve që të punojnë bashkarisht për zgjidhje më të qëndrueshme.

Sipas raportit vjetor të agjencisë, krizat e reja dhe të vjetra rritën numrin e refugjatëve në nivel global që nga prilli i vitit 2024.

Në Sudan, lufta që filloi midis gjeneralëve rivalë në prill të vitit 2023, solli dëbimin e mbi nëntë milionë njerëzve nga shtëpitë e tyre.

Në Gaza, lufta midis Izraelit dhe Hamasit ka zhvendosur rreth 75% të popullsisë – 1.7 milion njerëz – që nga muaji tetor./UBTNews/

Vazhdo të lexosh

Lajmet

ATK-ja, pjesëmarrëse në takimin vjetor koordinues në Vjenë

Publikuar

17 orë më parë

më

13 Qershor, 2024

nga

Më datë 12 dhe 13 qershor drejtori i Përgjithshëm i ATK-së, Ilir Murtezaj ka marr pjesë në takimin vjetor koordinues në Vjenë, i organizuar nga Departamenti për Çështje Fiskale DÇF – Fondi Monetar Ndërkombëtar FMN, Drejtoria e Përgjithshme e KE-së për Fqinjësi dhe Negociata të Zgjerimit (DG NEAR) si dhe SECO.

Ky takim zhvillohet ndërmjet vendeve përfituese, partnerëve zhvillimorë dhe FMN-së i cili është komponent kyç për koordinimin e përpjekjeve për reformë, dhe është një mundësi e mirë për përfituesit e programit të zhvillimit të kapaciteteve për të ndarë përvojat dhe sfidat e tyre në zbatimin e reformave fiskale dhe për të diskutuar për prioritetet e tyre reformuese për të ardhmen, përcjell Klankosova.tv.

Qëllimi i këtij takimi është diskutimi mbi progresin në zbatimin e programit të fazës tretë të reformave fiskale në Evropën Juglindore 2023-2026, të kuptohen më mirë perspektivat e autoriteteve mbi përpjekjet dhe prioritetet e reformës për të informuar mbështetjen e zhvillimit të kapaciteteve.

Departamenti për Çështje Fiskale i FMN-sё ka përgatitur dhe prezantuar dokumentin krahasues rajonal mbi çështjet me interes rajonal, për të paraqitur kontekstin për ndërhyrjet e autoriteteve nga vendet pjesëmarrëse.

Murtezaj gjatë fjalës së tij ka falënderuar FMN dhe partnerët zhvillimor për mundësinë e ofruar dhe kontributin e dhënë deri më tani, si dhe ka kërkuar përkrahjen e mëtutjeshme për reforma në ATK.

Vazhdo të lexosh

Bota

Gjykata Evropiane e Drejtësisë gjobit Hungarinë me 200 milionë euro për politikat e azilit

Publikuar

17 orë më parë

më

13 Qershor, 2024

nga

”European Court of Justice” (EJC) apo Gjykata Evropiane e Drejtësisë ka urdhëruar Hungarinë të paguajë një gjobë prej 200 milionë eurosh (216 milionë dollarë) dhe një milion euro shtesë në ditë për moszbatimin e vendimeve të mëparshme që synonin ndryshimin e politikave të saj të azilit.

Vendimi vjen pas një vendimi të mëparshëm të gjykatës në dhjetor 2020 në lidhje me procedurat për dhënien e mbrojtjes ndërkombëtare dhe riatdhesimin e shtetasve të vendeve të treta.

Sipas një njoftimi për shtyp nga gjykata, ”moszbatimi i këtij vendimi përbën një shkelje të paprecedentë dhe jashtëzakonisht të rëndë të ligjit të BE-së”.

Gjyqtarët vendosën se ”Hungaria nuk ka marrë masat e nevojshme për të respektuar vendimin e vitit 2020 në lidhje me aksesin në procedurën e mbrojtjes ndërkombëtare, të drejtën e aplikantëve për mbrojtje ndërkombëtare për të qëndruar në Hungari në pritje të vendimit përfundimtar mbi ankesën e tyre kundër refuzimit të kërkesës së tyre dhe largimin e shtetasve të vendeve të treta me qëndrim të paligjshëm”./UBTNews/

Vazhdo të lexosh

Të kërkuara